ಸಿನಿಮಾ ನಟನಟಿಯರೆಂದರೇನೇ ಅವರದ್ದು ಹೈಫೈ ಬದುಕೆಂಬ ಸಿದ್ಧಸೂತ್ರದ ಚಿತ್ರ ಎಲ್ಲರ ಮನಸುಗಳಲ್ಲಿಯೂ ಮೂಡಿಕೊಳ್ಳುತ್ತೆ. ಸಾಮಾನ್ಯವಾಗಿ ಬಹುತೇಕ ನಟ ನಟಿಯರು ಸಾಕಷ್ಟು ಕಷ್ಟಪಟ್ಟುಕೊಂಡೇ ಮೇಲೆದ್ದು ನಿಂತಿರುತ್ತಾರೆ. ಹಾಗೆ ಸಾಗಿ ಬಂದವರನ್ನು ಯಾವುದೋ ಹಾದಿಯಲ್ಲಿ ಗೆಲುವೆಂಬುದು ತಬ್ಬಿಕೊಳ್ಳುತ್ತೆ. ಆ ಬಿಸಿಯಲ್ಲಿ ಮೈ ಮರೆಯೋ ಮಂದಿ ಬಂದ ಹಾದಿಯತ್ತ ಹಿಂತಿರುಗಿ ನೋಡೋದು, ನಡೆದ ಹಾದಿಯಲ್ಲಿ ಮತ್ತೆ ಹೆಜ್ಜೆಯಿಡುವ ಮನಸು ಮಾಡೋದೆಲ್ಲ ಅತೀ ವಿರಳ. ಬಣ್ಣದ ಲೋಕದ ತುಂಬಾ ಹಬ್ಬಿಕೊಂಡಿರುವ ಇಂಥಾ ವಾತಾವರಣದ ನಡುವೆಯೂ ಕೆಲ ಮಂದಿ ನೆನಪುಗಳ ಪಸೆಯನ್ನು ಮನಸಲ್ಲಿಟ್ಟುಕೊಂಡು, ಹಳೇ ದಿನಗಳನ್ನು ಮೆಲುಕು ಹಾಕುತ್ತಾ, ಮತ್ತೆ ಮತ್ತೆ ಅಲ್ಲಿಗೆ ಮರಳುತ್ತಾ ಮುದಗೊಳ್ಳುತ್ತಾರೆ. ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ತನ್ನದೇ ಛಾಪು ಮೂಡಿಸಿರುವ ರಕುಲ್ ಪ್ರೀತ್ ಸಿಂಗ್ ಕೂಡಾ ಆ ಸಾಲಿಗೆ ಸೇರಿಕೊಳ್ಳುತ್ತಾಳೆ!

ಇದೀಗ ಅವಕಾಶಗಳಿಗೆ ಕೊಂಚ ಹಿನ್ನಡೆ ಉಂಟಾಗಿದ್ದರೂ ಕೂಡಾ, ರಕುಲ್ ಪ್ರೀತ್ ಸಿಂಗ ಭಾರತೀಯ ಚಿತ್ರರಂಗದ ಪ್ರಮುಖ ನಟಿ. ಮಾಡೆಲಿಂಗ್ ಕ್ಷೇತ್ರದಲ್ಲಿ ಈಗಲೂ ಮಿಂಚುತ್ತಿರುವ ಆಕೆಯದ್ದು ಹೈಫೈ ಬದುಕೆಂಬುದರಲ್ಲಿ ಯಾವ ಸಂದೇಹವೂ ಇಲ್ಲ. ಹಣಕಾಸು ಸೇರಿದಂತೆ ಬಹುಶಃ ಯಾವ ಅಡೆತಡೆಗಳೂ ಆಕೆಗಿರಲಿಕ್ಕಿಲ್ಲ. ಆದರೂ ಕೂಡಾ ರಕುಲ್ ಆಗಾಗ ಹಳೇ ದಿನಗಳಿಗೆ ಮರಳಿಕೊಳ್ಳಲು ಹಂಬಲಿಸುತ್ತಾಳಂತೆ. ಆ ದಿನಗಳನ್ನು ಧ್ಯಾನಿಸುತ್ತಾ, ಒಂದು ರೌಡು ಶಾಪಿಂಗ್‌ಗೆ ತೆರಳಿ ಅತ್ಯಂತ ಕಡಿಮೆ ಬೆಲೆಯ ಬಟ್ಟೆಗಳನ್ನು ಕೊಂಡು ಸಂಭ್ರಮಿಸುತ್ತಾಳಂತೆ.

ಹಾಗೆ ಕಡಿಮೆ ರೇಟಿನ ಬಟ್ಟೆಗಳನ್ನು ಕೊಂಡಾಗೆಲ್ಲ ಕಷ್ಟದ ದಿನಗಳನ್ನು ಮತ್ತೆ ನೆನಪಿಸಿಕೊಂಡ, ಆ ಕಾಲಮಾನದಲ್ಲಿ ಓಡಾಡಿದ ಫೀಲ್ ರುಕುಲ್ ಪ್ರೀತ್ ಸಿಂಗ್‌ಳನ್ನು ಆವರಿಸಿಕೊಳ್ಳುತ್ತದೆಯಂತೆ. ಆಕೆಯೇ ಹೇಳಿಕೊಂಡಿರುವ ಪ್ರಕಾರವಾಗಿ ನೋಡೋದಾದರೆ, ನಟಿಯಾಗಿ ಅದೆಷ್ಟೇ ಉತ್ತುಂಗಕ್ಕೇರಿದ್ದರೂ ಕೂಡಾ ಈ ಕ್ಷಣಕ್ಕೂ ಮಧ್ಯಮ ವರ್ಗದ ಗಾಢ ಛಾಯೆ ಆಕೆಯ ಬದುಕಿನ ಮೇಲಿದೆಯಂತೆ. ಸಾಮಾನ್ಯವಾಗಿ ನಟಿಯರು ಹೀಗೆ ಭಾವುಕವಾಗಿ, ಸಂವೇದನಾಶೀಲರಾಗಿ ಆಲೋಚಿಸೋದೇ ವಿರಳ. ಆ ಝಗಮಗದ ಬದುಕು ಅವರ ಜೀವನದ ನಿನ್ನೆಗಳನ್ನು ಮಸುಕಾಗಿಸಿರುತ್ತವೆ. ನಾಳೆಗಳ ಬಗ್ಗೆ ಆಲೋಚಿಸದಂತೆ ಮಾಡಿ, ಈ ಕ್ಷಣವನ್ನು ಕೆನೆಯುತ್ತಾ ಕಳೆಯೋದೇ ಬದುಕೆಂಬ ಸೂತ್ರಕ್ಕೆ ಕಟ್ಟುಬಿದ್ದಿರುತ್ತಾರೆ. ಇಂಥವರ ಸಂತೆಯಲ್ಲಿ ಹಳತಿನ ಗುಂಗಿಗೆ ಜಾರುವ ರಾಕುಲ್ ಪ್ರೀತ್ ಸಿಂಗ್‌ಳಂಥ ನಟಿಯರು ನಿಜಕ್ಕೂ ವಿಶೇಷವಾಗಿ ಕಾಣಿಸುತ್ತಾರೆ.

The post ಮಧ್ಯಮ ವರ್ಗದ ಗುಂಗಿನ್ನೂ ಹಾಗೇ ಇದೆ! appeared first on ಶೋಧ ನ್ಯೂಸ್ - Shodha News.

ಇತ್ತೀಚೆಗೆ ಮಾಧ್ಯಮ ಸಂದರ್ಶನವೊಂದರಲ್ಲಿ ಮಾತಾಡುತ್ತಿದ್ದ ರಕುಲ್, ತೆಲುಗು ಚಿತ್ರರಂಗದಲ್ಲಿ ಉಚ್ಛ್ರಾಯ ಸ್ಥಿತಿಯಲ್ಲಿದ್ದ ತನ್ನ ವೃತ್ತಿ ಬದುಕಿನ ಬಗ್ಗೆ ಮಾತಾಡಿದ್ದಾಳೆ. ಒಂದು ಕಾಲದಲ್ಲಿ ಬಳುಕುವ ಬಳ್ಳಿಯಂತಿದ್ದ ಈ ಹುಡುಗಿ ತೆಲುಗು ಚಿತ್ರರಂಗದಲ್ಲಿ ಭಾರೀ ಬೇಡಿಕೆ ಹೊಂದಿದ್ದಳು. ವರ್ಷವೊಂದಕ್ಕೆ ಏನಿಲ್ಲವೆಂದರೂ ನಾಲಕೈದು ಚಿತ್ರಗಳಲ್ಲಿಯಾದರೂ ನಟಿಸುತ್ತಿದ್ದಳು. ಹಾಗೆ ನಟಿಸಿದ ಬಹುತೇಕ ಚಿತ್ರಗಳು ಹಿಟ್ ಲಿಸ್ಟಿಗೆ ಸೇರಿಕೊಳ್ಳುತ್ತಿದ್ದವೆಂಬುದು ವಿಶೇಷ. ಹೀಗೆ ವರ್ಷಕ್ಕೆ ಹೆಚ್ಚಿನ ಸಿನಿಮಾಗಳಲ್ಲಿ ನಟಿಸುತ್ತಿದ್ದ ರಕುಲ್‌ಳನ್ನು ತೆಲುಗು ಚಿತ್ರರಂಗದ ಮಂದಿ ಲೇಡಿ ಅಕ್ಷಯ್ ಕುಮಾರ್ ಅಂತ ತಮಾಶೆ ಮಾಡುತ್ತಿದ್ದರಂತೆ.

ಹೀಗೆ ತೆಲುಗಿನಲ್ಲಿ ಒಂದರ ಹಿಂದೊಂದರಂತೆ ಹಿಟ್ ಸಿನಿಮಾಗಳಲ್ಲಿ ನಟಿಸುತ್ತಾ ಸಾಗಿದ್ದ ರಕುಲ್, ಆ ನಂತರದಲ್ಲಿ ತಮಿಳಿನಲ್ಲಿಯೂ ಒಂದಷ್ಟು ಹೆಸರು ಮಾಡಿದ್ದಳು. ಅಲ್ಲಿಯೂ ಒಂದಷ್ಟು ಸಿನಿಮಾಗಳಲ್ಲಿ ನಟಿಸುತ್ತಾ, ಬಾಲಿವುಡ್‌ನಲ್ಲಿಯೂ ಮಿಂಚಿದ್ದಳು. ಒಟ್ಟಾರೆಯಾಗಿ ದೆಹಲಿಯ ಹುಡುಗಿ ರಕುಲ್ ಪ್ರೀತ್ ಸಿಂಗ್ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲೀಗ ಮುಖ್ಯ ನಟಿಯರ ಸಾಲಿನಲ್ಲಿ ತನ್ನ ಹೆಸರು ದಾಖಲಿಸಿಕೊಂಡಿದ್ದಾಳೆ. ಹಾಗೆ ನೋಡಿದರೆ, ಬಾಲಿವುಡ್ಡಿನಲ್ಲಿ ರಕುಲ್‌ಗೆ ಹೇಳಿಕೊಳ್ಳುವಂತ ಯಶವೇನೂ ಸಿಕ್ಕಿರಲಿಲ್ಲ. ಸದ್ಯಕ್ಕೆ ಆಕೆಯ ವೃತ್ತಿ ಜೂಈವನಕ್ಕೆ ಕೊಂಚ ಮಬ್ಬು ಕವಿದಂತಿದ್ದರೂ, ಮಾಡೆಲಿಂಗ್ ಸೇರಿದಂತೆ ನಾನಾ ಪ್ರಕಾರವಾಗಿ ರಕುಲ್ ಆಕ್ಟೀವ್ ಆಗಿದ್ದಾಳೆ.

The post ಬಳುಕೋ ಬಳ್ಳಿಯ ವೃತ್ತಿ ಬದುಕೀಗ ಮಬ್ಬುಮಬ್ಬು! appeared first on ಶೋಧ ನ್ಯೂಸ್ - Shodha News.