ಭೂಭಾಗಗಳು ಯಾವುದೇ ಇದ್ದರೂ ಕರೆಯದೇ ಬರೋ ಅತಿಥಿಗಳಂತಿರುವವು ಇಲಿಗಳು. ಯಾವ ಮಾಯಕದಲ್ಲೋ ಮನೆ ಸೇರಿಕೊಂಡು ಎಲ್ಲವನ್ನೂ ಹರುಕುಪರುಕು ಮಾಡೋ ಕಲೆ ಇಲಿಗಳಿಗೆ ಸ್ವಂತವಾಗಿದೆ. ಹೀಗೆ ಇಲಿ ಕಾಟ ಹೆಚ್ಚಾದಾಗ ಬೋನಿಟ್ಟು ಬಲಿ ಹಾಕೋ ಪರಿಪಾಠ ಬೆಳೆದು ಬಂದಿದೆ. ಆದರೆ, ಅಂಥಾ ಇಲಿಗಳ ಸೀನಿಯಾರಿಟಿಯ ಬಗ್ಗೆ ನಾವ್ಯಾರೂ ಅಪ್ಪಿತಪ್ಪಿಯೂ ಆಲೋಚಿಸೋದಿಲ್ಲ. ನೀವು ರೊಚ್ಚಿಗೆದ್ದು ಬೋನಿಗೆ ತುಂಬಿಕೊಂಡ ಇಲಿಯ ವಯಸ್ಸು ಎಷ್ಟಿರಬಹುದಂತ ಯಾವತ್ತಾದ್ರೂ ಯೋಚ್ಸಿದ್ರಾ?

ಹೀಗೊಂದು ಆಲೋಚನೆ ಬರೋದು ಜೀವ ವಿಜ್ಞಾನಿಗಳಿಗೆ ಮಾತ್ರವೇನೋ. ಪ್ರತೀ ಜೀವಿಗಳ ಹುಟ್ಟಿನ ಮೂಲ, ಆಯಸ್ಸು, ಜೀವನ ಕ್ರಮಗಳ ಮೇಲೆ ಅವರೆಲ್ಲ ಸದಾ ಕಣ್ಣಿಟ್ಟಿರ್ತಾರೆ. ಆ ಕಾರಣದಿಂದಲೇ ಜೀವ ಜಗತ್ತಿನ ಒಂದಷ್ಟು ವಿವರಗಳು ಜಾಹೀರಾಗಿವೆ. ಹೀಗೆಯೇ ಇಲಿಗಳ ಬಗ್ಗೆ ಅಧ್ಯಯನ ನಡೆಸ್ತಿದ್ದ ವಿಜ್ಞಾನಿಯೊಬ್ರು 2016ರಲ್ಲಿ ಒಂದು ಇಲಿಯನ್ನ ಬೋನಿಗೆ ಕೆಡವಿಕೊಂಡಿದ್ರು. ಹಾಗೆ ಬೋನು ಸೇರಿದ ಇಲಿಯ ಪೂರ್ವಾಪರಗಳು ನಿಜಕ್ಕೂ ಇಂಟರೆಸ್ಟಿಂಗ್ ಆಗಿವೆ.

ಆ ಇಲಿ ವಯಸ್ಸಾದಂತೆ ಕಂಡ್ರೂ ಆಕ್ಟೀವ್ ಆಗಿತ್ತು. ಯಾವ ನಖರಾವನ್ನೂ ಮಾಡದೆ ಸಲೀಸಾಗಿಯೇ ಬೋನಿಗೆ ಬಿದ್ದಿತ್ತು. ಆದ್ರೆ ಕೊಂಚ ಯಡವಟ್ಟಾಗಿ ಆ ಬೋನಿನ ಅಲಗು ತಾಕಿ ಇಲಿ ಗಾಯಗೊಂಡು ಸತ್ತೇ ಹೋಗಿತ್ತು. ಆದ್ರೆ ಆ ವಿಜ್ಞಾನಿ ಆ ಇಲಿಯ ಮೆದುಳು ಮುಂತಾದ ಭಾಗಗಳನ್ನು ಪರೀಕ್ಷೆಗೊಳಪಡಿಸಿದ್ರು. ಅದರ ಫಲವಾಗಿ ಸತ್ತ ಇಲಿಗೆ ಸರಿಸುಮಾರು ನೂರಾ ಐವತೈದು ವರ್ಷವಾಗಿರಬಹುದೆಂದು ಅಂದಾಜಿಸಲಾಗಿತ್ತು. ಹಾಗೇನಾದ್ರೂ ಬದುಕಿದ್ರೆ ಆ ಇಲಿ ಈಗಲೀ ಜೀವಂತವಾಗಿರ್ತಿತ್ತೇನೋ. ಸದ್ಯ ಅದರ ದೇಹವನ್ನ ಇಂಗ್ಲೆಂಡಿನ ಮ್ಯೂಸಿಯಂನಲ್ಲಿಡಲಾಗಿದೆ.

The post ಬೋನಿಗೆ ಬಿದ್ದ ಇಲಿಗೆ ನೂರಾ ಐವತೈದು ವರ್ಷ ವಯಸ್ಸಾಗಿತ್ತು! appeared first on ಶೋಧ ನ್ಯೂಸ್ - Shodha News.

ಆಧುನಿಕತೆಯ ಭರಾಟೆಯಲ್ಲಿ ಎಲ್ಲವೂ ಶೋಕಿಯ ವಸ್ತುಗಳಾಗಿ ಹೋಗಿವೆ. ಕಾಫಿ, ಟೀ, ಪಾನಕಗಳ ಜಾಗವನ್ನು ಆಕರ್ಷಕ ಪಾನೀಯಗಳು ಒಂದೇ ಸಮನೆ ಓವರ್‍ಟೇಕ್ ಮಾಡಿ ಬಿಟ್ಟಿವೆ. ಸಿ, ಕೋಕಕೋಲಾದಂಥಾ ಪಾನೀಯಗಳಿಗೆ ಜನ ಮನಸೋತಿದ್ದಾರೆ. ತೀರಾ ಊಟ ತಿಂಡಿಯ ಸಂದರ್ಭದಲ್ಲಿಯೂ ಅವುಗಳನ್ನೇ ಗುಟುಕರಿಸುವಷ್ಟು ಅಡಿಕ್ಟ್ ಆಗಿಬಿಟ್ಟಿದ್ದಾರೆ.

ನಮ್ಮ ನಡುವೆ ಜಂಕ್ ಫುಡ್ ಕಲ್ಚರ್ ಬೆಳೆದುಕೊಂಡಿದೆಯಲ್ಲಾ? ಅದಕ್ಕೆ ಇಂಥ ಪಾನೀಯಗಳು ಪಕ್ಕಾ ಸಾಥ್ ಕೊಡುತ್ತಿವೆ. ಅದೇ ಹೊತ್ತಲ್ಲಿ ಈ ಪಾನೀಯಗಳು ಅದೆಷ್ಟು ಡೇಂಜರಸ್ ಅನ್ನೋದರ ಬಗ್ಗೆಯೂ ಶೋಧನೆಗಳು ನಡೆದಿವೆ. ಹಲವಾರು ಪ್ರಯೋಗಗಳ ಮೂಲಕ ಅವುಗಳ ಭೀಕರ ಸ್ವರೂಪವನ್ನು ಜಾಹೀರು ಮಾಡಲಾಗಿದೆ. ಆದರೂ ಜನ ಮಾತ್ರ ಅದರ ಗುಂಗಿನಿಂದ ಹೊರಬಂದಿಲ್ಲ.

ಹೀಗೆ ಜನರನ್ನು ಮೋಡಿಗೀಡು ಮಾಡಿರೋ ಪಾನೀಯಗಳಲ್ಲಿ ಮೌಂಟೈನ್ ಡಿವ್ ಕೂಡಾ ಸೇರಿಕೊಂಡಿದೆ. ಆನ ಈ ಪಾನೀಯಾಕ್ಕೂ ಮಾರು ಹೋಗಿದ್ದಾರೆ. ಅದರ ಭೀಕರ ಸ್ವರೂಪ ಎಂಥಾದ್ದೆಂಬುದನ್ನು ಇದೀಗ ಸಂಶೋಧಕರೇ ತೆರೆದಿಟ್ಟಿದ್ದಾರೆ. ಈ ಪಾನೀಯದಲ್ಲಿ ಕಟ್ಟುಮಸ್ತಾದ ಇಲಿಯನ್ನು ನೆನೆಸಿಟ್ಟರೆ ಅದು ನೋಡ ನೋಡುತ್ತಲೇ ಸಂಪೂರ್ಣವೆಂಬಂತೆ ಕರಗಿ ಹೋಗುತ್ತೆ. ಹಾಗಾದ್ರೆ ಅದರಲ್ಲಿ ಅದಿನ್ನೆಂಥಾ ಕೆಮಿಕಲ್‍ಗಳಿರಬಹುದೋ ಯೋಚಿಸಿ.

The post ಮೌಂಟೈನ್ ಡಿವ್‍ನೊಳಗೆ ಬಿದ್ರೆ ಇಲಿ ಮಾಯವಾಗುತ್ತೆ! appeared first on ಶೋಧ ನ್ಯೂಸ್ - Shodha News.