ಗಾಂಜಾ ಮುಂತಾದ ನಶೆಯ ಪದಾರ್ಥಗಳಿಂದು ಇಡೀ ದೇಶವನ್ನೇ ವ್ಯಾಪಿಸಿವೆ. ನಮ್ಮ ಕರ್ನಾಟಕವೂ ಸೇರಿದಂತೆ ನಾನಾ ರಾಜ್ಯಗಳಲ್ಲಿ ಇಂಥಾ ಡ್ರಗ್ಸ್ ಮಾಫಿಯಾವನ್ನು ಮಟ್ಟ ಹಾಕುವ ಅವಿರತ ಪ್ರಯತ್ನಗಳು ನಡೆಯುತ್ತಿವೆ. ಆದರೆ, ಸಂದಿಗೊಂದಿಗಳಲ್ಲಿ ಪಿತಗುಡುತ್ತಿರುವ ಡ್ರಗ್ ಪೆಡ್ಲರ್‍ಗಳು ಸಿಕ್ಕಿಕೊಳ್ಳುತ್ತಿದ್ದಾರೇ ಹೊರತು, ಕಿಂಗ್‍ಪಿನ್‍ಗಳನ್ನು ಬಂಧಿಸಿ ಈ ದಂಧೆಯ ನಡ ಮುರಿಯುವ ಉತ್ಸಾಹವನ್ನು ಪೊಲೀಸರು ತೋರುತ್ತಿಲ್ಲವೆಂಬ ಅಸಹನೆ ನಾಗರಿಕರಲ್ಲಿದೆ. ಈ ನಡುವೆ ಹೈದ್ರಾಬಾದ್‍ನಲ್ಲಿ ಡ್ರಗ್ಸ್ ಮಾರಾಟಗಾರನೊಬ್ಬನನ್ನು ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ.

ಹೈದ್ರಾಬಾದ್‍ನ ಒಂದಷ್ಟು ಪ್ರದೇಶಗಳಲ್ಲಿ ಡ್ರಗ್ಸ್ ಮಾರಾಟ ಮಾಡುತ್ತಿದ್ದ ಈತನ ಮೇಲೆ ಹಲವಾರು ದಿನಗಳಿಂದ ಪೊಲೀಸರು ಕಣ್ಣಿಟ್ಟಿದ್ದರು. ಇದೀಗ ಮಾಲಿನ ಸಮೇತ ದಂಧೆಕೋರನನ್ನು ಬಂಧಿಸಲಾಗಿದೆ. ಈತನಿಂದ ಇಪ್ಪತ್ನಾಲಕ್ಕು ಕೇಜಿ ಗಾಂಜಾ ಮತ್ತುಯ ಹದಿನೈದು ಲಕ್ಷದಷ್ಟು ನಗದನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಭಾಶಗದಲ್ಲಿ ದೊಡ್ಡ ನೆಟ್‍ವರ್ಕ್ ಹೊಂದಿದ್ದ ಈ ಕ್ರಿಮಿಗೆ ವಿದ್ಯಾರ್ಥಿಗಳು, ಪ್ರತಿಷ್ಠಿತರು ಸೇರಿದಂತೆ ಅನೇಕರ ಸಂಪರ್ಕವಿದೆ. ಆತನ ಮಾಹಿತಿ ಆಧರಿಸಿ ಈ ದಂಧೆಯ ಬೇರುಗಳನ್ನು ಬುಡದಿಂದಲೇ ಕಿತ್ತು ಹಾಕಲು ಹೈದ್ರಾಬಾದ್ ಪೊಲೀಸರು ಮುಂದಾಗಿದ್ದಾರೆ.

ಸದ್ಯಕ್ಕೆ ಹೈದ್ರಾಬಾದ್ ಪಟ್ಟಣ ಡ್ರಗ್ಸ್ ದಂಧೆಯ ದಾವಾನಲದಂತಿದೆ. ಇಲ್ಲಿಯೇ ದಿನವೊಂದಕ್ಕೆ ಲಕ್ಷ, ಕೋಟಿಗಳ ವ್ಯವಹಾರವೂ ನಡೆಯುತ್ತಿದೆ ಎಂಬುದನ್ನೀಗ ಪೊಲೀಸರು ಪತ್ತೆಹಚ್ಚಿದ್ದಾರೆ. ತುಂಬಾ ಸಲೀಸಿನ ಹಾದಿಯಲ್ಲಿ ಗ್ರಾಹಕರಿಗೆ ಡ್ರಗ್ಸ್ ಸರಬರಾಜು ಮಾಡುತ್ತಿರುವ ಒಂದು ದೊಡ್ಡ ನೆಟ್‍ವರ್ಕ್ ಹೈದ್ರಾಬಾದ್ ತುಂಬಾ ಹಬ್ಬಿಕೊಂಡಿದೆ. ಸದ್ಯಕ್ಕೆ ತಗುಲಿಕೊಂಡಿರುವಾತನನ್ನು ವ್ಯಾಪಕ ತನಿಖೆಗೀಡು ಮಾಡಲಾಗುತ್ತಿದೆ. ಆ ಮಾಹಿತಿಯನ್ನು ಆಧರಿಸಿ, ಯಾವ್ಯಾವ ಮೂಲದಿಂದ ನಗರದೊಳಗೆ ಡ್ರಗ್ಸ್ ಸರಬರಾಜಾಗುತ್ತಿದೆ ಎಂಬುದನ್ನು ಕಂಡುಕೊಳ್ಳುವ ದಿಕ್ಕಿನಲ್ಲಿ ಖಾಕಿ ಪಡೆ ಪ್ರಯತ್ನಿಸುತ್ತಿದೆ.

The post ನಶೆಯ ಜಾಡು ಹಿಡಿದ ಖಾಕಿ ಪಡೆ! appeared first on ಶೋಧ ನ್ಯೂಸ್ - Shodha News.

ಡ್ರಗ್ಸ್ ನಶೆಯೆಂಬುದೀಗ ಒಂದಿಡೀ ದೇಶವನ್ನೇ ಅಪಾದಮಸ್ತಕ ಆವರಿಸಿಕೊಂಡಿದೆ. ಆದರೆ, ನಮ್ಮ ರಾಜ್ಯದಲ್ಲಿ ಪೊಲೀಸರೇಕೋ ಚಿತ್ರರಂಗದ ಮಂದಿಯನ್ನೇ ಗುರಿಯಾಗಿಸಿಕೊಂಡು ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಇದರ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಒಂದಷ್ಟು ಪ್ರಶ್ನೆಗಳಿರೋದು ಸತ್ಯ. ಆದರೆ, ಹಾಗೆ ಚಿತ್ರರಂಗ ಡ್ರಗ್ಸ್ ವಿರುದ್ಧದ ಕಾರ್ಯಾಚರಣೆಯ ಪ್ರಧಾನ ಟಾರ್ಗೆಟ್ ಆಗಿರೋದಕ್ಕೂ ಒಂದಷ್ಟು ನಿಖರ ಕಾರಣಗಳಿದ್ದಾವೆಂಬುದೂ ಅಷ್ಟೇ ಸತ್ಯ. ಯಾಕೆಂದರೆ, ಕಾಸು, ಖ್ಯಾತಿಯ ಮದವೇರಿದ ಬಹುತೇಕ ಎಲ್ಲ ಭಾಷೆಗಳ ಚಿತ್ರರಂಗಗಳಲ್ಲಿಯೂ ನಶೆಯ ರುದ್ರನರ್ತನ ಸಾಂಘವಾಗಿಯೇ ನಡೆಯುತ್ತಿದೆ. ಅದರಲ್ಲಿಯೂ ಬಾಲಿವುಡ್‌ನಲ್ಲಿಯಂತೂ ಡ್ರಗ್ಸ್ ಚಟ ಮಾಮೂಲಿ ಎಂಬಂತಾಗಿದೆ. ಆ ಚಟಕ್ಕೆ ದಾಸಾನುದಾಸನಾಗಿ, ಒಂದು ಹಂತದಲ್ಲಿ ತನ್ನ ಬದುಕನ್ನೇ ಅಧ್ವಾನವೆಬ್ಬಿಸಿಕೊಂಡಿದ್ದಾತ ಸಂಜಯ್ ದತ್. ಇದೀಗ ಖುದ್ದು ಅವರೇ ಡ್ರಗ್ಸ್ ಬಗ್ಗೆ ಜಾಗೃತಿ ಮೂಡಿಸುವಂಥಾ ಮಾತುಗಳನ್ನಾಡಿದ್ದಾರೆ.

ಸಂಜಯ್ ದತ್‌ನದ್ದು ವರ್ಣರಂಜಿತ ವ್ಯಕ್ತಿತ್ವ. ಕೇವಲ ಹೆಂಗಳೆಯರ ವಿಚಾರದಲ್ಲಿ ಮಾತ್ರವಲ್ಲ; ಬದುಕಿನ ನಾನಾ ಮಜಲುಗಳಲ್ಲಿಯೂ ಆತನೊಬ್ಬ ಸ್ವೇಚ್ಛೆಯನ್ನೇ ಧರಿಸಿಕೊಂಡಂತೆ ಬದುಕಿದ ಆಸಾಮಿ. ಒಂದು ಹಂತದಲ್ಲಿ ಸಂಜು ಬಾಬಾಗೆ ಡ್ರಗ್ಸ್‌ನ ರುಚಿ ಹತ್ತಿಕೊಂಡಿತ್ತು. ಸಾಮಾನ್ಯವಾಗಿ, ಈ ಡ್ರಗ್ಸ್ ಚಟದ ವಿಚಾರದಲ್ಲಿ ಒಂದಷ್ಟು ಹಂತಗಳಿರುತ್ತವೆ. ಅದರಲ್ಲಿ ಕಟ್ಟ ಕಡೆಯ ಹಂತ ತಲುಪಿಕೊಂಡು ಬೋಧ ತಪ್ಪಿ ಬೀಳುವ ಮಟ್ಟಕ್ಕೆ ನಶೆಯೇರಿಸಿಕೊಂಡಿದ್ದಾತ ಸಂಜಯ್ ದತ್. ಇಂಥಾ ಸಂಜಯ್ ಇದೀಗ ಡ್ರಗ್ಸ್ ನಶೆಯೆಂಬುದು ಎಷ್ಟು ವ್ಯರ್ಥ ಮತ್ತು ಅದು ಬದುಕನ್ನು ಹೇಗೆಲ್ಲ ಹಾಳುಗೆಡವುತ್ತದೆಂಬುದರ ಬಗ್ಗೆ ಸಂದರ್ಶನವೊಂದರಲ್ಲಿ ಮನಬಿಚ್ಚಿ ಮಾತಾಡಿದ್ದಾರೆ.

ಡ್ರಗ್ಸ್ ಚಟದ ಉತ್ತುಂಗದ ದಿನಗಳಲ್ಲಿ ಸಂಜಯ್‌ಗೆ ಮೈಮೇಲೆ ಪ್ರಜ್ಞೆಯೇ ಇರುತ್ತಿರಲಿಲ್ಲವಂತೆ. ಅದರ ನಡುವೆ ತಿಂಡಿ, ಊಟದಂಥವುಗಳೂ ಗಮನಕ್ಕೆ ಬಾರದಷ್ಟರ ಮಟ್ಟಿಗೆ ಆತ ಡ್ರಗ್ಸ್‌ಗೆ ವಶವಾಗಿದ್ದರು. ಅದೆಷ್ಟೋ ವರ್ಷಗಳ ಕಾಲ ನಶೆಯಲ್ಲಿ ಮಿಂದೆದ್ದ ಬಳಿಕ, ಅದೊಂದು ದಿನ ಜ್ಞಾನೋದಯವಾಗುವ ಸರದಿ ಬಂದಿತ್ತಂತೆ. ಆ ದಿನ ಸಂಜಯ್‌ಗೆ ಎಚ್ಚರವಾಗಿ, ಮಂಪರುಗಣ್ಣಲ್ಲಿ ಎದ್ದು ಅಡುಗೆ ಕೆಲಸದವನ ಬಳಿ ಊಟ ಹಾಕುವಂತೆ ಕೇಳಿದ್ದರಂತೆ. ಸಂಜಯ್ ಊಟ ಮಾಡುತ್ತಿರಬೇಕಾದರೆ ಅಲ್ಲೇ ನಿಂತಿದ್ದ ಅಡುಗೆಯವನ ಕಣ್ಣುಗಳಲ್ಲಿ ನೀರು ಜಿನುಗುತ್ತಿತ್ತು. ಅದನ್ನು ಗಮನಿಸಿದ ಸಂಜು ಯಾಕೆಂದು ಕೇಳಿದಾಗ, ಆತ ‘ನೀವು ಊಟ ಮಾಡದೆ ಇಂದಿಗೆ ಮೂರು ದಿನವಾಯ್ತು’ ಅಂದಿದ್ದನಂತೆ. ಅದು ಸಂಜಯ್‌ಗೆ ಆ ಕ್ಷಣದವರೆಗೂ ಅರಿವಿಗೇ ಬಂದಿರಲಿಲ್ಲ. ಆ ಕ್ಷಣದಲ್ಲಿ ನಶೆಯೆಂಬುದು ತನ್ನನ್ನು ಯಾವ ಪಾತಾಳಕ್ಕಿಳಿಸಿಬಿಟ್ಟಿದೆ ಎಂಬ ದಿಕ್ಕಿನಲ್ಲಿ ಆತ ಆಲೋಚಿಸಿದ್ದರಂತೆ. ಆ ಕ್ಷಣದಿಂದಲೇ ಡ್ರಗ್ಸ್ ಮುಟ್ಟದಿರುವ ತೀರ್ಮಾನಕ್ಕೆ ಬಂದಿದ್ದರಂತೆ. ಹಾಗೆ ಹೊರ ಬಂದ ನಂತರ ಬದುಕು ನಿಜಕ್ಕೂ ಸುಂದರವೆನ್ನಿಸಿ, ಡ್ರಗ್ಸ್ ನಶೆ ಕ್ಷಣಿಕ, ಅದು ವ್ಯರ್ಥ ಅನಾಹುತ ಅನ್ನಿಸಿತ್ತಂತೆ. ನಶೆಗೆ ವಶವಾದ ಯುವ ಜನಾಂಗ ಸಂಜು ಬಾಬಾನ ಅನುಭವಗಳತ್ತ ಗಮನಹರಿಸೋದೊಳಿತು.

The post appeared first on ಶೋಧ ನ್ಯೂಸ್ - Shodha News.

ಇದೀಗ ಎಲ್ಲೆಡೆ ನಶೆಯ ಬಗ್ಗೆ ಚರ್ಚೆಗಳಾಗುತ್ತಿವೆ. ಇತ್ತೀಚೆಗಂತೂ ತೀರಾ ಚಿಕ್ಕ ವಯಸ್ಸಿನವರೇ ನಾನಾ ಥರಗಳಲ್ಲಿ ನಶೆಯತ್ತ ಕೈ ಚಾಚಲಾರಂಭಿಸಿದ್ದಾರೆ. ಡ್ರಗ್ಸ್‍ನಂಥಾ ಚಟ ಯಾಪಾಟಿ ಆವರಿಸಿದೆ ಅಂದ್ರೆ, ನಶೆಯ ಮೋಹ ಇಡೀ ಜಗತ್ತನ್ನೇ ಓಲಾಡಿಸುತ್ತಿದೆ. ನಮ್ಮ ಪಾಲಿಗೆ ನಶೆ ಅಂದ್ರೆ ಒಂದಷ್ಟು ಡ್ರಿಂಕ್ಸು ಮಾತ್ರ. ಅದರಲ್ಲಿ ಕೆಲ ವೆರೈಟಿಗಳು ನಮಗೆ ಪರಿಚಯವೇ ಇಲ್ಲ. ಆದ್ರೆ ಈ ಜಗತ್ತಿನ ಬೇರೆ ಬೇರೆ ದೇಶಗಳಲ್ಲಿನ ಮದ್ಯಗಳ ಬಗ್ಗೆ ಕೇಳಿದರೆ ಯಾರೇ ಆದ್ರೂ ಕಂಗಾಲಾಗದಿರೋಕೆ ಸಾಧ್ಯಾನೇ ಇಲ್ಲ.

ಡ್ರಗ್ಸ್, ಅಫೀಮಿನಂಥಾ ಚಟಕ್ಕೆ ಬಿದ್ದವರು ನಶೆಯ ಉತ್ತುಂಗಕ್ಕೇರ್ತಾರೆ. ಬರ ಬರುತ್ತಾ ಹೈ ಡೋಸೇಜುಗಳೂ ಕೂಡಾ ಅಂಥವರಿಗೆ ತಾಕೋದಿಲ್ಲ. ಮತ್ತಷ್ಟು ಮಗದಷ್ಟು ನಶೆಗಾಗಿ ಕೈಚಾಚುತ್ತಾ ಅಂಥವರು ಕಟ್ಟ ಕಡೇಯದಾಗಿ ವಿಷ ಭರಿತ ಹಾವಿನಿಂದ ಕಚ್ಚಿಸಿಕೊಳ್ಳುವ ಹಂತವನ್ನೂ ತಲುಪ್ತಾರೆ. ಆ ಹಾದಿಯಲ್ಲಿ ಕಡೆಗೂ ಹೆಚ್ಚಿನವರು ದುರಂತದ ಸಾವು ಕಾಣ್ತಾರೆ.

ಆದ್ರೆ ವಿಯೆಟ್ನಾಂ ದೇಶದಲ್ಲಿನ ಎಣ್ಣೆ ಪ್ರಿಯರದ್ದು ಮಾತ್ರ ಭಯಾನಕ ಟೇಸ್ಟು. ಅಲ್ಲಿ ಸತ್ತ ಹಲ್ಲಿಯಿಂದ ತಯಾರಾದ ಮದ್ಯ ಒಂದಕ್ಕೆ ಭಾರೀ ಬೆಲೆಯಿದೆ. ಅಷ್ಟೇ ಪ್ರಮಾಣದ ಬೇಡಿಕೆಯೂ ಇದೆಯಂತೆ. ಸತ್ತ ಹಲ್ಲಿಗಳನ್ನ ಕೆಲ ಕೆಮಿಕಲ್‍ಗಳ ದ್ರವದಲ್ಲಿ ಮದ್ಯದ ಬಾಟಲಿಗೆ ಹಾಕಿಡಲಾಗುತ್ತೆ. ಅದನ್ನು ನಾಲಕೈದು ವರ್ಷಗಳ ವರೆಗೆ ಹಾಗೆಯೇ ಬಿಡಲಾಗುತ್ತೆ. ಆ ನಂತರ ಅದನ್ನು ಎಣ್ಣೆ ಪ್ರಿಯರು ದುಬಾರಿ ಬೆಲೆ ತೆತ್ತು ಚಪ್ಪರಿಸಿಕೊಂಡು ಕುಡೀತಾರಂತೆ. ವರ್ಷ ಜಾಸ್ತಿಯಾದಷ್ಟೂ ಈ ಸತ್ತ ಹಲ್ಲಿಯ ಮದ್ಯಕ್ಕೆ ಬೆಲೆ ಜಾಸ್ತಿಯಾಗುತ್ತಂತೆ!

The post ಸತ್ತ ಹಲ್ಲಿಯ ಕೊಳೆತ ನೀರು ಸಖತ್ ಕಿಕ್ಕಂತೆ! appeared first on ಶೋಧ ನ್ಯೂಸ್ - Shodha News.

ಪತಂಜಲಿ ಅಂತೊಂದು ಪ್ರಾಡಕ್ಟ್ ಆರಂಭಿಸಿ, ಅದರಲ್ಲೇ ನಾನಾ ಗಿಮಿಕ್ಕುಗಳನ್ನು ನಡೆಸುತ್ತಾ ಕೈತುಂಬಾ ಕಾಸು ಮಾಡಿಕೊಂಡ ಪಕ್ಕಾ ವ್ಯಾಪಾರಿ ಬಾಬಾ ರಾಮ್‌ದೇವ್. ಯೋಗಗುರು ಅಂತಲೇ ಖ್ಯಾತರಾಗಿದ್ದುಕೊಂಡು, ಆಸನಗಳ ಜೊತೆಗೆ ರಾಜಕಾರಣದೊಂದಿಗೆ ಪದ್ಮಾಸನ ಹಾಕಿ ಕೂಡುವ ಕಲೆಯನ್ನೂ ಕೂಡಾ ರಾಮ್‌ದೇವ್ ಕರಗತ ಮಾಡಿಕೊಂಡಿದ್ದಾರೆ. ದೇಸೀ ಉತ್ಪನ್ನಗಳೆಂಬ ಭ್ರಮೆ ಬಿತ್ತುತ್ತಲೇ ಭರ್ಜರಿಯಾಗಿ ಬೆಳೆ ತೆಗೆದಿರೋ ಬಾಬಾ, ಆಗಾಗ ಒಂದಷ್ಟು ಹೇಳಿಕೆಗಳ ಮೂಲಕ ವಿವಾದಗಳಿಗೂ ಕಾರಣವಾಗೋದಿದೆ.

ಇದೀಗ ಸತ್ಯದ ಭೂಮಿಕೆಗೆ ಹತ್ತಿರವಾದ, ವಿವಾದವೊಂದು ತಣ್ಣಗೆ ಹೊತ್ತಿಕೊಳ್ಳುವ ಗುಣಲಕ್ಷಣವಿರುವ ಕೆಲ ಮಾತುಗಳು ಬಾಬಾ ಕಡೆಯಿಂದ ಹೊರಬಿದ್ದಿವೆ. ಉತ್ತರಪ್ರದೇಶದಲ್ಲಿ ಡ್ರಗ್ಸ್ ವಿರೋಧಿ ಅಭಿಯಾನವೊಂದು ನಡೆಯುತ್ತಿದೆ. ಅದಕ್ಕೆ ಬಾಬಾ ರಾಮ್‌ದೇವ್ ಚಾಲನೆ ಕೊಟ್ಟಿದ್ದಾರೆ. ಈ ಸಂದರ್ಭದಲ್ಲಿಯೇ ಡ್ರಗ್ಸ್ ಮಾಫಿಯಾದ ಬಗ್ಗೆ, ಅದು ದೇಶಾದ್ಯಂತ ಹಬ್ಬುತ್ತಿರುವ ಬಗ್ಗೆ ಮಾತಾಡಿರುವ ರಾಮ್‌ದೇವ್, ಕೆಲ ಬಾಲಿವುಡ್ ನಟರಿಗೂ ಡ್ರಗ್ಸ್ ಸೇವಿಸುವ ಚಟವಿದೆ ಅಂತ ನೇರಾನೇರ ಆರೋಪ ಮಾಡಿದ್ದಾರೆ.

ಬಾಲಿವುಡ್ ನಟ ನಟಿಯರಲ್ಲಿ ಬಹುತೇಕರು ಡ್ರಗ್ಸ್ ಚಟಕ್ಕೆ ದಾಸರಾಗಿದ್ದಾರೆ ಅಂದಿರುವ ಬಾಬಾ, ಸಲ್ಮಾನ್ ಖಾನ್ ಮೇಲೆ ನೇರವಾಗಿಯೇ ಆರೋಪ ಮಾಡಿದ್ದಾರೆ. ಬಾಲಿವುಡ್ ಪ್ರಸಿದ್ಧ ನಟ ಸಲ್ಮಾನ್ ಖಾನ್ ಸೇರಿದಂತೆ ಅನೇಕರು ಡ್ರಗ್ಸ್ ತೆಗೆದುಕೊಳ್ಳುತ್ತಾರೆಂದು ಆರೋಪಿಸಿದ್ದಾರೆ. ಅಮೀರ್ ಖಾನ್ ಡ್ರಗ್ಸ್ ಸೇವಿಸುತ್ತಾರೆಂಬ ಬಗ್ಗೆ ನಿಖರವಾಗಿ ಗೊತ್ತಿಲ್ಲ. ಅದು ಭಗವಂತನಿಗೆ ಮಾತ್ರ ಗೊತ್ತು ಅಂದಿರುವ ರಾಮ್‌ದೇವ್ ಡ್ರಗ್ಸ್ ಮಾಫಿಯಾ ಸುತ್ತುತ್ತಿರೋದೇ ಬಾಲಿವುಡ್ ಕೇಂದ್ರದಿಂದ ಎಂಬಂಥಾ ಮಾತುಗಳನ್ನಾಡಿದ್ದಾರೆ. ಇದು ಒಂದಷ್ಟು ವಿವಾದವೆಬ್ಬಿಸುವ ಎಲ್ಲ ಲಕ್ಷಣಗಳೂ ಗೋಚರಿಸುತ್ತಿವೆ.

The post ಬಾಲಿವುಡ್ ಡ್ರಗ್ಸ್ ಮೋಹದ ಬಗ್ಗೆ ಬಾಬಾ ರಾಮ್‌ದೇವ್ ಹೇಳಿದ್ದೇನು? appeared first on ಶೋಧ ನ್ಯೂಸ್ - Shodha News.

ಡ್ರಗ್ಸ್ ನಶೆಯೆಂಬುದೀಗ ಒಂದಿಡೀ ದೇಶವನ್ನೇ ಅಪಾದಮಸ್ತಕ ಆವರಿಸಿಕೊಂಡಿದೆ. ಆದರೆ, ನಮ್ಮ ರಾಜ್ಯದಲ್ಲಿ ಪೊಲೀಸರೇಕೋ ಚಿತ್ರರಂಗದ ಮಂದಿಯನ್ನೇ ಗುರಿಯಾಗಿಸಿಕೊಂಡು ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಇದರ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಒಂದಷ್ಟು ಪ್ರಶ್ನೆಗಳಿರೋದು ಸತ್ಯ. ಆದರೆ, ಹಾಗೆ ಚಿತ್ರರಂಗ ಡ್ರಗ್ಸ್ ವಿರುದ್ಧದ ಕಾರ್ಯಾಚರಣೆಯ ಪ್ರಧಾನ ಟಾರ್ಗೆಟ್ ಆಗಿರೋದಕ್ಕೂ ಒಂದಷ್ಟು ನಿಖರ ಕಾರಣಗಳಿದ್ದಾವೆಂಬುದೂ ಅಷ್ಟೇ ಸತ್ಯ. ಯಾಕೆಂದರೆ, ಕಾಸು, ಖ್ಯಾತಿಯ ಮದವೇರಿದ ಬಹುತೇಕ ಎಲ್ಲ ಭಾಷೆಗಳ ಚಿತ್ರರಂಗಗಳಲ್ಲಿಯೂ ನಶೆಯ ರುದ್ರನರ್ತನ ಸಾಂಘವಾಗಿಯೇ ನಡೆಯುತ್ತಿದೆ. ಅದರಲ್ಲಿಯೂ ಬಾಲಿವುಡ್‌ನಲ್ಲಿಯಂತೂ ಡ್ರಗ್ಸ್ ಚಟ ಮಾಮೂಲಿ ಎಂಬಂತಾಗಿದೆ. ಆ ಚಟಕ್ಕೆ ದಾಸಾನುದಾಸನಾಗಿ, ಒಂದು ಹಂತದಲ್ಲಿ ತನ್ನ ಬದುಕನ್ನೇ ಅಧ್ವಾನವೆಬ್ಬಿಸಿಕೊಂಡಿದ್ದಾತ ಸಂಜಯ್ ದತ್. ಇದೀಗ ಖುದ್ದು ಅವರೇ ಡ್ರಗ್ಸ್ ಬಗ್ಗೆ ಜಾಗೃತಿ ಮೂಡಿಸುವಂಥಾ ಮಾತುಗಳನ್ನಾಡಿದ್ದಾರೆ.

ಸಂಜಯ್ ದತ್‌ನದ್ದು ವರ್ಣರಂಜಿತ ವ್ಯಕ್ತಿತ್ವ. ಕೇವಲ ಹೆಂಗಳೆಯರ ವಿಚಾರದಲ್ಲಿ ಮಾತ್ರವಲ್ಲ; ಬದುಕಿನ ನಾನಾ ಮಜಲುಗಳಲ್ಲಿಯೂ ಆತನೊಬ್ಬ ಸ್ವೇಚ್ಛೆಯನ್ನೇ ಧರಿಸಿಕೊಂಡಂತೆ ಬದುಕಿದ ಆಸಾಮಿ. ಒಂದು ಹಂತದಲ್ಲಿ ಸಂಜು ಬಾಬಾಗೆ ಡ್ರಗ್ಸ್‌ನ ರುಚಿ ಹತ್ತಿಕೊಂಡಿತ್ತು. ಸಾಮಾನ್ಯವಾಗಿ, ಈ ಡ್ರಗ್ಸ್ ಚಟದ ವಿಚಾರದಲ್ಲಿ ಒಂದಷ್ಟು ಹಂತಗಳಿರುತ್ತವೆ. ಅದರಲ್ಲಿ ಕಟ್ಟ ಕಡೆಯ ಹಂತ ತಲುಪಿಕೊಂಡು ಬೋಧ ತಪ್ಪಿ ಬೀಳುವ ಮಟ್ಟಕ್ಕೆ ನಶೆಯೇರಿಸಿಕೊಂಡಿದ್ದಾತ ಸಂಜಯ್ ದತ್. ಇಂಥಾ ಸಂಜಯ್ ಇದೀಗ ಡ್ರಗ್ಸ್ ನಶೆಯೆಂಬುದು ಎಷ್ಟು ವ್ಯರ್ಥ ಮತ್ತು ಅದು ಬದುಕನ್ನು ಹೇಗೆಲ್ಲ ಹಾಳುಗೆಡವುತ್ತದೆಂಬುದರ ಬಗ್ಗೆ ಸಂದರ್ಶನವೊಂದರಲ್ಲಿ ಮನಬಿಚ್ಚಿ ಮಾತಾಡಿದ್ದಾರೆ.

ಡ್ರಗ್ಸ್ ಚಟದ ಉತ್ತುಂಗದ ದಿನಗಳಲ್ಲಿ ಸಂಜಯ್‌ಗೆ ಮೈಮೇಲೆ ಪ್ರಜ್ಞೆಯೇ ಇರುತ್ತಿರಲಿಲ್ಲವಂತೆ. ಅದರ ನಡುವೆ ತಿಂಡಿ, ಊಟದಂಥವುಗಳೂ ಗಮನಕ್ಕೆ ಬಾರದಷ್ಟರ ಮಟ್ಟಿಗೆ ಆತ ಡ್ರಗ್ಸ್‌ಗೆ ವಶವಾಗಿದ್ದರು. ಅದೆಷ್ಟೋ ವರ್ಷಗಳ ಕಾಲ ನಶೆಯಲ್ಲಿ ಮಿಂದೆದ್ದ ಬಳಿಕ, ಅದೊಂದು ದಿನ ಜ್ಞಾನೋದಯವಾಗುವ ಸರದಿ ಬಂದಿತ್ತಂತೆ. ಆ ದಿನ ಸಂಜಯ್‌ಗೆ ಎಚ್ಚರವಾಗಿ, ಮಂಪರುಗಣ್ಣಲ್ಲಿ ಎದ್ದು ಅಡುಗೆ ಕೆಲಸದವನ ಬಳಿ ಊಟ ಹಾಕುವಂತೆ ಕೇಳಿದ್ದರಂತೆ. ಸಂಜಯ್ ಊಟ ಮಾಡುತ್ತಿರಬೇಕಾದರೆ ಅಲ್ಲೇ ನಿಂತಿದ್ದ ಅಡುಗೆಯವನ ಕಣ್ಣುಗಳಲ್ಲಿ ನೀರು ಜಿನುಗುತ್ತಿತ್ತು. ಅದನ್ನು ಗಮನಿಸಿದ ಸಂಜು ಯಾಕೆಂದು ಕೇಳಿದಾಗ, ಆತ ‘ನೀವು ಊಟ ಮಾಡದೆ ಇಂದಿಗೆ ಮೂರು ದಿನವಾಯ್ತು’ ಅಂದಿದ್ದನಂತೆ. ಅದು ಸಂಜಯ್‌ಗೆ ಆ ಕ್ಷಣದವರೆಗೂ ಅರಿವಿಗೇ ಬಂದಿರಲಿಲ್ಲ. ಆ ಕ್ಷಣದಲ್ಲಿ ನಶೆಯೆಂಬುದು ತನ್ನನ್ನು ಯಾವ ಪಾತಾಳಕ್ಕಿಳಿಸಿಬಿಟ್ಟಿದೆ ಎಂಬ ದಿಕ್ಕಿನಲ್ಲಿ ಆತ ಆಲೋಚಿಸಿದ್ದರಂತೆ. ಆ ಕ್ಷಣದಿಂದಲೇ ಡ್ರಗ್ಸ್ ಮುಟ್ಟದಿರುವ ತೀರ್ಮಾನಕ್ಕೆ ಬಂದಿದ್ದರಂತೆ. ಹಾಗೆ ಹೊರ ಬಂದ ನಂತರ ಬದುಕು ನಿಜಕ್ಕೂ ಸುಂದರವೆನ್ನಿಸಿ, ಡ್ರಗ್ಸ್ ನಶೆ ಕ್ಷಣಿಕ, ಅದು ವ್ಯರ್ಥ ಅನಾಹುತ ಅನ್ನಿಸಿತ್ತಂತೆ. ನಶೆಗೆ ವಶವಾದ ಯುವ ಜನಾಂಗ ಸಂಜು ಬಾಬಾನ ಅನುಭವಗಳತ್ತ ಗಮನಹರಿಸೋದೊಳಿತು.

The post ನಶೆಯೆಂಬುದು ವ್ಯರ್ಥ ಅನಾಹುತ! appeared first on ಶೋಧ ನ್ಯೂಸ್ - Shodha News.

ಬೆಂಗಳೂರಲ್ಲಿ ಮತ್ತೆ ಡ್ರಗ್ಸ್ ಮಾಫಿಯಾ ಸದ್ದು ಮಾಡಿದೆ. ಐವರು ಡ್ರಗ್ಸ್ ದಂಧೆಕೋರರನ್ನು ಬಂಧಿಸಿರುವ ಪೊಲೀಸರು ನಾಲಕ್ಕು ಕೋಟಿ ಮೌಲ್ಯದ ಡ್ರಗ್ಸ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ. ಈ ದಂಧೆಯ ಮಂದಿ ಮಕ್ಕಳು ಮರಿಗಳನ್ನು, ಮಾನಸಿಕ ಅಸ್ವಸ್ಥರನ್ನೂ ಕೂಡಾ ಬಳಸಿಕೊಳ್ಳುತ್ತಿರುವ ಅಂಶ ಈಗಾಗಲೇ ಜಾಹೀರಾಗಿದೆ. ಇದೀಗ ಬಡ ಮಹಿಳೆಯರನ್ನೂ ಅದಕ್ಕೆ ಬಳಸಿಕೊಳ್ಳುತ್ತಿರೋ ವಿಚಾರ ಈ ಪ್ರಕರಣದ ಮೂಲಕ ಬಯಲಾಗಿದೆ. ಈ ಗ್ಯಾಂಗಿನೊಂದಿಗೆ ಇಬ್ಬರು ಮಹಿಳೆಯರೂ ತಗುಲಿಕೊಂಡಿದ್ದಾರೆ.

ಸಿಲಿಕಾನ್ ಸಿಟಿ, ಉದ್ಯಾನ ನಗರಿ ಎಂದೆಲ್ಲಾ ಜಾಗತಿಕ ಮಟ್ಟದಲ್ಲಿ ಖ್ಯಾತಿ ಹೊಂದಿರುವ ಬೆಂಗಳೂರು ನಗರಕ್ಕೆ ಮಾದಕದ್ರವ್ಯ ಲೋಕದಲ್ಲಿ ಬಳಕೆಯಲ್ಲಿರುವ ಹೆಸರು ಡ್ರಗ್ಸ್ ಯಾರ್ಡ್ ಆಫ್ ಕರ್ನಾಟಕ. ಈ ಕಳಂಕ ರಾಜಧಾನಿಗೆ ಸುಮ್ಮನೆ ಮೆತ್ತಿಕೊಂಡಿಲ್ಲ. ದೇಶ ವಿದೇಶಗಳ ಡ್ರಗ್ ಪೆಡ್ಲರ್‌ಗಳೊಂದಿಗೆ ನೇರ ಸಂಪರ್ಕ ಹೊಂದಿರುವ ಬೆಂಗಳೂರಿನ ಡ್ರಗ್ ಮಾಫಿಯಾ ವಾರ್ಷಿಕ ಕೋಟಿಗಟ್ಟಲೆ ಮೌಲ್ಯದ ಮಾದಕದ್ರವ್ಯವವನ್ನು ಅಮದು ಮಾಡಿಕೊಂಡು ಅನಂತರ ರಾಜ್ಯದಲ್ಲಿ ಬೇಡಿಕೆ ಇರುವ ನಗರಗಳಿಗೆ ಕಳುಹಿಸುವ ವ್ಯವಸ್ಥಿತ ಜಾಲದ ಹೃದಯವನ್ನಾಗಿ ಈ ನಗರವನ್ನು ಬಳಸಿಕೊಳ್ಳುತ್ತಿದೆ. ಇದಕ್ಕೆ ಸಾಕ್ಷಿ ಕಳೆದ ಮೂರು ವರ್ಷಗಳಲ್ಲಿ ೭೦೦ಂ ಕೆ.ಜಿ. ಡ್ರಗ್ಸ್ ಜಪ್ತಿಯಾಗಿರುವ ಬಗ್ಗೆ ರಾಜ್ಯ ಪೊಲೀಸ್ ಇಲಾಖೆ ಅಧಿಕೃತ ದಾಖಲೆಗಳಿಂದಲೇ ಸಿಗುತ್ತದೆ. ಹಿರಿಯ ಪೊಲೀಸ್ ಅಧಿಕಾರಿಗಳ ಪ್ರಕಾರ ಇದು ಅಧಿಕೃತವಾಗಿ ಜಪ್ತಿಯಾದ ಮಾದಕವಸ್ತುಗಳ ಪ್ರಮಾಣ ಮಾತ್ರ. ಇದರ ನೂರು ಪಟ್ಟು ರಾಜ್ಯದಲ್ಲಿ ಬಳಕೆಯಾಗುತ್ತಿರಬಹುದು ಎಂದು ಅಂದಾಜಿಸುತ್ತಾರೆ. ಈ ಮಾತನ್ನು ನಂಬುವುದಾದರೇ ಕರ್ನಾಟಕದಲ್ಲಿ ಡ್ರಗ್ ದಂಧೆ ಕೋಟ್ಯಾಂತರ ಮೌಲ್ಯದ ಉದ್ದಿಮೆಯಾಗೆ ಬೆಳೆದುಕೊಂಡಿದೆ.

ಈವತ್ತು ಬೆಂಗಳೂರಿನಲ್ಲಿ ಬೀಡು ಬಿಟ್ಟಿರುವುದು ಅಂತಾರಾಷ್ಟ್ರೀಯ ಡ್ರಗ್ಸ್ ಜಾಲ. ಇದರ ಗ್ರಾಹಕರು ಶಾಲಾ ಕಾಲೇಜುಗಳ ವಿದ್ಯಾರ್ಥಿಗಳೇ ಎಂಬುದು ನಿಜಕ್ಕೂ ಬೆಚ್ಚಿ ಬೀಳಿಸುವ ವಾಸ್ತವ. ಕೇಲವ ಬೆಂಗಳೂರು ಮಾತ್ರ ಡ್ರಗ್ಸ್ ದಾವಾನಲ ಅಂದುಕೊಂಡರೆ ಅದು ಸುಳ್ಳು. ಇದು ಈ ದಂಧೆಗ ಕೇಂದ್ರ ಸ್ಥಾನವಷ್ಟೇ. ಇಲ್ಲಿಂದಲೇ ಹುಬ್ಬಳ್ಳಿ, ಧಾರವಾಡ, ಮಂಗಳೂರು, ಶಿವಮೊಗ್ಗದಂಥಾ ಊರುಗಳಿಗೂ ರವಾನೆಯಾಗುತ್ತಿದೆ. ಆ ಏರಿಯಾಗಳಲ್ಲಿಯೂ ಸಹ ಇದಕ್ಕೆ ಶಾಲಾ ಕಾಲೇಜು ವಿದ್ಯಾರ್ಥಿಗಳೇ ಗ್ರಾಹಕರು. ವಯೋಸಹಜ ಕೌತುಕದಿಂದ ಒಂದು ಬಾರಿ ಮಾದಕ ವಸ್ತುಗಳ ಚಟಕ್ಕೆ ಬಿದ್ದವರು ಅದು ಸಿಕ್ಕರೂ, ಸಿಗದಿದ್ದರೂ ರಾಕ್ಷಸರಾಗಿ ಬಿಡುತ್ತಾರೆ. ಈ ಅಮಲಿಗೆ ಕೇವಲ ಹುಡುಗರು ಮಾತ್ರವಲ್ಲದೇ ಹುಡುಗೀರೂ ಬಲಿ ಬೀಳುತ್ತಿರುವುದು ಕಠೋರ ಸತ್ಯ. ಇದಕ್ಕೆ ವರ್ಷದ ಹಿಂದೆ ಆತ್ಮಹತ್ಯೆ ಮಾಡಿಕೊಂಡ ಮಂಗಳೂರಿನ ಹುಡುಗಿಯೇ ಸಾಕ್ಷಿ.

The post ಬೆಂಗಳೂರು: ಡ್ರಗ್ಸ್ ದಂಧೆಕೋರರ ಬಂಧನ! appeared first on ಶೋಧ ನ್ಯೂಸ್ - Shodha News.