live bridges: ನಮ್ಮ ಕಣ್ಣು, ಕೈಯಳತೆಯಲ್ಲಿರೋದರ ಬಗ್ಗೆ ನಮ್ಮಲ್ಲೊಂದು ಸದರವಾದ ಭಾವನೆ ಇರುತ್ತೆ. ಅದು ಮನುಷ್ಯ ಸಹಜವಾದ ಗುಣ ಇದ್ದಿರಬಹುದೇನೋ. ಏನಾದರೂ ಸುಂದರವಾದ ಸ್ಥಳಗಳು, ಕುತೂಹಲ ಕರವಾದ ಅಂಶಗಳೆದುರಾದರೆ ಅವೆಲ್ಲ ಯಾವುದೋ ಬೇರೆ ದೇಶದ್ದಿರಬಹುದೆಂದೇ ಅಂದುಕೊಳ್ಳುತ್ತೇವೆ. ಆದರೆ ನಾವು ಸಾಮಾಜಿಕ ಜಾಲತಾಣಗಳಲ್ಲಿಯೋ, ಇತರೇ ಮೂಲಗಳಿಂದಲೇ ಕಣ್ತುಂಬಿಕೊಳ್ಳುವ ಅದೆಷ್ಟೋ ವೈಶಿಷ್ಟ್ಯಗಳು ನಮ್ಮ ಸುತ್ತಲಿನದ್ದೇ ಆಗಿರುತ್ತದೆ ಅನ್ನೋದು ನಿಜವಾದ ಮಜದ ಸಂಗತಿ.

ಜೀವಂತ ಮರದ ಬೇರುಗಳಿಂದಲೇ ರಚನೆಯಾದ ಮೋಹಕ ಸೇತುವೆಗಳನ್ನು ಆಗಾಗ ನೋಡುತ್ತಿರುತ್ತೇವೆ. ಅವುಗಳ ರಚನೆ ಎಂಥವರನ್ನೂ ಅರೆಕ್ಷಣ ಸೆಳೆದುಕೊಂಡು ಅದರ ಸುತ್ತಲೇ ಆಲೋಚನೆಗೆ ಹಚ್ಚುವಂತಿರುತ್ತವೆ. ನಿಖರವಾಗಿ ಹೇಳಬೇಕಂದ್ರೆ ಅಂಥಾ ಸಜೀವ ಪ್ರಾಕೃತಿಕ ಸೇತುವೆಗಳಿರೋದು ನಮ್ಮದೇ ನೆಲವಾದ ಚಿರಾಪುಂಜಿಯಲ್ಲಿ!

ಚಿರಾಪುಂಜಿ ಸದಾ ಮಳೆಯಿಂದಲೇ ಮಾಘಸ್ನಾನ ಮಾಡಿಸಿಕೊಳ್ಳುವ ಪ್ರದೇಶ. ಅದಕ್ಕೆ ಅತೀ ಹೆಚ್ಚು ಮಳೆ ಬೀಳುವ ಪ್ರದೇಶವೆಂಬ ಹೆಗ್ಗಳಿಕೆಯೂ ಇದೆ. ಹೀಗೆ ಮಳೆ ಬೀಳೋದರಿಂದಲೇ ಈ ಪ್ರದೇಶದಲ್ಲಿ ಅಗಾಧವಾದ ಸಸ್ಯರಾಶಿಗಳಿ, ಯಾವ ಕಾಲಕ್ಕೂ ಬತ್ತದ ಜೀವತೊರೆಗಳಿವೆ. ಅಂಥಾ ತೊರೆಗಳ ಸಮೀಪ ಎರಡು ಪ್ರದೇಶಗಳನ್ನು ಎರಡೂ ಬಸಿಯ ಮರದ ಬೇರುಗಳೇ ಸೇತುವೆಯಂತೆ ಹೊಸೆದುಕೊಂಡು ಬೆಸೆದಿರುತ್ತವೆ. ಅದರ ರಚನೆ ಆಧುನಿಕ ಸೇತುವೆಗಳಿಗೇ ಸವಾಲೆಸೆಯುವಂತಿರುತ್ತವೆ.

The post live bridges: ಜೀವಂತ ಬೇರುಗಳಿಂದಾದ ಸುಂದರ ಸೇತುವೆಗಳ ರಹಸ್ಯ! appeared first on ಶೋಧ ನ್ಯೂಸ್ - Shodha News.

bhangarh fort: ವೈಜ್ಞಾನಿಕ (scintific) ಭೂಮಿಕೆಯಲ್ಲಿ ಆಲೋಚಿಸುವವರ ಪಾಲಿಗೆ ಈ ದೆವ್ವ ಭೂತಗಳೆಲ್ಲವೂ (ghost) ಒಂದು ಭ್ರಮೆ. ಅದರ ಆಚೀಚೆಗೆ ಇರೋದು ಬರೀ ಮಿಥ್ಯ ಮಾತ್ರ. ಆದ್ದರಿಂದ ಅದರ ಬಗ್ಗೆ ಹುಡುಕಾಡೋದಕ್ಕೆ ಏನೆಂದರೆ ಏನೂ ಉಳಿದುಕೊಂಡಿಲ್ಲ. ಒಂದೊಂದು ಪ್ರದೇಶಗಳ ರಚನೆ ಮತ್ತು ಅದು ಹುಟ್ಟಿಸೋ ಭೀತ ಭಾವನೆಗಳೇ ದೆವ್ವ-ಭೂತಗಳೆಂಬೋ (ghost) ಕಲ್ಪನೆಯ ಮೂಲ ಅನ್ನೋದು ವಿಚಾರವಂತರ ಅಭಿಮತ. ಆದರೆ, ಇಂಥಾ ಸಥ್ಯದಾಚೆಗೂ ಈ ಸಮಾಜದಲ್ಲಿ ಒಂದಷ್ಟು ನಂಬಿಕೆಗಳು ಹಾಸು ಹೊಕ್ಕಾಗಿವೆ. ಕೆಲ ಪ್ರದೇಶಗಳು ಈವತ್ತಿಗೂ ಭೂತ ಪ್ರೇತಗಳ ಆವಾಸ ಸ್ಥಾನಗಳಾಗಿ ಬಿಂಬಿಸಲ್ಪಟ್ಟಿವೆ. ಈ ಕ್ಷಣಕ್ಕೂ ಐತಿಹಾಸಿಕ ಕೋಟೆಯೊಂದು (ghost fort} ದೆವ್ವಗಳ ಆವಾಸ ಸ್ಥಾನದಂತಾಗಿ ಜನರಲ್ಲೊಂದು ಖಾಯಂ ಭಯವನ್ನ ಬಿತ್ತಿ ಬಿಟ್ಟಿದೆ.

ರಾಜಸ್ಥಾನದ ಪರ್ವತ ಶ್ರೇಣಿಗಳ ತಪ್ಪಲಿನಲ್ಲಿ ಮೈಚಾಚಿಕೊಂಡಿರೋ ಒಂದು ಕೋಟೆಗೂ ಕೂಡಾ ಅಂಥಾದ್ದೇ ಭೀಕರ ಚರ್ಯೆಯೊಂದು ಅಂಟಿಕೊಂಡಿದೆ. ಈ ಕೋಟೆಯಿರೋದು ರಾಜಸ್ಥಾನದ ಅಲ್ವಾರ್ ಜಿಲ್ಲೆಯ ಅರಾವಳಿ ಪರ್ವತ ಶ್ರೇಣಿಗಳಲ್ಲಿ. ಭಾನಗಡ್ ಕೋಟೆ ಎಂದೇ ಪ್ರಸಿದ್ಧಿ ಪಡೆದಿರೋ ಈ ಕೋಟೆ ಸುತ್ತಲ ಪ್ರದೇಶಗಳಲ್ಲೊಂದು ಕ್ಯೂರಿಯಾಸಿಟಿಗೆ ಕಾರಣವಾಗಿದೆ. ಯಾಕಂದ್ರೆ ಅಲ್ಲಿ ಅದೆಷ್ಟೋ ದೆವ್ವ ಭೂತಗಳು ನೆಲೆಸಿದ್ದಾವೆಂಬ ನಂಬಿಕೆ ಎಲ್ಲರಲ್ಲಿದೆ. ಅದು ಅದೆಷ್ಟು ಬಲವಾಗಿದೆ ಅಂದ್ರೆ ಆ ಕೋಟೆಯತ್ತ ಸುತ್ತಮುತ್ತಲಿನ ಜನರ್ಯಾರೂ ಸುಳಿಯುವುದೂ ಇಲ್ಲ.

ಆ ಕೋಟೆ ಅದೆಷ್ಟು ಕುಖ್ಯಾತಿ ಗಳಿಸಿದೆ ಎಂದರೆ, ಕತ್ತಲಾವರಿಸುತ್ತಲೇ ಆ ಕೋಟೆಯ ಬಳಿ ಹೋಗೋದಿರಲಿ, ಆ ದಿಕ್ಕಿನತ್ತ ನೋಡಲೂ ಜನ ಭಯ ಪಡುತ್ತಾರಂತೆ. ಕೆಲ ಗಟ್ಟಿ ಗುಂಡಿಗೆಯ ಮಂದಿ ಹಗಲು ಹೊತ್ತಿನಲ್ಲಿ ಭೇಟಿ ನೀಡಿದ್ದಿದೆ. ಆದ್ರೆ ಹಾಗೆ ಹೋದವರು ರಕ್ತ ಕಾರಿ ಸಾಯುತ್ತಾರೆಂಬುದರಿಂದ ಮೊದಲ್ಗೊಂಡು ನಾನಾ ಭೀಕರ ಅಂತೆ ಕಂತೆಗಳಿವೆ. ಜನ ವೈಜ್ಞಾನಿಕ ತಳಹದಿಯ ಯಾವ ವಿಶ್ಲೇಷಣೆಗಳತ್ತಲೂ ಕಿವಿಗೊಡದೆ ಭಾನಗಡ್ ಕೋಟೆಯನ್ನು ಪರ್ಮನೆಂಟಾಗಿ ಭೂತದ ಮನೆಯಾಗಿಸಿ ಬಿಟ್ಟಿದ್ದಾರೆ!

The post bhangarh fort: ನಿಜಕ್ಕೂ ಅದರೊಳಗೆ ದೆವ್ವ-ಭೂತಗಳಿವೆಯಾ? appeared first on ಶೋಧ ನ್ಯೂಸ್ - Shodha News.

ನೀವೇನಾದರೂ ಕೊಂಚ ಗ್ರಾಮೀಣ ಪ್ರದೇಶದವರಾಗಿದ್ದರೆ ಕಣಜನ ಹುಳುವಿನ (Hornet Insect) ಪರಿಚಯವಿರುತ್ತೆ. ಪ್ರದೇಶದಿಂದ ಪ್ರದೇಶಕ್ಕೆ ಇದರ ಹೆಸರು ಬದಲಾದೀತೇನೋ. ಆದ್ರೆ ಅದರ ದಾಳಿಯ ಭಯ ಮಾತ್ರ ಎಲ್ಲ ಕಡೆಯೂ ಅಷ್ಟೇ ತೀವ್ರವಾಗಿರುತ್ತೆ. ಕೊಂಚ ಕಾಡಿನ (forrest) ಅಂಚಿನಲ್ಲಿರೋ ಕಣಜನ ಹುಳುವಿನ (Hornet Insect ದಾಳಿ ನಿಜಕ್ಕೂ ಭೀಕರವಾಗಿರುತ್ತೆ. ತಲೆಗೇನಾದರೂ ಐದಾರು ಹುಳ ಚುಚ್ಚಿದರೆ ಮನುಷ್ಯ ಸತ್ತೇಹೋಗಿ ಬಿಡ್ತಾನೆ.

ಜೇನು ಹುಳಗಳಿಗಿಂತ ತುಸು ದೊಡ್ಡ ಗಾತ್ರ ಕಣಜನ ಹುಳುಗಳದ್ದು. ಜೇನು ಹುಳುಗಳಿರೋ ಪ್ರದೇಶದಲ್ಲಿ ಇವುಗಳ ಹಾಜರಿ ಇರುತ್ತೆ. ಜೇನು ಸಾಕಣೆ ಮಾಡುವಲ್ಲಿಯಂತೂ ಇವು ಇದ್ದೇ ಇರುತ್ತವೆ. ಜೇನು ನೊಣಗಳನ್ನ ಕೊಂದು ಮಕರಂದ ಅಪಹರಿಸುವಲ್ಲಿಯೂ ಕಣಜಗಳದ್ದು ಎತ್ತಿದ ಕೈ. ಇಂಥಾ ಕಣಜಗಳು ಯಾವುದೇ ಪ್ರಚೋದನೆ ಇಲ್ಲದೆಯೂ ಮನುಷ್ಯರ ಮೇಲೆ ದಾಳಿ ಮಾಡಿ ಬಿಡುತ್ತವೆ. ಜೇನು ಹುಳುಗಳಾದರೆ ಕೆಣಕಿದರೆ ಮಾತ್ರವೇ ಆತ್ಮರಕ್ಷಣೆಗೆ ದಾಳಿ ಮಾಡುತ್ವೆ. ಆದ್ರೆ ಈ ಕಣಜನ ಹುಳುಗಳು ಮಾತ್ರ ಅದೇಕೆ ಪ್ರಚೋದನೆ ಇಲ್ಲದೆ ದಾಳಿ ಮಾಡುತ್ವೆ ಅನ್ನೋದು ಗ್ರಾಮೀಣರನ್ನ ಕಾಡೋ ಪ್ರಶ್ನೆ. ಅದಕ್ಕೆ ಉತ್ತರವಾಗಿ ನಿಲ್ಲೋದು ಎಣ್ಣೆ ಏಟು!

ಅರೇ ಕಣಜನ ಹುಳುಗಳೇನು ಎಣ್ಣೆ ಹೊಡೀತಾವಾ ಅಂದ್ಕೋತೀರೇನೋ. ಆದ್ರೆ ಒಂದು ಸಂಶೋದನೆ ಅದಕ್ಕೆ ಹೌದೆಂಬ ಉತ್ತರ ಕೊಡ್ತಿದೆ. ಹಾಗಂತ ಕಣಜಗಳು ವೈನ್ ಶಾಪಿಗೆ ನುಗ್ಗಿ ಎಣ್ಣೆ ಹೊಡೆಯೋದಿಲ್ಲ. ಈ ಹುಳುಗಳು ದಿನ ನಿತ್ಯ ರಾಣಿ ಹುಳಕ್ಕೆ ಮಕರಂದ ಸರಬರಾಜು ಮಾಡೋ ಕೆಲಸ ಮಾಡ್ತಾವೆ. ಆ ಕೆಲಸದಲ್ಲಿಯೇ ಹೈರಾಣಾಗ್ತಾವೆ.

ರಾಣಿ ಹುಳದ ಹೊಟ್ಟೆ ತುಂಬಿದ ಮೇಲಷ್ಟೇ ಮಿಕ್ಕವುಗಳ ಹೊಟ್ಟೆಪಾಡು. ಎಷ್ಟೋ ದಿನ ರಾಣಿ ಜೇನಿಗೆ ಮಕರಂದ ಹುಡುಕೋವಷ್ಟರಲ್ಲಿ ರಾತ್ರಿಯಾಗಿರುತ್ತೆ. ಹಾಗಾದಾಗ ಮಿಕ್ಕವುಗಳಿಗೆ ಉಪವಾಸವೇ ಗತಿ. ಅಂತ ವನವಾಸ ತಪ್ಪಿಸಿಕೊಳ್ಳಲು ಅವೊಂದು ಉಪಾಯ ಕಂಡುಕೊಂಡಿರುತ್ವೆ. ಕೆಲ ಹಣ್ಣುಗಳನ್ನ ನಿಗಧಿತ ಪ್ರದೇಶದಲ್ಲಿ ಶೇಖರಿಸಿಟ್ಟಿರುತ್ವೆ. ಹಾಗೆ ಕೂಡಿಟ್ಟ ಹಣ್ಣು ಅಲ್ಲೇ ಕೊಳೆತು ವೈನಿನಂತಾಗಿರುತ್ತೆ. ಯಾವಾಗಲೋ ಒಮ್ಮೆ ಹೊಟ್ಟೆಗಿಲ್ಲದಾಗ ಕೊಳೆತ ಹಣ್ಣಿನ ರಸವನ್ನ ಹೊಟ್ಟೆ ಬಿರಿಯೆ ಕುಡಿಯೋ ಕಣಜಗಳಿಗೆ ಮತ್ತೇರುತ್ತದಂತೆ.

ಹಾಗೊಂದು ವೇಳೆ ಬೆಳಕಿರುವ ಸಮಯದಲ್ಲಿ ಕಿಕ್ಕೇರಿದ್ದರೆ ಕಣಜನ ಹುಳುಗಳು ದಾಳಿಗೆ ಅಣಿಯಾಗ್ತಾವೆ. ಆ ಘಳಿಗೆಯಲ್ಲಿ ಅವುಗಳಿಗೆ ತಮಗಿಂತ ದೊಡ್ಡ ಜೀವಿಗಳ ಮೇಲೆ ದಾಳಿ ಮಾಡೋ ಹುಮ್ಮಸ್ಸು ತುಂಬಿಕೊಳ್ಳುತ್ತಂತೆ. ಗ್ರಹಚಾರ ಕೆಟ್ಟು ಯಾರಾದರೂ ಅವುಗಳ ವಲಯದಲ್ಲಿ ಅಡ್ಡಾಡಿದರೆ ದಾಳಿ ಗ್ಯಾರೆಂಟಿ.

The post Hornet Insect: ಎಣ್ಣೆ ಹೊಡೆದ ಹುಳುಗಳು ಪಕ್ಕಾ ಡೇಂಜರ್! appeared first on ಶೋಧ ನ್ಯೂಸ್ - Shodha News.

Lizard wine: ಇದೀಗ ಎಲ್ಲೆಡೆ ನಶೆಯ ಬಗ್ಗೆ ಚರ್ಚೆಗಳಾಗುತ್ತಿವೆ. ಇತ್ತೀಚೆಗಂತೂ ತೀರಾ ಚಿಕ್ಕ ವಯಸ್ಸಿನವರೇ ನಾನಾ ಥರಗಳಲ್ಲಿ ನಶೆಯತ್ತ ಕೈ ಚಾಚಲಾರಂಭಿಸಿದ್ದಾರೆ. (drugs) ಡ್ರಗ್ಸ್‍ನಂಥಾ ಚಟ ಯಾಪಾಟಿ ಆವರಿಸಿದೆ ಅಂದ್ರೆ, ನಶೆಯ ಮೋಹ ಇಡೀ ಜಗತ್ತನ್ನೇ ಓಲಾಡಿಸುತ್ತಿದೆ. ನಮ್ಮ ಪಾಲಿಗೆ ನಶೆ ಅಂದ್ರೆ ಒಂದಷ್ಟು ಡ್ರಿಂಕ್ಸು ಮಾತ್ರ. ಅದರಲ್ಲಿ ಕೆಲ ವೆರೈಟಿಗಳು ನಮಗೆ ಪರಿಚಯವೇ ಇಲ್ಲ. ಆದ್ರೆ ಈ ಜಗತ್ತಿನ ಬೇರೆ ಬೇರೆ ದೇಶಗಳಲ್ಲಿನ ಮದ್ಯಗಳ ಬಗ್ಗೆ ಕೇಳಿದರೆ ಯಾರೇ ಆದ್ರೂ ಕಂಗಾಲಾಗದಿರೋಕೆ ಸಾಧ್ಯಾನೇ ಇಲ್ಲ.

ಡ್ರಗ್ಸ್, ಅಫೀಮಿನಂಥಾ ಚಟಕ್ಕೆ ಬಿದ್ದವರು ನಶೆಯ ಉತ್ತುಂಗಕ್ಕೇರ್ತಾರೆ. ಬರ ಬರುತ್ತಾ ಹೈ ಡೋಸೇಜುಗಳೂ ಕೂಡಾ ಅಂಥವರಿಗೆ ತಾಕೋದಿಲ್ಲ. ಮತ್ತಷ್ಟು ಮಗದಷ್ಟು ನಶೆಗಾಗಿ ಕೈಚಾಚುತ್ತಾ ಅಂಥವರು ಕಟ್ಟ ಕಡೇಯದಾಗಿ ವಿಷ ಭರಿತ ಹಾವಿನಿಂದ ಕಚ್ಚಿಸಿಕೊಳ್ಳುವ ಹಂತವನ್ನೂ ತಲುಪ್ತಾರೆ. ಆ ಹಾದಿಯಲ್ಲಿ ಕಡೆಗೂ ಹೆಚ್ಚಿನವರು ದುರಂತದ ಸಾವು ಕಾಣ್ತಾರೆ.

ಆದ್ರೆ ವಿಯೆಟ್ನಾಂ ದೇಶದಲ್ಲಿನ ಎಣ್ಣೆ ಪ್ರಿಯರದ್ದು ಮಾತ್ರ ಭಯಾನಕ ಟೇಸ್ಟು. ಅಲ್ಲಿ ಸತ್ತ ಹಲ್ಲಿಯಿಂದ ತಯಾರಾದ ಮದ್ಯ ಒಂದಕ್ಕೆ ಭಾರೀ ಬೆಲೆಯಿದೆ. ಅಷ್ಟೇ ಪ್ರಮಾಣದ ಬೇಡಿಕೆಯೂ ಇದೆಯಂತೆ. ಸತ್ತ ಹಲ್ಲಿಗಳನ್ನ ಕೆಲ ಕೆಮಿಕಲ್‍ಗಳ ದ್ರವದಲ್ಲಿ ಮದ್ಯದ ಬಾಟಲಿಗೆ ಹಾಕಿಡಲಾಗುತ್ತೆ. ಅದನ್ನು ನಾಲಕೈದು ವರ್ಷಗಳ ವರೆಗೆ ಹಾಗೆಯೇ ಬಿಡಲಾಗುತ್ತೆ. ಆ ನಂತರ ಅದನ್ನು ಎಣ್ಣೆ ಪ್ರಿಯರು ದುಬಾರಿ ಬೆಲೆ ತೆತ್ತು ಚಪ್ಪರಿಸಿಕೊಂಡು ಕುಡೀತಾರಂತೆ. ವರ್ಷ ಜಾಸ್ತಿಯಾದಷ್ಟೂ ಈ ಸತ್ತ ಹಲ್ಲಿಯ ಮದ್ಯಕ್ಕೆ ಬೆಲೆ ಜಾಸ್ತಿಯಾಗುತ್ತಂತೆ!

The post Lizard wine: ಸತ್ತ ಹಲ್ಲಿಯ ಕೊಳೆತ ನೀರಂದ್ರೆ ಕುಡುಕರಿಗೆ ಭಲೇ ಕಿಕ್ಕು! appeared first on ಶೋಧ ನ್ಯೂಸ್ - Shodha News.

wonder matter: ಈಗ ನಮ್ಮ ಮಾತುಗಳೆಲ್ಲವೂ ಬೆರಳಂಚಿಗೆ ಬಂದು ನಿಂತಿವೆ. (communication) ಸಂಭಾಷಣೆ, (thinking) ಆಲೋಚನೆ, ವ್ಯವಹಾರಗಳೆಲ್ಲವೂ ಬೆರಳ ತುದಿಯಲ್ಲಿ ನಿಂತು ಲಾಸ್ಯವಾಡಲಾರಂಭಿಸಿವೆ. ಒಂದು ಕಾಲದಲ್ಲಿ (freinds) ಸ್ನೇಹಿತರು, ಸಂಬಂಧಿಕರು ವರ್ಷಕ್ಕೊಂದು ಸಾರಿ ಸೇರಿದರೆ ಅದೇ ಹೆಚ್ಚು. ಆ ನಂತರದ ಸಂಭಾಷಣೆ, ಹಾರೈಕೆಗಳೆಲ್ಲವೂ ಮನಸಲ್ಲಿಯೇ ಸಂಭವಿಸುತ್ತಿತ್ತು. ಈಗ ಮೊಬೈಲು (mobile) ಎಲ್ಲರನ್ನೂ ಹತ್ತಿರ ಬೆಸೆದಿದೆ. ದಿನಾ ಬೆಳಗ್ಗೆ ಒಂದು ಗುಡ್ ಮಾರ್ನಿಂಗ್, ಗುಡ್ ನೈಟ್ ಮೆಸೇಜು (messages) ಬಿಟ್ಟರೇನೇ ಸಂಬಂಧ ಗಟ್ಟಿಯಾಗಿರುತ್ತೆಂಬಂತೆ ಬಹುತೇಕರು ಅದಕ್ಕೆ ಅಡಿಕ್ಟ್ (addiction ಆಗಿಬಿಟ್ಟಿದ್ದಾರೆ.

ತೀರಾ ಕೆಲಸ ಕಾರ್ಯಕ್ಕೆ ಸಂಬಂಧಿಸಿದ ಮೆಸೇಜುಗಳೇ ಕಿರಿಕಿರಿ ಉಂಟು ಮಾಡುತ್ತವೆ. ಅಂಥಾ ಒತ್ತಡದಲ್ಲಿರುವವರ ಪಾಲಿಗೆ ಗುಡ್ ಮಾರ್ನಿಂಗ್ ಮತ್ತು ಗುಡ್‍ನೈಟ್‍ಗಳಂಥ ಯಾಂತ್ರಿಕ ಮೆಸೇಜುಗಳಂದ್ರೆ ಅಲರ್ಜಿ. ಕಸುಬಿಲ್ಲದವರು ಮಾತ್ರವೇ ಅಂಥಾದ್ದನ್ನು ವಿನಿಮಯ ಮಾಡಿಕೊಳ್ತಾರೆ ಅನ್ನೋದು ಆ ವೆರೈಟಿಯ ಜನರ ಅಚಲ ನಂಬಿಕೆ. ಇಂತಿಂಥವರಿಗೇ ಅಂತೇನಿಲ್ಲ; ಇಂಥಾ ಯಾಂತ್ರಿಕ ಮೆಸೇಜುಗಳ ವಿನಿಮಯ ನಮಗೆಲ್ಲರಿಗೂ ಒಂದಲ್ಲ ಒಂದು ಹಂತದಲ್ಲಿ ರೇಜಿಗೆ ಹುಟ್ಟಿಸಿರುತ್ತೆ. ಆದರೆ ಸೈಕಾಲಜಿ ಮಾತ್ರ ಇದಕ್ಕೆ ತದ್ವಿರುದ್ಧವಾದ ಸಂಶೋಧನೆಯೊಂದನ್ನು ನಡೆಸಿದೆ.

ಅದರನ್ವಯ ಹೇಳೋದಾದ್ರೆ, ಬೆಳಗ್ಗೆ ಮತ್ತು ರಾತ್ರಿ ವಿನಿಮಯ ಮಾಡೋ ಇಂಥ ಮೆಸೇಜುಗಳು ಮಿದುಳಲ್ಲಿರೋ ಖುಷಿಯ ಕಣಗಳನ್ನು ಆಕ್ಟೀವ್ ಆಗಿಡುತ್ತದೆಯಂತೆ. ಅದೊಂದು ಥರದಲ್ಲಿ ಬೆಚ್ಚನೆಯ ಭಾವವನ್ನ ಮೂಡಿಸುತ್ತದೆಯಂತೆ. ಒಂದು ದಿಕ್ಕಿನಲ್ಲಿ ಆಲೋಚಿಸಿದರೆ ಈ ಸಂಶೋಧನೆಯಲ್ಲಿ ಸತ್ಯವಿದ್ದರೂ ಇರಬಹುದು. ಯಾರೂ ಇಲ್ಲದೆ ಅನಾಥರಾಗಿರುವವರು, ಎಲ್ಲರೂ ಇದ್ದೂ ಆ ಪ್ರೀತಿ ದಕ್ಕದಿರೋ ಜೀವಗಳ ಪಾಲಿಗೆ ಇಂಥಾ ಮೆಸೇಜುಗಳು ತಮ್ಮನ್ನು ವಿಚಾರಿಸಿಕೊಳ್ಳಲು ಯಾರೋ ಇದ್ದಾರೆಂಬ ಭಾವ ಮೂಡಬಹುದು.

The post power of messages: ಗುಡ್ ನೈಟ್, ಗುಡ್ ಮಾರ್ನಿಂಗ್ ಮೆಸೇಜುಗಳಿಗೆ ಎಷ್ಟು ಶಕ್ತಿಯಿದೆ ಗೊತ್ತಾ? appeared first on ಶೋಧ ನ್ಯೂಸ್ - Shodha News.

rat brain toothpaste: ಈಗಂತೂ ಮಾರುಕಟ್ಟೆಗೆ ತೆರಳಿದರೆ, ಅಂಗಡಿ ಹೊಕ್ಕರೆ ಯಾವುದನ್ನು ತೆಗೆದುಕೊಳ್ಳಬೇಕೆಂದೇ ಕನ್ಪ್ಯೂಸ್ ಆಗುವಷ್ಟು (toothpaste) ಟೂತ್ ಪೇಸ್ಟುಗಳಿವೆ. ಟಿವಿ ಚಾನೆಲ್ಲುಗಳನ್ನ ಆನ್ ಮಾಡಿದರೆ ಆನ್ ಏರಲ್ಲೇ ಬಕರಾ ಮಾಡುವಂಥ ಥರ ಥರದ ಜಾಹೀರಾತುಗಳೂ ಮೇಳೈಸುತ್ತವೆ. ನೀವೊಮ್ಮೆ ಸುಮ್ಮನೆ ಕಲ್ಪಿಸಿಕೊಳ್ಳಿ; ಯಾವ ಆವಿಷ್ಕಾರಗಳೂ ಆಗದಿದ್ದ ಕಾಲದಲ್ಲಿ ಜನ ಟೂತ್ ಪೇಸ್ಟಿನಂತೆ ಏನನ್ನು ಬಳಸುತ್ತಿದ್ದರು. ಇಜ್ಜಿಲು, ಬೇವಿನ ಕಡ್ಡಿಯಂಥಾ ಪಾರಂಪರಿಕ ಮಾರ್ಗಗಳಾಚೆಗೆ ಟೂತ್ ಪೇಸ್ಟ್ ಅನ್ನೋ ಕಲ್ಪನೆ ಮೂಡಿಕೊಂಡಿದ್ದು ಹೇಗೆ ಎಂಬೆಲ್ಲ ಪ್ರಶ್ನೆಗಳು ಹುಟ್ಟಿಕೊಳ್ಳುತ್ತವೆ.

ಆನ ಪಾರಂಪರಿಕವಾದ ಕ್ರಮಗಳಾಚೆಗೆ ಹಲ್ಲುಜ್ಜೋದಕ್ಕಾಗಿ ಹಲವಾರು ಪ್ರಯೋಗಗಳನ್ನ ಮಾಡಲಾರಂಭಿಸಿದ್ದರು. ಹುಡುಕುತ್ತಾ ಹೋದರೆ ಒಂದಷ್ಟು ಚಿತ್ರವಿಚಿತ್ರವಾದ ಆವಿಷ್ಕಾರಗಳು ನಡೆದಿರೋದು ಪತ್ತೆಯಾಗುತ್ತೆ. ಅದು ಒಂದು ದೇಶಕ್ಕಿಂತ ದೇಶಕ್ಕೆ ಬದಲಾಗುತ್ತಾ ಸಾಗೋದೂ ಕೂಡಾ ಗಮನಕ್ಕೆ ಬರುತ್ತೆ. ಆದ್ರೆ ಕೆಲವೊಂದು ದೇಶಗಳಲ್ಲಿನ ಆರಂಭಿಕ ಟೂತ್ ಪೇಸ್ಟುಗಳಂತೂ ನಿಜಕ್ಕೂ ವಾಕರಿಕೆ ಹುಟ್ಟಿಸುವಂತಿವೆ. ರೋಮನ್ನರು ಒಂದು ಕಾಲದಲ್ಲಿ ಬಳಸುತ್ತಿದ್ದ ಟೂತ್ ಪೇಸ್ಟಿನ ಬಗ್ಗೆ ಕೇಳಿದರಂತೂ ಯಾರಿಗೇ ಆದರೂ ಬವಳಿ ಬಂದಂತಾಗದಿರೋದಿಲ್ಲ.

ರೋಮನ್ನರು ಅಂಥಾ ವೆರೈಟಿಯ ಯಾವ ಟೂತ್ ಪೇಸ್ಟ್ ಬಳಸುತ್ತಿದ್ದರೆನ್ನೋ ಕುತೂಹಲ ನಿಮ್ಮೊಳಗೂ ಒತ್ತರಿಸಿಕೊಂಡಿರಬಹುದು. ಅಲ್ಲಿ ಒಂದು ಕಾಲಕ್ಕೆ ಇಲಿಗಳ ಮೆದುಳಿಂದ ತಯಾರಿಸಲಾದ ಟೂತ್ ಪೇಸ್ಟ್‍ಗಳನ್ನ ಬಳಸಲಾಗುತ್ತಿತ್ತಂತೆ. ಇಲಿಗಳ ಮೆದುಳನ್ನು ನಾಜೂಕಿನಿಂದ ಹೊರ ತೆಗೆದು ಅದನ್ನು ಒಂದಷ್ಟು ಕಾಲ ಒಣಗಿಸಲಾಗುತ್ತಿತ್ತು. ಆ ನಂತರ ಅದನ್ನು ನುಣ್ಣಗೆ ಪುಡಿ ಮಾಡಿ ಅದನ್ನೇ ಟೂತ್ ಪೇಸ್ಟ್ ಆಗಿ ಬಳಸಲಾಗುತ್ತಿತ್ತಂತೆ. ಅದಕ್ಕೆಂದೇ ಅದೆಷ್ಟೋ ಇಲಿಗಳ ಮಾರಣಹೋಮ ನಡೆದ ನಂತರದಲ್ಲಿ ಇದೀಗ ರೋಮನ್ನರು ನಾವೆಲ್ಲ ಬಳಸುವಂಥಾ ಆಧುನಿಕ ಟೂತ್ ಪೇಸ್ಟುಗಳನ್ನೇ ಬಳಸುತ್ತಿದ್ದಾರಂತೆ.

The post rat brain toothpaste: ಇಲಿಯ ಮೆದುಳಿನ ಪುಡಿಯೇ ಟೂತ್ ಪೇಸ್ಟಾಗಿತ್ತು ಗೊತ್ತಾ? appeared first on ಶೋಧ ನ್ಯೂಸ್ - Shodha News.

froug vomit: ನಮಗೆ ಗೊತ್ತಿರೋ ಒಂದಷ್ಟು ಪ್ರಬೇಧದ ಜೀವಿಗಳ ಬದುಕಿನ ಕ್ರಮದ ಬಗ್ಗೆ ನಮಗೆಲ್ಲ ತೆಳುವಾಗಿ ಗೊತ್ತಿರುತ್ತೆ. ಅವುಗಳ (food culture) ಆಹಾರ ಕ್ರಮ, ಅವುಗಳ ವರ್ತನೆ, ಅವುಗಳಿಂದ ನಮಗಾಗಬಹುದಾದ ಅಪಾಯಗಳ ಬಗ್ಗೆ ಮಾತ್ರವೇ ನಮ್ಮ ದೃಷಿ ನೆಟ್ಟಿರುತ್ತೆ. ಆದರೆ ನಮ್ಮ ಕಣ್ಣಿಗೆ ಕಾಣಿಸೋ ಅದೆಷ್ಟೋ ಜೀವಿಗಳ ಬಗ್ಗೆ ನಮಗೆಲ್ಲ ಏನೆಂದರೆ ಏನೂ ಗೊತ್ತಿರೋದಿಲ್ಲ. ಅದೇನಿದ್ದರೂ ಅಸೀಮ ಕುತೂಹಲ, ತಪಸ್ಸಿನಂಥಾ ಅಧ್ಯಯನಗಳಿಗೆ ಮಾತ್ರವೇ ದಕ್ಕುವಂಥಾದ್ದು.

ಈ ಮಾತಿಗೆ ಕಪ್ಪೆಗಳಿಗಿಂತಲೂ ಬೇರೆ ಉದಾಹರಣೆ ಬೇಕಿಲ್ಲ. ಕಪ್ಪೆಗಳಲ್ಲಿ ನಾನಾ ಪ್ರಬೇಧಗಳಿದ್ದಾವೆ. ಮನುಷ್ಯರು ವಾಸವಿರೋ ಪ್ರದೇಶಗಳಲ್ಲಿಯೇ ಒಂದಷ್ಟು ಜಾತಿಯ ಕಪ್ಪೆಗಳು ವಾಸಿಸುತ್ತವೆ. ಮಲೆನಾಡಿನ ಪ್ರದೇಶಗಳಲ್ಲಿಯಂತೂ ಅವೂ ಕೂಡಾ ಮನುಷ್ಯರ ಸಹಜೀವಿಗಳಂತಿರುತ್ತವೆ. ಆದರೆ ಹಾಗೆ ಕಪ್ಪೆಗಳನ್ನು ದಿನನಿತ್ಯ ನೋಡುವವರಿಗೂ ಕೂಡಾ ಅವುಗಳ ಬಗ್ಗೆ ಏನೂ ಗೊತ್ತಿರೋದಿಲ್ಲ. ಅದೆಷ್ಟೋ ವರ್ಷಗಳ ಕಾಲ ಇಂಥಾ ಕಪ್ಪೆಗಳ ಬಗ್ಗೆ ಜೀವ ಶಾಸ್ತ್ರಜ್ಞರು ಅಧ್ಯಯನ ನಡೆಸುತ್ತಾ ಬಂದಿದ್ದಾರೆ. ಜಗತ್ತಿನ ನಾನಾ ಭಾಗಗಳಲ್ಲಿ ನಡೆದಿರೋ ಇಂಥಾ ಅಧ್ಯಯನಗಳು ಕಪ್ಪೆಗಳ ಜೀವನಕ್ರಮದ ಬಗ್ಗೆ ಅಚ್ಚರಿಯ ಸಂಗತಿಗಳನ್ನ ಬಯಲಾಗಿಸಿವೆ.

ಅದೆಲ್ಲದರಲ್ಲಿ ಯಾರೇ ಆದರೂ ಅಚ್ಚರಿಗೀಡಾಗೋವಂಥಾ ಒಂದು ವಿಚಾರವಿದೆ. ಅದು ಕಪ್ಪೆಗಳ ವಾಂತಿಗೆ ಸಂಬಂಧಿಸಿದ್ದು. ತಿಂದಿದ್ದು ಪಥ್ಯವಾಗದೆ, ಹೆಚ್ಚಾದರೆ ವಾಂತಿ ಮಾಡಿಕೊಳ್ಳೋದು ಮಾಮೂಲು. ಆದರೆ ಕಪ್ಪೆಗಳಿಗೆ ಮಾತ್ರ ನಮ್ಮ ಹಾಗೆ ಬಾಯಿಂದ ವಾಂತಿ ಮಾಡಿಕೊಳ್ಳಲು ಸಾಧ್ಯವಿಲ್ಲ. ಒಂದು ವೇಳೆ ತಿಂದ ಆಹಾರ ಜೀರ್ಣವಾಗದೇ ಇದ್ದರೆ ಹೊಟ್ಟೆಯನ್ನೇ ಹೊರತೆಗೆಯುತ್ತವೆ. ನಂತರ ಕಾಲುಗಳ ಸಹಾಯದಿಂದ ಹೊಟ್ಟೆಯೊಳಗೆ ಅಪಥ್ಯವಾಗಿ ಜೀರ್ಣವಾಗದ ವಸ್ತುಗಳನ್ನು ಹೊರ ತಳ್ಳುತ್ತವೆ. ಹಾಗೆ ಸಮಾಧಾನವಾದ ನಂತರ ಮತ್ತೆ ಹೊಟ್ಟೆಯನ್ನು ಒಳಗೆ ತಳ್ಳಿಕೊಳ್ಳುತ್ತವೆಯಂತೆ.

The post froug vomit: ಕಪ್ಪೆಗಳು ವಾಂತಿ ಮಾಡಿಕೊಳ್ಳೋದಿಲ್ಲ; ಹೊಟ್ಟೆಯನ್ನೇ ಹೊರತೆಗೆಯುತ್ತವೆ! appeared first on ಶೋಧ ನ್ಯೂಸ್ - Shodha News.

ಮನುಷ್ಯರ ದೇಹ (human body) ರಚನಾ ಕ್ರಮವೇ ಒಂದು ಪ್ರಾಕೃತಿಕ ಅದ್ಭುತ. ಅದು ಈ ಜಗತ್ತಿನಲ್ಲಿರೋ ದಿವ್ಯ ಶಕ್ತಿಯೊಂದರ ಲೀಲೆ ಅನ್ನೋರಿದ್ದಾರೆ. ಅದನ್ನೇ ಭಗವಂತನ ಕೊಡುಗೆ ಅನ್ನುವವರೂ ಇದ್ದಾರೆ. ಆದರೆ ವಿಜ್ಞಾನ ಮಾತ್ರ ಅದರಾಚೆಗಿನ ಸತ್ಯಗಳನ್ನ ತೆರೆದಿಡುತ್ತಲೇ ಬಂದಿದೆ. ಬಾಹ್ಯ ಸೌಂದರ್ಯದ ಮಾತು ಹಾಗಿರಲಿ; ಮನುಷ್ಯದ ದೇಹದೊಳಗಿನ ರಚನೆ ನಿಜಕ್ಕೂ ವಿಸ್ಮಯ. ಅಲ್ಲಿರೋ ಒಂದೊಂದು ಆಯವ್ಯಯಗಳದ್ದೂ ಒಂದೊಂದು ಬಗೆ. ಅವು ಇಡೀ ದೇಹವನ್ನು ಸಮಸ್ಥಿತಿಯಲ್ಲಿಡುವ ರೀತಿ, ಅವು ಕಾರ್ಯ ನಿರ್ವಹಿಸುವ ಕ್ರಮಗಳೆಲ್ಲವೂ ರೋಚಕ. ಅದರಲ್ಲಿಯೂ ನಮ್ಮ ದೇಹದ ಆಧಾರಸ್ತಂಭದಂತಿರೋ ಮೂಳೆಗಳ (bones) ಶಕ್ತಿಯ ಬಗ್ಗೆ ಕೇಳಿದರಂತೂ ಯಾರೇ ಆದರೂ ಅವಾಕ್ಕಾಗುವಂತಿದೆ.

ಸಾಮಾನ್ಯವಾಗಿ ಮನುಷ್ಯರ ತೂಕದಲ್ಲಿ ವೈಪರೀತ್ಯಗಳಿರುತ್ತವೆ. ಕೆಲ ಮಂದಿ ಕ್ವಿಂಟಾಲುಗಟ್ಟಲೆ ತೂಕ ಇರ್ತಾರೆ. ಅಂಥವರಿಗೆ ತಮ್ಮ ದೇಹವನ್ನು ತಾವೇ ಹೊರೋದೂ ಕೂಡಾ ತ್ರಾಸದಾಯಕವಾಗಿರುತ್ತೆ. ಆದ್ದರಿಂದಲೇ ಕೂತಲ್ಲಿಂದ ಮೇಲೇಳಲೂ ಕೂಡಾ ಯಾವುದಾದರೊಂದು ಆಸರೆ ಬೇಡುತ್ತಾರೆ. ಹಾಗಿರುವಾಗ ಆ ಪಾಟಿ ದೇಹ ಉದುರಿಕೊಳ್ಳದಂತೆ ಸಮಸ್ಥಿತಿಯಲ್ಲಿಟ್ಟಿರೋದು ನಮ್ಮ ದೇಹದ ತುಂಬಾ ಹರಡಿಕೊಂಡಿರೋ ಮೂಳೆಗಳು. ಈ ವಿಚಾರವೇ ಮನುಷ್ಯನ ಮೂಳೆಗಳಿಗೆ ಅದೆಂಥಾ ಶಕ್ತಿ ಇದ್ದೀತೆಂಬುದನ್ನು ಜಾಹೀರು ಮಾಡುತ್ತೆ. ವೈದ್ಯ ಜಗತ್ತು ಈ ಮೂಳೆಗಳ ಸಾಮಥ್ರ್ಯದ ಬಗ್ಗೆ ಮತ್ತೊಂದು ಅಂಶವನ್ನೂ ಬಯಲಾಗಿಸಿದೆ.

ಮನುಷ್ಯನ ಮೂಳೆ ಗಟ್ಟಿಯಾಗಿರುತ್ತವೆಂಬುದರಲ್ಲಿ ಯಾವ ಸಂದೇಹವೂ ಇಲ್ಲ. ಹಾಗಾದ್ರೆ ಅದು ಅದೆಷ್ಟು ಗಟ್ಟಿಯಾಗಿರುತ್ತೆ? ಅದರ ಅಸಲೀ ಪವರ್ ಏನು ಅನ್ನೋದಕ್ಕೆ ಈ ವಿಚಾರ ಉತ್ತರದಂತಿದೆ. ಆ ನಿಟ್ಟಿನಲ್ಲಿ ನೋಡ ಹೋದರೆ ನಮ್ಮ ಮೂಳೆಗಳು ಹೈ ಗೇಜಿನ ಸ್ಟೀಲ್ ರಾಡಿಗಿಂತಲೂ ಗಟ್ಟಿಯಾಗಿರುತ್ತದೆಯಂತೆ. ನಮ್ಮ ಮೂಳೆಯಷ್ಟೇ ಸೈಜಿನ ಸ್ಟೀಲ್ ರಾಡಿಗಿಂತಲೂ ಮೂಳೆಗಳೇ ಹೆಚ್ಚು ಗಟ್ಟಿಯಂತೆ. ಅಂಥಾ ಗಟ್ಟಿಯಾದ ಮೂಳೆಗಳೇ ಒತ್ತಡ ತಾಳಲಾರದೆ ಕೆಲವೊಮ್ಮೆ ಘಾಸಿಗೊಳ್ಳುತ್ತವೆ. ಹಾಗೆ ಒಂದು ಸಾರಿ ಮುರಿದ ಮೂಳೆ ಎಷ್ಟೇ ಆದರೂ ಮತ್ತೆ ಮೊದಲಿನಂತಾಗಲು ಸಾಧ್ಯವಿಲ್ಲ.

The post facts of human bones: ನಮ್ಮ ದೇಹದಲ್ಲಿದೆ ಅಸೀಮ ಅಚ್ಚರಿ! appeared first on ಶೋಧ ನ್ಯೂಸ್ - Shodha News.

ಹುಟ್ಟಿನಿಂದಲೇ ಮೂಗರಾದವರು, ಕಿವಿ ಕೇಳಿಸದ ಸಮಸ್ಯೆಯಿರುವವರು ಕೈ ಸನ್ನೆಯಲ್ಲಿಯೇ ಮಾತಾಡೋದು ಗೊತ್ತೇ ಇದೆ. ಅದು ಮೂಗರ ಕಥೆಯಾಯ್ತು. ಇನ್ನುಳಿದಂತೆ ಮಾತು ಬರುವವರಿಗೆ ಸಂವಹನ ನಡೆಸೋದಕ್ಕಾಗಿ ಇಡೀ ವಿಶ್ವದಲ್ಲಿ ನಾನಾ ಭಾಷೆಗಳಿದ್ದಾವೆ. ಈ ಭಾಷೆಗಳೇ ಯಾವ ಸಂಶೋಧನೆಗಳಿಗೂ ನಿಲುಕದಷ್ಟು ಸಂಖ್ಯೆಯಲ್ಲಿವೆ. ನಮ್ಮ ದೇಶವನ್ನೇ ತೆಗೆದುಕೊಂಡರೆ ಗ್ರಾಮೀಣ ಭಾಗಗಳಲ್ಲಿಯೂ ಹರಡಿಕೊಂಡಿರೋ ಭಾಷೆಗಳು ಮತ್ತವುಗಳ ಶೈಲಿಗಳು ಅಚ್ಚರಿಯ ಗುಡಾಣದಂತಿವೆ. ಆದರೆ ಮಾತು ಬಂದರೂ ಕೂಡಾ ಕೈ ಸನ್ನೆಯಲ್ಲಿಯೇ ಮಾತಾಡೋ ಜನರೂ ಈ ಭೂಮಿಯ ಮೇಲಿದ್ದಾರೆ. ಅವರ ಪಾಲಿಗೆ ಅಂಥಾ ಸನ್ನೆಗಳೇ ಭಾಷೆ!

ಈ ವಿಚಾರವನ್ನ ಕೇಳಿದ್ರೆ ನಿಜಕ್ಕೂ ಅಚ್ಚರಿಯಾಗುತ್ತೆ. ಇದು ನಿಜಾನಾ ಎಂಬಂಥಾ ಸಂದೇಹವೂ ಕಾಡದಿರೋದಿಲ್ಲ. ಮಾತಾಡೋ ಶಕ್ತಿ ಇದ್ದರೂ ಜನ ಸನ್ನೆಗಳ ಮೂಲಕವೇ ಮಾತಾಡ್ತಾರೆ ಅಂದ್ರೆ ಸಹಜವಾಗಿಯೇ ಗುಮಾನಿ ಮೂಡಿಕೊಳ್ಳುತ್ತೆ. ಆದರಿದನ್ನ ನಂಬದೇ ವಿಧಿಯಿಲ್ಲ. ಯಾಕಂದ್ರೆ ಅಂಥಾ ವಿಚಿತ್ರ ಜನ ಪ್ರಸಿದ್ಧ ಪ್ರವಾಸಿಗರ ಸ್ವರ್ಗ ಎಂದೆನಿಸಿರೋ ಬಾಲಿಯಲ್ಲಿದೆ. ಇಲ್ಲಿನ ಬಿಂಕಲಾ ಎಂಬ ಒಂದಿಡೀ ಹಳ್ಳಿಯ ಜನ ಸನ್ನೆಗಳಲ್ಲಿಯೇ ಪರಸ್ಪರ ಮಾತಾಡಿಕೊಳ್ತಾರೆ.

ಬಾಲಿ ಅಂದರೆ ಭೂಲೋಕದ ನಿತ್ಯ ಸ್ವರ್ಗ. ಅಲ್ಲಿನ ಸುಂದರಾತಿ ಸುಂದರ ಪ್ರದೇಶಗಳಿಗೆ ವರ್ಷವೊಂದಕ್ಕೆ ಲಕ್ಷಾಂತರ ಪ್ರವಾಸಿಗರು ಎಡ ತಾಕ್ತಾರೆ. ಅದೇ ಬಾಲಿಯ ಪುಟ್ಟ ಹಳ್ಳಿಯೊಂದರಲ್ಲಿ ಇಂಥಾ ಸೈನ್ ಲ್ವಾಂಗ್ವೇಜ್ ಭಾಷೆಯಾಗಿ ಬಳಕೆಯಲ್ಲಿದೆ. ಆ ಪ್ರದೇಶದಲ್ಲಿ ಮಾತಾಡಲು ಭಾಷೆಯೇ ಇಲ್ಲ. ಅಲ್ಲಿ ಪ್ರತಿಯೊಬ್ಬರೂ ಕೂಡಾ ಕೈ ಸನ್ನೆಯಲ್ಲಿಯೇ ಮಾತಾಡುತ್ತಾರೆ. ಮಾತಾಡುವ ಶಕ್ತಿಯಿದ್ದರೂ ಕೂಡಾ ಸನ್ನೆಗಳನ್ನೇ ಭಾಷೆಯಾಗಿಸಿಕೊಂಡ ಜಗತ್ತಿನ ಅತ್ಯಂತ ವಿರಳ ಜನ ಇಲ್ಲಿ ವಾಸಿಸುತ್ತಿದ್ದಾರೆ.

The post ಆ ಊರಿನ ಜನ ಬಾಯಿ ಬಂದರೂ ಕೈ ಸನ್ನೆಯಲ್ಲೇ ಮಾತಾಡ್ತಾರೆ! appeared first on ಶೋಧ ನ್ಯೂಸ್ - Shodha News.

ಯಾವುದೋ ಘಳಿಗೆಯಲ್ಲಿ ಹೆಗಲೇರಿಕೊಂಡು, ಸಂಪೂರ್ಣವಾಗಿ ಆವರಿಸಕೊಳ್ಳುವ ಚಟಗಳು ಕೊಂಚ ಯಾಮಾರಿದರೂ ಜೀವಕ್ಕೇ ಕಂಟಕವಾಗಿ ಬಿಡುತ್ತವೆ. ಮೊದ ಮೊದಲು ಯಾವುದೋ ದುಃಖಕ್ಕೆ, ಹಳವಂಡಕ್ಕೆ, ಹತಾಶೆಗೆ ಸಾಥ್ ಕೊಡುವಂತೆ ಕಾಣಿಸೋ ಇಂಥಾ ಚಟಗಳೇ ಬದುಕನ್ನ ಆಪೋಶನ ತೆಗೆದುಕೊಂಡ ದಂಡಿ ದಂಡಿ ಉದಾಹರಣೆಗಳಿದ್ದಾವೆ. ಅದರಲ್ಲಿಯೂ ನಶೆಯ ಉತ್ತುಂಗದ ಸ್ಥಿತಿ ತಲುಪಿಸೋ ಗಾಂಜಾ ಗುಂಗು ಹತ್ತಿಕೊಂಡಂರಂತೂ ಬದುಕು ಲಯ ತಪ್ಪಿತೆಂದೇ ಅರ್ಥ. ಹಾಗೆ ಗಾಂಜಾ ನಶೆಯ ನಂಟು ಬೆಳೆಸಿಕೊಂಡವರೆಲ್ಲ ಬೆಚ್ಚಿ ಬೀಳುವಂಥಾ ಸಂಶೋಧನಾ ವರದಿಯೊಂದೀಗ ಜಾಹೀರಾಗಿದೆ!

ಇಂಥಾದ್ದೊಂದು ವರದಿಯನ್ನು ಬಹುಕಾಲದ ಸಂಶೋಧನೆಯ ನಂತರ ಹೊರಗೆಡವಿರೋದು ಅಮೆರಿಕನ್ ಕಾಲೇಜ್ ಆಫ್ ಕಾರ್ಡಿಯಾಲಜಿ ತಂಡ. ಇದರ ನೆರಳಿನಲ್ಲಿ ಹತ್ತಾರು ಮಂದಿ ತಜ್ಞರು ವರ್ಷಾಂತರಗಳ ಕಾಲ ವಿಸ್ತøತವಾದ ಅಧ್ಯಯನ ನಡೆಸಿದ್ದರು. ಆ ಅಧ್ಯಯನಗಳ ಕೇಂದ್ರ ಬಿಂದುವಾಗಿದ್ದದ್ದು ಗಾಂಜಾ ಸೇವನೆ ಮನುಷ್ಯನ ದೇಹದ ಮೇಲೆ ಬೀರುವಂಥಾ ವ್ಯತಿರಿಕ್ತ ಪರಿಣಾಮಗಳ ಕುರಿತಾಗಿತ್ತು. ಇದರ ಫಲವಾಗಿಯೇ ಅವರು ಭೀಕರ ಸತ್ಯವೊಂದನ್ನು ಕಂಡುಕೊಂಡಿದ್ದರೆ. ಅದರ ಪ್ರಕಾರವಾಗಿ ಹೇಳುವುದಾದರೆ, ನಿಯಮಿತವಾಗಿ ಗಾಂಜಾ ಸೇವಿಸೋದರಿಂದ ನಾನಾ ಅನಾರೋಗ್ಯಗಳು ಉಂಟಾಗುತ್ತವೆ. ಅಂಥವರು ಇತರರಿಗಿಂತ ಬೇಗನೆ ಹೃದಯಾಘಾತಕ್ಕೀಡಾಗುವ ಅಪಾಯ ಹೆಚ್ಚಿನದ್ದಿದೆ!

ಗಾಂಜಾವನ್ನು ಧೂಮಪಾನದ ಮೂಲಕ ಸೇವಿಸುವವರು, ಆಹಾರದ ಮೂಲಕ ತೆಗೆದುಕೊಳ್ಳುವವರಿಗೆ ಈ ಕಂಟಕ ಹೆಚ್ಚಾಗಿದೆ. ರಕ್ತ ನಾಳಗಳ ಮೇಲೆ ಗಾಂಜಾ ಮೊದಲು ಪರಿಣಾಮ ಬೀರಿ ಅವುಗಳನ್ನು ಸಂಕುಚಿತಗೊಳಿಸುತ್ತವೆ. ಕೊಲೇಸ್ಟ್ರಾಲ್ ಅನ್ನು ನರಗಳಲ್ಲಿ ಶೇಖರಣೆಯಾಗುವಂತೆ ಮಾಡಿ ಸರಾಗವಾದ ರಕ್ತ ಸಂಚಾರಕ್ಕೆ ಕಂಟಕವುಂಟು ಮಾಡುತ್ತದೆ. ಇದರಿಂದ ನಾಬನಾ ಸಮಸ್ಯೆಗಳು ಬಂದೆರಗುತ್ತವೆ. ಅದುವೇ ಮುಂದೆ ಹೃದಯಾಘಾತಕ್ಕೂ ಎಡೆ ಮಾಡಿ ಕೊಡುತ್ತದೆ. ಇತ್ತೀಚೆಗಂತೂ ಎಳೇ ವಯಸಿನವರಲ್ಲಿಯೂ ಹೃದಯಾಘಾತ ಪ್ರಕರಣಗಳು ಅತಿಯಾಗಿ ಕಾಣಿಸಿಕೊಳ್ಳುತ್ತಿವೆ. ಅದಕ್ಕೆ ಗಾಂಜಾದಂಥಾ ಮಾದಕ ಪದಾರ್ಥಗಳ ಸೇವನೆಯೂ ಕೂಡಾ ಪ್ರಧಾನ ಕಾರಣವಾಗಿರುವ ಸಾಧ್ಯತೆಗಳಿದ್ದಾವೆ. ಇಂಥಾ ಚಟದಾಸರೆಂದರೆ ಸಾವಿಗೆ ತುಂಬಾ ಪ್ರೀತಿ. ಗಾಂಜಾ ಸೇವಿಸುವವರ ಮೇಲದಕ್ಕೆ ಪ್ರೀತಿ ತುಸು ಹೆಚ್ಚೇ ಇರುತ್ತದೆಂಬುದನ್ನು ಸದರಿ ಸಂಶೋಧನೆ ಪತ್ತೆಹಚ್ಚಿದೆ!

The post ನಶೆ ಏರಿಸಿಕೊಂಡವರಂದ್ರೆ ಸಾವಿಗೂ ಲವ್ವು! appeared first on ಶೋಧ ನ್ಯೂಸ್ - Shodha News.