ಇತ್ತೀಚೆಗಷ್ಟೇ ರಕ್ಷಿತ್ ಶೆಟ್ಟಿ ನಿರ್ದೇಶನದ ಚಾರ್ಲಿ ಚಿತ್ರ ಬಿಡುಗಡೆಗೊಂಡಿತ್ತಲ್ಲಾ? ಅದು ಮಾಡಿದ್ದ ಮೋಡಿ ಸಣ್ಣ ಮಟ್ಟದ್ದೇನಲ್ಲ. ಬಹುತೇಕ ಮಂದಿ ಅದನ್ನು ಮತ್ತೆ ಮತ್ತೆ ನೋಡಿ ಮರುಳಾದ ಕಥೆ ಕಣ್ಣಮುಂದಿದೆ. ಚಾರ್ಲಿ ನಂತರದಲ್ಲಿ ಅಂಥಾದ್ದೇ ಮೋಹ ಮೂಡಿಸೋ ಮತ್ತೊಂದು ಚಿತ್ರಕ್ಕಾಗಿ ಪ್ರೇಕ್ಷಕರು ಕಾದು ಕೂತಿದ್ದರು. ಆ ಕ್ಷಣದಲ್ಲಿ ಎಂಟ್ರಿ ಕೊಟ್ಟಿದ್ದು ವಿಲೋಕ್ ಶೆಟ್ಟಿ ನಿರ್ದೇಶನದ ಚೇಸ್. ಅಷ್ಟಕ್ಕೂ ಇದು ವರ್ಷಾಂತರಗಳ ಕಾಲದಿಂದಲೂ ಕುತೂಹಲವನ್ನು ಜತನದಿಂದ ಕಾಪಿಟ್ಟುಕೊಂಡು ಬಂದಿದ್ದ ಚಿತ್ರ. ಅದರ ಬಗ್ಗೆ ಪ್ರೇಕ್ಷಕರಲ್ಲಿ ಭಾರೀ ಪ್ರಮಾಣದ ನಿರೀಕ್ಷೆಗಳಿದ್ದವು. ಒಂದಷ್ಟು ಅಮೋಘವಾದ ಕಲ್ಪನೆಗಳೂ ಇದ್ದವು. ಅಂಥಾ ಎಲ್ಲ ಕಲ್ಪನೆಗಳ ಪರಿಧಿಯಾಚೆಗೆ ಹರಡಿಕೊಂಡಿದ್ದ ಚೇಸ್, ಪ್ರೇಕ್ಷಕರ ಮುಂದೆ ಅವತರಿಸಿ ಅಚ್ಚರಿ ಮೂಡಿಸಿತ್ತು.

ಬಿಡುಗಡೆಗೊಂಡ ಕ್ಷಣದಿಂದಲೇ ಚೇಸ್ ಬಗ್ಗೆ ಒಳ್ಳೆ ಅಭಿಪ್ರಾಯಗಳು ಮೂಡಿಕೊಳ್ಳುತ್ತಾ ಬಂದಿದ್ದವು. ಗಟ್ಟಿಯಾದ ಕಥೆ, ಕ್ಷಣ ಕ್ಷಣವೂ ಕೌತುಕದ ದಿಕ್ಕಿನತ್ತ ಹೊರಳಿಕೊಳ್ಳುತ್ತಾ ಮುಂದುವರೆಯುವ ಚೇತೋಹಾರಿ ನಿರೂಪಣೆಯೊಂದಿಗೆ ಚೇಸ್ ಪ್ರತೀ ನೋಡುಗರಲ್ಲಿಯೂ ಥ್ರಿಲ್ಲಿಂಗ್ ಭಾವ ಮೂಡಿಸುವಲ್ಲಿ ಯಶಸ್ವಿಯಾಗಿತ್ತು. ಹೀಗೆ ನೋಡಿ ಬಂದ ಜನರ ಕಡೆಯಿಂದ ಹೊಮ್ಮಿಕೊಂಡಿದ್ದ ಸದಭಿಪ್ರಾಯಗಳೇ ಹೆಚ್ಚೆಚ್ಚು ಪ್ರೇಕ್ಷಕರು ಸಿನಿಮಾ ಮಂದಿರಗಳತ್ತ ನದೌಡಾಯಿಸುವಂತೆ ಮಾಡಿತ್ತು. ಈ ಕಾರಣದಿಂದಲೇ ಅಪರೂಪದ ಕ್ರೈಂ, ಸಸ್ಪೆನ್ಸ್ ಥ್ರಿಲ್ಲರ್ ಕಥಾನಕದ ಚೇಸ್ ರಾಜ್ಯಾದ್ಯಂತ ಯಶಸ್ವೀ ಪ್ರದರ್ಶನ ಕಾಣುತ್ತಾ ಮುಂದುವರೆಯುತ್ತಿದೆ. ಈ ಸಕಾರಾತ್ಮಕ ಪಲ್ಲಟಗಳು ಚಿತ್ರತಂಡವನ್ನೂ ಥ್ರಿಲ್ ಆಗಿಸಿರೋದು ಸತ್ಯ.

ಈ ಚಿತ್ರದಲ್ಲಿ ಈ ಸಮಾಜವನ್ನು ಕ್ಷಣ ಕ್ಷಣವೂ ಕಾಡುತ್ತಿರುವ, ಜನರನ್ನು ಕಿತ್ತು ತಿನ್ನುತ್ತಿರುವ ಜ್ವಲಂತ ಸಮಸ್ಯೆಯೊಂದರ ಸುತ್ತಾ ಕಥೆ ಸಾಗುತ್ತದೆ. ಅದನ್ನು ಪಕ್ಕಾ ಕಮರ್ಶಿಯಲ್ ಹಾದಿಯಲ್ಲಿ ನಿರೂಪಣೆ ಮಾಡುವ ಮೂಲಕ ನಿರ್ದೇಶಕ ವಿಲೋಕ್ ಶೆಟ್ಟಿ ಗೆದ್ದಿದ್ದಾರೆ. ಇದರಲ್ಲಿ ಪ್ರಧಾನ ಪಾತ್ರ ನಿರ್ವಹಿಸಿರುವ ರಾಧಿಕಾ ನಾರಾಯಣ್ ಸೇರಿದಂತೆ ಎಲ್ಲ ಪಾತ್ರಗಳೂ ಕೂಡಾ ಪ್ರೇಕ್ಷಕರನ್ನು ಒಳಗಿಳಿದು ಕಾಡಿವೆ. ಒಟ್ಟಾರೆಯಾಗಿ, ಒಂದು ಅದ್ಭುತವಾದ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ ನೋಡಿದ ಖುಷಿಯನ್ನು ಚೇಸ್ ಕೊಡಮಾಡಿದೆ. ಈ ಮೂಲಕ ಅತೀವವಾದ ಸಿನಿಮಾ ಪ್ರೇಮದಿಂದ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದ ಮನೋಹರ್ ಸುವರ್ಣರ ಶ್ರಮವೂ ಸಾರ್ಥಕಗೊಂಡಂತಾಗಿದೆ.

ಚೇಸ್‌ಗೆ ಪ್ರಶಾಂತ್ ಶೆಟ್ಟಿ ಮತ್ತು ಪ್ರದೀಪ್ ಶೆಟ್ಟಿ ಸಾಥ್ ಕೊಟ್ಟಿದ್ದಾರೆ. ಶಿವ್ ಶೆಟ್ಟಿ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಅನಂತ್ ರಾಜ್ ಅರಸ್ ಛಾಯಾಗ್ರಹಣ, ಕಾರ್ತಿಕ್ ಆಚಾರ್ಯ ಹಿನ್ನೆಲೆ ಸಂಗೀತ ಮತ್ತು ಸಂಗೀತ ನಿರ್ದೇಶನ, ಶ್ರೀ ಕ್ರೇಜಿಮೈಂಡ್ಸ್ ಸಂಕಲನ, ಅವಿನಾಶ್ ಎಸ್ ದಿವಾಕರ್ ಕಲಾ ನಿರ್ದೇಶನ, ಸುನೀಲ್ ಕಟಾಬು ಉಪ ನಿರ್ದೇಶನ, ಡಿಫರೆಂಟ್ ಡ್ಯಾನಿ, ಚೇತನ್ ರಮ್ಶಿ ಡಿಸೋಜಾ ಮತ್ತು ವಿನೋದ್ ಸಾಹಸ ನಿರ್ದೇಶನ, ವಿಜಯ ರಾಣಿ ಮತ್ತು ಸುಶಾಂತ್ ಪೂಜಾರಿ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ರಾಧಿಕಾ ನಾರಾಯಣ್, ಅವಿನಾಶ್, ಶೀತಲ್ ಶೆಟ್ಟಿ, ಅರ್ಜುನ್ ಯೋಗಿ, ಸುಶಾಂತ್ ಪೂಜಾರಿ, ರಾಜೇಶ್ ನಟರಂಗ, ಅರವಿಂದ್ ರಾವ್, ಪ್ರಮೋದ್ ಶೆಟ್ಟಿ, ಅರವಿಂದ್ ಬೋಳಾರ್, ಶ್ವೇತಾ ಸಂಜೀವುಲು, ರೆಹಮಾನ್ ಹಾಸನ್, ವೀಣಾ ಸುಂದರ್, ಸುಧಾ ಬೆಳವಾಡಿ, ಉಷಾ ಭಂಡಾರಿ, ಸುಂದರ್, ಸತೀಶ್ ಸಿದ್ಧಾರ್ಥ ಮಾಧ್ಯಮಿಕ, ಪ್ರಿಯಾ ಶಟಮರ್ಶನ್ ಮುಂತಾದವರ ತಾರಾಗಣವಿದೆ.

The post ಇದು ಚೆಂದದ ಕಥೆಯೊಂದು ಸೃಷ್ಟಿಸಿದ ಮ್ಯಾಜಿಕ್ಕು! appeared first on ಶೋಧ ನ್ಯೂಸ್ - Shodha News.

ಅಲ್ಲಿ ಚಿತ್ರೀಕರಣ ನಡೆಸಿದ್ದೇ ಒಂದು ಅದ್ಭುತ ಅನುಭವ!
ವಿಲೋಕ್ ಶೆಟ್ಟಿ ನಿರ್ದೇಶನದ ಚೇಸ್ ಇಂದು ತೆರೆಗಂಡಿದೆ. ಪ್ರೀಮಿಯರ್ ಶೋಗಳಲ್ಲಿ ಭರಪೂರ ಮೆಚ್ಚುಗೆಗೆ ಪಾತ್ರವಾಗಿರುವ ಈ ಚಿತ್ರ ರಾಜ್ಯಾದ್ಯಂತ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿದೆ. ಈವತ್ತಿನ ಸನ್ನಿವೇಶದಲ್ಲಿ ಯಾವುದೇ ಚಿತ್ರಗಳು ಒಂದಷ್ಟು ಡಿಲೇ ಆದರೂ ಅದರಿಂದ ಪ್ರೇಕ್ಷಕರು ವಿಮುಖರಾಗುತ್ತಾರೆ. ಅಂಥಾ ವಾತಾವರಣದಲ್ಲಿ ಎರಡ್ಮೂರು ವರ್ಷಗಳ ಕಾಲ ಕುತೂಹಲವನ್ನು ಯಥಾ ಪ್ರಕಾರವಾಗಿ ಕಾಯ್ದಿಟ್ಟುಕೊಂಡು ಬಂದಿರುವ ಚಿತ್ರ ಚೇಸ್. ವಿಲೋಕ್ ಶೆಟ್ಟಿ ಸೇರಿದಂತೆ ಒಂದಿಡೀ ಚಿತ್ರತಂಡ ಶ್ರಮ ವಹಿಸಿ, ಚೇಸ್ ಅನ್ನು ಪ್ರೇಕ್ಷಕರ ಕುತೂಹಲದ ಕೇಂದ್ರದಲ್ಲಿ ಕಾಪಿಟ್ಟುಕೊಂಡು ಬಂದಿತ್ತು. ಅದೆಲ್ಲವೂ ಸಾರ್ಥಕಗೊಳ್ಳುವ ಕ್ಷಣಗಳು ಇಂದು ಎದುರಾಗಿವೆ.

ಒಡಲ ತುಂಬಾ ವಿಶೇಷತೆಗಳನ್ನು ಬಚ್ಚಿಟ್ಟುಕೊಂಡಿರುವ ಈ ಸಿನಿಮಾವನ್ನು ಸಿಂಪ್ಲಿ ಫನ್ ಮೀಡಿಯಾ ನೆಟ್‌ವರ್ಕ್ ಬ್ಯಾನರಿನಡಿಯಲ್ಲಿ ಮನೋಹರ್ ಸುವರ್ಣ ನಿರ್ಮಾಣ ಮಾಡಿದ್ದಾರೆ. ನಿರ್ದೇಶಕ ವಿಲೋಕ್ ಶೆಟ್ಟಿಯ ಕಲ್ಪನೆಯಂತೆಯೇ ಇಡೀ ಚಿತ್ರ ಮೂಡಿ ಬರಲು ಒತ್ತಾಸೆಯಾಗಿ ನಿಂತಿದ್ದಾರೆ. ಈ ಕಾರಣದಿಂದಲೇ ಬಾಲಿವುಡ್ಡಿನ ಮಂದಿಯೂ ಕಾಲಿಡಲಾಗಂಥಾ ಅಪರೂಪದ ಪ್ರದೇಶಗಳಲ್ಲಿ ಚೇಸ್‌ನ ದೃಷ್ಯಾವಳಿಗಳು ಕಳೆಗಟ್ಟಿಕೊಂಡಿವೆ. ಅಂಥಾ ದೃಷ್ಯ ವೈಭವಗಳೂ ಕೂಡಾ ಈ ಚಿತ್ರದ ಪ್ರಧಾನ ಆಕರ್ಷಣೆಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿವೆ.

ಸಾಮಾನ್ಯವಾಗಿ ಕಥೆಯೊಂದು ಸಿನಿಮಾ ರೂಪ ಧರಿಸುತ್ತಲೇ ಅದರ ಚಿತ್ರೀಕರಣ ಇಂತಿಂಥಾದ್ದೇ ಲೊಕೇಶನ್ನುಗಳಲ್ಲಿ ನೆರವೇರಬೇಕೆಂಬ ಸ್ಪಷ್ಟ ಅಂದಾಜಿರುತ್ತದೆ. ಅದೇ ರೀತಿಯಲ್ಲಿ ನಿರ್ದೇಶಕ ವಿಲೋಕ್ ಶೆಟ್ಟಿಗೂ ಆ ಥರದ್ದೊಂದು ಕನಸಿತ್ತು. ಇದರ ಪ್ರಧಾನ ಭಾಗದ ಚಿತ್ರೀಕರಣವನ್ನು ಹಿಮಾಚಲ ಪ್ರದೇಶದಲ್ಲಿ ನೆರವೇರಿಸಬೇಕೆಂಬುದು ಅವರ ಇರಾದೆಯಾಗಿತ್ತು. ಆದರೆ ಅದು ಅಷ್ಟು ಸಲೀಸಿನ ಸಂಗತಿಯಾಗಿರಲಿಲ್ಲ. ಯಾಕೆಂದರೆ ಆವರೆಗೂ ಬಾಲಿವುಡ್ಡಿನ ಮಂದಿಗೂ ಆ ಪ್ರದೇಶದಲ್ಲಿ ಚಿತ್ರೀಕರಣ ನಡೆಸುವ ಅವಕಾಶ ಸಿಕ್ಕಿರಲಿಲ್ಲ. ಕಡೆಗೂ ಹರಸಾಹಸ ಪಟ್ಟು ಆ ಪ್ರದೇಶದಲ್ಲಿಯೇ, ಮೈ ಕೊರೆಯುವ ಚಳಿಯ ನಡುವೆಯೂ ಚಿತ್ರೀಕರಣ ಮಾಡಲಾಗಿದೆ.

ಇನ್ನುಳಿದಂತೆ ಬಾಲಿವುಡ್ ಮಟ್ಟದಲ್ಲಿ ಹೆಸರು ಮಾಡಿರುವ ತಂತ್ರಜ್ಞರ ತಂಡ ಚೇಸ್‌ಗೆ ಸಾಥ್ ಕೊಟ್ಟಿದೆ. ಈ ಕಾರಣದಿಂದಲೇ ಸದರಿ ಸಿನಿಮಾ ತಾಂತ್ರಿಕವಾಗಿಯೂ ಶ್ರೀಮಂತಿಕೆಯ ಕಳೆಕಟ್ಟಿಕೊಂಡಿದೆ. ಎರಡು ವರ್ಷಗಳ ಕಾಲ ಅವಿರತವಾಗಿ ಶ್ರಮಿಸಿ ಇಡೀ ಚಿತ್ರತಂಡ ಚೇಸ್ ಅನ್ನು ಸಿದ್ಧಪಡಿಸಿದೆ. ಇಂದು ಅದೆಲ್ಲವೂ ಸಾರ್ಥಕಗೊಳ್ಳುವ ದಿನ. ಯಾಕೆಂದರೆ, ರಾಜ್ಯಾದ್ಯಂತ ಚೇಸ್ ತೆರೆಗಂಡಿದೆ. ಇಂದೇ ಹತ್ತಿರದ ಚಿತ್ರಮಂದಿರಗಳಿಗೆ ತೆರಳಿ ನೋಡುವ ಮೂಲಕ ಒಂದು ಅಪರೂಪದ ಅನುಭೂತಿಯನ್ನು ನಿಮ್ಮದಾಗಿಸಿಕೊಳ್ಳಬಹುದು.

The post ಅದ್ಭುತ ಅನುಭೂತಿಗಾಗಿ ಇಂದೇ ನೋಡಿ! appeared first on ಶೋಧ ನ್ಯೂಸ್ - Shodha News.

ವಿಲೋಕ್ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಚೇಜ಼್ ಚಿತ್ರವೀಗ ಎಲ್ಲ ಕುತೂಹಲದ ಕೇಂದ್ರಬಿಂದು. ಈ ಚಿತ್ರ ದಿನವೊಂದು ಹೊರಳಿಕೊಂಡಾಕ್ಷಣವೇ ಪ್ರೇಕ್ಷಕರ ಮುಂದೆ ಬರಲಿದೆ. ಭರ್ತಿ ಎರಡು ವರ್ಷಗಳ ಕಾಲ ತಯಾರುಗೊಂಡು, ಕೊರೋನಾ ಕಂಟಕವನ್ನು ಸಮರ್ಥವಾಗಿ ದಾಟಿಕೊಂಡಿರುವ ಈ ಚಿತ್ರವೀಗ ಪ್ರೇಕ್ಷಕರನ್ನು ಮುಖಾಮುಖಿಯಾಗೋ ಸಡಗರದಲ್ಲಿದೆ. ಮೊನ್ನೆಯಷ್ಟೇ ಇದರ ಟ್ರೇಲರ್ ಒಂದು ಬಿಡುಗಡೆಯಾಗಿತ್ತಲ್ಲಾ? ಅದು ಮೂಡಿ ಬಂದಿರೋ ರೀತಿಯೇ ಒಂದಿಡೀ ಚಿತ್ರ ರೂಪುಗೊಂಡಿರುವ ರೀತಿಗೆ ಸ್ಪಷ್ಟ ಉದಾಹರಣೆ. ಅದರೊಂದಿಗೆ ಮೇಕಿಂಗ್‌ನ ಅದ್ದೂರಿತನ ಮತ್ತು ಭಿನ್ನ ಕಥನದ ಸೂಚನೆಗಳೂ ಕೂಡಾ ಹೊರ ಬಿದ್ದಿವೆ. ಚೇಜ಼್‌ನ ಆಕರ್ಷಣೆಗಳು ಇದೀಗ ಹಂತ ಹಂತವಾಗಿ, ಒಂದೊಂದಾಗಿ ಜಾಹೀರಾಗುತ್ತ ಪ್ರೇಕ್ಷಕರೊಳಗೆ ಕುತೂಹಲವೆಂಬುದು ನಿಗಿನಿಗಿಸಿದೆ.

ನಿರ್ದೇಶಕ ವಿಲೋಕ್ ಶೆಟ್ಟಿ ಇದರಲ್ಲಿನ ಒಂದೊಂದು ಪಾತ್ರಗಳನ್ನೂ ಸಹ ಸದಾ ಕಾಡುವಂತೆ, ನೆನಪಿಟ್ಟುಕೊಳ್ಳುವಂತೆ ರೂಪಿಸಿದ್ದಾರಂತೆ. ಕೆಲ ಪಾತ್ರಗಳಂತೂ ಪ್ರೇಕ್ಷಕರೆಲ್ಲರೂ ಅಚ್ಚರಿಗೊಳ್ಳುವಂತಿದೆ. ಈ ಚಿತ್ರದಲ್ಲಿ ರಾಧಿಕಾ ನಾರಾಯಣ್, ಅವಿನಾಶ್ ನರಸಿಂಹರಾಜು ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಶೀತಲ್ ಶೆಟ್ಟಿ, ರಾಜೇಶ್ ನಟರಂಗ, ಸುಶಾಂತ್ ಪೂಜಾರಿ ಮುಂತಾದವರ ತಾರಾಗಣವಿದೆ ಎಂಬುದೂ ಕೂಡಾ ಈಗಾಗಲೇ ಬಹಿರಂಗಗೊಂಡಿರುವ ವಿಚಾರ. ಆದರೆ ಇದರಲ್ಲಿ ರಿವೀಲ್ ಆಗದಿರುವಂಥಾ ವಿಶೇಷ ಪಾತ್ರಗಳೂ ಇದ್ದಾವೆ. ಅದರಲ್ಲಿ ತುಳು ಚಿತ್ರರಂಗದಲ್ಲಿ ಹಾಸ್ಯ ದಿಗ್ಗಜರಾಗಿ ಗುರುತಿಸಿಕೊಂಡು, ತುಳುನಾಡ ಮಾಣಿಕ್ಯ ಎಂದೇ ಹೆಸರಾಗಿರುವ ಅರವಿಂದ ಬೋಳಾರ್ ಪಾತ್ರವೂ ಪ್ರಧಾನವಾಗಿದೆ.

ಸಿಂಪ್ಲಿ ಫನ್ ಮೀಡಿಯಾ ಬ್ಯಾನರಿನಡಿಯಲ್ಲಿ ನಿರ್ಮಾಣಗೊಂಡಿರುವ ಈ ಚಿತ್ರದಲ್ಲಿ ಅರವಿಂದ ಬೋಳಾರ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರಂತೆ. ಈ ಹಿಂದೆ ರಜನೀಕಾಂತ್ ನಿರ್ದೇಶನದ ರೋಬೋ ೨.೦ ಎಂಬ ಚಿತ್ರ ತೆರೆಕಂಡಿತ್ತು. ಅದರಲ್ಲಿ ಪಕ್ಷಿರಾಜನ ಪಾತ್ರವೂ ವಿಶೇಷ ಆಕರ್ಷಣೆಯಾಗಿತ್ತು. ಈ ಸಿನಿಮಾದಲ್ಲಿಯೂ ಅರವಿಂದ ಬೋಳಾರ್ ಅಂಥಾದ್ದೇ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರಾ ಅಂತೊಂದು ಗುಮಾನಿ ಎಲ್ಲರನ್ನೂ ಕಾಡುತ್ತಿದೆ. ನಿರ್ದೇಶಕ ವಿಲೋಕ್ ಶೆಟ್ಟಿ ಈ ಬಗ್ಗೆ ನಿಖರ ಮಾಹಿತಿಗಳನ್ನು ಕೊಡುವುದಿಲ್ಲ. ಆದರೆ ಅರವಿಂದ ಬೋಳಾರ್ ಪಾತ್ರ ಕನ್ನಡ ಪ್ರೇಕ್ಷಕರನ್ನೂ ನಗಿಸಲಿದೆಯಂತೆ. ಆ ಪಾತ್ರದ ಹಾಸ್ಯದ ತೀವ್ರತೆ ಎಂಥಾದ್ದಿದೆಯೆಂದರೆ ಚಿತ್ರೀಕರಣದ ಸಂದರ್ಭದಲ್ಲಿ ನಗುವನ್ನು ತಡೆದುಕೊಂಡು ಚಿತ್ರೀಕರಣ ನಡೆಸೋದೇ ದೊಡ್ಡ ಸವಾಲಾಗಿ ಹೋಗಿತ್ತಂತೆ. ಈಗಾಗಲೇ ತುಳು ನಾಡಿನಲ್ಲಿ ಹಾಸ್ಯ ನಟನಾಗಿ ಮಿಂಚಿರುವ ಅರವಿಂದ ಬೋಳಾರ್ ಈ ಮೂಲಕ ಬಹುಮುಖ್ಯ ಪಾತ್ರದಲ್ಲಿ ಕನ್ನಡ ಪ್ರೇಕ್ಷಕರನ್ನು ಮುಖಾಮುಖಿಯಾಗುತ್ತಿದ್ದಾರೆ.

ಈ ಚಿತ್ರವನ್ನು ಮನೋಹರ್ ಸುವರ್ಣ ಸಿಂಪ್ಲಿ ಫನ್ ಮೀಡಿಯಾ ನೆಟ್‌ವರ್ಕ್ ಅಡಿಯಲ್ಲಿ ನಿರ್ಮಾಣ ಮಾಡಿದ್ದಾರೆ. ಪ್ರಶಾಂತ್ ಶೆಟ್ಟಿ ಮತ್ತು ಪ್ರದೀಪ್ ಶೆಟ್ಟಿ ನಿರ್ಮಾಣದಲ್ಲಿ ಸಾಥ್ ಕೊಟ್ಟಿದ್ದಾರೆ. ಶಿವ್ ಶೆಟ್ಟಿ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಅನಂತ್ ರಾಜ್ ಅರಸ್ ಛಾಯಾಗ್ರಹಣ, ಕಾರ್ತಿಕ್ ಆಚಾರ್ಯ ಹಿನ್ನೆಲೆ ಸಂಗೀತ ಮತ್ತು ಸಂಗೀತ ನಿರ್ದೇಶನ, ಶ್ರೀ ಕ್ರೇಜಿಮೈಂಡ್ಸ್ ಸಂಕಲನ, ಅವಿನಾಶ್ ಎಸ್ ದಿವಾಕರ್ ಕಲಾ ನಿರ್ದೇಶನ, ಸುನೀಲ್ ಕಟಾಬು ಉಪ ನಿರ್ದೇಶನ, ಡಿಫರೆಂಟ್ ಡ್ಯಾನಿ, ಚೇತನ್ ರಮ್ಶಿ ಡಿಸೋಜಾ ಮತ್ತು ವಿನೋದ್ ಸಾಹಸ ನಿರ್ದೇಶನ, ವಿಜಯ ರಾಣಿ ಮತ್ತು ಸುಶಾಂತ್ ಪೂಜಾರಿ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ರಾಧಿಕಾ ನಾರಾಯಣ್, ಅವಿನಾಶ್, ಶೀತಲ್ ಶೆಟ್ಟಿ, ಅರ್ಜುನ್ ಯೋಗಿ, ಸುಶಾಂತ್ ಪೂಜಾರಿ, ರಾಜೇಶ್ ನಟರಂಗ, ಅರವಿಂದ್ ರಾವ್, ಪ್ರಮೋದ್ ಶೆಟ್ಟಿ, ಅರವಿಂದ್ ಬೋಳಾರ್, ಶ್ವೇತಾ ಸಂಜೀವುಲು, ರೆಹಮಾನ್ ಹಾಸನ್, ವೀಣಾ ಸುಂದರ್, ಸುಧಾ ಬೆಳವಾಡಿ, ಉಷಾ ಭಂಡಾರಿ, ಸುಂದರ್, ಸತೀಶ್ ಸಿದ್ಧಾರ್ಥ ಮಾಧ್ಯಮಿಕ, ಪ್ರಿಯಾ ಶಟಮರ್ಶನ್ ಮುಂತಾದವರ ತಾರಾಗಣವಿದೆ.

The post ಕನ್ನಡದಲ್ಲೂ ನಗೆಯುಕ್ಕಿಸಲಿದ್ದಾರೆ ತುಳುನಾಡ ಮಾಣಿಕ್ಯ! appeared first on ಶೋಧ ನ್ಯೂಸ್ - Shodha News.

ಕ್ಷೇತ್ರ ಯಾವುದೇ ಆಗಿರಲಿ; ಎಲ್ಲ ವ್ಯವಹಾರಗಳನ್ನು ಮೀರಿದ ತಪಸ್ಸೊಂದಿರದೇ ಹೋದರೆ ಸೃಜನಾತ್ಮಕವಾಗಿ ಏನೂ ಹುಟ್ಟಲು ಸಾಧ್ಯವಿಲ್ಲ. ಹಾಗಿದ್ದ ಮೇಲೆ ಸೃಜನಶೀಲತೆಯೇ ಆತ್ಮವಾಗಿರುವ ಸಿನಿಮಾ ರಂಗಕ್ಕೆ ಅಂಥಾದ್ದೊಂದು ಅಸೀಮ ಧ್ಯಾನದ ಹಾಜರಿ ಇದ್ದೇ ಇರಬೇಕು. ಹೆಚ್ಚಿನ ಮಂದಿ ನಿರ್ದೇಶನ, ನಟನೆ ಮುಂತಾದವುಗಳನ್ನು ಮಾತ್ರವೇ ಸೃಜನಶೀಲತೆಯ ಪರಿಧಿಗೆ ತರುತ್ತಾರೆ. ಆದರೆ ಓರ್ವ ನಿರ್ಮಾಪಕನೊಳಗೂ ಅಂಥಾ ಗುಣ ಇಲ್ಲದೇ ಹೋದರೆ ಸಿನಿಮಾ ಒಂದು ಎಲ್ಲ ಕೋನಗಳಿಂದಲೂ ಪರಿಪೂರ್ಣವಾಗಿ ಮೂಡಿ ಬರಲು ಸಾಧ್ಯವಾಗುವುದಿಲ್ಲ. ಇಲ್ಲಿಯವರೆಗೂ ನಿರ್ಮಾಣ ವಿಭಾಗದಲ್ಲಿ ಇಂಥಾ ಮನಸ್ಥಿತಿಒ ಹೊಂದಿರುವವರೇ ದಾಖಲೆಗಳನ್ನು ಸೃಷ್ಟಿಸಿದ್ದಾರೆ. ಇದೀಗ ಅಂಥಾದ್ದೇ ಮನಸ್ಥಿತಿ, ಸಿನಿಮಾ ವ್ಯಾಮೋಹ ಹೊಂದಿರುವ ಮನೋಹರ್ ಸುವರ್ಣ ವಿಲೋಕ್ ಶೆಟ್ಟಿ ನಿರ್ದೇಶನದ ಚೇಸ್ ಚಿತ್ರದ ಮೂಲಕ ಆಗಮಿಸಿದ್ದಾರೆ. ಈ ಮೂಲಕ ಕನ್ನಡ ಚಿತ್ರ ನಿರ್ಮಾಣ ವಲಯದಲ್ಲೊಂದು ‘ಸುವರ್ಣ’ ಅಧ್ಯಾಯ ಶುರುವಾಗುವ ಮುನ್ಸೂಚನೆ ನಿಖರವಾಗಿಯೇ ಸಿಗಲಾರಂಭಿಸಿದೆ!

ಯಾವುದೇ ಸಿನಿಮಾ ರೂಪುಗೊಳ್ಳೋದರ ಹಿಂದೆ ಒಂದಷ್ಟು ಘಟ್ಟಗಳಿರುತ್ತವೆ. ಒಂದು ಕಥೆ ಹುಟ್ಟಿ, ಅದು ಸಿನಿಮಾ ರೂಪ ಪಡೆದು ಗೆದ್ದೇ ಗೆಲ್ಲುತ್ತದೆಂಬಂಥಾ ನಂಬಿಕೆ ಹುಟ್ಟಿದ ನಂತರವೂ ನಿರ್ಮಾಪಕನೊಬ್ಬ ಸಿಗದೇ ಹೋದರೆ ಕನಸಿನ ಪಕಳೆಗಳೆಲ್ಲ ಬಾಡಿ ಉದುರುತ್ತವೆ. ಹಾಗೆ ಕಮರಿದ ಕನಸುಗಳು ಗಾಂಧಿನಗರದ ಗಲ್ಲಿಗಳಲ್ಲಿ ಚೆಲ್ಲಾಪಿಲ್ಲಿಯಾಗಿ ಬಿದ್ದಿವೆ. ಈ ದಿಸೆಯಲ್ಲಿ ನೋಡ ಹೋದರೆ ಯಾವುದೇ ಚಿತ್ರಗಳ ವಿಚಾರದಲ್ಲಿಯೂ ನಿರ್ಮಾಪಕರೊಬ್ಬರು ಸಿಕ್ಕುವುದು ನಿರ್ಣಾಯಕ ಘಟ್ಟ. ಚೇಸ್ ವಿಚಾರದಲ್ಲಿ ಆ ಹಂತವನ್ನು ದಾಟಿಕೊಂಡು ಬಂದಿದ್ದರ ಹಿಂದೊಂದು ಅಚ್ಚರಿದಾಯಕ ಕಥಾನಕವಿದೆ.

ಮನೋಹರ್ ಸುವರ್ಣ ಮೂಲತಃ ಮಂಗಳೂರು ಸೀಮೆಯವರು. ಕಡುಗಷ್ಟದಿಂದ ಮೇಲೆದ್ದು ಬಂದು ಅವರು ಉದ್ಯಮಿಯಾಗಿ ನೆಲೆ ಕಂಡುಕೊಂಡಿದ್ದೇ ಒಂದು ಸೋಜಿಗ. ಮಂಗಳೂರಿನಲ್ಲಿಯೇ ಪೆಟರೋ ಕೆಮಿಕಲ್ಸ್ ಬ್ಯುಸಿನೆಸ್ ಮಾಡುತ್ತಾ ಮುಂದುವೆರೆದು ಬಂದ ಸುವರ್ಣ ಭಿನ್ನ ಅಭಿರುಚಿ ಹೊಂದಿರುವವರು. ಆರಂಭ ಕಾಲದಿಂದಲೂ ಸಿನಿಮಾ ಗೀಳು ಅಂಟಿಸಿಕೊಂಡಿದ್ದ ಅವರೊಳಗೆ, ಸಿನಿಮಾ ರಂಗದಲ್ಲೇನಾದರೂ ಸಾಧಿಸಬೇಕೆಂಬಂಥ ಸುಪ್ತ ಬಯಕೆಯಿತ್ತು. ಆದರೆ ಆ ಬಗ್ಗೆ ತೀರಾ ಹತ್ತಿರದವರ ಬಗ್ಗೆಯೂ ಅವರು ಪ್ರಸ್ತಾಪಿಸಿದ್ದು ಕಡಿಮೆಯೇ. ಆದರೆ, ಇಂಥಾ ಆಕಾಂಕ್ಷೆಗಳು ತೀವ್ರವಾಗಿದ್ದರೆ ಕೆಲವೊಮ್ಮೆ ಅವಕಾಶವೆಂಬುದು ತಾನೇ ತಾನಾಗಿ ಕೂಡಿ ಬರುತ್ತದೆ. ಮನೋಹರ್ ಸುವರ್ಣರ ವಿಚಾರದಲ್ಲಿಯೂ ಅದು ಅಕ್ಷರಶಃ ನಿಜವಾಗಿದೆ. ಯಾಕೆಂದರೆ, ಲೋಕಾಭಿರಾಮವಾಗಿ ಕೇಳಿದ ಕಥೆಯನ್ನು ಅವರು ಬಹುವಾಗಿ ಇಷ್ಟಪಟ್ಟು ಆ ಮೂಲಕವೇ ನಿರ್ಮಾಪಕರಾಗಿದ್ದೊಂದು ಅಚ್ಚರಿ!

ಈ ಚಿತ್ರದ ನಿರ್ದೇಶಕ ವಿಲೋಕ್ ಶೆಟ್ಟಿ ಕೂಡಾ ಮಂಗಳೂರು ಸೀಮೆಯವರೇ. ಮನೋಹರ್ ಸುವರ್ಣ ವಿಲೋಕ್ ಅವರ ಫ್ಯಾಮಿಲಿ ಫ್ರೆಂಡ್. ಅದಾಗಲೇ ಚೇಸ್ ಚಿತ್ರದ ಕಥೆ ಸಿದ್ಧಪಡಿಸಿಕೊಂಡಿದ್ದ ವಿಲೋಕ್ ಶೆಟ್ಟಿ ಮನೋಹರ್ ಸುವರ್ಣರನ್ನು ಭೇಟಿಯಾದಾಗ ನಿರುದ್ಧಿಷ್ಯವಾಗಿ ಕಥೆ ಹೇಳಿದ್ದರು. ಒಂದು ಅದ್ಭುತ ಸಸ್ಪೆನ್ಸ್ ಥ್ರಿಲ್ಲರ್ ಕಥಾನಕ ಕಣ್ಮುಂದೆ ಹಾದು ಹೋಗುತ್ತಿದೆ ಎಂಬಂತೆ ತನ್ಮಯರಾಗಿ ಕೇಳಿಸಿಕೊಂಡಿದ್ದ ಸುವರ್ಣರಿಗೆ ಒಂದೇ ಸಲಕ್ಕೆ ಒಂದಿಡೀ ಕಥೆ ಇಷ್ಟವಾಗಿ ಹೋಗಿತ್ತಂತೆ. ಹೇಳಿಕೇಳಿ ಆ ಹೊತ್ತಿಗೆಲ್ಲ ನಿರ್ಮಾಪಕನಾಗಿ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಡುವ ಆಕಾಂಕ್ಷೆ ಅವರೊಳಗೆ ಗರಿಗೆದರಿಕೊಂಡಿತ್ತು. ಆದುದರಿಂದಲೇ ಚೇಸ್ ಸಿನಿಮಾ ನಿರ್ಮಾಣ ಮಾಡುವ ಬಗ್ಗೆ ಉತ್ಸುಕತೆ ತೋರಿದ್ದರು. ಹಾಗೆ ನಿರ್ಮಾಪಕರಾಗಿ ಮನೋಹರ್ ಸುವರ್ಣರ ಯಾನ ಅಚಾನಕ್ಕಾಗಿ ಅಲ್ಲಿಂದಲೇ ಶುರುವಾಗಿ ಹೋಗಿತ್ತು.

ಆ ನಂತರದಲ್ಲಿ ಚೇಸ್ ಅನ್ನು ಸುವರ್ಣ ಅವರು ಪೊರೆಯುತ್ತಾ ಬಂದಿರುವ ಪರಿಯ ಬಗ್ಗೆ ನಿರ್ದೇಶಕ ವಿಲೋಕ್ ಶೆಟ್ಟಿ ಸೇರಿದಂತೆ ಇಡೀ ಚಿತ್ರತಂಡದಲ್ಲೊಂದು ಮೆಚ್ಚುಗೆ ಇದೆ. ಒಂದಷ್ಟು ಮಂದಿ ಕೇವಲ ವ್ಯಾವಹಾರಿಕ ದೃಷ್ಟಿಯಿಂದಷ್ಟೇ ಸಿನಿಮಾ ನಿರ್ಮಾಣಕ್ಕಿಳಿಯುತ್ತಾರೆ. ಅವರ ಪಾಲಿಗದು ಕಾಸು ಹಾಕಿ ಫಸಲು ತೆಗೆಯುವ ಒಂದು ಉದ್ಯಮವಷ್ಟೇ. ಅಂಥಾ ಮೆಂಟಾಲಿಟಿ ಹೊಂದಿರುವ ಮಂದಿ ಕಾಸು ಹೂಡಿಕೆ ಮಾಡೋದಷ್ಟೇ ತಮ್ಮ ಕೆಸ ಎಂಬಂತಿರುತ್ತಾರೆ. ಆದರೆ ಮತ್ತೆ ಕೆಲವರು ಹಣಕಾಸಿನ ವ್ಯವಹಾರದಾಚೆಗೆ ತಮ್ಮ ಸಿನಿಮಾವನ್ನು ಪೊರೆಯುತ್ತಾರೆ. ಯಾವುದಕ್ಕೂ ಕಡಿಮೆಯಾಗದಂತೆ ಸಿನಿಮಾ ಏನು ಬಯಸುತ್ತದೋ ಅದನ್ನು ಪೂರೈಸುತ್ತಾ ಚೆಂದಗಾಣಿಸುತ್ತಾರೆ. ಮನೋಹರ್ ಸುವರ್ಣ ಎರಡನೇ ಸಾಲಿಗೆ ಸೇರುವವರು. ಯಾಕೆಂದರೆ ಅವರ ಪಾಲಿಗೆ ಚೇಸ್ ಎಂಬುದು ಮಹಾ ಕನಸಾಗಿತ್ತು!

ನಿರ್ದೇಶಕ ವಿಲೋಕ್ ಶೆಟ್ಟಿ ಕಥೆಯನ್ನು ರೂಪಿಸಿದ್ದ ರೀತಿ ಮತ್ತು ಸಿನಿಮಾ ಬಗ್ಗೆ ಅವರಿಗಿದ್ದ ಗಂಭೀರ ಮನಸ್ಥಿತಿಗಳನ್ನು ಮೆಚ್ಚಿಕೊಂಡೇ ಸುವರ್ಣ ಈ ಚಿತ್ರವನ್ನು ಆರಂಭಿಸಿದ್ದರಂತೆ. ಹಾಗೆ ಚೇಸ್ ಶುರುವಾದದ್ದು ಸಣ್ಣ ಬಜೆಟ್ಟೊಂದರ ಚೌಕಟ್ಟಿನಲ್ಲಿ. ಆದರೆ ದಿನಗಳೆದಂತೆಲ್ಲ ಅದರ ಬಜೆಟ್ಟಿನ ವ್ಯಾಪ್ತಿ ವಿಸ್ತಾರವಾಗುತ್ತಾ ಸಾಗಿತ್ತು. ಹೇಳಿ ಕೇಳಿ ಮನೋಹರ್ ಸುವರ್ಣ ಓರ್ವ ಉದ್ಯಮಿ. ದಿನವಹೀ ಬಿಡುವಿರದಷ್ಟೆ ಕೆಲಸ ಕಾರ್ಯಗಳಿರುತ್ತವೆ. ಅದರ ನಡುವೆಯೂ ಬಿಡುವು ಮಾಡಿಕೊಳ್ಳುತ್ತಿದ್ದ ಸುವರ್ಣ, ಪ್ರತೀ ನಿತ್ಯ ಚಿತ್ರೀಕರಣದ ಸ್ಥಳದಲ್ಲಿ ಹಾಜರಿರುತ್ತಿದ್ದರಂತೆ. ಈ ಕಾರಣದಿಂದಲೇ ಸಿನಿಮಾವೊಂದರ ಹಿಂದಿರುವ ಶ್ರಮದ ಅರಿವಾಗಿ, ಏನು ಮಾಡಿದರೆ ಅದು ಅಂದಗಾಣುತ್ತದೆಂಬ ಸ್ಪಷ್ಟ ಅಂದಾಜು ಸಿಗುವಂತಾಗಿತ್ತು. ಈ ಕಾರಣದಿಂದಲೇ ಯಾವ ಕಾಂಪ್ರೋಮೈಸ್ ಕೂಡಾ ಇಲ್ಲದೆ ಚೇಸ್ ಅನ್ನು ರೂಪಿಸುವ ನಿರ್ಧಾರಕ್ಕೆ ಸುವರ್ಣ ಬಂದಿದ್ದರು.

ಅದರ ಫಲವಾಗಿಯೇ ಚೇಸ್ ಎಲ್ಲ ಕೋನಗಳಿಂದಲೂ ಚೆಂದಗೆ ಮೂಡಿ ಬರುವಂತಾಗಿದೆ. ಅದರ ದೆಸೆಯಿಂದಲೇ ಯುಎಫ್‌ಒದಂಥಾ ದೊಡ್ಡ ಸಂಸ್ಥೆ ಅದರ ವಿತರಣಾ ಹಕ್ಕುಗಳನ್ನು ಖರೀದಿಸುವಂತಾಗಿದೆ. ಹೀಗೆ ಅತೀವ ಸಿನಿಮಾ ಪ್ರೀತಿಯಿಂದ ಈ ಚಿತ್ರ ನಿರ್ಮಾಣ ಮಾಡಿದ್ದ ಮನೋಹರ್ ಸುವರ್ಣರಿಗೆ ಸವಾಲೆಂಬುದು ಕೊರೋನಾ ವೈರಸ್ಸಿನ ಸ್ವರೂಪದಲ್ಲಿ ಬಂದೆರಗಿತ್ತು. ಸಿನಿಮಾ ತಯಾರಾಗಿದ್ದರೂ ಬಿಡುಗಡೆಗೆ ಸಿದ್ಧಗೊಳ್ಳಲಾರದ ಪರಿಸ್ಥಿತಿ ಬಂದೆರಗಿತ್ತು. ಅಂಥಾ ಕಾಲದಲ್ಲಿಯೂ ಅಂಜದೆ ಚಿತ್ರತಂಡವನ್ನು ಪೊರೆದ, ಯಾವುದಕ್ಕೂ ಕಡಿಮೆಯಾಗದಂತೆ, ಹಿನ್ನಡೆಯಾಗದಂತೆ ನೋಡಿಕೊಂಡ ಸುವರ್ಣರ ಸಿನಿಮಾ ಪ್ರೀತಿ ದೊಡ್ಡದು. ಇಷ್ಟೆಲ್ಲ ಆಗುಹೋಗುಗಳ ನಡುವೆ ಒಂದೊಳ್ಳೆ ಸಿನಿಮಾ ನಿರ್ಮಾಣ ಮಾಡಿರುವ ಖುಷಿ ಮನೋಹರ್ ಸುವರ್ಣರಲ್ಲಿದೆ. ಈಗ ಚೇಸ್ ಬಗ್ಗೆ ಮೂಡಿಕೊಂಡಿರುವ ಕ್ರೇಜ್ ನೋಡಿದರೆ ಅವರ ಶ್ರಮ ಸಾರ್ಥಕವಾಗುವ ಲಕ್ಷಣಗಳು ಸ್ಪಷ್ಟವಾಗಿಯೇ ಗೋಚರಿಸುತ್ತಿವೆ.

The post ಸಿನಿಮಾ ವ್ಯಾಮೋಹಿ ಉದ್ಯಮಿ ನಿರ್ಮಾಪಕನಾದ ಕಥನ! appeared first on ಶೋಧ ನ್ಯೂಸ್ - Shodha News.

ವಿಲೋಕ್ ಶೆಟ್ಟಿ ನಿರ್ದೇಶನದ ಚೇಸ್ ಚಿತ್ರ ಈ ವಾರವೇ ಬಿಡುಗಡೆಗೊಳ್ಳಲಿದೆ. ಕೊರೋನಾ ವೈರಸ್ಸಿನ ಘಾತುಕ ವಾತಾವರಣವನ್ನೆಲ್ಲ ದಾಟಿಕೊಂಡು ಬಂದಿದ್ದ ಚೇಸ್, ಅಂಥಾ ವಿಷಮ ಸನ್ನಿವೇಶದಲ್ಲಿಯೂ ಒಂದಲ್ಲೊಂದು ರೀತಿಯಲ್ಲಿ ಸುದ್ದಿ ಮಾಡಿಕೊಂಡೇ ಸಾಗಿ ಬಂದಿತ್ತು. ಇಂಥಾ ಪರಿಸ್ಥಿತಿಯಲ್ಲಿ ಒಂದಷ್ಟು ತಡವಾದಾಗ, ಸಿನಿಮಾ ಪ್ರೇಕ್ಷಕರ ಸ್ಮೃತಿಯಿಂದ ಮರೆಯಾಗದಂತೆ ನೋಡಿಕೊಳ್ಳೋದೇ ಒಂದು ಚಾಲೆಂಜ್. ಅದನ್ನು ವಿಲೋಕ್ ಶೆಟ್ಟಿ ಸಾರಥ್ಯದಲ್ಲಿ ಚಿತ್ರತಂಡ ಸಮರ್ಥವಾಗಿ ಎದುರಿಸಿದೆ. ತಡವಾದಷ್ಟೂ ಚೇಸ್ ಬಗೆಗಿನ ಕುತೂಹಲದ ಮೀಟರ್ ಏರುಗತಿ ಕಾಣುತ್ತಲೇ ಸಾಗುತ್ತಿತ್ತು. ಇದೀಗ ಕಡೇ ಕ್ಷಣದಲ್ಲಿ ಕುತೂಹಲದ ಕಿಚ್ಚು ಹಚ್ಚುವಂಥಾ ಜಬರ್ದಸ್ತ್ ಟ್ರೈಲರ್ ಲಾಂಚ್ ಆಗಿದೆ!

ಒಂದಿಡೀ ಚಿತ್ರದ ಸಾರವನ್ನು ಕಥೆಯ ಆಂತರ್ಯ ಬಿಟ್ಟುಕೊಡದೆ, ಕುತೂಹಲವನ್ನಷ್ಟೇ ತೀವ್ರವಾಗಿಸುವಂತೆ ಕಟ್ಟಿ ಕೊಡೋದು ಸಿನಿಮಾ ತಂಡಗಳ ಪಾಲಿಗೆ ಸವಾಲಿನ ಸಂಗತಿ. ಇದುವರೆಗೂ ಟೀಸರ್ ಮುಂತಾದವುಗಳ ಮೂಲಕ ವಿಲೋಕ್ ಶೆಟ್ಟಿ ಅಂಥಾದ್ದೊಂದು ಜಾಣ್ಮೆ ತೋರಿಸಿದ್ದಾರೆ. ಈಗ ಟ್ರೈಲರ್ ವಿಚಾರದಲ್ಲಿಯೂ ಅದುವೇ ಮುಂದುವರೆದಿದೆ. ಒಂದು ಮರ್ಡರ್, ಅದರ ಸುತ್ತ ಹೆಪ್ಪುಗಟ್ಟಿಕೊಳ್ಳುವ ವಿದ್ಯಮಾನಗಳು, ಆ ಬಿಂದುವಿನಿಂದ ಚಿಮ್ಮುವಂಥಾ ಒಂದಷ್ಟು ಪಾತ್ರಗಳು… ಇದೆಲ್ಲದರೊಂದಿಗೆ ಸೀಟಿನ ಅಂಚಿನಿಂದ ಪ್ರೇಕ್ಷಕರನ್ನು ಆಚೀಚೆ ಕದಲದಂತೆ ಕಟ್ಟಿಡುವ ಕಂಟೆಂಟು ಚೇಸ್‌ನಲ್ಲಿದೆ ಎಂಬುದು ಈ ಟ್ರೈಲರ್ ಮೂಲಕ ಸಾಬೀತಾಗಿದೆ.

ಒಂದು ಟ್ರೈಲರ್ ಯಾವ್ಯಾವ ವಿಚಾರದಲ್ಲಿ ಗಮನ ಸೆಳೆಯಬೇಕೋ, ಅದೆಲ್ಲವನ್ನೂ ಒಳಗೊಂಡಿರುವ ಚೇಸ್ ಟ್ರೈಲರ್‌ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಹೆಚ್ಚೆಚ್ಚು ವೀಕ್ಷಣೆಗಳು ಸಿಗುತ್ತಾ, ಪ್ರೇಕ್ಷಕರೆಲ್ಲ ಚೇಸ್ ಅನ್ನು ಕಣ್ತುಂಬಿಕೊಳ್ಳಲು ಕಾದು ಕೂರುವಂತಾಗಿದೆ. ಹಲವಾರು ಕೋನಗಳಲ್ಲಿ ಕಥೆಯ ಹರವು ಹೊಂದಿರುವ ಈ ಚಿತ್ರ ಸಸ್ಪೆನ್ಸ್ ಥ್ರಿಲ್ಲರ್ ಜಾನರಿನಲ್ಲಿಯೇ ಭಿನ್ನ ಬಗೆಯದ್ದೆಂದು ಈ ಹಿಂದೆಯೂ ವಿಲೋಕ್ ಶೆಟ್ಟಿ ಹೇಳಿಕೊಂಡಿದ್ದರು. ಇದೀಗ ಟ್ರೈಲರ್ ನೋಡಿದ ಸರ್ವರಿಗೂ ಅದು ನಿಜವೆನ್ನಿಸಿದೆ. ತಾಂತ್ರಿಕವಾಗಿಯೂ ಶ್ರೀಮಂತವಾಗಿರುವ ಚೇಸ್, ದೃಷ್ಯ ವೈಭವದಲ್ಲಿಯೂ ವಿಶೇಷ ಸ್ಥಾನ ಪಡೆದುಕೊಳ್ಳುತ್ತದೆ. ಅದೆಲ್ಲವೂ ದಿನದೊಪ್ಪತ್ತಿನಲ್ಲಿಯೇ ನಿಮ್ಮೆಲ್ಲರ ಮುಂದೆ ಅನಾವರಣಗೊಳ್ಳಲಿದೆ.

ಈ ಚಿತ್ರವನ್ನು ಮನೋಹರ್ ಸುವರ್ಣ ನಿರ್ಮಾಣ ಮಾಡಿದ್ದಾರೆ. ಪ್ರಶಾಂತ್ ಶೆಟ್ಟಿ ಮತ್ತು ಪ್ರದೀಪ್ ಶೆಟ್ಟಿ ನಿರ್ಮಾಣದಲ್ಲಿ ಸಾಥ್ ಕೊಟ್ಟಿದ್ದಾರೆ. ಶಿವ್ ಶೆಟ್ಟಿ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಅನಂತ್ ರಾಜ್ ಅರಸ್ ಛಾಯಾಗ್ರಹಣ, ಕಾರ್ತಿಕ್ ಆಚಾರ್ಯ ಹಿನ್ನೆಲೆ ಸಂಗೀತ ಮತ್ತು ಸಂಗೀತ ನಿರ್ದೇಶನ, ಶ್ರೀ ಕ್ರೇಜಿಮೈಂಡ್ಸ್ ಸಂಕಲನ, ಅವಿನಾಶ್ ಎಸ್ ದಿವಾಕರ್ ಕಲಾ ನಿರ್ದೇಶನ, ಸುನೀಲ್ ಕಟಾಬು ಉಪ ನಿರ್ದೇಶನ, ಡಿಫರೆಂಟ್ ಡ್ಯಾನಿ, ಚೇತನ್ ರಮ್ಶಿ ಡಿಸೋಜಾ ಮತ್ತು ವಿನೋದ್ ಸಾಹಸ ನಿರ್ದೇಶನ, ವಿಜಯ ರಾಣಿ ಮತ್ತು ಸುಶಾಂತ್ ಪೂಜಾರಿ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ರಾಧಿಕಾ ನಾರಾಯಣ್, ಅವಿನಾಶ್, ಶೀತಲ್ ಶೆಟ್ಟಿ, ಅರ್ಜುನ್ ಯೋಗಿ, ಸುಶಾಂತ್ ಪೂಜಾರಿ, ರಾಜೇಶ್ ನಟರಂಗ, ಅರವಿಂದ್ ರಾವ್, ಪ್ರಮೋದ್ ಶೆಟ್ಟಿ, ಅರವಿಂದ್ ಬೋಳಾರ್, ಶ್ವೇತಾ ಸಂಜೀವುಲು, ರೆಹಮಾನ್ ಹಾಸನ್, ವೀಣಾ ಸುಂದರ್, ಸುಧಾ ಬೆಳವಾಡಿ, ಉಷಾ ಭಂಡಾರಿ, ಸುಂದರ್, ಸತೀಶ್ ಸಿದ್ಧಾರ್ಥ ಮಾಧ್ಯಮಿಕ, ಪ್ರಿಯಾ ಶಟಮರ್ಶನ್ ಮುಂತಾದವರ ತಾರಾಗಣ ಚೇಸ್‌ಗಿದೆ.

The post ಇದು ಸಸ್ಪೆನ್ಸ್ ಥ್ರಿಲ್ಲರ್ ಜಾನರಿಗೇ ಹೊಸಾ ದಿಕ್ಕು ತೋರುವ ಚಿತ್ರ! appeared first on ಶೋಧ ನ್ಯೂಸ್ - Shodha News.

ವಿಲೋಕ್ ಶೆಟ್ಟಿ ನಿರ್ದೇಶನದ ಚೇಜ಼್ ಚಿತ್ರ ಈ ವಾರ ಬಿಡುಗಡೆಗೊಳ್ಳಲಿದೆ. ವರ್ಷಾಂತರಗಳ ಕಾಲ ಒಂದಿಡೀ ತಂಡ ಬಲು ಆಸ್ಥೆಯಿಂದ ರೂಪಿಸಿರುವ ಈ ಚಿತ್ರ ಪ್ರತೀ ಕೆಲಸ ಕಾರ್ಯಗಳನ್ನೂ ಮೈಲಿಗಲ್ಲಾಗುವಂತೆ ಮಾಡುತ್ತಾ ಟೀಸರ್ ಮೂಲಕವೇ ಅಗಾಧ ಪ್ರಮಾಣದಲ್ಲಿ ಕ್ರೇಜ್ ಹುಟ್ಟು ಹಾಕಿದೆ. ಪ್ರಚಾರದ ಪಟ್ಟುಗಳಾಚೆಗೆ ತನ್ನ ಹೂರಣ, ಗಟ್ಟಿತನದಿಂದಲೇ ಪ್ರೇಕ್ಷಕರನ್ನು ಆಕರ್ಷಿಸಿಕೊಂಡಿರೋ ಈ ಸಿನಿಮಾದಲ್ಲಿ ಚಿತ್ರವಿಚಿತ್ರವಾದ ಪಾತ್ರಗಳಿವೆ. ಅವೆಲ್ಲವುಗಳಿಗೆ ಪ್ರತಿಭಾವಂತ ಕಲಾವಿದರೇ ಜೀವ ತುಂಬಿದ್ದಾರೆ. ಚೇಜ಼್ ಎಂಬ ದೊಡ್ಡ ಕ್ಯಾನ್ವಾಸಿನ ಸಿನಿಮಾದಲ್ಲಿ ಪ್ರತಿಯೊಬ್ಬರೂ ನೆನಪಿಟ್ಟುಕೊಳ್ಳುವಂಥಾದ್ದೊಂದು ಪಾತ್ರ ನಿರ್ವಹಿಸಿರುವವರು ಅರ್ಜುನ್ ಯೋಗಿ. ಈ ಹಿಂದೆ ಕಿರುತೆರೆಯಲ್ಲಿ ಒಂದಷ್ಟು ಖ್ಯಾತಿ ಹೊಂದಿದ್ದ ಅಕ್ಕ ಧಾರಾವಾಹಿಯ ಅರ್ಜುನ್ ಎಂಬ ಪಾತ್ರದ ಮೂಲಕವೇ ಪ್ರಸಿದ್ಧಿ ಪಡೆದುಕೊಂಡಿದ್ದ ಯೋಗೀಶ್ ತನ್ನ ಮೂಲ ನಾಮಧೇಯವನ್ನು ಮೀರಿ ಆ ಪಾತ್ರವನ್ನೇ ಐಡೆಂಟಿಟಿ ಆಗಿಸಿಕೊಂಡಿರೋದೊಂದು ಸೋಜಿಗ!

ತುಮಕೂರಿನ ಅಳಾಲಸಂದ್ರದವರಾದ ಅರ್ಜುನ್ ಯೋಗಿ ಪಾಲಿಗೆ ಸಿನಿಮಾ ಎಂಬುದು ಶಾಲಾ ಕಾಲೇಜು ದಿನಗಳಲ್ಲಿಯೇ ಮೈ ಮನಸುಗಳನ್ನು ಆವರಿಸಿಕೊಂಡಿದ್ದ ಮಹಾ ಕನಸು. ಅದರ ಬೆಂಬತ್ತಿ ರಂಗಭೂಮಿಯ ಮೂಲಕ ತನ್ನ ಪ್ರತಿಭೆಗೆ ಸಾಣೆ ಹಿಡಿದುಕೊಂಡಿದ್ದ ಅರ್ಜುನ್ ಯಾವ ಗಾಡ್ ಫಾದರ್‌ಗಳ ನೆರಳೂ ಇಲ್ಲದೇ ನಡೆದು ಬಮದ ಹಾದಿ ನಿಜಕ್ಕೂ ಯಾರೇ ಆದರೂ ಮೆಚ್ಚಿಕೊಳ್ಳುವಂಥಾದ್ದು. ಪುನೀತ್ ರಾಜ್ ಕುಮಾರ್ ಅಭಿನಯದ ಅಣ್ಣಾಬಾಂಡ್ ಚಿತ್ರದಲ್ಲಿ ನೂರಾರು ಕಲಾವಿದರೊಂದಿಗೆ ಕಳೆದು ಹೋದಂಥಾದ್ದೊಂದು ಪಾತ್ರವೇ ಅರ್ಜುನ್ ಪಾಲಿಗೆ ಮೊದಲ ಅನುಭವ. ಆ ನಂತರ ಅಕ್ಕ ಧಾರಾವಾಹಿಯಲ್ಲಿ ಅವಕಾಶ ಗಿಟ್ಟಿಸಿಕೊಂಡ ಅವರ ಬಣ್ಣದ ಹೆಜ್ಜೆಗಳೀಗ ಚೇಜ಼್ ಮೂಲಕ ನಿರ್ಣಾಯಕ ಘಟ್ಟ ತಲುಪಿಕೊಂಡಿದೆ.

ನಿರ್ದೇಶಕ ವಿಲೋಕ್ ಶೆಟ್ಟಿ ಚೇಜ಼್ ಚಿತ್ರದ ಪ್ರತೀ ಪಾತ್ರಗಳಿಗೂ ಬಹಳಷ್ಟು ಶ್ರಮ ವಹಿಸಿಯೇ ಕಲಾವಿದರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಅದರಲ್ಲೊಂದು ಮುಖ್ಯ ಪಾತ್ರಕ್ಕೆ ಬಹಳಷ್ಟು ಹುಡುಕಾಟ ನಡೆಸಿ ಕಡೆಗೂ ನಿಕ್ಕಿಯಾಗಿಸಿದ್ದು ಅರ್ಜುನ್ ಯೋಗಿಯನ್ನ. ನಿರ್ದೇಶಕರ ನಿರೀಕ್ಷೆಗೂ ಮೀರಿ ಆ ಪಾತ್ರಕ್ಕೆ ಜೀವ ತುಂಬಿದ್ದ ಅವರು ಆ ಪಾತ್ರ ತನ್ನ ಬಣ್ಣದ ಬದುಕಿನ ನಿರ್ಣಾಯಕ ಘಟ್ಟವೆಂದು ಪರಿಭಾವಿಸಿದಂತೆ ಸಮರ್ಪಿಸಿಕೊಂಡು ನಟಿಸಿದ್ದಾರೆಂಬ ಮೆಚ್ಚುಗೆ ಚಿತ್ರತಂಡದಲ್ಲಿದೆ. ಈ ಸಿನಿಮಾದ ಪಾತ್ರವೇ ಲಾಗಾಯ್ತಿನಿಂದಲೂ ಕಾಪಿಟ್ಟುಕೊಂಡು ಬಂದಿರುವ ತನ್ನ ಕನಸನ್ನು ನನಸಾಗಿಸುತ್ತೆ, ಈ ಮೂಲಕವೇ ನಟನಾಗಿ ಹೊಸಾ ಆವೇಗದೊಂದಿಗೆ ಮುಂದುವರೆಯಲು ಅನುವು ಮಾಡಿ ಕೊಡುತ್ತದೆಯೆಂಬ ತುಂಬು ನಂಬಿಕೆ ಅರ್ಜುನ್ ಅವರಲ್ಲಿದೆ.

ಅರ್ಜುನ್ ಪಾಲಿಗೆ ನಟನೆ ಎಂಬುದು ತಂದೆಯಿಂದ ಬಂದ ಬಳುವಳಿ. ನಾಟಕ ಕಲಾವಿದರಾಗಿದ್ದ ತಂದೆಯ ಕಾರಣದಿಂದ ಆ ವಾತಾವರಣದಲ್ಲಿಯೇ ಬೆಳೆದು ಬಂದಿದ್ದ ಅರ್ಜುನ್ ಶಾಲಾ ಕಾಲೇಜು ದಿನಗಳಲ್ಲಿಯೇ ಓದನ್ನೂ ಮೀರಿದ ಕಲಾಸಕ್ತಿ ಹೊಂದಿದ್ದರು. ಆ ನಂತರದಲ್ಲಿ ಒಂದಷ್ಟು ಕಾಲ ಇಂಜಿನಿಯರ್ ಆಗಿ ಕಾರ್ಯ ನಿರ್ವಹಿಸಿದರೂ ಬಣ್ಣದ ಸೆಳೆತವೆಂಬುದು ಅವರನ್ನು ಗಾಂಧಿನಗರಕ್ಕೆ ತಂದು ನಿಲ್ಲಿಸಿತ್ತು. ಅವರಿಗೆ ಆರಂಭಿಕವಾಗಿ ಸಣ್ಣ ಮಟ್ಟದಲ್ಲಿ ಅವಕಾಶ ಸಿಕ್ಕಿದ್ದು ಅಣ್ಣಾ ಬಾಂಡ್ ಚಿತ್ರದಲ್ಲಿ. ಆ ಪಾತ್ರ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಎಂಬಂತಿದ್ದರೂ ಓರ್ವ ಕಲಾವಿದನಾಗಿ ಮೊದಲ ಸಲ ಅರ್ಜುನ್ ಕ್ಯಾಮೆರಾ ಮುಂದೆ ನಿಂತಿದ್ದದ್ದು ಅಣ್ಣಾಬಾಂಡ್ ಮೂಲಕವೇ.

ಆ ನಂತರದಲ್ಲಿ ಸಣ್ಣ ಪುಟ್ಟ ವಕಾಶಗಳನ್ನು ಪಡೆದುಕೊಂಡು ಮುಂದುವರೆಯುತ್ತಿದ್ದ ಅರ್ಜುನ್ ಯೋಗಿ ಪಾಲಿಗೆ ಅಕ್ಕ ಧಾರಾವಾಹಿಯಲ್ಲಿ ಅವಕಾಶ ಸಿಕ್ಕಿದ್ದೊಂದು ಪವಾಡ. ಹೆಚ್ಚೇನೂ ನಿರೀಕ್ಷೆ ಇಲ್ಲದೆಯೇ ಅಕ್ಕ ಧಾರಾವಾಹಿಯ ಅರ್ಜುನ್ ಎಂಬ ಪಾತ್ರವನ್ನು ಯೋಗಿ ಒಪ್ಪಿಕೊಂಡಿದ್ದರು. ಇಡೀ ಜಗತ್ತನ್ನು ಪ್ರೀತಿ ತುಂಬಿದ ಕಣ್ಣುಗಳಿಂದ ದಿಟ್ಟಿಸುವ, ಲವಲವಿಕೆಯ ಒರತೆಯಂಥಾ ಆ ಪಾತ್ರಕ್ಕೆ ಯೋಗಿ ಯಾವ ರೀತಿ ಜೀವ ತುಂಬಿದ್ದರೆಂದರೆ, ಅವರು ಎಂಟ್ರಿ ಕೊಟ್ಟ ನಂತರ ಧಾರಾವಾಹಿಯ ಟಿಆರ್ಪಿಯಲ್ಲಿ ಏರುಗತಿ ಕಂಡಿತ್ತು. ನೋಡ ನೋಡುತ್ತಲೇ ಅವರು ಹೆಂಗಳೆಯರ ಫೇವರಿಟ್ ನಟನಾಗಿ ಹೊರ ಹೊಮ್ಮಿದ್ದರು.

ಆ ಪಾತ್ರದ ಪ್ರಭೆಯಲ್ಲಿಯೇ ಅರ್ಜುನ್ ಅವರನ್ನು ನಿರ್ಣಾಯಕವಾಗಿ ಸಿನಿಮಾ ಅವಕಾಶಗಳು ಹುಡುಕಿಕೊಂಡು ಬರಲಾರಂಭಿಸಿದ್ದವು. ಮುಖ್ಯ ಪಾತ್ರಗಳಲ್ಲಿಯೇ ನಟಿಸೋ ಸದವಕಾಶವೂ ಅರ್ಜುನ್ ಯೋಗಿ ಪಾಲಿಗೆ ಸಿಗಲಾರಂಭಿಸಿತ್ತು. ಹಾಗೆ ಸಿಕ್ಕ ಪ್ರತೀ ಪಾತ್ರಗಳಿಗೂ ಶ್ರದ್ಧೆಯಿಂದ ನ್ಯಾಯ ಸಲ್ಲಿಸುತ್ತಾ ಸಾಗಿ ಬಂದಿರೋ ಅವರ ಪಾಲಿಗೆ ಚೇಜ಼್ ಚಿತ್ರದಲ್ಲಿ ಹಂಬಲದ ಪಾತ್ರವೇ ಸಿಕ್ಕಿದೆಯಂತೆ. ಈ ಸಿನಿಮಾದಲ್ಲಿ ಹಲವಾರು ಆಕರ್ಷಣೆಗಳಿದ್ದಾವೆ. ಅದರಲ್ಲಿ ಅರ್ಜುನ್ ನಿರ್ವಹಿಸಿರೋ ಪಾತ್ರವೂ ಒಂದಾಗಿ ಗುರುತಿಸಿಕೊಳ್ಳುವಷ್ಟು ಶಕ್ತವಾಗಿದೆಯಂತೆ. ಟೀಸರ್ ಮತ್ತು ಟ್ರೈಲರ್‌ಗಳಲ್ಲಿ ಅರ್ಜುನ್ ಯೋಗಿ ಪಾತ್ರದ ಸಣ್ಣ ಝಲಕ್ ಮಾತ್ರವೇ ಹಾದು ಹೋಗಿದೆ. ಅದರ ಅಸಲೀ ಚಹರೆ ಪ್ರತೀ ಪ್ರೇಕ್ಷಕರಿಗೂ ಇಷ್ಟವಾಗುವಂತಿದೆಯಂತೆ. ಅದರ ನಿಜವಾದ ಗಮ್ಮತ್ತು ದಿನದೊಪ್ಪತ್ತಿನಲ್ಲಿಯೇ ನಿಮ್ಮ ಮುಂದೆ ತೆರೆದುಕೊಳ್ಳಲಿದೆ.

ಈ ಚಿತ್ರವನ್ನು ಮನೋಹರ್ ಸುವರ್ಣ ನಿರ್ಮಾಣ ಮಾಡಿದ್ದಾರೆ. ಪ್ರಶಾಂತ್ ಶೆಟ್ಟಿ ಮತ್ತು ಪ್ರದೀಪ್ ಶೆಟ್ಟಿ ನಿರ್ಮಾಣದಲ್ಲಿ ಸಾಥ್ ಕೊಟ್ಟಿದ್ದಾರೆ. ಶಿವ್ ಶೆಟ್ಟಿ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಅನಂತ್ ರಾಜ್ ಅರಸ್ ಛಾಯಾಗ್ರಹಣ, ಕಾರ್ತಿಕ್ ಆಚಾರ್ಯ ಹಿನ್ನೆಲೆ ಸಂಗೀತ ಮತ್ತು ಸಂಗೀತ ನಿರ್ದೇಶನ, ಶ್ರೀ ಕ್ರೇಜಿಮೈಂಡ್ಸ್ ಸಂಕಲನ, ಅವಿನಾಶ್ ಎಸ್ ದಿವಾಕರ್ ಕಲಾ ನಿರ್ದೇಶನ, ಸುನೀಲ್ ಕಟಾಬು ಉಪ ನಿರ್ದೇಶನ, ಡಿಫರೆಂಟ್ ಡ್ಯಾನಿ, ಚೇತನ್ ರಮ್ಶಿ ಡಿಸೋಜಾ ಮತ್ತು ವಿನೋದ್ ಸಾಹಸ ನಿರ್ದೇಶನ, ವಿಜಯ ರಾಣಿ ಮತ್ತು ಸುಶಾಂತ್ ಪೂಜಾರಿ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ರಾಧಿಕಾ ನಾರಾಯಣ್, ಅವಿನಾಶ್, ಶೀತಲ್ ಶೆಟ್ಟಿ, ಅರ್ಜುನ್ ಯೋಗಿ, ಸುಶಾಂತ್ ಪೂಜಾರಿ, ರಾಜೇಶ್ ನಟರಂಗ, ಅರವಿಂದ್ ರಾವ್, ಪ್ರಮೋದ್ ಶೆಟ್ಟಿ, ಅರವಿಂದ್ ಬೋಳಾರ್, ಶ್ವೇತಾ ಸಂಜೀವುಲು, ರೆಹಮಾನ್ ಹಾಸನ್, ವೀಣಾ ಸುಂದರ್, ಸುಧಾ ಬೆಳವಾಡಿ, ಉಷಾ ಭಂಡಾರಿ, ಸುಂದರ್, ಸತೀಶ್ ಸಿದ್ಧಾರ್ಥ ಮಾಧ್ಯಮಿಕ, ಪ್ರಿಯಾ ಶಟಮರ್ಶನ್ ಮುಂತಾದವರ ಬೃಹತ್ ತಾರಾಗಣವಿದೆ.

The post ಪುನೀತ್ ಚಿತ್ರದ ಮೂಲಕ ನಟನಾದ ಅರ್ಜುನ್! appeared first on ಶೋಧ ನ್ಯೂಸ್ - Shodha News.

ವಿಲೋಕ್ ಶೆಟ್ಟಿ ನಿರ್ದೇಶನದ ಚೇಸ್ ಚಿತ್ರ ಇದೇ ೧೫ರಂದು ಬಿಡುಗಡೆಗೊಳ್ಳಲಿದೆ. ಯುಎಫ್‌ಒ ಮೂಲಕ ದೇಶಾದ್ಯಂತ ತಲುಪಿಕೊಳ್ಳಲಿದೆ. ಯಾವುದೇ ಒಂದು ಚಿತ್ರ ಎರಡ್ಮೂರು ವರ್ಷಗಳ ಸುದೀರ್ಘಾವಧಿಯಲ್ಲಿ ಕುತೂಹಲವನ್ನು ಕಾಪಿಟ್ಟುಕೊಂಡು ಸಾಗೋದು ನಿಜಕ್ಕೂ ಸಾಹಸ. ಅದಕ್ಕೆ ಗಟ್ಟಿಯಾದ ಕಂಟೆಂಟು ಮತ್ತು ಹಂತ ಹಂತವಾಗಿ ಅದನ್ನು ಪ್ರೇಕ್ಷಕರಿಗೆ ದಾಟಿಸುವ ಜಾಣ್ಮೆ ಇರಬೇಕಾಗುತ್ತದೆ. ನಿರ್ದೇಶಕ ವಿಲೋಕ್ ಶೆಟ್ಟಿಗೆ ಆ ಕಲೆ ಸಿದ್ಧಿಸಿದೆ. ಅದಿಲ್ಲದೇ ಹೋಗಿದ್ದರೆ, ಕೊರೋನಾ ಕರಿನೆರಳಿನಲ್ಲಿಯೂ ನಿರೀಕ್ಷೆಯನ್ನು ನಿಗಿನಿಗಿಸುವಂತೆ ಕಾಯ್ದಿಟ್ಟುಕೊಳ್ಳಲು ಸಾಧ್ಯವಾಗುತ್ತಿರಲಿಲ್ಲ. ಈ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರವೀಗ ತನ್ನೊಳಗಿನ ಕಥೆ, ತಾರಾಗಣ ಸೇರಿದಂತೆ ನಾನಾ ದಿಕ್ಕಿನಲ್ಲಿ ಕುತೂಹಲಕ್ಕೆ ಕಾರಣವಾಗಿದೆ. ಅದರಲ್ಲಿಯೂ ನಾಯಕಿಯಾಗಿ ನಟಿಸಿರೋ ರಾಧಿಕಾ ನಾರಾಯಣ್ ಪಾತ್ರದ ಸುತ್ತಾ ಹತ್ತಾರು ಪ್ರಶ್ನೆಗಳು ಹರಳುಗಟ್ಟಿಕೊಂಡಿವೆ.

ರಂಗಿತರಂಗ ಚಿತ್ರದ ಗೆಲುವಿನ ಒಡ್ಡೋಲಗದಲ್ಲಿ ನಾಯಕಿಯಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿರುವವರು ರಾಧಿಕಾ ನಾರಾಯಣ್. ಓರ್ವ ಯಶಸ್ವೀ ನಟಿ ಆಯ್ಕೆಯಲ್ಲಿ ಎಂಥಾ ಗುಣಮಟ್ಟ ಕಾಯ್ದುಕೊಳ್ಳಬೇಕಾಗುತ್ತದೋ ಅದೆಲ್ಲವನ್ನೂ ಮೈಗೂಡಿಸಿಕೊಂಡು ರಾಧಿಕಾ ಮುಂದುವರೆಯುತ್ತಿದ್ದಾರೆ. ಸಂಖ್ಯೆಗಳಿಗಿಂತಲೂ ಗುಣಮಟ್ಟ ಮುಖ್ಯ ಎಂಬ ಧ್ಯೇಯ ರೂಢಿಸಿಕೊಂಡಿರುವ ಅವರು, ಅದರ ನೆರಳಿನಲ್ಲಿಯೇ ಇಷ್ಟಪಟ್ಟು ಚೇಸ್ ಅನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಈ ಪಾತ್ರ ತನ್ನ ವೃತ್ತಿ ಬದುಕಿನ ಮೈಲಿಗಲ್ಲಾಗುತ್ತದೆ ಎಂಬ ಗಾಢ ನಂಬಿಕೆ ಇಟ್ಟುಕೊಂಡಿರುವ ಅವರು, ಆ ಪಾತ್ರಕ್ಕಾಗಿ ಅಷ್ಟೇ ಕಷ್ಟ ಪಟ್ಟು ತಯಾರಾಗಿದ್ದಾರೆ. ಆ ಬಗೆಗಿನ ಒಂದಷ್ಟು ವಿಚಾರಗಳನ್ನು ರಾಧಿಕಾ ಸಿನಿಶೋಧದೊಂದಿಗೆ ಹಂಚಿಕೊಂಡಿದ್ದಾರೆ.

ಯುವ ನಿರ್ದೇಶಕ ವಿಲೋಕ್ ಶೆಟ್ಟಿ ಆರಂಭಿಕವಾಗಿ ಕಥೆ ಹೇಳಿದಾಗಲೇ ರಾಧಿಕಾ ಥ್ರಿಲ್ ಆಗಿದ್ದರಂತೆ. ಅದರ ಜೊತೆಗೊಂದು ಅಳುಕೂ ಕೂಡಾ ಇದ್ದೇ ಇತ್ತು. ಆ ಪಾತ್ರಕ್ಕಿರೋ ನಾನಾ ಚಹರೆಗಳೇ ಅದಕ್ಕೆ ಕಾರಣ. ಪಾತ್ರವನ್ನು ಒಳಗಿಳಿಸಿಕೊಂಡು, ಸೀದಾ ಬಂದು ಕ್ಯಾಮೆರಾ ಮುಂದೆ ನಿಲ್ಲುವ ಅವಕಾಶ ಖಂಡಿತಾ ಇರಲಿಲ್ಲ. ಈ ಕಾರಣದಿಂದಲೇ ಚಿತ್ರೀಕರಣಕ್ಕೂ ಮುಂಚೆಯೇ ಒಂದಷ್ಟು ವರ್ಕ್‌ಶಾಪ್ ನಡೆದಿತ್ತು. ಅದರಲ್ಲಿ ಪಾಲ್ಗೊಳ್ಳುವ ಮೂಲಕ ರಾಧಿಕಾ ಆ ಪಾತ್ರದ ಎಲ್ಲಾ ಶೇಡುಗಳನ್ನೂ ಪರಿಣಾಮಕಾರಿಯಾಗಿ ಒಳಗಿಳಿಸಿಕೊಂಡಿದ್ದರು. ಆದರೆ, ತಮ್ಮ ಪಾತ್ರದ ಬಗ್ಗೆ ಸಂಪೂರ್ಣವಾದ ಅಂಶಗಳನ್ನು ಬಿಟ್ಟುಕೊಡೋದಿಲ್ಲ. ಅದರಲ್ಲಿಯೇ ಇಡೀ ಚಿತ್ರದ ನಿಗೂಢ ಅಡಗಿರೋದರಿಂದ ಒಂದಷ್ಟು ಗೌಪ್ಯ ಕಾಪಾಡಿಕೊಳ್ಳುತ್ತಾರೆ.

ಒಂದು ಮಟ್ಟಿಗೆ ಹೇಳೋದಾದರೆ, ರಾಧಿಕಾ ನಾರಾಯಣ್ ಇಲ್ಲಿ ಪೊಲೀಸ್ ಟ್ರೈನಿ ಪಾತ್ರ ನಿರ್ವಹಿಸಿದ್ದಾರೆ. ಈ ಹಂತದಲ್ಲಿ ಎರಡು ಅಪರಿಚಿತ ಕ್ಯಾರೆಕ್ಟರುಗಳು ಮುಖಾಮುಖಿಯಾದಾಗ ಅಲ್ಲೇನೋ ಘಟಿಸುತ್ತದೆ. ಅದಕ್ಕೆ ಹತ್ತಾರು ಪಾತ್ರಗಳು ಸೇರಿಕೊಳ್ಳುತ್ತಾ ನಾನಾ ದಿಕ್ಕಿನತ್ತ ಕಥೆ ಚಲಿಸುತ್ತದೆ. ಈ ಚಲನೆಯಲ್ಲಿ ರಾಧಿಕಾರ ಪಾತ್ರ ನಾನಾ ಪಲ್ಲಟಗಳಿಗೆ ಒಡ್ಡಿಕೊಳ್ಳುತ್ತದೆ. ಅದರಲ್ಲೊಂದಕ್ಕಾಗಿ ಮಾರ್ಷಲ್ ಆರ್ಟ್ಸ್ ಅನ್ನು ಕಲಿಯಬೇಕಾದ ಸಂದರ್ಭವೂ ಅವರಿಗೆ ಒದಗಿ ಬಂದಿತ್ತು. ಹೊಸಾ ಕಲಿಕೆಯತ್ತ ಆಸಕ್ತಿ ಹೊಂದಿರುವ ರಾಧಿಕಾ, ಫೈಟ್ ಮಾಸ್ಟರ್ ಚೇತನ್ ಡಿಸೋಜಾರ ದೇಖಾರೇಖಿಯಲ್ಲಿ ಮಾರ್ಷಲ್ ಆರ್ಟ್ಸ್ ಕಲೆಯನ್ನು ತಕ್ಕ ಮಟ್ಟಿಗೆ ಕಲಿತುಕೊಂಡಿದ್ದರು. ಸಿನಿಮಾ ನೋಡಿದ ಮಂದಿಯೊಳಗೆ ರಾಧಿಕಾ ನಿಜವಾಗಿಯೂ ಮಾರ್ಷಲ್ ಆರ್ಟ್ ಪಟುವೇನೋ ಎಂಬ ಭಾವ ಮೂಡಿಸುವಂತೆ ಆ ಪಾತ್ರ ಮೂಡಿ ಬಂದಿದೆಯೆಂಬ ಭರವಸೆ ರಾಧಿಕಾರಲ್ಲಿದೆ.

ಇದೆಲ್ಲವನ್ನೂ ಆಸ್ಥೆಯಿಂದ ನಿರ್ವಹಿಸಿದ ರಾಧಿಕಾರಿಗೆ ಮತ್ತೊಂದು ಮಹಾನ್ ಸಮಸ್ಯೆ ಎದುರಾಗಿ ಬಿಟ್ಟಿತ್ತಂತೆ. ಅದು ಶ್ವಾನ ಸಂಬಂಧಿ ಸಮಸ್ಯೆ. ಸಾಮಾನ್ಯವಾಗಿ ಬಹುತೇಕರು ಶ್ವಾನ ಪ್ರೇಮಿಗಳಾಗಿರುತ್ತಾರೆ. ಅದರಲ್ಲಿಯೂ ಹೆಣ್ಣು ಮಕ್ಕಳಿಗೆ ಮುದ್ದಾದ ನಾಯಿಗಳ ಮೇಲಿನ ಪ್ರೀತಿ ಒಂದು ಹಿಡಿ ಹೆಚ್ಚೇ ಇರುತ್ತದೆ. ಆದರೆ ಆ ವಿಚಾರದಲ್ಲಿ ರಾಧಿಕಾ ತದ್ವಿರುದ್ಧ. ನಿಜ ಜೀವನದಲ್ಲಿ ನಾಯಿಗಳ ಮೇಲೆ ಪ್ರೀತಿಯಿರೋ ಜಾಗವನ್ನು ಅವರ ಪಾಲಿಗೆ ಭಯ ಆವರಿಸಿಕೊಂಡಿತ್ತಂತೆ. ಅಂಥಾ ರಾಧಿಕಾ ಈ ಸಿನಿಮಾದುದ್ದಕ್ಕೂ ನಾಯಿಯ ಸಾಹಚರ್ಯದಲ್ಲಿರಬೇಕೆಂದಾಗ ಬೆಚ್ಚಿಬೀಳದಿರಲು ಸಾಧ್ಯವೇ? ಅಂಥಾ ಭಯವೆಲ್ಲವನ್ನೂ ಈ ಚಿತ್ರದಲ್ಲಿ ನಟಿಸಿರುವ ಮುದ್ದಾದ ನಾಯಿಯೇ ಪರಿಹರಿಸಿತ್ತಂತೆ. ಚಿತ್ರೀಕರಣ ಮುಗಿಯುವ ಹೊತ್ತಿಗೆಲ್ಲಾ ರಾಧಿಕಾರೊಳಗೂ ನಾಯಿಪ್ರೇಮ ಸ್ಫುರಿಸಿ, ಭಯವೆಂಬುದು ಮಾಯವಾಗಿತ್ತಂತೆ.

ರಾಧಿಕಾರ ಮಟ್ಟಿಗೆ ಈ ಚಿತ್ರ ಒಂದು ವಿಶಷ್ಟವಾದ ಅನುಭವ ನೀಡಿದೆ, ನಿರ್ದೇಶಕ ವಿಲೋಕ್ ಶೆಟ್ಟಿ ಎಲ್ಲರನ್ನೂ ಒಳಗೊಂಡು, ಎಲ್ಲರ ಅಭಿಪ್ರಾಯ ಸಂಗ್ರಹಿಸಿ, ಒಟ್ಟಾರೆ ಚಿತ್ರ ಚೆಂದಗಾಣಬೇಕೆಂಬ ಮನಸ್ಥಿತಿಯಿಂದ ಕಾರ್ಯ ನಿರ್ವಹಿಸಿದ್ದ ಭಗೆ ಅವರಿಗೆ ಹಿಡಿಸಿದೆ. ಇಡೀ ತಾರಾಗಣವೇ ಒಂದು ಕುಟುಂಬದಂತಿದ್ದ ಕ್ಷಣಗಳು ಅವರನ್ನು ಹಿಡಿದಿಟ್ಟುಕೊಂಡಿದೆ. ಒಟ್ಟಾರೆಯಾಗಿ ಚೇಸ್ ಒಂದು ಭಿನ್ನ ಬಗೆಯ ಚಿತ್ರವಾಗಿ, ಅಪ್ಪಟ ಎಂಟರ್‌ಟೈನರ್ ಆಗಿ ಪ್ರೇಕ್ಷಕರಿಗೆ ಖಮಡಿತವಾಗಿಯೂ ಹಿಡಿಸಲಿದೆ ಎಂಬ ನಂಬಿಕೆಯೂ ಅವರಲ್ಲಿದೆ. ಹಲವಾರು ವರ್ಷಗಳ ನಂತರ ರಂಗಿತರಂಗದಂಥಾದ್ದೇ ಮತ್ತೊಂದು ಗೆಲುವು ಚೇಸ್ ಮೂಲಕ ಸಿಗಲಿದೆ ಎಂಬ ನಿರೀಕ್ಷೆ ರಾಧಿಕಾರದ್ದಾಗಿದೆ. ಈ ಚಿತ್ರ ತೆರೆಗಾಣಲು ಇನ್ನು ಕೆಲವೇ ದಿನಗಳು ಮಾತ್ರ ಬಾಕಿ ಉಳಿದುಕೊಂಡಿವೆ.

The post ನಾಯಿ ಭಯ ನಿವಾರಣೆ! appeared first on ಶೋಧ ನ್ಯೂಸ್ - Shodha News.

ಈಗಾಗಲೇ ಪ್ರೇಕ್ಷಕರೆಲ್ಲರ ಚಿತ್ತವನ್ನು ತನ್ನೆಡೆಗೆ ಸೆಳೆದುಕೊಂಡಿರುವ ಚಿತ್ರ ಚೇಸ್. ಕನ್ನಡದ ಮಟ್ಟಿಗೆ ಅಪರೂಪದ ಚಿತ್ರವಾಗಿ ದಾಖಲಾಗುವಂಥಾ ಗುಣಲಕ್ಷಣಗಳನ್ನು ಒಳಗೊಂಡಿರುವ ಚೇಸ್, ಇದೇ ತಿಂಗಳ ಹದಿನೈದರಂದು ತೆರೆಗಾಣಲಿದೆ. ಕೊರೋನಾ ಕಂಟಕದಿಂದಾಗಿ ಕೊಂಚ ತಡವಾದರೂ ಕ್ಯೂರಿಯಾಸಿಟಿಯನ್ನು ಯಥಾಪ್ರಕಾರವಾಗಿ ಕಾಯ್ದಿಟ್ಟುಕೊಂಡ ಹೆಗ್ಗಳಿಕೆಯೂ ಈ ಚಿತ್ರಕ್ಕೆ ಸಲ್ಲುತ್ತದೆ. ಈವರೆಗೂ ಚೇಸ್‌ಯಿಂದ ಸಮ್ಮೋಹಕವಾದ ಒಂದಷ್ಟು ವಿಚಾರಗಳು ಹೊರಬೀಳುತ್ತಲೇ ಬಂದಿವೆ. ಇದೀಗ ಚಿತ್ರತಂಡ ಹಂಚಿಕೊಂಡಿರುವ ವಿಚಾರವಿದೆಯಲ್ಲಾ? ಅದು ಕನ್ನಡ ಚಿತ್ರಪ್ರೇಮಿಗಳನ್ನು ಪಟ್ಟಂಪೂರಾ ಥ್ರಿಲ್ ಆಗಿಸುವಂತಿದೆ. ಯಾಕೆಂದರೆ, ಚೇಸ್ ವಿತರಣಾ ಹಕ್ಕುಗಳನ್ನು ಭಾರತದ ಪ್ರಮುಖವಾದ ಸ್ಟ್ರೀಮಿಂಗ್ ಹಾಗೂ ಡಿಸ್ಟ್ರಿಬ್ಯೂಟಿಂಗ್ ಸಂಸ್ಥೆಯಾದ ಯುಎಫ್‌ಒ ದಾಖಲೆ ಮೊತ್ತಕ್ಕೆ ಖರೀದಿಸಿದೆ.

ಭಾರತೀಯ ಚಿತ್ರರಂಗದಲ್ಲಿ ಘನತೆ, ಗೌರವ ಹೊಂದಿರುವಂಥಾ ಸಂಸ್ಥೆ ಯುಎಫ್‌ಒ. ಮೂವಿ ಸ್‌ಟರೀಮಿಂಗ್ ಕ್ಷೇತ್ರದಲ್ಲಿ ತನ್ನದೇ ಆದ ಕಿಮ್ಮತ್ತು ಹೊಂದಿರುವ ಈ ಸಂಸ್ಥೆ, ಇತ್ತೀಚಿನ ದಿಬನಗಳಲ್ಲಿ ವಿತರಣಾ ಕ್ಷೇತ್ರಕ್ಕೂ ಹೆಜ್ಜೆಯಿಟ್ಟಿದೆ. ಕ್ವಾಲಿಟಿ ಹೊಂದಿರುವಂಥಾ ಚಿತ್ರಗಳನ್ನು ಮಾತ್ರವೇ ಆಯ್ದುಕೊಂಡು ಅದರಲ್ಲಿಯೂ ಗುಣಮಟ್ಟ ಕಾಯ್ದುಕೊಂಡಿದೆ. ಹೀಗಿರೋದರಿಂದಲೇ ಯುಎಫ್‌ಒ ಒಂದು ಚಿತ್ರದ ವಿತರಣಾ ಹಕ್ಕುಗಳನ್ನು ಖರೀದಿಸಿತೆಂದರೆ, ಆ ಚಿತ್ರದ ಬಗ್ಗೆ ತಾನೇ ತಾನಾಗಿ ಕುತೂಹಲ ಮೂಡಿಕೊಳ್ಳುತ್ತೆ. ಇಂಥಾ ಸಂಸ್ಥೆ ಇದೇ ಮೊದಲ ಬಾರಿ ಕರ್ನಾಟಕಕ್ಕೆ ಪಾದಾರ್ಪಣೆ ಮಾಡಿದೆ; ಚೇಸ್‌ನ ವಿತರಣಾ ಹಕ್ಕುಗಳನ್ನು ಖರೀದಿಸುವ ಮೂಲಕ.

ಯುಎಫ್‌ಒ ಅಧಿಕಾರಿಗಳು ಚೇಸ್ ಚಿತ್ರವನ್ನು ವೀಕ್ಷಿಸಿ, ಬಹುವಾಗಿ ಮೆಚ್ಚಿಕೊಂಡು ವಿತರಣಾ ಹಕ್ಕುಗಳನ್ನು ಖರೀದಿಸಿದ್ದಾರೆ. ಈ ಮೂಲಕ ಚೇಸ್ ಅನ್ನು ದೇಶಾದ್ಯಂತ ವಿತರಿಸುವ ಹಕ್ಕನ್ನೂ ತಮ್ಮದಾಗಿಸಿಕೊಂಡಿದ್ದಾರೆ. ಇದರೊಂದಿಗೆ ಕೆಜಿಎಫ್ ಮತ್ತು ಚಾರ್ಲಿ ನಂತರದಲ್ಲಿ ಚೇಸ್‌ಗೆ ದೇಶ ಮಟ್ಟದಲ್ಲಿ ಮನ್ನಣೆ ಸಿಕ್ಕಿದಂತಾಗಿದೆ. ಈಗಾಗಲೇ ಚೇಸ್ ಬಗೆಗೊಂದು ಪಾಸಿಟಿವ್ ವಾತಾವರಣ ಚಾಲ್ತಿಯಲ್ಲಿದೆ. ಈ ಹೊತ್ತಿನಲ್ಲಿ ವಿತರಣಾ ಹಕ್ಕುಗಳು ಖರೀದಿಯಾಗಿರೋದು ಮತ್ತು ಯುಎಫ್‌ಒ ಕಡೆಯಿಂದಲೇ ಮೆಚ್ಚುಗೆ ಸಿಕ್ಕಿರೋದರಿಂದ ಚಿತ್ರತಂಡ ಖುಷಿಗೊಂಡಿದೆ. ನಿರ್ದೇಶಕ ವಿಲೋಕ್ ಶೆಟ್ಟಿಯವರ ಬಹು ವರ್ಷಗಳ ಶ್ರಮವೂ ಸಾರ್ಥಕವಾದಂತಾಗಿದೆ.

The post ಕೆಜಿಎಫ್ ಚಾರ್ಲಿ ಸಾಲಿಗೆ ಸೇರಿಕೊಂಡ ಚೇಸ್! appeared first on ಶೋಧ ನ್ಯೂಸ್ - Shodha News.