ದೂರದೂರಿನಿಂದ ಗುರುಗ್ರಾಮ್‌ಗೆ ಬಂದಿದ್ದ ಪ್ಯಾಷನ್ ಡಿಸೈನರ್ ಒಬ್ಬಳು ಹದಿನಾಲಕ್ಕನೇ ಮಹಡಿಯಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಗುರುಗ್ರಾಮ್‌ನಲ್ಲಿ ನಡೆದಿದೆ. ಗುರುಗ್ರಾಮ್‌ನ ಫರಿದಾಬಾದ್ ರಸ್ತೆಯಲ್ಲಿರುವ ಗ್ವಾಲ್ ಪಹಾರಿಯಾ ವ್ಯಾಲಿ ವ್ಯೂ ಪ್ಲಾಟಿನಲ್ಲಿ ವಾಸವಿದ್ದ ಇಪ್ಪತೈದು ವರ್ಷದ ಫ್ಯಾಶನ್ ಡಿಸೈನರ್ ಚಾರು ಖುರಾನಾ ಆತ್ಮಹತ್ಯೆ ಮಾಡಿಕೊಂಡಿರುವಾಕೆ.
ಸೋಮವಾರ ರಾತ್ರಿ ಒಂಭತ್ತೂವರೆಯ ಸುಮಾರಿಗೆ ಚಾರು ಹದಿನಾಲಕ್ಕನೇ ಮಹಡಿಯಿಂದ ಜಿಗಿದಾಗ ಆಸುಪಾಸಿನ ಮಂದಿ ಕಂಗಾಲಾಗಿ ಸುತ್ತ ನೆರೆದದಿದ್ದರು. ಅದರಲ್ಲೊಂದಷ್ಟು ಮಂದಿ ಹತ್ತಿರದ ಪೊಲೀಸ್ ಠಾಣೆಗೆ ವಿಷಯ ಮುಟ್ಟಿಸಿದ್ದರು. ತಕ್ಷಣವೇ ಸ್ಥಳಕ್ಕಾಗಮಿಸಿದ್ದ ಪೊಲೀಸರು ಆಕೆಯನ್ನು ಆಸ್ಪತ್ರೆಗೆ ಸಾಗಿಸಿದರಾದರೂ ಅದಾಗಲೇ ಚಾರು ಅಸನೀಗಿದ್ದಳು.
ಆದರೆ ಸ್ಥಳ ಪರಿಶೀಲನೆ ನಡೆಸಿದರೂ ಕೂಡಾ ಪೊಲೀಸರಿಗೆ ಡೆತ್ ನೋಟ್ ಸೇರಿದಂತೆ ಯಾವ ಮಾಹಿತಿಯೂ ಸಿಕ್ಕಿಲ್ಲ. ಗುರುಗ್ರಾಮ್‌ಗೆ ಆಗಮಿಸಿದ ಪೋಶಕರೂ ಕೂಡಾ ಆ ಆತ್ಮಹತ್ಯೆಯ ಬಗ್ಗೆ ಬೇರ‍್ಯಾವ ಮಾತುಗಳನ್ನೂ ಆಡಿಲ್ಲ. ಈ ಕಾರಣಂದಿಂದ ಪೋಸ್ಟ್ ಮಾರ್ಟಮ್ ನಡೆಸಿದ ಬಳಿಕ ಪೊಲೀಸರು ಶವವನ್ನು ಪೋಶಕರಿಗೆ ಒಪ್ಪಿಸಿದ್ದಾರೆ. ಮೇಲುನೋಟಕ್ಕೆ ಇದೊಂದು ಆತ್ಮಹತ್ಯೆಯಂತೆ ಕಾಣಿಸುತ್ತಿದೆ. ಅದರ ಹಿಂದೆ ಬೇರೆ ಏನಾದರೂ ಕಿಸುರಿರಬಹುದಾ ಎಂಬ ಅನುಮಾನ ಸ್ಥಳೀಯರಲ್ಲಿದೆ.