ಎಲ್ಲಿ ಮಡಿವಂತಿಕೆ ಅಧಿಕವಾಗಿರುತ್ತೋ ಅಲ್ಲಿಯೇ ನಾನಾ ಬಯಕೆಗಳು ಥರ ಥರದ ಮುಖವಾಡ ತೊಟ್ಟು ಕೂತಿರುತ್ವೆ. ಭಾರತದಲ್ಲಿಯಂತೂ (india) ನಾನಾ ವಿಚಾರಗಳಲ್ಲಿ ಇಂಥಾ ಮಡಿವಂತಿಕೆ ತೀವ್ರವಾಗಿದೆ. ಹಾಗಿರುವಾಗ ಕಾಮದ (sex) ಬಗ್ಗೆ ಇಲ್ಲಿ ಬಿಡು ಬೀಸಾಗಿ ಮಾತಾಡೋದು ಕೊಂಚ ಕಷ್ಟ. ಆದ್ರೆ ಜನಸಂಖ್ಯೆ ಮಾತ್ರ ಇಡೀ ವಿಶ್ವಕ್ಕೇ ಸೆಡ್ಡು ಹೊಡೆಯುವಂತೆ ಬೆಳೆಯುತ್ತಲೇ ಇದೆ. ಇದರಾಚೆಗೆ ಮೈಥುನದ ಬಗ್ಗೆ ಅತೀವ ಆಸಕ್ತಿ ಹೊಂದಿರೋ ಮಂದಿಯ ಪಾಲಿಗೆ ಇತ್ತೀಚಿನ ದಿನಗಳಲ್ಲಿ ನೀಲಿ ಚಿತ್ರಗಳು ವರದಾನವಾಗಿವೆ.

ಇಂಥಾ ನೀಲಿ ಚಿತ್ರಗಳನ್ನ (porn sites) ಹುಡುಕಾಡಿ ನೋಡೋ ದೇಶಗಳ ಲಿಸ್ಟಿನಲ್ಲಿ ನಮಗೂ ಅಗ್ರ ಸ್ಥಾನವಿದೆ. ಅದರಲ್ಲಿ ಲಿಂಗಾಧಾರಿತ ಸರ್ವೆಗಳು ನಡೆದಾಗ ಹೆಂಗಳೆಯ ಪಾಲೂ ಮಹತ್ತರವಾಗಿರೋ ವಿಚಾರ ಬಯಲಾಗಿದೆ. ಅದರರ್ಥ ನೀಲಿ ಚಿತ್ರಗಳತ್ತ ವಯೋಮಾನದ ಹಂಗಿಲ್ಲದೆ ಜನ ವಾಲಿಕೊಂಡಿದ್ದಾರನ್ನೋದು. ಹೀಗೆ ನೀಲಿ ಚಿತ್ರಗಳನ್ನ ನೋಡೋದನ್ನೇ ಚಟವಾಗಿಸಿಕೊಂಡರೆ ಅದರಿಂದ ಮನೋ ದೈಹಿಕವಾಗಿ ಒಂದಷ್ಟು ಅಡ್ಡಪರಿಣಾಮಗಳಾಗುತ್ತವೆ.

ಹಾಗಂತ ನೀಲಿ ಚಿತ್ರಗಳಿಂದ ಮನಸಿಗೆ, ದೇಹಕ್ಕೆ ಮಾತ್ರವೇ ಪರಿಣಾಮವಾಗುತ್ತೆ ಅಂದುಕೊಳ್ಳುವಂತಿಲ್ಲ. ಅದರಿಂದ ನಿಮ್ಮ ಮೊಬೈಲು, ಕಂಪ್ಯೂಟರ್, ಲ್ಯಾಪ್‍ಟಾಪ್‍ಗಳು ವೈರಸ್ ದಾಳಿಗೀಡಾಗಬಹುದು. ನಿಮ್ಮ ಫೈಲುಗಳೆಲ್ಲ ಸರ್ವನಾಶವಾಗಿ ಜುಟ್ಟು ಕೆದರಿಕೊಳ್ಳುವ ಸ್ಥಿತಿಯೂ ಎದುರಾಗಬಹುದು. ಇತ್ತೀಚೆಗೆ ನಡೆದಿರೋ ಕೆಲ ಶೋಧನೆಗಳು ಇಂಥಾದದ್ದೊಂದು ಎಚ್ಚರಿಕೆಯನ್ನ ರವಾನಿಸಿವೆ.

ಇಂಥಾ ಪಾರ್ನ್ ಸೈಟ್‍ಗಳು ನಾಯಿ ಕೊಡೆಗಳಂತೆ ಹಬ್ಬಿಕೊಂಡಿವೆ. ಅಂಥವೆಲ್ಲ ಭಾರೀ ಪ್ರಮಾಣದಲ್ಲಿ ಕಮಾಯಿಯನ್ನೂ ಮಾಡಿಕೊಳ್ಳುತ್ತಿವೆ. ಇಂಥವಕ್ಕೆ ಕಾನೂನು ಕಟ್ಟಳೆಗಳ ಬಂಧವಿದ್ದರೂ ಬಿಂದಾಸಾಗಿಯೇ ಕಾರ್ಯ ನಿರ್ವಹಿಸುತ್ತಿವೆ. ಇಂಥವೆಲ್ಲ ಬೇಕೆಂದೇ ವೈರಸ್ ಹಬ್ಬಿಸೋ ಕೆಲಸವನ್ನೂ ಮಾಡ್ತಿವೆಯಂತೆ. ಈ ಮೂಲಕವೇ ಆಂಟಿ ವೈರಸ್ ಕಂಪೆನಿಗಳಿಗೆ ಸಹಕಾರಿಯಾಗಿಯೂ ನಡೆದುಕೊಳ್ತಿವೆಯಂತೆ. ಇಂಥಾ ಪಾರ್ನ್ ವೆಬ್‍ಸೈಟ್‍ಗಳಲ್ಲಿ ಕೆಲವೊಮ್ಮೆ ಸಿಸ್ಟಮ್ ಅನ್ನು ಸರ್ವನಾಶ ಮಾಡಿ ಬಿಡಬಲ್ಲ ರಕ್ಕಸ ವೈರಸ್‍ಗಳೂ ದಾಳಿಯಿಡುತ್ತವೆ ಅಂತ ವರದಿಗಳು ಹೇಳುತ್ತಿವೆ.

The post deadly virus: ಅಂಥಾ ಸಿನಿಮಾ ಪ್ರಿಯರು ಇದನ್ನೊಮ್ಮೆ ಓದಿ! appeared first on ಶೋಧ ನ್ಯೂಸ್ - Shodha News.

ನಮ್ಮೆಲ್ಲರ ದುರಾಸೆಯ ದೆಸೆಯಿಂದಾಗಿ ಒಂದು ಕಡೆಯಿಂದ ಕಾಡುಗಳೆಲ್ಲ (forrest) ನಾಶವಾಗುತ್ತಿವೆ. ಅದೆಷ್ಟೋ ಶತಮಾನಗಳಿಂದ ತಂತಾನೇ ಧ್ಯಾನಸ್ಥವಾಗಿ ಬೆಳೆದಿದ್ದ ಕಾಡು, ಅದರೊಳಗಿರುವ ಅಂದಾಜಿಗೆ ನಿಲುಕದ ಅಸಂಖ್ಯ ಜೀವ ಸಂಕುಲಗಳೆಲ್ಲವೂ ಅವಸಾನ ಹೊಂದಿವೆ. ದುರಂತವೆಂದರೆ, ಒಂದು ಕಡೆಯಿಂದ ಹೊಸ ಹೊಸಾ ಜೀವಿಗಳನ್ನು ಪತ್ತೆಹಚ್ಚುವ ಕಾರ್ಯ ನಡೆಯುತ್ತಿದ್ದರೆ, ಮತ್ತೊಂದು ಕಡೆಯಲ್ಲಿ ಚಿರಪರಿಚಿತ ಜೀವಿಗಳೇ ಶಾಶ್ವತವಾಗಿ ಇನ್ನಿಲ್ಲವಾಗುತ್ತಿವೆ. ಹಾಗೆ ಮರೆಯಾದ, ಅದರ ಅಂಚಿನಲ್ಲಿರುವ ಜೀವಿಗಳಿಗೆ ಸಾವಿರ ಉದಾಹರಣೆಗಳನ್ನು ಕೊಡಬಹುದು. ಆ ಸಾಲಿನಲ್ಲಿ ಪ್ರಧಾನವಾಗಿ ಗುರುತಿಸಿಕೊಳ್ಳೋದು (rafael voltur) ರಾಫೆಪ್ ಗ್ರಿಫನ್!

ಇದು ಭಯಾನಕವಾದ ರಣಹದ್ದುಗಳ ಸಂಕುಲಕ್ಕೆ ಸೇರಿದ್ದೊಂದು ವಿಶಿಷ್ಟ ಪ್ರಬೇಧ. ಯಾವುದೇ ಭೂಭಾಗಗಳಲ್ಲಾದರೂ ಆಹಾರ ಸರಪಳಿಯ ಮತೋಲನ ಕಾಯ್ದುಕೊಳ್ಳುವ ಕ್ರಿಯೆಯಲ್ಲಿ ಹದ್ದುಗಳ ಪಾತ್ರ ಮಹತ್ವದ್ದು. ಆದರೆ, ನಮ್ಮ ದೇಶವೂ ಸೇರಿದಂತೆ ವಿಶ್ವಾದ್ಯಂತ ನಾನಾ ಪ್ರಬೇಧಗಳ ರಣ ಹದ್ದುಗಳು ಅವಸಾನಗೊಂಡಿವೆ. ಆ ಹಂತದ ಅಂಚಿನಲ್ಲಿರುವ ರಾಫೆಲ್ ಗ್ರಿಫನ್ ರಣಹದ್ದುಗಳು ಲಂಡನ್‍ನಲ್ಲಿವೆ. ಈ ಬಗೆಯ ರಣ ಹದ್ದಿನ ಸಂತತಿ ಬೆರಳೆಣಿಕೆಯಷ್ಟಿತ್ತು. ಆದ್ದರಿಂದಲೇ ಅದೆಷ್ಟೋ ವರ್ಷಗಳ ಹಿಂದೆಯೇ ಈ ರಣಹದ್ದುಗಳನ್ನು ಲಂಡನ್ನಿನ ಮೃಗಾಲಯವೊಂದರಲ್ಲಿ ಜತನದಿಂದ ಕಾಪಾಡಿಕೊಂಡು ಬರಲಾಗಿತ್ತು. ಕಡೆಗೂ ಆ ಶ್ರಮವೀಗ ಫಲ ಕೊಟ್ಟಿದೆ; ಕೃತಕ ಕಾವಿನ ಮೂಲಕ ರಾಫೆಲ್ ಗ್ರಿಫನ್ ರಣಹದ್ದಿನ ಮರಿ ಮೊಟ್ಟೆಯೊಡೆದು ಹೊರ ಬರುವ ಮೂಲಕ!

ಗ್ರಿಫನ್ ಹದ್ದಿನ ಸಂತತಿಯನ್ನು ವೃದ್ಧಿಸಬೇಕೆಂಬ ಕಾರಣದಿಂದಲೇ ಸರಿ ಮೃಗಾಲಯದಲ್ಲಿ ಅವುಗಳನ್ನು ಸಂರಕ್ಷಿಸಲಾಗಿತ್ತು. ಆದರೆ ಅದೆಷ್ಟೇ ಎಚ್ಚರದಿಂದ ಕಾದರೂ ಕೂಡಾ ಅವುಗಳು ಮೊಟ್ಟೆಯೊಡೆದು ಮರಿ ಮಾಡುತ್ತಿರಲಿಲ್ಲ. ಒಂದಲ್ಲ ಎರಡಲ್ಲ… ಭರ್ತಿ ನಲವತ್ತು ವರ್ಷಗಳಷ್ಟು ಕಾಲನ ಈ ಝೂನ ಸಿಬ್ಬಂದಿಗಳು, ತಜ್ಞರು ಕಣ್ಣಲ್ಲಿ ಕಣ್ಣಿಟ್ಟು ಕಾದರೂ ಮರಿ ಮಾಡಸಲು ಸಾಧ್ಯವಾಗಿರಲಿಲ್ಲ. ಕಡೆಗೂ ಹ್ಯಾಚರ್ ಮೂಲಕ ಮೊಟ್ಟೆಯೊಡೆಸಲಾಗಿದೆ. ಕಡೆಗೂ ನಲವತ್ತು ವರ್ಷಗಳ ನಂತರ ರಾಫೆಲ್ ಗ್ರಿಫನ್ ರಣಹದ್ದಿನ ಮರಿಯೊಂದು ಹೊರ ಬಂದಂತಾಗಿದೆ.

ಹುಟ್ಟುತ್ತಲೇ 112 ಗ್ರಾಂನಷ್ಟಿದ್ದ ಈ ಮರಿಯನ್ನು ಅತ್ಯಂತ ಸೂಕ್ಷ್ಮವಾಗಿ ಕಾಪಾಡಿಕೊಳ್ಳಲಾಗುತ್ತಿದೆ. ಆರೋಗ್ಯವಂತವಾಗಿರುವ ಈ ಮರಿ ಬದುಕುಳಿಯುತ್ತದೆಂದು ತಜ್ಞರು ಭರವಸೆ ನೀಡಿದ್ದಾರಂತೆ. ಅಂದಹಾಗೆ, ರಾಫೆಲ್ ಗ್ರಿಫನ್ ರಣಹದ್ದು ಹದ್ದುಗಳ ಅಷ್ಟೂ ಪ್ರಬೇಧಗಳಲ್ಲಿ ಅತ್ಯಂತ ಬಲಿಷ್ಟವಾಗಿವೆ. ಅವು ಲಂಡನ್ನನ್ನು ಹೊರತು ಪಡಿಸಿ ಬೇರ್ಯಾವ ಭೂಭಾಗಗಳಲ್ಲಿಯೂ ಕಂಡು ಬರುವುದಿಲ್ಲ. ಅವು ಸಮುದ್ರ ಮಟ್ಟದಿಂದ 11.300 ಮೀಟರ್ ಎತ್ತರ ಹಾರಬಲ್ಲವು. ಅಲ್ಲಿಂದಲೇ ಬೇಟೆಯನ್ನು ಹುಡುಕಿ, ಕ್ಷಣಾರ್ಧದಲ್ಲಿ ಮೇಲೆರಗಿ ಆಹಾರ ಕಂಡುಕೊಳ್ಳಬಲ್ಲ ಜಾಣ್ಮೆ ರಾಫೆಲ್‍ಗಳಿಗಿದೆ. ಇಂಥಾ ಅಪರೂಪದ ಪ್ರಬೇಧವನ್ನು ಸಂರಕ್ಷಣೆ ಮಾಡಿದ ಖುಷಿ ಲಂಡನ್ನಿನ ಝೂನ ಸಿಬ್ಬಂದಿ ಮತ್ತು ತಜ್ಞ ವರ್ಗಕ್ಕಿದೆ. ಅದು ಜಗತ್ತಿನ ಎಲ್ಲ ಪಕ್ಷಿ ಪ್ರೇಮಿಗಳು, ಪರಿಸರ ಪ್ರೇಮಿಗಳ ಪಾಲಿಗೂ ಖುಷಿಯ ಸಂಗತಿ ಎಂದರೂ ತಪ್ಪೇನಿಲ್ಲ!

The post rafael voltur: ಅದು ಅಳಿವಿನಂಚಿನಲ್ಲಿರೋ ಅಪರೂಪದ ಪಕ್ಷಿ! appeared first on ಶೋಧ ನ್ಯೂಸ್ - Shodha News.

ರಣ ಬೇಸಗೆಯೊಂದು (summer season) ಕಡೆಗಾಲದತ್ತ ಹೆಜ್ಜೆ ಹಾಕುತ್ತಿರುವ ಕಾಲಮಾನವಿದು. ಥರ ಥರದ ಖಾಯಿಲೆ, ವಾರಗಟ್ಟಲೆ ಹೈರಾಣು ಮಾಡಿ ಹಾಕುವ ವಿಕ್ಷಿಪ್ತ (fever) ಜ್ವರದ ಬಾಧೆಯಿಂದ ಜನ ಕಂಗಾಲಾಗಿದ್ದಾರೆ. ಬೇರೇನೂ ಗತಿಯಿಲ್ಲದ ಘಳಿಗೆಯಲ್ಲಿ ಕೊರೋನಾ ವೈರಸ್ಸಿನ ಹುಳ ಬಿಡುವ ಮಾಧ್ಯಮಗಳು, ಬೇರೆ ಸರಕುಗಳನ್ನು ಜಗಿಯುತ್ತಿರುವಾಗಲೇ, ಕೊರೋನಾ ಕೇಸುಗಳ ಸಂಖ್ಯೆಯೂ ಏರುಗತಿ ಕಾಣುತ್ತಿದೆ. ಹಾಗಂತ ಇಂಥಾ ವಿದ್ಯಮಾನಗಳು ಕೇವಲ ನಮ್ಮ ದೇಶಕ್ಕ ಮಾತ್ರವ ಸೀಮಿತವಾಗಿದೆ ಅಂದುಕೊಳ್ಳುವಂತಿಲ್ಲ. ಯಾಕೆಂದರೆ, ಜಗತ್ತಿನ ಅದೆಷ್ಟೋ ದೇಶಗಳು ಈ ಕ್ಷಣದಲ್ಲಿ ಚಿತ್ರ ವಿಚಿತ್ರವಾದ, (corona virus) ಕೊರೋನಾಕ್ಕಿಂತಲೂ ಭೀಕರವಾದ ವೈರಸ್ಸುಗಳ ಕಾಟದಿಂದ ಕಂಗಾಲಾಗಿವೆ!

ಸದ್ಯಕ್ಕೆ ಅತ್ಯಂತ ಹೆಚ್ಚು ಬಡತನದ ಬೇಗೆ ಹೊಂದಿರುವ ಆಫ್ರಿಕಾದಲ್ಲಿ ವಿಚಿತ್ರವಾದೊಂದು ವೈರಸ್ ಹಾವಳಿ ವಿಪರೀತಕ್ಕಿಟ್ಟುಕೊಂಡಿದೆ. ತಲೆ ನೋವು, ವಾಂತಿಯಂಥಾದ್ದೆಲ್ಲ ತೀರಾ ಮಾಮೂಲಿ ಆರೋಗ್ಯ ಸಮಸ್ಯೆಗಳೆಂದೇ ಬಿಂಬಿಸಿಕೊಂಡಿವೆ. ಆದರೆ, ಆಫ್ರಿಕಾದ ಕೆಲ ಭಾಗಗಳಲ್ಲಿ ಮಾತ್ರ ಅಂಥಾ ಲಕ್ಷಣಗಳು ಕಂಡು ಬಂತೆಂದರೆ ಜನ ತತ್ತರಿಸಿ ಹೋಗುತ್ತಿದ್ದಾರೆ. ಯಾಕೆಂದರೆ, ಅಲ್ಲಿ ಹಬ್ಬಿಕೊಂಡಿರುವ ಅನಾಹುತಕಾರಿ ವೈರಸ್ಸೊಂದರ ಆರಂಭಿಕ ಚಿನ್ಹೆಗಳಾಗಿ ವಿಪರೀತ ತಲೆನೋವು, ವಾಂತಿ ಮತ್ತು ಯಾವ ಔಷಧಿಗೂ ಜಗ್ಗದ ಮೂಗು ಸೋರುವಿಕೆಗಳು ಗುರುತಿಸಿಕೊಂಡಿವೆ. ಒಂದೇ ದಿನ ರಾತ್ರಿ ಬೆಳಗಾಗೋದರೊಳಗೆ ಒಂದಷ್ಟು ಮಂದಿಯ್ನು ಸದರಿ ವೈರಸ್ಸು ಬಲಿ ಪಡೆದುಕೊಂಡಿದೆ.

ಆಫ್ರಿಕಾದ ಬುರುಂಡಿ ಅಂತೊಂದು ಪಟ್ಟಣದಲ್ಲಿ ಆರಂಭಿಕವಾಗಿ ಇಂಥಾ ನಿಗೂಢ ವೈರಸ್ಸು ಕಾಣಿಸಿಕೊಂಡಿತ್ತು. ಸ್ಥಳೀಯ ವೈದ್ಯರು ಅದನ್ನೊಂದು ಮಾಮೂಲಿ ನೆಗಡಿ, ಜ್ವರವೆಂದು ಪರಿಗಣಿಸಿ ಉಪಚಾರ ಮಾಡಿ ಕಳಿಸಿದ್ದರು. ಆದರೆ ಹಾಗೆಚಿಕಿತ್ಸೆ ಪಡೆದು ಮನೆಗೆ ತೆರಳಿದ್ದ ಅನೇಕ ಮಂದಿ ಬೆಳಗಾಗುವ ಹೊತ್ತಿಗೆಲ್ಲ ಮಸಣ ಸೇರಿದ್ದಾರೆ. ಶೀತದಿಂದ ಸೋರುವ ಮೂಗಿನಲ್ಲಿ ರಕ್ತ ಕಾರಿಕೊಂಡು ಅನೇಕರು ಸತ್ತಿದ್ದಾರೆ. ಇದೀಗ ಆ ನಿಗೂಢ ವೈರಸ್ಸು ಯಾವುದೆಂಬ ಬಗ್ಗೆ ತಜ್ಞರ ತಂಡ ತಲಾಶಿಗಿಳಿದಿದೆ. ಅದು ಕೂಡಾ ಕೊರೋನಾದಂಥಾ ಸಾಂಕ್ರಾಮಿಕವಾ? ಅದರ ಹಿಂದೆಯೂ ಅಂತಾರಾಷ್ಟ್ರೀಯ ಮೆಡಿಕಲ್ ಮಾಫಿಯಾದ ಕೈವಾಡವಿದೆಯಾ ಎಂಬಿತ್ಯಾದಿ ಪ್ರಶ್ನೆಗಳಿಗೂ ಉತ್ತರ ನಿಗೂಢವಾಗಿದೆ.

The post nose bleeding: ಮೂಗು ರಕ್ತ ಸೋರೋ ಕಾಯಿಲೆಗೆ ಸಾವಿರಾರು ಬಲಿ! appeared first on ಶೋಧ ನ್ಯೂಸ್ - Shodha News.

ಅರಣ್ಯನಾಶದ ಭೀಕರ ಪರಿಣಾಮದ ಮುನ್ಸೂಚನೆ!
ನೀರಿಲ್ಲದೆ ಈ ಜಗತ್ತಿನ ಯಾವ ಜೀವರಾಶಿಯ ಬದುಕನ್ನೂ ಕಲ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಆದರೆ ಅದರ ಅರಿವಿರುವ ಮನುಷ್ಯರೇ ಮಾಡುತ್ತಿರುವ ಮಹಾ ಯಡವಟ್ಟುಗಳಿಂದಾಗಿ ದಿನೇ ದಿನೆ ಅಂತರ್ಜಲ ಮಟ್ಟ ಕುಸಿಯುತ್ತಿದೆ. ಕಣ್ಣೆದುರೇ ವ್ಯಾಪಕ ಮಳೆಯಾಗಿ, ಪ್ರವಾಹದಿಂದ ಜನರ ಬದುಕು ಕೊಚ್ಚಿ ಹೋಗುತ್ತಿರೋದು ನಿಜ; ಆದರೆ ಅದರ ಬೆನ್ನ ಹಿಂದೆಯೇ ಭೀಕರ ಕ್ಷಾಮದ ಚಹರೆಯೊಂದು ತಣ್ಣಗೆ ನಿಂತಂತಿದೆ. ಯಾಕೆ ಹೀಗಾಗುತ್ತಿದೆ? ಅತ್ತ ಅತೀ ಮಳೆಯಾಗುತ್ತಿದೆ, ಇತ್ತ ಕುಡಿಯುವ ನೀರಿಗೆ ಇಷ್ಟರಲ್ಲಿಯೇ ಹಾಹಾಕಾರವೇಳೋ ಲಕ್ಷಣಗಳಿದ್ದಾವೆ. ಒಳ್ಳೆ ಮಳೆಯಾದರೆ ನೀರಿಗೆ ಕೊರತೆಯಿಲ್ಲ ಎಂಬಂಥಾ ಸಾರ್ವಕಾಲಿಕ ಸತ್ಯವೂ ಯಾಕೆ ಸುಳ್ಳಾಗುತ್ತಿದೆ? ಹೀಗೊಂದು ಭಯಮಿಶ್ರಿತ ಪ್ರಶ್ನೆ ಎಲ್ಲರೊಳಗೂ ಇದೆ. ಅದಕ್ಕೆ ಉತ್ತರವಾಗಿ ನಿಲ್ಲೋದು ವ್ಯಾಪಕ ಅರಣ್ಯ ನಾಶವಲ್ಲದೆ ಬೇರೇನೂ ಅಲ್ಲ!

ಈ ಅರಣ್ಯ ನಾಶದಿಂದಾಗಿ ಜಾಗತಿಕ ವಾತಾವರಣವೇ ಇದೀಗ ಅದಲುಬದಲಾಗುತ್ತಿದೆ. ಅತ್ತ ನೀರಿನ ಹಾಹಾಕಾರದ ಲಕ್ಷಣಗಳು ಗೋಚರಿಸುತ್ತಿರುವಾಗಲೇ, ಇತ್ತ ಇರುವ ನೀರಿನ ಗುಣಮಟ್ಟವೂ ಹಾಳಾಗುತ್ತಿದೆ. ಹೀಗೆ ಕುಡಿಯುವ ನೀರಿನ ಗುಣಮಟ್ಟದ ಬಗ್ಗೆ ಜರ್ಮನಿಯ ಸಂಶೋಧರಕ ತಂಡವೊಂದು ಬೆಚ್ಚಿಬೀಳುವಂಥಾ ಸೂಕ್ಷ್ಮ ಸಂಗತಿಯೊಂದನ್ನು ಜಾಹೀರು ಮಾಡಿದೆ. ಹಲವಾರು ವರ್ಷಗಳಿಂದ ಈ ಸಂಶೋಧಕರು ಜರ್ಮನಿಯ ರಾಪ್ಪೋಡೆ ಎಂಬ ದೊಡ್ಡ ಜಲಾಶಯದ ನೀರಿನ ಗುಣಮಟ್ಟದ ಬಗ್ಗೆ ಅಧ್ಯಯನ ನಡೆಸಿದ್ದರು. ಕಡೆಗೂ ಕುಡಿಯುವ ನೀರಿನ ಗುಣಮಟ್ಟ ಈ ಹಿಂದಿಗಿಂತ ಗಣನೀಯ ಪ್ರಮಾಣದಲ್ಲಿ ಕುಸಿರುತ್ತಿರೋದನ್ನು ನಿಖರವಾಗಿಯೇ ಪತ್ತೆಹಚ್ಚಿದ್ದಾರೆ. ಇದು ಹೀಗೆಯೇ ಮುಂದುವರೆದರೆ ಜಗತ್ತಿನ ಎಲ್ಲ ಭಾಗಗಳಿಗೂ ಕೂಡಾ ಗುಣಮಟ್ಟದ ನೀರೆಂಬುದು ಮರೀಚಿಕೆಯಾಗಲಿದೆ ಎಂಬಂಥಾ ಎಚ್ಚರಿಕೆಯ ಸಂದೇಶವನ್ನೂ ರವಾನಿಸಿದ್ದಾರೆ.

ಹಾಗಾದರೆ, ಕುಡಿಯುವ ನೀರಿನ ಗುಣಮಟ್ಟ ಹೀಗೆ ಗಣನೀಯವಾಗಿ ಕುಸಿಯಲು ಕಾರಣವೇನು ಎಂಬ ದಿಕ್ಕಿನಲ್ಲಿಯೂ ಆ ಸಂಶೋಧಕರು ಒಂದಷ್ಟು ಅಧ್ಯಯನ ನಡೆಸಿದ್ದಾರೆ. ಆಗ ಆ ಜಲಾಶಯಕ್ಕೆ ನೀರು ಪೂರೈಕೆಯಾಗುವ ಪ್ರದೇಶದತ್ತ ತೆರಳಿದ್ದಾರೆ. ಅಲ್ಲಿ ಕಾಡಿನ ಭಾಗ ಮೇಲು ನೋಟಕ್ಕೇ ಗೊತ್ತಾಗುವಂತೆ ಕ್ಷೀಣಿಸಿರುವ ಅಂಶ ಸ್ಪಷ್ಟವಾಗಿಯೇ ಮನದಟ್ಟಾಗಿದೆ. ಸಾಮಾನ್ಯವಾಗಿ ಕಾಡಿನ ಭಾಗಕ್ಕೆ ಬಿದ್ದ ನೀರನ್ನು ಮರದ ಬೇರುಗಳು ಫಿಲ್ಟರ್ ಮಾಡಿ ಕಳಿಸುತ್ತವೆ. ನಾನಾ ಪ್ರಬೇಧದ, ಔಷಧೀಯ ಗುಣಗಳನ್ನು ಹೊಂದಿರುವ ಬೇರುಗಳಿಂದ ಫಿಲ್ಟರ್ ಆಗಿ ಬರುವ ನೀರು ಸಹಜವಾಗಿಯೇ ಗುಣಮಟ್ಟದಿಂದ ಕೂಡಿರುತ್ತದೆ. ಆದರೆ ಕಾಡುಗಳ ನಾಶದಿಂದಾಗಿ ಅಂಥಾದ್ದೊಂದು ಪ್ರಾಕೃತಿಕವಾದ ಜರಡಿ ಹಿಡಿಯುವ ಕ್ರಿಯೆಯೇ ಕಣ್ಮರೆಯಾಗಿದೆ. ಅದುವೇ ಕುಡಿಯುವ ನೀರಿನ ಗುಣಮಟ್ಟಕ್ಕೆ ಕತ್ತರಿ ಹಾಕಿದೆ. ಇನ್ನಾದರೂ ಕಾಡುಗಳನ್ನು ಸಹಜವಾಗಿಡುವಂಥಾ ಪ್ರಯತ್ನಗಳು ನಡೆಯದಿದ್ದರೆ, ಮುಂದೊಂದು ದಿನ ಕುಡಿಯುವ ನೀರಿಂದಲೇ ನಾನಾ ರೋಗ ರುಜಿನಗಳು ಹಬ್ಬೋದನ್ನು ಯಾರಿಂದಲೂ ತಡೆಯಲು ಸಾಧ್ಯವಿಲ್ಲ.

The post ಹವಾಮಾನ ಬದಲಾವಣೆಯ ಹೊಡೆತ! appeared first on ಶೋಧ ನ್ಯೂಸ್ - Shodha News.

ಈಜಿಫ್ಟ್‌ನ ಅಂಚಿನಲ್ಲಿ ಹರಡಿಕೊಂಡಿರುವ ಕೆಂಪು ಸಮುದ್ರ ತನ್ನೊಡಲ ನಾನಾ ನಿಗೂಢಗಳಿಂದ, ವಿಶಿಷ್ಟವಾದ ಜೀವ ಸಂಕುಲಗಳಿಂದ ಜಗತ್ತಿನ ಗಮನ ಸೆಳೆದಿದೆ. ಭಾರೀ ಗಾತ್ರದ ಶಾರ್ಕ್‌ಗಳ ಸಂಖ್ಯೆಯೂ ಕೂಡಾ ಈ ಸಾಗರದಲ್ಲಿ ವಿಪರೀತವಾಗಿವೆ. ಸಾಮಾನ್ಯವಾಗಿ ಇತರೇ ಸಮುದ್ರಗಳಲ್ಲಿ ಶಾರ್ಕ್‌ಗಳು ಬೀಚ್ ಏರಿಯಾಗಳಿಗಿಂತಲೂ ಹೆಚ್ಚು ದೂರದ ಆಳ ಪ್ರದೇಶಗಳಲ್ಲಿ ವಾಸಿಸುತ್ತವೆ. ಆದರೆ ಕೆಂಪು ಸಮುದ್ರದ ಶಾರ್ಕ್‌ಗಳಿಗೆ ತೀರ ಪ್ರದೇಶಗಳೆಂದರೆ ಅದೆಂಥಾದ್ದೋ ಪ್ರೀತಿ. ಅದುವೇ ಈಜಿಫ್ಟಿನ ಸೆಹಲ ಹಶೀಶ್ ಬೀಚ್‌ನಲ್ಲಿ ಓಡಾಡುವ ಪ್ರವಾಸಿಗರ ಪಾಲಿಗೆ ಮರಣಕಂಟಕವಾಗಿ ಮಾರ್ಪಟ್ಟಿದೆ.

ಈಜಿಫ್ಟ್‌ನಲ್ಲಿರುವ ಅದೊಂದು ಪ್ರದೇಶದ ತುಂಬೆಲ್ಲ ಕೆಂಪು ಸಮುದ್ರ ಮೈಚಾಚಿಕೊಂಡಿದೆ. ವಿಹಂಗಮವಾದ ಈ ಕಡಲಂಚೊಂದಕ್ಕೆ ಸೆಹಲ್ ಹಶೀಶ್ ಅಂತ ಕರೆಯಲಾಗುತ್ತದೆ. ಪ್ರವಾಸಿಗರು ಅಡ್ಡಾಡು ಹೇಳಿ ಮಾಡಿಸಿದಂತಿರುವ ಸೆಹಲ್ ಹಶೀಶ್, ಲಾಗಾಯ್ತಿನಿಂದಲೂ ಅಂತಾರಾಷ್ಟರೀಯ ಮಟ್ಟದಲ್ಲಿ ಪ್ರವಾಸಿಗರನ್ನು ಸೆಳೆಯುತ್ತಾ ಬಂದಿದೆ. ದುರಂತವೆಂದರೆ, ಈ ಕಡಲ ತೀರದಲ್ಲಿ ಶಾರ್ಕ್ ದಾಳಿಗೊಳಗಾಗಿ ಇದುವರೆಗೂ ನೂರಾರು ಪ್ರವಾಸಿಗರು ಪ್ರಾಣ ತೆತ್ತಿದ್ದಾರೆ. ಇದೀಗ ಇಬ್ಬರು ಮಹಿಳೇ ಪ್ರವಾಸಿಗರ ಮೇಲೆರಗಿದ ದೈತ್ಯ ಶಾರ್ಕ್ ಒಂದು ಪ್ರಾಣ ತೆಗೆದಿದೆ.‘ಆಸ್ಟ್ರೇಲಿಯಾದ ಈ ಮಹಿಳಾ ಪ್ರವಾಸಿಗರು ಸೆಹಲ್ ಹಶೀಶ್‌ನ ತೀರದಲ್ಲಿ ಮೈಮರೆತು ವಿಹರಿಸುವಾಗ ಈ ದುರ್ಘಟನೆ ಸಂಭವಿಸಿದೆ. ಈ ಘಟನೆ ನಡೆಯುತ್ತಲೇ ಅಲ್ಲಿನ ಪ್ರವಾಸೋದ್ಯಮ ಇಲಾಖೆ ತಾತ್ಕಾಲಿಕವಾಗಿ ಈ ಬೀಚ್‌ಗೆ ಪ್ರವಾಸಿಗರ ಪ್ರವೇಶ ನಿರ್ಭಂಧಿಸಿ ಆದೇಶ ಹೊರಡಿಸಿದೆ. ಈ ತೀರದಲ್ಲಿ ಶಾರ್ಕ್‌ಗಳಿಗೆ ಪ್ರವಾಸಿಗರು ಬಲಿಯಾಗುತ್ತಿರೋದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಹಲವಾರು ಸಲ ಪ್ರವಾಸಿಗರ ಹೆಣ ಬಿದ್ದಿದೆ. ೨೦೧೦ರಲ್ಲಿ ಒಂದೇ ವಾರದಲ್ಲಿ ಐದಾರು ಸಲ ಶಾರ್ಕ್‌ಗಳ ದಾಳಿ ನಡೆದಿತ್ತು. ಇಂಥಾ ಭಯಾನಕ ವಾತಾವರಣ ಇದ್ದರೂ ಕೂಡಾ ಅದು ಈವತ್ತಿಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರವಾಸಿಗರ ಹಾಟ್ ಸ್ಪಾಟ್ ಆಗಿ ಗುರುತಿಸಿಕೊಂಡಿದೆಯಂತೆ!

The post ಕೆಂಪು ಸಮುದ್ರದಲ್ಲಿ ರಕ್ತದೋಕುಳಿ! appeared first on ಶೋಧ ನ್ಯೂಸ್ - Shodha News.

ಇಡೀ ವಿಶ್ವಕ್ಕೇ ಕೊರೋನಾ ಸಾಂಕ್ರಾಮಿಕವೆಂಬ ಮಾಹಾ ಮಾರಿಯನ್ನು ಹಂಚಿದ ಪರಮ ಪಾಪಿಷ್ಟ ದೇಶ ಚೀನಾ. ಪ್ರತಿಯೊಂದನ್ನೂ ಕೂಡಾ ಲಾಭದ ದೃಷ್ಟಿಯಿಂದಲೇ ದಿಟ್ಟಿಸುವ ನಾಯಕತ್ವವಿರೋ ಚೀನಾ ಮಂದಿ ಈ ವೈರಸ್ಸಿನ ವಿಚಾರದಲ್ಲಿ ಏನೋ ಮಾಡಲು ಹೋಗಿ ಮತ್ತೇನನ್ನೋ ಮಾಡಿಕೊಂಡಿದೆ. ಅಮೆರಿಕಾ ಮಂದಿಯೊಂದಿಗೆ ಶಾಮೀಲಾಗಿ ಮೆಡಿಕಲ್ ಮಾಫಿಯಾದ ಮೂಲಕ ಕಾಸು ಗುಂಜುವ ಉದ್ದೇಶದೊಂದಿಗೇ ಚೀನಾ ಕೊರೋನಾ ವೈರಸ್ ಅನ್ನು ಸೃಷ್ಟಿ ಮಾಡಿತ್ತು. ಅದೇನೋ ಯಡವಟ್ಟು ನಡೆದು ಮೊದಲ ಸಲ ಚೀನಾದ ವುಹಾಂಗ್‌ನಲ್ಲಿಯೇ ಈ ವೈರಸ್ಸು ಜನರ ಮೇಲೆರಗಿ ಹೋಗಿತ್ತು. ಹೀಗೆ ಮಾಡಿದ ಪಾಪದಿಂದ ಆ ದೇಶಕ್ಕೆ ಈ ಕ್ಷಣಕ್ಕೂ ಮುಕ್ತಿಯೆಂಬುದೇ ಸಿಗುತ್ತಿಲ್ಲ.

ಇಡೀ ಜಗತ್ತು ಈ ಕ್ಷಣದಲ್ಲಿಯೂ ನಾಲಕನ್ನೇ ಅಲೆಯ ಆಘಾತ ಕಾಡುವ ಭಯದಲ್ಲಿದೆ. ಅಷ್ಟರಲ್ಲಾಗಲೇ ಚೀನಾದ ತುಂಬೆಲ್ಲ ನಾಲಕ್ಕನೇ ಅಲೆ ಹಬ್ಬಿಕೊಂಡಾಗಿತ್ತು. ವಿಶ್ವದಿಂದ ಇದೆಲ್ಲವನ್ನೂ ಮರೆಮಾಚಿ ಒಳಗಿಂದೊಳಗೇ ಎಲ್ಲವನ್ನೂ ತಹಬಂಧಿಗೆ ತರುವಂಥಾ ಚೀನಾದ ಕಸರತ್ತು ವ್ಯರ್ಥವಾಗಿದೆ. ಯಾವ್ಯಾವ ಪ್ರದೇಶದಲ್ಲಿ ಕೊರೋನಾ ಕೇಸುಗಳು ಹೆಚ್ಚಳವಾಗುತ್ತವೋ ಅಲ್ಲೆಲ್ಲ ಲಾಕ್‌ಡೌನ್ ಮಾಡಿ ಕೊರೋನಾವನ್ನು ಅಂಕೆಗೆ ತರುವ ಪ್ರಯತ್ನ ಮಾಡುತ್ತಿದ್‌ದ ಚೀನಾವೀಗ ಜಾಗತಿಕ ಮಟ್ಟದಲ್ಲಿ ಬೆತ್ತಲಾಗಿದೆ. ಇದೀಗ ಇಂಥಾ ಎಲ್ಲ ಕಸರತ್ತುಗಳ ಫಲವಾಗಿ ಚೀನಾ ನಾಲಕ್ಕನೇ ಹಂತದ ಕೊರೋನಾವನ್ನು ಎದುರಿಸಿ ಕೊಂಚ ನಿರಾಳವಾಗಿದೆ.

ಇಡೀ ಜಗತ್ತು ಕೊರೋನಾದಿಂದ ಸಾವು ನೋವು ಅನುಭವಿಸುತ್ತಿರುವಾಗಲೇ ಚೀನಾ ಎಲ್ಲದರಿಂದ ಪಾರಾದಂತೆ ಸಹಜ ಜೀವನ ಆರಂಭಿಸಿತ್ತು. ತಾನೇ ಸೃಷ್ಟಿ ಮಾಡಿದ್ದ ವೈರಸ್ಸು ಜಗತ್ತಿನ ಇತರೇ ದೇಶದ ಜನರನ್ನು ಆಪೋಶನ ತೆಗೆದುಕೊಳ್ಳುತ್ತಿದ್ದರೂ ಅಲ್ಲಿನ ಅಧಿಕಾರಸ್ಥರಿಗೆ ಕಿಂಚಿತ್ತೂ ಪಾಪ ಪ್ರಜ್ಞೆ ಇರಲಿಲ್ಲ. ಅಂಥಾ ಮನಸ್ಥಿತಿಯ ಮೇಲೆ ಗಧಾಪ್ರಹಾರ ಮಾಡುವಂತೆ ಅಲೆಅಲೆಯಾಗಿ ಕೊರೋನಾ ಚೀನಾಕ್ಕೆ ಬಂದಪ್ಪಳಿಸುತ್ತಿತ್ತು. ಅಲ್ಲಿಂದ ಇಲ್ಲೀವರೆಗೆ ಅಲ್ಲಿನ ಮಂದಿಗೆ ನೆಮ್ಮದಿ ಎಂಬುದೇ ಇರಲಿಲ್ಲ. ಎಲ್ಲದಕ್ಕೂ ನಿರ್ಭಂಧವಿತ್ತು. ಇದೀಗ ಅಲ್ಲಿ ಪರಿಸ್ಥಿತಿ ಕೊಂಚ ತಿಳಿಯಾಗಿದೆ. ಆನ ಜೀವನ ಮತ್ತೆ ಸಹಜ ಸ್ಥಿತಿಯತ್ತ ಮರಳುತ್ತಿದೆ.

The post ಕೊರೋನಾ ತವರು ಚೀನಾದಲ್ಲೀಗ ನಿರಾಳ ವಾತಾವರಣ! appeared first on ಶೋಧ ನ್ಯೂಸ್ - Shodha News.