ಕೊರೋನಾ (corona) ಕರಾಳ ಪರ್ವವೊಂದನ್ನು ಪ್ರಯಾಸ ಪಟ್ಟು ದಾಟಿಕೊಂಡ ಖುಷಿ ದೇಶವಾಸಿಗಳನ್ನು ಆವರಿಸಕೊಂಡಿದೆ. ಬಹುತೇಕ ಎಲ್ಲರೂ ಕೂಡಾ ಈ ಮಹಾಮಾರಿ ಶಾಶ್ವತವಾಗಿ ತೊಲಗಿತೆಂಬಂತೆ ನಿರಾಳವಾಗಿದ್ದಾರೆ. ಆದರೆ, ಆಗಾಗ ಕೊರೋನಾ ಮಾರಿ (pendamic) ನಾನಾ ಸ್ವರೂಪಗಳಲ್ಲಿ ತನ್ನ ಇರುವಿಕೆಯನ್ನು ಸಾಬೀತು ಪಡಿಸುತ್ತಿದೆ. ಈ ಮೂಲಕ ಮತ್ತೆ ಭಯದ ನಗಾರಿ ಹೊಡೆದುಕೊಳ್ಳುವಂತೆ ಮಾಡುತ್ತಿದೆ. ಕೆಲವೊಮ್ಮೆ ಬೇರ್ಯಾವ ಸುದ್ದಿಗಳಿಗೂ ದಿಕ್ಕಿಲ್ಲದಿದ್ದಾಗ ಮಾಧ್ಯಮ (media) ಮಂದಿ ಕೊರೋನಾ ಹುಳ ಬಿಡುತ್ತಾರೆಂಬ ಆರೋಪವೂ ಸಾರ್ವಜನಿಕ ವಲಯದಲ್ಲಿದೆ. ಆದರೀಗ ದೆಹಲಿಯಲ್ಲಿ ಕೊರೋನಾ (corona virus) ಪೀಡಿತರ ಸಂಖ್ಯೆ ಏರುಗತಿ ಕಾಣುತ್ತಿರೋದು ಇಡೀ ದೇಶವನ್ನೇ ದಿಗಿಲಾಗಿಸಿಬಿಟ್ಟಿದೆ. ಇದೀಗ ದೆಹಲಿಯಲ್ಲಿ (delhi) ಸಾವಿನ ಸಂಖ್ಯೆಯಲ್ಲಿಯೂ ತೀವ್ರಗತಿಯಲ್ಲಿ ಏರಿಕೆ ಕಂಡಿದೆ!

ದೆಹಲಿಯಲ್ಲಿ ಆಗಾಗ ಕೊರೋನಾ ಪ್ರಕರಣಗಳು ಕಾಣಿಸಿಕೊಳ್ಳುತ್ತಾ ಬಂದಿದ್ದಾವೆ. ಆದರೆ ಈಗ ಕಂಡು ಬಂದಿರುವಷ್ಟು ಪ್ರಮಾಣದ ಪೀಡಿತರ ಸಂಖ್ಯೆ ಲಾಕ್‍ಡೌನ್ ಮುಗಿದ ನಂತಗರದಲ್ಲಿ ಹಿಂದ್ಯಾವತ್ತೂ ಕಾಣಿಸಿರಲಿಲ್ಲ. ಈಗ್ಗೆ ತಿಂಗಳಿಂದೀಚೆಗೆ ಕೊರೋನಾ ಕಾಣಿಸಿಕೊಂಡಿತ್ತಾದರೂ, ಇತ್ತೀಚೆಗೆ ಒಂದೇ ದಿನದಲ್ಲಿ ದೆಹಲಿ ನಗರದಲ್ಲಿ ಸಾವಿದರ ಆರುನೂರಕ್ಕೂ ಹೆಚ್ಚು ಪ್ರಕರಣಗಳು ಕಾಣಿಸಿಕೊಂಡಿವೆ. ಈ ಮೂಲಕ ಪಾಸಿಟಿವಿಟಿ ರೇಟ್ ಕೂಡಾ ಏಕಾಏಕಿ ಏರುಗತಿ ಕಂಡಿದೆ.

ಹೇಳಿಕೇಳಿ ದೆಹಲಿ ಆಗಾಗ ಹಲವಾರು ಹವಾಮಾನ ವೈಪರೀತ್ಯಗಳಿಂದ ಕಂಗಾಲಾಗುವ ನಗರ. ಆದರೀಗ ಅಲ್ಲಿಮ ಅತ್ಯಂತ ಹೆಚ್ಚಿನ ಪ್ರಮಾಣದಲ್ಲಿ ಬಿಸಿಲ ಝಳವಿದೆ. ಇಂಥಾ ಹೊತ್ತಿನಲ್ಲಿ ನಾನಾ ಥರದ ಅನಾರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳೋದು ಮಾಮೂಲು. ಅದರಲ್ಲಿ ಜ್ವರವಂತೂ ತೀರಾ ಸಾಮಾನ್ಯ ಕಾಯಿಲೆಯಂತಾಗಿದೆ. ಆದರೆ ದೆಹಲಿ ಮಂದಿಯಲ್ಲಿ ಕಾಣಿಸಿಕೊಂಡ ಜ್ವರ ಅಷ್ಟ ಸಲೀಸಾಗಿ ಜಗ್ಗದೆ ವಾರಗಟ್ಟಲೆ ಳಿದುಕೊಂಇದೆ. ಅದರಲ್ಲನೇಕರನ್ನು ಅನುಮಾನದಿಂದ ತಪಾಸಣೆಗೊಳಪಡಿಸಿದಾಗ ಹೆಚ್ಚಿನ ಮಂದಿ ಕೊರೋನಾ ಬಾಧಿತರಾಗಿರೋದು ಜಾಹೀರಾಗಿದೆ. ಸದ್ಯಕ್ಕೆ ಕೇಜ್ರಿವಾಲ್ ಸರ್ಕಾರಕ್ಕೆ ಕೊರೋನಾ ಸವಾಲೆಸೆದಿದೆ. ಅದರ ಬೆನ್ನಲ್ಲಿಯೇ ರಾಷ್ಟ್ರ ರಾಜಧಾನಿಯಿಂದ ಈ ವೈರಸ್ಸು ಎಲ್ಲ ರಾಜ್ಯಗಳಿಗೂ ಹಬ್ಬಿಕೊಳ್ಳುವ ಭೀತ ವಾತಾವರಣ ಸೃಷ್ಟಿಯಾಗಿದೆ.

The post covid19: ಸಾವಿನ ಸಂಖ್ಯೆಯಲ್ಲೂ ಗಣನೀಯ ಹೆಚ್ಚಳ! appeared first on ಶೋಧ ನ್ಯೂಸ್ - Shodha News.

delhi: ಕೊರೋನಾ ಕರಾಳ ಪರ್ವವೊಂದನ್ನು ಪ್ರಯಾಸ ಪಟ್ಟು ದಾಟಿಕೊಂಡ ಖುಷಿ ದೇಶವಾಸಿಗಳನ್ನು ಆವರಿಸಕೊಂಡಿದೆ. ಬಹುತೇಕ ಎಲ್ಲರೂ ಕೂಡಾ ಈ ಮಹಾಮಾರಿ ಶಾಶ್ವತವಾಗಿ ತೊಲಗಿತೆಂಬಂತೆ ನಿರಾಳವಾಗಿದ್ದಾರೆ. ಆದರೆ, ಆಗಾಗ ಕೊರೋನಾ ಮಾರಿ ನಾನಾ ಸ್ವರೂಪಗಳಲ್ಲಿ ತನ್ನ ಇರುವಿಕೆಯನ್ನು ಸಾಬೀತು ಪಡಿಸುತ್ತಿದೆ. ಈ ಮೂಲಕ ಮತ್ತೆ ಭಯದ ನಗಾರಿ ಹೊಡೆದುಕೊಳ್ಳುವಂತೆ ಮಾಡುತ್ತಿದೆ. ಕೆಲವೊಮ್ಮೆ ಬೇರ್ಯಾವ ಸುದ್ದಿಗಳಿಗೂ ದಿಕ್ಕಿಲ್ಲದಿದ್ದಾಗ ಮಾಧ್ಯಮ ಮಂದಿ ಕೊರೋನಾ ಹುಳ ಬಿಡುತ್ತಾರೆಂಬ ಆರೋಪವೂ ಸಾರ್ವಜನಿಕ ವಲಯದಲ್ಲಿದೆ. ಆದರೀಗ ದೆಹಲಿಯಲ್ಲಿ ಕೊರೋನಾ ಪೀಡಿತರ ಸಂಖ್ಯೆ ಏರುಗತಿ ಕಾಣುತ್ತಿರೋದು ಇಡೀ ದೇಶವನ್ನೇ ದಿಗಿಲಾಗಿಸಿಬಿಟ್ಟಿದೆ!

ದೆಹಲಿಯಲ್ಲಿ ಆಗಾಗ ಕೊರೋನಾ ಪ್ರಕರಣಗಳು ಕಾಣಿಸಿಕೊಳ್ಳುತ್ತಾ ಬಂದಿದ್ದಾವೆ. ಆದರೆ ಈಗ ಕಂಡು ಬಂದಿರುವಷ್ಟು ಪ್ರಮಾಣದ ಪೀಡಿತರ ಸಂಖ್ಯೆ ಲಾಕ್‍ಡೌನ್ ಮುಗಿದ ನಂತಗರದಲ್ಲಿ ಹಿಂದ್ಯಾವತ್ತೂ ಕಾಣಿಸಿರಲಿಲ್ಲ. ಈಗ್ಗೆ ತಿಂಗಳಿಂದೀಚೆಗೆ ಕೊರೋನಾ ಕಾಣಿಸಿಕೊಂಡಿತ್ತಾದರೂ, ಇತ್ತೀಚೆಗೆ ಒಂದೇ ದಿನದಲ್ಲಿ ದೆಹಲಿ ನಗರದಲ್ಲಿ ಸಾವಿದರ ಆರುನೂರಕ್ಕೂ ಹೆಚ್ಚು ಪ್ರಕರಣಗಳು ಕಾಣಿಸಿಕೊಂಡಿವೆ. ಈ ಮೂಲಕ ಪಾಸಿಟಿವಿಟಿ ರೇಟ್ ಕೂಡಾ ಏಕಾಏಕಿ ಏರುಗತಿ ಕಂಡಿದೆ.

ಹೇಳಿಕೇಳಿ ದೆಹಲಿ ಆಗಾಗ ಹಲವಾರು ಹವಾಮಾನ ವೈಪರೀತ್ಯಗಳಿಂದ ಕಂಗಾಲಾಗುವ ನಗರ. ಆದರೀಗ ಅಲ್ಲಿಮ ಅತ್ಯಂತ ಹೆಚ್ಚಿನ ಪ್ರಮಾಣದಲ್ಲಿ ಬಿಸಿಲ ಝಳವಿದೆ. ಇಂಥಾ ಹೊತ್ತಿನಲ್ಲಿ ನಾನಾ ಥರದ ಅನಾರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳೋದು ಮಾಮೂಲು. ಅದರಲ್ಲಿ ಜ್ವರವಂತೂ ತೀರಾ ಸಾಮಾನ್ಯ ಕಾಯಿಲೆಯಂತಾಗಿದೆ. ಆದರೆ ದೆಹಲಿ ಮಂದಿಯಲ್ಲಿ ಕಾಣಿಸಿಕೊಂಡ ಜ್ವರ ಅಷ್ಟ ಸಲೀಸಾಗಿ ಜಗ್ಗದೆ ವಾರಗಟ್ಟಲೆ ಳಿದುಕೊಂಇದೆ. ಅದರಲ್ಲನೇಕರನ್ನು ಅನುಮಾನದಿಂದ ತಪಾಸಣೆಗೊಳಪಡಿಸಿದಾಗ ಹೆಚ್ಚಿನ ಮಂದಿ ಕೊರೋನಾ ಬಾಧಿತರಾಗಿರೋದು ಜಾಹೀರಾಗಿದೆ. ಸದ್ಯಕ್ಕೆ ಕೇಜ್ರಿವಾಲ್ ಸರ್ಕಾರಕ್ಕೆ ಕೊರೋನಾ ಸವಾಲೆಸೆದಿದೆ. ಅದರ ಬೆನ್ನಲ್ಲಿಯೇ ರಾಷ್ಟ್ರ ರಾಜಧಾನಿಯಿಂದ ಈ ವೈರಸ್ಸು ಎಲ್ಲ ರಾಜ್ಯಗಳಿಗೂ ಹಬ್ಬಿಕೊಳ್ಳುವ ಭೀತ ವಾತಾವರಣ ಸೃಷ್ಟಿಯಾಗಿದೆ.

The post delhi corona virus: ನಡು ಬೇಸಗೆಯಲ್ಲಿ ಭುಗಿಲೆದ್ದಿತು ವೈರಸ್! appeared first on ಶೋಧ ನ್ಯೂಸ್ - Shodha News.

ನಮಗೆಗೆಲ್ಲ ಆಂಬ್ಯುಲೆನ್ಸ್ ಸೇವೆ ತುಂಬಾನೇ ಚಿರಪರಿಚಿತ. ಕೆಲವಾರು ಆರೋಗ್ಯ ಸಮಸ್ಯೆಗಳು ಚಿಕಿತ್ಸೆ ತಡವಾಗಿಯೇ ಸಾವಿನಂಚಿಗೆ ತಳ್ಳುತ್ತವೆ. ಹಾಗೆ ಉಸಿರು ಚೆಲ್ಲುವ ಅಪಾಯದಿಂದ ದಿನನಿತ್ಯವೂ ಅದೆಷ್ಟೋ ಜೀವಗಳನ್ನ ಆಂಬ್ಯುಲೆನ್ಸ್ ಸೇವೆ ಪಾರುಗಾಣಿಸುತ್ತಿದೆ. ಆದರೆ ನಮ್ಮಿಂದಲೇ ಪ್ರತೀ ನಿತ್ಯವೂ ಘಾಸಿಗೊಳ್ಳುವ, ನಮ್ಮನ್ನು ಬದುಕಿಸಿಯೂ ತಾವು ಸಾವು ಕಾಣುತ್ತಿರುವ ಮರಗಳ ರಕ್ಷಣೆಯತ್ತ ಮಾತ್ರ ಅಷ್ಟಾಗಿ ಯಾರೂ ತಲೆ ಕೆಡಿಸಿಕೊಳ್ಳುತ್ತಿಲ್ಲ. ಒಂದು ವೇಳೆ ಯಾರಾದರೂ ಪರಿಸರ ಸಂರಕ್ಷಣೆಯ ಬಗ್ಗೆ ಮಾತಾಡಿದರೂ ಅದು ಒಂದೆರಡು ದಿನ, ಕೆಲವೇ ಕೆಲ ಸಂದರ್ಭಗಳಿಗೆ ಮಾತ್ರವೇ ಸೀಮಿತ ಎಂಬಂತಾಗಿದೆ. ಆದರೆ ದೆಹಲಿ ಮಂದಿಗೆ ಮಾತ್ರ ಪೂರ್ತಿ ಕೆಟ್ಟ ಮೇಲೆ ಒಂಚೂರು ಬುದ್ಧಿ ಬಂದಂತಾಗಿದೆ!

ದೇಹಲಿ ಎಂಬುದು ಎಷ್ಟು ಪುರಾತನ ಸಿಟಿ ಎಂಬ ಹೆಗ್ಗಳಿಕೆ ಹೊಂದಿದೆಯೋ, ಅಷ್ಟೇ ಮಾಲಿನ್ಯದ ನಗರಿ ಎಂಬ ಕಪ್ಪು ಚುಕ್ಕೆಯನ್ನೂ ತನ್ನದಾಗಿಸಿಕೊಂಡಿದೆ. ಅದಕ್ಕೆ ಕಾರಣವಾಗಿರೋದು ಮರಗಳ ನಿರಂತರ ಹನನ ಎಂಬ ಜ್ಞಾನೋದಯವಾದದ್ದು ಮಾತ್ರ ತುಂಬಾನೇ ತಡವಾಗಿ. ವಾತಾವರಣವೆಲ್ಲ ಕಲುಶಿತಗೊಂಡು ಜನ ಉಸಿರಾಡೋದೇ ಕಷ್ಟ ಎಂಬಂಥ ಪರಿಸ್ಥಿತಿ ಬಂದಾಗ ಅಲ್ಲಿನ ಸರ್ಕಾರ ಎಚ್ಚೆತ್ತುಕೊಂಡಿತ್ತು. ಅಳಿದುಳಿದ ಗಿಡ ಮರಗಳನ್ನಾದರೂ ಉಳಿಸೋ ನಿರ್ಧಾರಕ್ಕೆ ಬಂದಿದ್ದ ಸರ್ಕಾರ 2009ರಲ್ಲಿ ಮರಗಳ ರಕ್ಷಣೆಗೆಂದೇ ಪ್ರತ್ಯೇಕ ಆಂಬ್ಯುಲೆನ್ಸ್ ಸೇವೆಯನ್ನ ಶುರು ಮಾಡಿಕೊಂಡಿತ್ತು.

ದೆಹಲಿಯಲ್ಲಿ ಎಲ್ಲಿಯೇ ಮರಗಳಿಗೆ ತೊಂದರೆಯಾಗುತ್ತಿರೋದು, ಅವು ಅನಾರೋಗ್ಯಕ್ಕೀಡಾಗುತ್ತಿರೋದು ಗೊತ್ತಾದರೆ ತಕ್ಷಣವೇ ಈ ಆಂಬ್ಯುಲೆನ್ಸ್ ಅತ್ತ ಧಾವಿಸುತ್ತೆ. ಅದು ದೆಹಲಿಯ ಮಂದಿ ತಾವೇ ತಾವಾಗಿ ತಂದುಕೊಂಡಿರೋ ಸ್ಥಿತಿ. ಇನ್ನೂ ಮೈ ಮರೆತರೆ, ಮೆರೆದಾಡಿದರೆ ಇನ್ನು ಕೆಲವೇ ವರ್ಷಗಳಲ್ಲಿ ನಮ್ಮ ಬೆಂಗಳೂರಿನಲ್ಲಿಯೂ ಇಂಥಾದ್ದೊಂದು ಆಂಬ್ಯುಲೆನ್ಸ್ ಸೇವೆ ಆರಂಭಿಸುವ ಸ್ಥಿತಿ ಬಂದೊದಗುತ್ತೆ. ಯಾಕೆಂದರೆ ಅಭಿವೃದ್ಧಿ ಕಾರ್ಯಗಳಿಗೆ ಪ್ರತಿ ನಿತ್ಯವೂ ಅಲ್ಲಿ ನೂರಾರು ಮರಗಳನ್ನು ಧರೆಗುರುಳಿಸಲಾಗುತ್ತಿದೆ. ಅದು ಹೀಗೆಯೇ ಮುಂದುವರೆದರೆ ಬೆಂಗಳೂರೂ ಕೂಡಾ ನರಕ ಸೃಷ್ಟಿಸಿಕೊಳ್ಳುವ ದುಃಸ್ಥಿತಿಗಿಳಿಯುತ್ತೆ.

The post ಮರಗಳ ಚಿಕಿತ್ಸೆಗೆ ಆಂಬ್ಯುಲೆನ್ಸ್ ವ್ಯವಸ್ಥೆ ಎಲ್ಲಿದೆ ಗೊತ್ತಾ? appeared first on ಶೋಧ ನ್ಯೂಸ್ - Shodha News.

ಈ ಜಗತ್ತಿನಲ್ಲಿ ಹೊರಜಗತ್ತಿಗೆ ಗೊತ್ತಾಗದಂಥಾ ಅದೆಷ್ಟೋ ಕೆಲಸ ಕಾರ್ಯಗಳಿರುತ್ತವೆ. ಸಾಮಾನ್ಯವಾಗಿ ಪ್ರಿಯೊಬ್ಬರೂ ಕೂಡಾ ತಾನು ಮಾಡೋ ಕೆಲಸಕ್ಕೆ ವಾರಸೂದಾರಿಕೆ ಬೇಕೆಂದು ಆಶಿಸುತ್ತಾರೆ. ಆದರೆ ಕೆಲವಾರು ಕೆಲ ಕಾರ್ಯಗಳಿಗೆ ಅದು ಸಿಕ್ಕೋದೇ ಇಲ್ಲ. ಪ್ರತೀ ಕ್ಷಣವೂ ಭಯವನ್ನು ಬೆನ್ನಿಗಿಟ್ಟುಕೊಂಡೇ ಬದುಕುತ್ತಾ, ಕೊಂಚ ಯಾಮಾರಿದರೂ ಅನಾಥ ಹೆಣವಾಗಿ ಬಿಡುವ ಅಪಾಯ ಸದಾ ಕೆಲ ಕಸುಬುದಾರರ ಸುತ್ತ ಗಸ್ತು ತಿರುಗುತ್ತಿರುತ್ತದೆ. ಅಂಥಾ ಅಪಾಯಕಾರಿ ವೃತ್ತಿಗಳಲ್ಲಿ ಗೂಢಾಚಾರ ವೃತ್ತಿ ಪ್ರಧಾನವಾದದ್ದು.

ಅದರಲ್ಲಿಯೂ ಶತ್ರು ರಾಷ್ಟರಗಳಿಗೆ ತೆರಳಿ ದೇಶದ ಪರವಾಗಿ ಗೂಢಾಚರ್ಯೆ ನಡೆಸೋದಿದೆಯಲ್ಲಾ? ಅದರಷ್ಟು ಅಪಾಯದ ಕಸುಬು ಬೇರೊಂದಿಲ್ಲ. ಗುರುತು ಪರಿಚಯವಿಲ್ಲದ ಊರು, ಜನರ ನಡುವೆ ದೇಶದ ಪರವಾಗಿ ಮಾಹಿತಿ ಕಲೆ ಹಾಕುತ್ತಾ, ಅದನ್ನು ಸ್ವದೇಶದ ಅಧಿಕಾರಿಗಳಿಗೆ ರವಾನಿಸೋದು ಅದೆಂಥಾ ರಿಸ್ಕಿ ಕೆಲಸವೆಂಬುದು ಯಾರಿಗಾದ್ರೂ ಅರ್ಥವಾಗುತ್ತೆ. ಅಂಥಾ ಕೆಲಸ ಮಾಡಿ ಪ್ರಸಿದ್ಧ ಸ್ಪೈ ಅನ್ನಿಸಿಕೊಂಡ ಅನೇಕರು ನಮ್ಮ ದೇಶದಲ್ಲಿದ್ದಾರೆ. ಆ ಯಾದಿಯಲ್ಲಿ ದೊಡ್ಡ ಹೆಸರು ಸಂಪಾದಿಸಿರುವವರು ಅಜಿತ್ ದೋವಲ್.

ಅಜಿತ್ ದೋವಲ್ ಭಾರತದ ಪ್ರಖ್ಯಾತ ಗೂಢಾಚಾರ ವ್ಯಕ್ತಿ. ಅವರು ವರ್ಷಾಂತರಗಳ ಹಿಂದೆ ಪಾಕಿಸ್ತಾನದಲ್ಲಿ ಭಾರತದ ಪರವಾಗಿ ಗೂಢಾಚರ್ಯೆ ನಡೆಸಿದ್ದರು. ಅವರು ಅಲ್ಲಿ ಓರ್ವ ಮುಸ್ಲಿಮನ ಗೆಟಪ್ಪಿನಲ್ಲಿಯೇ ಓಡಾಡುತ್ತಾ ಗೂಢಚರ್ಯೆ ನಡೆಸಲಾರಂಭಿಸಿದ್ದರು. ಹೀಗೇ ಒಂದು ದಿನ ಹತ್ತಿರದ ಮಸೀದಿಗೆ ದೋವಲ್ ನಮಾಜಿಗೆಂದು ತೆರಳಿದ್ದರು. ಅಲ್ಲಿಯೇ ನಮಾಜು ಮಾಡುತ್ತಿದ್ದ ಮತ್ತೋರ್ವ ದೋವಲ್‍ರ ಕಿವಿ ಚುಚ್ಚಿಸಿರೋ ಮಾರ್ಕ್ ಅನ್ನು ಪತ್ತೆಹಚ್ಚಿ ಅವರೋರ್ವ ಹಿಂದೂ ಅಂತ ಗುರುತಿಸಿದ್ದ.

ಆ ವ್ಯಕ್ತಿ ನಮಾಜಿನ ನಡುವೆಯೇ ನೀನು ಮುಸ್ಲಿಂ ಅಲ್ಲ ಹಿಂದೂ ಅಲ್ವಾ ಅಂತ ಕಿವಿಯಲ್ಲಿ ಉಸುರಿದಾಗ ದೋವಲ್‍ಗೆ ಅರೆಕ್ಷಣ ಭೂಮಿಯೇ ಬಾಯ್ಬಿರಿದ ಅನುಭವವಾಗಿತ್ತಂತೆ. ನಂತರ ಆತ ದೋವಲ್‍ರನ್ನು ತನ್ನ ಮನೆಗೆ ಕರೆದುಕೊಂಡು ಹೋಗಿದ್ದ. ದೋವಲ್‍ಗೆ ಅದೇಕೋ ತಮ್ಮ ಅಂತ್ಯ ಸಮೀಪಿಸ್ತಿದೆ ಅಂತಲೇ ಅನ್ನಿಸೋಕೆ ಶುರುವಾಗಿತ್ತು. ಆದರೆ ಆ ವ್ಯಕ್ತಿ ತಾನೂ ಕೂಡಾ ಹಿಂದೂ, ಆದ್ರೆ ಹಲವಾರು ವರ್ಷಗಳಿಂದ ಜೀವ ಉಳಿಸಿಕೊಳ್ಳಲು ಮುಸ್ಲಿಮನಾಗಿ ಬದುಕುತ್ತಿರೋದಾಗಿ ವಿವರಿಸಿದ್ದನಂತೆ. ಅದು ಗೂಢಾಚಾರರು ಶತ್ರು ಪಾಳೆಯದಲ್ಲಿ ಎದುರಿಸಬೇಕಾದ ಅತ್ಯಂತ ಕ್ಲಿಷ್ಟಕರ ಸನ್ನಿವೇಶವಾಗಿ ದಾಖಲಾಗುತ್ತದೆ.

The post ಭಾರತದ ಅಪ್ರತಿಮ ಗೂಢಾಚಾರ ಅಜಿತ್ ದೋವಲ್‍ಗೆ ಪಾಕಿಸ್ತಾನದಲ್ಲಿ ಏನಾಗಿತ್ತು ಗೊತ್ತಾ? appeared first on ಶೋಧ ನ್ಯೂಸ್ - Shodha News.

ಸಿನಿಮಾ ಸಂಬಂಧಿ ವ್ಯಕ್ತಿಗಳು ಸಾಮಾನ್ಯವಾಗಿ ಸಾಮಾಜಿಕ ವಿಚಾರಗಳಿಗೆ ತಲೆ ಹಾಕೋದು ಕಡಿಮೆ. ಇನ್ನು ಕೆಲ ಮಂದಿ ಸಾಮಾಜಿಕ ಕಾಳಜಿ ಇರುವಂತೆ ತೋರಿಸಿಕೊಂಡು ಯಾವುದೋ ಪಕ್ಷಗಳಿಗೆ ಬಕೀಟು ಹಿಡಿಯುವ, ಆ ಮೂಲಕ ಪುಗಸಟ್ಟೆ ಪ್ರಚಾರ ಗಿಟ್ಟಿಸಿಕೊಳ್ಳುವ ತಂತ್ರಗಾರಿಕೆ ಅನುಸರಿಸೋದೂ ಇದೆ. ತಮಿಳುನಾಡಿನಲ್ಲಿ ಹೋರಾಟಗಾರ, ನಟ ಮತ್ತು ಸ್ಟಂಟ್ ಮಾಸ್ಟರ್ ಆಗಿ ಗುರುತಿಸಿಕೊಂಡಿರುವ ಕನಲ್ ಕಣ್ಣನ್ ಅಂಥಾದ್ದೇ ಕೆಟಗರಿಗೆ ಸೇರಿಕೊಳ್ಳುವ ಆಸಾಮಿ. ತನ್ನನ್ನು ತಾನು ಆಕ್ಟಿವಿಸ್ಟ್ ಅಂತ ಕರೆದುಕೊಳ್ಳುವ ಕಣ್ಣನ್ ಹಲವಾರು ಬಾರಿ ವಿವಾದಾತ್ಮಕ ಹೇಳಿಕೆಗಳ ಮೂಲಕ ಪ್ರಚಾರ ಪಡೆಯುತ್ತಿರುತ್ತಾನೆ. ಇದೀಗ ತಮಿಳುನಾಡಿನ ಅಸ್ಮಿತೆಯಂತಿರುವ, ಕೋಟ್ಯಂತರ ಮಂದಿಯನ್ನು ಪ್ರಭಾವಿಸಿರುವ ಪ್ರಖರ ವಿಚಾರವಾದಿ ಪೆರಿಯಾರ್ ಅವರ ಪ್ರತಿಮೆ ಧ್ವಂಸಗೊಳಿಸುವಂತೆ ಹೇಳಿಕೆ ಕೊಡುವ ಮೂಲಕ ಬಹುತೇಕರ ಕೆಂಗಣ್ಣಿಗೆ ಗುರಿಯಾಗಿದ್ದಾನೆ.

ಕಣ್ಣನ್ ಇಂಥಾ ಪ್ರಚೋದನಾಕಾರಿ ಭಾಷಣಗಳ ಮೂಲಕ ಸದ್ದು ಮಾಡುತ್ತಿರೋದು ಇದೇ ಮೊದಲ ಬಾರಿಯೇನಲ್ಲ. ಆದರೆ ಈ ಬಾರಿ ಮಾತ್ರ ಬಹುಪಾಲು ಮಂದಿಯನ್ನು ಪ್ರಭಾವಿಸಿರುವ, ತಮಿಳುನಾಡಿನಾದ್ಯಂತ ಜನರ ಆಚಾರ ವಿಚಾರಗಳಲ್ಲಿ ನೆಲೆಗೊಂಡು ದೇಶಾದ್ಯಂತ ಪ್ರಭಾವ ಬೀರಿರುವ ಪೆರಿಯಾರ್ ಬಗ್ಗೆ ಮಾತಾಡಿದ್ದಾನೆ. ಶ್ರೀರಂಗಂನ ಶ್ರೀ ರಂಗನಾಥ ದೇವಾಲಯದ ಆವರಣದಲ್ಲಿ ಪೆರಿಯಾರ್ ಅವರ ಪ್ರತಿಮೆಯೊಂದಿದೆ. ಆ ಪ್ರತಿಮೆ ಅಲ್ಲಿರಬಾರದು. ಅದನ್ನು ಜನರೇ ಕೆಡವಬೇಕೆಂಬಂತೆ ಕಣ್ಣನ್ ಹೇಳಿಕೆ ಕೊಟ್ಟಿದ್ದಾನೆ. ಈ ಸಂಬಂಧವಾಗಿ ರೊಚ್ಚಿಗೆದ್ದಿರುವ ತಮಿಳಿಗರು ನಾನಾ ಪ್ರದೇಶಗಳಿಂದ ಕಣ್ಣನ್ ಮೇಲೆ ಕೇಸು ಜಡಿಯಲಾರಂಭಿಸಿದ್ದಾರೆ.

ಹೀಗೆ ಜನಾಕ್ರೋಶ ವ್ಯಾಪಕವಾಗುತ್ತಲೇ ಪುದುಚೇರಿ ಪೊಲೀಸರು ಕಣ್ಣನ್‌ನನ್ನು ಬಂಧಿಸಿ ವಿಚಾರಣೆಗೊಳಪಡಿಸಿದ್ದಾರೆ. ಈ ಮುಲಕ ಆತ ಜೈಲುಪಾಲಾಗಿದ್ದಾನೆ. ಹೀಗೆ ಸುಖಾಸುಮ್ಮ ನಎ ಪೆರಿಯಾರ್ ಬಗ್ಗೆ ಮಾತಾಡಿರುವ ಕಣ್ಣನ್ ಬೆಂಬಲಕ್ಕೆ ಕರ್ನಾಟಕದ ಮಾಧ್ಯಮ ಪ್ರಣೀತ ಸಿಂಗಂ ಅಣ್ಣಾಮಲೈ ನಿಂತಿದ್ದಾರೆ. ಶ್ರೀರಂಗಂನ ಬಹುಪಾಲು ಮಂದಿ ದೇವಸ್ಥಾನದ ಆವರಣದಿಂದ ಪೆರಿಯಾರ್ ಪ್ರತಿಮೆಯನ್ನು ತೆರವುಗೊಳಿಸಬೇಕೆಂದು ಬಯಸುತ್ತಿದ್ದಾರೆ ಎಂದಿದ್ದಾರೆ. ಹೀಗೆ ಹೇಳಿದ ಮಾಜಿ ಸಿಂಗಂ ಮೇಲೆಯೂ ಜನ ಸಿಟ್ಟಾಗಿದ್ದಾರೆ. ತಮಿಳುನಾಡು ಸೇರಿಕೊಂಡು ಅಲ್ಲಿನ ಬಿಜೆಪಿ ವಕ್ತಾರಿಕೆ ವಹಿಸಿಕೊಂಡಿರುವ ಅಣ್ಣಾಮಲೈ ಮೇಲೂ ಒಂದಷ್ಟು ಕೇಸು ಬೀಳೋ ಸಾಧ್ಯತೆಗಳಿದ್ದಾವೆ.

The post ಸ್ಟಂಟ್ ಮಾಸ್ಟರ್ ಬೆಂಬಲಕ್ಕೆ ನಿಂತ ಅಣ್ಣಾಮಲೈ! appeared first on ಶೋಧ ನ್ಯೂಸ್ - Shodha News.

ಶಿವಮೊಗ್ಗ ಸುಬ್ಬಣ್ಣನ ನೆನಪಿನಲ್ಲಿ…
ಎಂಬತ್ತರ ದಶಕದ ಆಚೀಚಿನ ಕಾಲಘಟ್ಟದಲ್ಲಿ ತಮ್ಮ ಅಮೋಘ ಕಂಠಸಿರಿಯಿಂದ, ಅಗೋಚರವಾಗಿ ಜನಮಾಸವನ್ನು ಕಾಡಿದ ಒಂದಷ್ಟು ಸಂಗೀ ದಿಗ್ಗಜರಿದ್ದಾರೆ. ಆ ಸಾಲಿನಲ್ಲಿ ಮುಂಚೂಣಿಯಲ್ಲಿ ನೆಲೆ ಕಂಡುಕೊಂಡಿದ್ದವರು ಖ್ಯಾತ ಗಾಯಕ ಶಿವಮೊಗ್ಗ ಸುಬ್ಬಣ್ಣ. ಓರ್ವ ಗಾಯಕರಾಗಿ ಮಾತ್ರವಲ್ಲದೇ, ಜೀವಪರ ಚಿಂತನೆಯ ವ್ಯಕ್ತಿಯಾಗಿಯೂ ಗಮನ ಸೆಳೆದಿದ್ದ ಸುಬ್ಬಣ್ಣ ಇನ್ನು ನೆನಪು ಮಾತ್ರ. ತಲೆಮಾರುಗಳಾಚೆಗೂ ತಮ್ಮ ಗಾಯನದಿಂದಲೇ ಪ್ರವಹಿಸುತ್ತಾ ಬಂದಿದ್ದ, ಪ್ರಸ್ತುತವಾಗುಳಿದಿದ್ದ ಅವರು ತಮ್ಮ ಎಂಬತ್ಮೂರನೇ ವಯಸ್ಸಿನಲ್ಲಿ ತೀವ್ರ ಹೃದಯಾಘಾತದಿಂದ ನಿಧನ ಹೊಂದಿದ್ದಾರೆ. ಇದು ಸುಗಮ ಸಂಗೀತ ಕ್ಷೇತ್ರಕ್ಕೆ ತುಂಬಲಾರದ ನಷ್ಟ ಅಂದರೆ ಅದು ಕ್ಲೀಷೆಯಾದೀತೇನೋ. ಅವರ ನಿರ್ಗಮನದಿಂದ ಸೃಷ್ಟಿಯಾಗಿರುವುದು ಎಂದಿಗೂ ನೀಗಲಾರದಂಥಾ ನಿರ್ವಾತ ಸ್ಥಿತಿ. ಸದಾ ಕಾಲವೂ ನಮ್ಮೊಳಗೆಲ್ಲೇ ಅನುರಣಿಸುತ್ತಿದ್ದ ಹಾಡೊಂದು ಇದ್ದಕ್ಕಿದ್ದಂತೆ ಮಾಯವಾದಂಥಾ ವಿಷಾಧವೊಂದು ಶಾಶ್ವತವಾಗಿ ಕನ್ನಡಿಗರ ಎದೆತುಂಬಿಕೊಂಡಿದೆ.

ಒಂದು ಕಾಲದಲ್ಲಿ ಈಗಿನಂತೆ ಬೆರಳ ಮೊನೆಗೆ ಹಾಡುಗಳು ಸಿಗುತ್ತಿರಲಿಲ್ಲ. ಅದೊಂಥರಾ ಧ್ಯಾನ. ಆಕಾಶವಾಣಿ ಎಂಬುದು ಸಂಗೀತಾಸಕ್ತರಿಗೆಂದೇ ಸೃಷ್ಟಿಯಾಗಿದ್ದ ವರದಂಥಾ ಮಾಯೆ. ಅದರಲ್ಲಿ ಬರುತ್ತಿದ್ದ ಸುಗಮ ಸಂಗೀತದ ಆಲಾಪ ಆ ಹೊತ್ತಿನಲ್ಲಿ ಏಕತಾನತೆಯ ಬದುಕಿಗೆ ಸಮರ್ಥ ಸಾಥಿ. ನಸೀಬು ನೆಟ್ಟಗಿದ್ದರೆ ಬಯಸಿದ ಹಾಡೊಂದು ತಂತಾನೇ ಶುರುವಾಗುತ್ತಿದ್ದ ಆ ದಿನಗಳಲ್ಲಿ, ಹಂಬಲಿಸಿದ ಹಾಡೊಂದು ಏಕಾಏಕಿ ರೇಡಿಯೋದಲ್ಲಿ ತೇಲಿ ಬಂದರೆ, ಅದೆಷ್ಟೋ ವರ್ಷದ ತಪಸ್ಸಿಗೆ ಫಲ ಸಿಕ್ಕಿದಂಥಾದ್ದೇ ರೋಮಾಂಚನವಾಗುತ್ತಿತ್ತು. ಮನೋರಂಜನೆಗೆ ಸೀಮಿತ ಅವಕಾಶಗಳಿದ್ದ ಅಂಥಾದ್ದೊಂದು ರೋಮಾಂಚಕ ಕಾಲಘಟ್ಟವನ್ನು ಅಕ್ಷರಶಃ ಆಳಿದ್ದವರು ಶಿವಮೊಗ್ಗ ಸುಬ್ಬಣ್ಣ.

ಆಕಾಶವಾಣಿಯ ಎ ಟಾಪ್‌ಗ್ರೇಡ್ ಗಾಯಕರಾಗಿದ್ದ ಸುಬ್ಬಣ್ಣ, ಆ ಮೂಲಕ ಜನಮಾನಸವನ್ನು ಸೆಳೆದುಕೊಂಡಿದ್ದ ಪರಿಯೇ ಅದ್ಭುತ. ಈಗ ಗಾಯನ ಕ್ಷೇತ್ರವೂ ಬದಲಾಗಿದೆ. ದಿಢೀರ್ ಖ್ಯಾತಿಗೆ ಹಪಾಹಪಿಸುವ ಮನಸ್ಥಿತಿ ಬಹುತೇಕರಲ್ಲಿ ಪಡಿಮೂಡಿಕೊಂಡಿದೆ. ಎಂಥೆಂಥಾ ಮಹನೀಯರಿಂದ ಮಿನುಗಿದ್ದ ಸುಗಮ ಸಂಗೀತ ಕ್ಷೇತ್ರಕ್ಕೂ ಮೆಲುವಾಗಿ ಅಂಥಾದ್ದೊಂದು ಮನಃಸ್ಥಿತಿ ಅಡಿಯಿಟ್ಟಿದೆ. ಆದರೆ, ಯಾವ ಖ್ಯಾತಿಗೂ ಹಂಬಲಿಸದೆ ಹಾಡುಗಾರಿಕೆಯನ್ನೇ ಧ್ಯಾನದಂತೆ, ವ್ರತದಂತೆ ಪರಿಪಾಲಿಸಿಕೊಂಡು ಬಂದ ಹೆಗ್ಗಳಿಕೆ ಸುಬ್ಬಣ್ಣರದ್ದು. ಮಾಡುವ ಕೆಲಸವನ್ನು ತನ್ಮಯತೆಯಿಂದ ಮಾಡಿದರೆ, ದಕ್ಕಬೇಕಾದ ಇನಾಮು ಸಿಕ್ಕಿಯೇ ಸಿಗುತ್ತದೆಂಬಂಥಾ ಮನಃಸ್ಥಿತಿ ಅವರದ್ದಾಗಿತ್ತು. ಹಾಗಿರದೇ ಹೋಗಿದ್ದರೆ, ಅವರು ತಲೆಮಾರುಗಳಾಚೆಗೂ ಪ್ರಸ್ತುತರಾಗಿ ಉಳಿಯಲು ಸಾಧ್ಯವಾಗುತ್ತಿರಲಿಲ್ಲ.

ಸುಬ್ಬಣ್ಣ ಮಲೆನಾಡಿನಿಂದ ಮೇಲೆದ್ದು ಬಂದ ಮಹಾ ಪ್ರತಿಭೆ. ಈ ಜಿಲ್ಲೆಯ ನಗರ ಎಂಬೂರಿನ ಗಣೇಶ್ ರಾವ್ ಮತ್ತು ರಂಗನಾಯಕಮ್ಮ ದಂಪತಿಯ ಮಗನಾಗಿ ಹುಟ್ಟಿದ ಸುಬ್ಬಣ್ಣರಿಗೆ ಸಂಗೀತಾಸಕ್ತಿ ಎಂಬುದು ಎಳವೆಯಿಂದಲೇ ಆವರಿಸಿಕೊಂಡಿತ್ತು. ಯಾಕೆಂದರೆ, ಅವರ ಮನೆಯ ವಾತಾವರಣವೇ ಅದಕ್ಕೆ ಪೂರಕವಾಗಿತ್ತು. ಅವರದ್ದು ಸಂಗೀತ ಕ್ಷೇತ್ರದಲ್ಲಿ ಸಾಧನೆ ಮಾಡಿದ್ದವರ ವಂಶ. ಅಜ್ಜೆ ಶಾಮಣ್ಣನವರಿಂದಲೇ ಸುಬ್ಬಣ್ಣರಿಗೆ ಸಂಗೀತದ ಪಾಠ ಮನನವಾಗಿತ್ತು. ಹಾಗೆ ಬೆಳೆದು ಬಂದು, ಶಾಲಾ ಕಾಲೇಜು ದಿನಗಳಲ್ಲಿಯೇ ಅವರು ಗಾಯಕರಾಗಿ ಗುರುತಿಸಿಕೊಂಡಿದ್ದರು. ಕಾಲೇಜು ದಿನಗಳಲ್ಲಿ ಹಿಂದಿ ಹಾಡುಗಳ ಮೋಹಕ್ಕೆ ವಶವಾಗಿದ್ದ ಸುಬ್ಬಣ್ಣ, ಹೆಚ್ಚಾಗಿ ಹಿಂದಿ ಹಾಡುಗಳನ್ನು ಹಾಡುವ ಮೂಲಕ ಸೈ ಅನ್ನಿಸಿಕೊಂಡಿದ್ದರು.

ಹೀಗೆ ಸಾಗಿ ಬಂದ ಸುಬ್ಬಣ್ಣ, ಒಂದು ಗಾಯನ ಸ್ಪರ್ಧೆಯಲ್ಲಿ ಅಡಿಗರ ಯಾವ ಮೋಹನ ಮುರಳಿ ಕರೆಯಿತೋ ಎಂಬ ಹಾಡನ್ನು ಹಾಡಿದ್ದರು. ಅವರದ್ದೇ ಶೈಲಿ ಮತ್ತು ಸ್ವಂತಿಕೆಯೊಂದಿಗೆ ಆ ಸ್ಪರ್ಧೆಯಲ್ಲವರು ಪ್ರಥಮ ಬಹುಮಾನವನ್ನು ಪಡೆದುಕೊಂಡಿದ್ದರು. ಆ ಕ್ಷಣಗಳು ಸುಬ್ಬಣರ ಪಾಲಿಗೆ ಅದೆಂಥಾ ಅನುಭೂತಿಯನ್ನು ಕಟ್ಟಿಕೊಟ್ಟಿದ್ದವೆಂದರೆ, ಇನ್ನು ಮುಂದೆ ಬದುಕಿನಾರಭ್ಯ ಸುಗಮ ಸಂಗೀತ ಕ್ಷೇತ್ರದಲ್ಲಿಯೇ ಮುಂದುವರೆಯುವ ಅಚಲ ನಿರ್ಧಾರ ತಳಿದಿದ್ದರು. ಆ ನಂತರ ಚೆಂದ ಭಾವಗೀತೆಗಳನ್ನು ಕನ್ನಡಿಗರಿಗೆ ಮೊಗೆ ಮೊಗೆದು ಕೊಟ್ಟರು. ಅವರು ಹಾಡಿದ ಹಾಡುಗಳೀಗ ಮೊಗೆದು ಸುರಿದುಕೊಂಡಷ್ಟೂ ಮುಗಿಯದ ಮಾಯೆಯಂತೆ ಎಲ್ಲರನ್ನೂ ತಾಕುತ್ತಿವೆ.

ಹೀಗೆ ಸುಗಮ ಸಂಗೀತ ಕ್ಷೇತ್ರದಲ್ಲಿ ಮಿಂಚಲಾರಂಭಿಸಿದ್ದ ಸುಬ್ಬಣ್ಣ, ೧೯೭೯ರಲ್ಲಿ ತೆರೆಗಂಡಿದ್ದ ಕಾಡುಕುದುರೆ ಎಂಬ ಚಿತ್ರಕ್ಕಾಗಿ ‘ಕಾಡು ಕದುರಿ ಓಡಿ ಬಂದಿತ್ತಾ…’ ಎಂಬ ಹಾಡನ್ನು ಹಾಡಿದ್ದರು. ಆ ಹಿನ್ನೆಲೆ ಗಾಯನಕ್ಕಾಗಿ ರಾಷ್ಟ್ರ ಪ್ರಶಸ್ತಿಯೂ ಅವರನ್ನರಸಿ ಬಂದಿತ್ತು. ಆ ನಂತರದಲ್ಲಿ ಕುವೆಂಪು, ನಿಸಾರ್ ಅಹಮದ್, ಒಲಕ್ಷ್ಮೀನಾರಾಯಣ ಭಟ್ಟ ಮುಂತಾದ ಅನೇಕ ಕವಿಗಳ ಕವಿತೆಗೆ ಸುಬ್ಬಣ್ಣ ಧ್ವನಿಯಾದರು. ಅಂಥಾ ಶ್ರೇಷ್ಠ ಕವಿತೆಗಳನ್ನು ಕ್ಯಾಸೆಟ್ಟುಗಳ ಮೂಲಕ, ಆಕಾಶವಾಣಿ ಗಾಯನದ ಮೂಲಕ ಜನರೆದೆಗೆ ದಾಟಿಸಿದರು. ಶಿಶುನಾಶ ಷರೀಫರ ಗೀತೆಗಳೂ ಕೂಡಾ ಸುಬ್ಬಣ್ಣರ ಕಂಠದಲ್ಲಿ ಕುಣಿದಾಡಿದವು. ಈವತ್ತಿಗೂ ಕುವೆಂಪು ರಚಿತ ‘ಆನಂದಮಯ ಈ ಜಗಹೃದಯಾ ಏತಕೆ ಭಯ ಮಾಣೋ, ಸೂರ್ಯೋದಯ ಚಂದ್ರೋದಯ ದೇವರ ದಯೆ ಕಾಣೋ’ ಎಂಬ ಹಾಡು ಈ ಜನರೇಷನ್ನಿನವರೊಳಗೂ ಮಿಂಚಿನ ಸಂಚಾರವೆಬ್ಬಿಸುತ್ತಿದೆ. ಅದು ಸುಬ್ಬಣ್ಣರಿಗೊಲಿದ ಗಾಯನ ಶಕ್ತಿಗೊಂದು ಉದಾಹರಣೆ. ಅವರೀಗ ಭೌತಿಕವಾಗಿ ಎದ್ದು ನಡೆದಿರಬಹುದು. ಆದರೆ ಹಾಡುಗಳ ಮೂಲಕ ಸುಬ್ಬಣ್ಣ ಕೋಟಿ ಕನ್ನಡಿಗರ ಎದೆಯೊಳಗೆ ಅನುರಣಿಸುತ್ತಲೇ ಇರುತ್ತಾರೆ.

The post ಅನಂತದಲ್ಲಿ ಲೀನವಾಯ್ತು ಕಾಡು ಕುದುರೆಯ ಹಾಡು! appeared first on ಶೋಧ ನ್ಯೂಸ್ - Shodha News.

ಆನ್‌ಲೈನ್ ಯುಗ ಶುರುವಾದಾಕ್ಷಣ ಇಡೀ ಬದುಕು ಬೆರಳ ಮೊನೆಗೆ ಬಂದು ಕುಣಿದಾಡಿದಂತೆಯೇ ಬಹುತೇಕರಿಗೆ ಭಾಸವಾಗಿತ್ತು. ಒಂದು ಕಾಲದಲ್ಲಿ ಗಂಟೆಗಟ್ಟಲೆ ಕಾದು, ಬ್ಯಾಂಕ್ ಸಿಬ್ಬಮದಿಯೊಂದಿಗೆ ಕಾದಾಡಿ ಸುಸ್ತಾದವರ ಪಾಲಿಗಂತೂ, ನೆಟ್ ಬ್ಯಾಂಕಿಂಗ್ ಅನ್ನೋದು ಸಾಕ್ಷಾತ್ತು ಭಗವಂತನೇ ಕರುಣಿಸಿದ ವರವೆಂಬಂತೆ ಕಂಡಿತ್ತು. ಯಾವಾಗ ಹೀಗೆ ಜನರ ಹಣಕಾಸಿನ ವ್ಯವಹಾರವೆಲ್ಲ ಆನ್‌ಲೈನಿಗೆ ಶಿಫ್ಟಾಯಿತೋ, ಆಗ ವಂಚಕರ ಹಿಂಡೊಂದು ಅಲ್ಲಿಗೇ ಬಂದು ಹೊಂಚಿ ಕೂತು ಬಿಟ್ಟಿದೆ. ಅದರ ಫಲವಾಗಿಯೇ ಈಗ ನಾವು ಕಷ್ಟಪಟ್ಟು ಕೂಡಿಟ್ಟುಕೊಂಡ ಕಾಸಿಗೆ ಕಂಟಕ ಬಂದೆರಗಿದೆ. ಅಕೌಂಟಿನಲ್ಲಿದ್ದ ಕಾಸು ಯಾವ ಮಾಯಕದಲ್ಲಿ ಬೇಕಾದರೂ ಮತ್ಯಾರದ್ದೋ ಅಕೌಂಟಿಗೆ ಎಗರಿಕೊಳ್ಳುವ ಆತಂಕದಲ್ಲಿಯೇ ಬಹುತೇಕರು ಬದುಕುವಂತಾಗಿಬಿಟ್ಟಿದೆ!

ಮೇಲ್ಕಂಡ ವಿವರಗಳಿಗೆ ಪಕ್ಕಾ ಸಾಕ್ಷಿಯಂಥಾ ವಿದ್ಯಮಾನಗಳು ದೇಶಾದ್ಯಂತ ಮಾಮೂಲಿಯಾಗಿ ಬಿಟ್ಟಿದೆ. ಇದೀಗ ಅಂಥಾದ್ದೇ ಒಂದು ಘಟನೆ ಮುಂಬೈನಲ್ಲಿ ನಡೆದಿದೆ. ಇಲ್ಲಿನ ಕಾಪೆಂಟರ್ ಒಬ್ಬ ಕಷ್ಟಪಟ್ಟು ದುಡಿದು ಕೂಡಿಟ್ಟಿದ್ದ ಮೂರು ಲಕ್ಷಕ್ಕೆ ಆನ್‌ಲೈನ್ ಚೋರರು ಕನ್ನ ಹಾಕಿದ್ದಾರೆ. ಆರಂಭದಲ್ಲಿ ತನ್ನ ಅಕೌಂಟಿನಿಂದ ಒಂದು ಲಕ್ಷದಷ್ಟು ಹಣ ಮಾಯವಾಗಿದ್ದನ್ನು ಕಂಡು ಕಾಪೆಂಟರ್ ಕಂಗಾಲಾಗಿದ್ದು. ತದ ನಂತರ ಮೂರು ಲಕ್ಷದಷ್ಟು ಹಣ ಮಾಯವಾಗುವ ಮೂಲಕ ತನ್ನ ಅಕೌಂಟು ಖಾಲಿಯಾಗಿದ್ದನ್ನು ಕಂಡು ಅಕ್ಷರಶಃ ಶಾಕ್ ಆಗಿ ಬಿಟ್ಟಿದ್ದ. ತಕ್ಷಣವೇ ಟೋಲ್ ಫ್ರೀ ನಂಬರಿಗೆ ಕರೆ ಮಾಡಿದರೂ ಸಂಪರ್ಕ ಸಾಧ್ಯವಾಗಲಿಲ್ಲ. ಸಂಬಂಧಿಸಿದ ಬ್ಯಾಂಕಿನವರೂ ಈ ಬಗ್ಗೆ ಸ್ಪಂದಿಸುತ್ತಿಲ್ಲ ಅಂತ ಆ ಕಾಪೆಂಟರ್ ಆರೋಪಿಸಿದ್ದಾನೆ.

ಮುಂಬೈನ ಈ ಕಾರ್ಪೆಂಟರ್ ಈ ರೀತಿ ಹಣ ಕಳೆದುಕೊಳ್ಳಲು ಕಾರಣವಾಗಿದ್ದು ಒಂದು ಬ್ಯಾಂಕಿಂಗ್ ಆಪ್. ಈಗಂತೂ ಇಂಥಾ ಆಪ್‌ಗಳು ಮಾಮೂಲಿ. ಥರ ಥರದ ಆಮಿಷವೊಡ್ಡಿ ವಂಚಕರು ಇದನ್ನು ಹರಿಯ ಬಿಡುತ್ತಾರೆ. ಜಾಗಹಿರಾತಿನ ರೂಪದಲ್ಲಿ, ಮೆಸೇಜುಗಳ ಮೂಲಕ ಬರುವ ಇಂಥಾ ಆಪ್‌ಗಳನ್ನು ಇನ್ಸ್‌ಟಾಲ್ ಮಾಡಿಕೊಳ್ಳುವಂತೆ ಮಾಡಲಾಗುತ್ತೆ. ಹಾಗೆ ಇನ್‌ಸ್ಟಾಲ್ ಮಾಡಿಕೊಳ್ಳುವಾಗ ಕೊಡುವ ಬ್ಯಾಂಕಿನ ಡೀಟೇಲುಗಳನ್ನಿಟ್ಟುಕೊಂಡು ವಂಚಕರು ಅಕೌಂಟಿನ ಹಣವನ್ನು ಬಸಿದುಕೊಳ್ಳುತ್ತಾರೆ. ಬ್ಯಾಂಕಿಂಗಿಗೆ ಸಂಬಂಧಿಸಿದ ಇಂಥಾ ಯಾವುದೇ ಆಪ್‌ಗಳನ್ನು, ಮೆಸೇಜುಗಳನ್ನು ನಿರ್ಲಕ್ಷ್ಯ ಮಾಡಿ ಮುಂದುವರೆಯೋದು ಜಾಣತನದ ಲಕ್ಷಣ. ಅವುಗಳನ್ನು ಮುಟ್ಟಲು ಹೋದರೆ ಮುಟ್ಟಿ ನೋಡಿಕೊಳ್ಳುವಂಥಾ ಆಘಾತವಾಗೋದು ಗ್ಯಾರೆಂಟಿ!

The post ಬಾಂಬೆಯ ಕಾಪೆಂಟರ್ ಕಳಕೊಂಡಿದ್ದು ೩ ಲಕ್ಷ! appeared first on ಶೋಧ ನ್ಯೂಸ್ - Shodha News.

ಇದೀಗ ಸಾಮಾಜಿಕ ಜಾಲತಾಣವೆಂಬ ಮಾಯೆಗೆ ಎಲ್ಲರೂ ಮರುಳಾಗಿದ್ದಾರೆ. ದಿನದ ಬಹುಪಾಲು ಸಮಯವನ್ನು ಸಾಮಾಜಿಕ ಜಾಲತಾಣದ ಸಾಹಚರ್ಯದಲ್ಲಿಯೇ ಕಳೆಯುವ ಗೀಳು ಬಹುತೇಕರಿಗೆ ಅಂಟಿಕೊಂಡಿದೆ. ಆರಂಭ ಕಾಲದಲ್ಲಿ ಒಂದಷ್ಟು ರೋಮಾಂಚಕ ಫೀಲ್ ಹುಟ್ಟಿಸಿದ್ದ ಸಾಮಾಜಿಕ ಜಾಲತಾಣಗಳಿಂದು ನಾನಾ ವಂಚನೆಗಳ ಅಡ್ಡೆಯಂತಾಗಿ ಹೋಗಿದೆ. ಇದುವರೆಗೆ ಹೊರ ಜಗತ್ತಿನಲ್ಲಿ ನಡೆಯುತ್ತಿದ್ದ ಕಾನೂನು ಬಾಹಿರ ದಂಧೆ, ವಿಕೃತಿಗಳೆಲ್ಲವೂ ಸಾಮಾಜಿಕ ಜಾಲತಾಣದಲ್ಲಿಂದು ಝಾಂಡಾ ಊರಿವೆ. ಇಂಥಾದ್ದರಿಂದಾಗಿ ಮಹಿಳೆಯರು, ಹೆಣ್ಣುಮಕ್ಕಳಿಗಂತೂ ಆನ್‌ಲೈನ್ ಕಂಟಕ ಬಹುವಾಗಿಯೇ ಕಾಡಲು ಶುರುವಿಟ್ಟಿದೆ. ಅದರ ಪರಿಣಾಮವೀಗ ಭಾರತದ ತುಂಬೆಲ್ಲ ದಟ್ಟವಾಗಿಯೇ ಕಾಣಿಸಿಕೊಳ್ಳಲು ಶುರುವಿಟ್ಟುಕೊಂಡಿದೆ.

ಫೇಸ್ ಬುಕ್ ಎಂಬುದು ಎಲ್ಲರ ಪಾಲಿಗೂ ವರವಾಗಿ ಬಂದಿರುವಂಥಾ ಅಭಿವ್ಯಕ್ತಿ ಮಾಧ್ಯಮ. ಈ ಮೂಲಕದಿಂದಲೇ ಹೊರಜಗತ್ತಿಗೆ ತೆರೆದುಕೊಂಡ ಪ್ರತಿಭೆಗಳು ಸಾಕಷ್ಟು ಸಂಖ್ಯೆಯಲ್ಲಿದ್ದಾರೆ. ಅಂಥವರಲ್ಲಿ ಮಹಿಳೆಯರೂ ಸೇರಿದ್ದಾರೆ. ಆದರೆ, ಫೇಸ್ ಬುಕ್ ಜಗತ್ತಿನಲ್ಲಿ ಮಹಿಳೆಯರಿಗೆ ಅಂಥಾ ರಕ್ಷಣೆಯೇನಿಲ್ಲ. ಇಂಥಾ ಸಾಮಾಜಿಕ ಜಾಲತಾಣಗಳಲ್ಲಿ ಬಹುತೇಕ ಮಹಿಳೆಯರು ಒಂದು ಕಾಲದಲ್ಲಿ ತಮ್ಮ ಫೋಟೋಗಳನ್ನು ಹಾಕಿಕೊಂಡು ಸಂಭ್ರಮಿಸುತ್ತಿದ್ದರು. ಆದರೀಗ ಅದಕ್ಕೂ ಭಯ ಪಡುವಂಥಾ ದುಃಸ್ಥಿತಿ ಎದುರಾಗಿದೆ. ಇಂಥಾ ಫೋಟೋಗಳನ್ನು ಬಳಸಿಕೊಂಡು ವಿಕೃತಿ ಮೆರೆಯುವ, ಈ ಮೂಲಕ ಯಾರದ್ದೋ ಬದುಕನ್ನು ಸರ್ವನಾಶ ಮಾಡುವ ಸೈಕೋ ಸಂತತಿ ಸಾಮಾಜಿಕ ಜಾಲತಾಣಗಳಲ್ಲಿ ಬಿಡಾರ ಹೂಡಿವೆ.

ಒಂದು ಕಾಲದಲ್ಲಿ ಹಾದಿ ಬೀದಿಗಳಲ್ಲಿ ಠಳಾಯಿಸುತ್ತಿದ್ದರಲ್ಲಾ ಕಾಮುಕರು? ಅಂಥವರ ಲೊಕೇಷನ್ನೀಗ ಸಾಮಾಜಿಕ ಜಾಲತಾಣಗಳಿಗೆ ಶಿಫ್ಟ್ ಆಗಿ ಬಿಟ್ಟಿದೆ. ಇಂಥಾ ಪಲ್ಲಟದಿಂದ ಭಾರತೀಯ ಮಹಿಳೆಯರು ಚಿಂತೆಗೀಡಾಗಿದ್ದಾರೆ. ಈ ಥರದ ಗೌಪ್ಯತೆಯ ಭಯದಿಂದ ಭಾರತೀಯ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಫೇಸ್‌ಬುಕ್ ತೊರೆಯುತ್ತಿದ್ದಾರೆಂಬುದನ್ನು ಫೇಸ್‌ಬುಕ್‌ನ ಅಂಗಸಂಸ್ಥೆಯಾದ ಮೆಟಾ ನಡೆಸಿರುವ ಸರ್ವೆ ಜಾಹೀರು ಮಾಡಿದೆಗಿದು ಫೇಸ್‌ಬುಕ್ ಸಂಸ್ಥೆಗೆ ಭಾರತದಲ್ಲೆದುರಾಗಿರುವ ಹಿನ್ನಡೆಯೂ ಹೌದು. ಈ ಸಂಬಂಧವಾಗಿ ಒಂದಷ್ಟು ಬದಲಾವಣೆ ತಂದು, ಮಹಿಳೆಯರಿಗೂ ಫೇಸ್‌ಬುಕ್ ಸೇಫ್ ಎಂಬಂಥಾ ಫೀಲ್ ಹುಟ್ಟಿಸುವಂತೆ ಮಾಡುವಲ್ಲಿ ತಂತ್ರಜ್ಞರು ಶ್ರಮಿಸುತ್ತಿದ್ದಾರಂತೆ. ಅದು ಫಲ ಕೊಟ್ಟರೆ ಭಾರತೀಯ ಮಹೆಳೆಯರಲ್ಲಿ ಮೂಡಿಕೊಂಡಿರುವ ಫೇಸ್‌ಬುಕ್ ಭಯ ನಿವಾರಣೆಯಾಗಬಹುದು!

The post ಫೇಸ್‌ಬುಕ್ ತೊರೆದು ಹೋಗುತ್ತಿರುವವರ ಸಂಖ್ಯೆ ಹೆಚ್ಚಳ! appeared first on ಶೋಧ ನ್ಯೂಸ್ - Shodha News.

ಬಿಹಾರವೆಂಬುದು ಭಾರತದ ಅತ್ಯಂತ ಬಡ ರಾಷ್ಟ್ರ. ಆಳುವ ಮಂದಿಯ ಇಚ್ಛಾಶಕ್ತಿಯ ಕೊರತೆಯಿಂದಾಗಿ ಇತ್ತೀಚಿನವರೆಗೂ ಅದೊಂದು ಶಾಪಗ್ರಸ್ತ ರಾಜ್ಯವಾಗಿಯೇ ಗುರುತಿಸಿಕೊಳ್ಳುತ್ತಾ ಬಂದಿದೆ. ನಮ್ಮ ರಾಜ್ಯವೂ ಸೇರಿದಂತೆ ಬೇರೆ ಬೇರೆಡೆಗಳಲ್ಲಿ ಅಲ್ಲಿನ ಮಂದಿ ಕಾರ್ಮಿಕರಾಗಿ ಹಂಚಿ ಹೋಗಿದ್ದಾರೆಂದರೆ ಅದಕ್ಕೆ ಕಾರಣ ಬಡತನವಲ್ಲದೇ ಬೇರೇನೂ ಅಲ್ಲ. ಅಂಥಾ ಬಡತನದ ಮೂಲವ್ಯಾವುದು ಅಂತ ಹುಡುಕಿ ಹೊರಟರೆ ಸಾಕಷ್ಟು ಕಾರಣಗಳು ಸಿಗುತ್ತವೆ. ರಕ್ಕಸ ರಾಜಕಾರಣಿಗಳೇ ವಿಲನ್ನುಗಳ ಸ್ಥಾನದಲ್ಲಿ ನಿಲ್ಲುತ್ತಾರೆ. ಇಂಥವರೆಲ್ಲರ ದೆಸೆಯಿಂದ ದರಿದ್ರ ಸ್ಥಿತಿಗೆ ಜಾರಿದ್ದ ಬಿಹಾರದಲ್ಲಿ ಸಹಜವಾಗಿಯೇ ಕಳ್ಳತನ, ದರೋಡೆ, ಕೊಲೆ ಸುಲಿಗೆಯಂಥಾದ್ದೂ ಮೇರೆ ಮೀರಿತ್ತು. ಇದೆಲ್ಲದರ ಮೂಲವಿದ್ದದ್ದು ಎಣ್ಣೆಯಲ್ಲಿ!

ಕುಡಿತದ ಚಟವೆಂಬುದು ಆ ಭಾಗದಲ್ಲಿ ಬಡತನದ ಬೆಂಕಿ ಮತ್ತಷ್ಟು ಧಗಧಗಿಸುವಂತೆ ಮಾಡಿತ್ತು. ಈ ಕುಡಿತದ ಚಟದಿಂದಲೇ ಅಲ್ಲಿನ ಎಷ್ಟೋ ಮಂದಿ ಬೀದಿಗೆ ಬಂದರು. ಇನ್ನೊಂದಷ್ಟು ಜನ ಮನೆಯ ಯಜಮಾನನೇ ಕುಡಿತದ ದಾಸನಾಗಿದ್ದರಿಂದ ಒಪ್ಪೊತ್ತಿನ ಊಟಕ್ಕೂ ಗತಿಯಿಲ್ಲದೆ, ಸಂಸಾರವನ್ನು ಸಂಭಾಳಿಸಲಾಗದೆ ನೇಣಿಗೆ ಶರಣಾದರು. ಈ ಕಾರಣದಿಂದಲೇ ವರ್ಷಗಳ ಹಿಂದೆ ಬಿಹಾರದಲ್ಲಿ ಮಧ್ಯಪಾನ ನಿಷೇಧ ಕಾನೂನನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲಾಗಿದೆ. ಯಾವಾಗ ಎಣ್ಣೆ ಬ್ಯಾನ್ ಆಯಿತೋ, ಆವಾಗಲೇ ಬಿಹಾರದ ತುಂಬೆಲ್ಲ ಕಳ್ಳಭಟ್ಟಿ ಮತ್ತು ಕದ್ದು ಲಿಕ್ಕರ್ ಮಾರಾಟ ಮಾಡೋ ಮಾಫಿಯ ವ್ಯವಸ್ಥಿತವಾಗಿಯೇ ಅಸ್ತಿತ್ವಕ್ಕೆ ಬಂದಿತ್ತು. ಇದನ್ನು ಹತ್ತಿಕ್ಕುವ ಸಲುವಾಗಿ ಬಿಹಾರ ಸರ್ಕಾರ ಕ್ರಮ ಕೈಗೊಂಡ ಪರಿಣಾಮವಾಗಿ ವರ್ಷದೊಪ್ಪತ್ತಿನಲ್ಲಿಯೇ ಈ ಕಾನೂನು ಉಲ್ಲಂಘಿಸಿದ ಸಲುವಾಗಿ ಅರವತ್ತು ಸಾವಿರ ಮಂದಿ ಅರೆಸ್ಟಾಗಿದ್ದಾರೆ.

ಹಾಗೆ ನೋಡಿದರೆ, ಈ ಅರವತ್ತು ಸಾವಿರ ಮಂದಿ ಈ ವರ್ಷದ ಜನವರಿ ತಿಂಗಳಿಂದ ಜೂನ್ ವರೆಗಿನ ಅವಧಿಯಲ್ಲಿ ಅರೆಸ್ಟಾಗಿದ್ದಾರೆ. ಈ ಸಂಖ್ಯೆ ಇನ್ನೂ ಏರುಗತಿ ಕಾಣುತ್ತಲೇ ಸಾಗುತ್ತಿದೆ. ಯಾಕೆಂದರೆ ಕಲಿತ ಚಟ ಬಿಡಲಾಗದೆ ವಿಲಗುಡುತ್ತಿರುವ ಜನರಿಗೆ ಮಾಫಿಯಾ ಮಂದಿ ಮದ್ಯವನ್ನು ಅದು ಹೇಗೋ ಸರಬರಾಜು ಮಾಡುತ್ತಿದ್ದಾರೆ. ಇಂಥವರೂ ಸೇರಿ, ಕುಡುಕರನ್ನೂ ಒಳಗೊಂಡಂತೆ ಅರವತ್ತು ಸಾವಿರ ಮಂದಿಯೀಗ ಅಂದರ್ ಆಗಿದ್ದಾರೆ. ಬಿಹಾರ ಸರ್ಕಾರ ಇಂಥಾ ಕಠಿಣ ಕ್ರಮ ಕೈಗೊಳ್ಳುವ ಮೂಲಕ ಹೇಗಾದರೂ ಮಾಡಿ ಮದ್ಯಪಾನ ಚಟದಿಂದ ಜನರನ್ನು ಹೊರತರೋದಕ್ಕೆ ಹರಸಾಹಸ ಮಾಡುತ್ತಿದೆ.

The post ಮದ್ಯಪಾನ ನಿಷೇಧ ಉಲ್ಲಂಘನೆ: ಅರೆಸ್ಟಾಗಿದ್ದು 60 ಸಾವಿರ ಮಂದಿ! appeared first on ಶೋಧ ನ್ಯೂಸ್ - Shodha News.

ಜಾತಿ, ಧರ್ಮ ಅಂತೆಲ್ಲ ದೊಂದಿ ಹಿಡಿದು ಹೊರಡೋರನ್ನು ಕಂಡು ಪ್ರಜ್ಞಾವಂತರೆಲ್ಲ ನಖಶಿಖಾಂತ ಉರಿದು ಬೀಳ್ತಾರಲ್ಲಾ? ಅದೇನು ಸುಮ್ಮನೆ ಶೋಕಿಗೆ ಹುಟ್ಟಿಕೊಳ್ಳೋ ಆಕ್ರೋಶವಲ್ಲ. ಅದರ ಹಿಂದಿರೋದು ಅಪ್ಪಟ ಮನುಷ್ಯತ್ವ. ಫ್ಯಾಸಿಸ್ಟ್ ಶಕ್ತಿಗಳ ಕೈಲಿರುವ ದೊಂದಿ ಮುಂದೊಂದು ದಿನ ಮನುಷ್ಯತ್ವದ ಬುಡಕ್ಕೇ ಬೆಂಕಿಯಿಡುತ್ತೆಂಬ ಸತ್ಯದಿಂದ ಹುಟ್ಟಿದ ಆಕ್ರೋಶವದು. ಧರ್ಮದ ಅಮಲು ಅದ್ಯಾವ ಮಟ್ಟಕ್ಕೆ ಮನುಷ್ಯನನ್ನು ಕ್ರೂರಿಯಾಗಿಸುತ್ತೆ, ಅದು ಕೊನೆಗೊಮ್ಮೆ ಯಾವ ಹಂತ ತಲುಪಿಕೊಳ್ಳುತ್ತೆ ಅನ್ನೋದಕ್ಕೆ ಅಫ್ಘಾನಿಸ್ತಾನಕ್ಕಿಂತಲೂ ಬೇರೆ ಉದಾಹರಣೆ ಬೇಕಿಲ್ಲ. ಹತ್ತಾರು ವರ್ಷಗಳಿಂದ ಅಬ್ಬರಿಸುತ್ತಾ ಬಂದ ತಾಲಿಬಾನಿ ಉಗ್ರರು ಇದೀಗ ಸರ್ಕಾರವನ್ನೇ ತಮ್ಮದಾಗಿಸಿಕೊಂಡಿದ್ದಾರೆ. ಬೆನ್ನಲ್ಲಿ ಬಂದೂಕು ತಗುಲಿಸಿಕೊಂಡು ನಂಬಿಕೆ ಗಿಟ್ಟಿಸಿಕೊಳ್ಳೋ ಬಣ್ಣದ ಮಾತಾಡುತ್ತಿದ್ದಾರೆ. ಆದರೆ ಈ ತಾಲಿಬಾನಿಗಳ ಆಡಳಿತ ಎಂಥಾದ್ದಿರುತ್ತದೆಂಬ ಅಂದಾಜು ಇದೀಗ ಸ್ಪಷ್ಟವಾಗಿಯೇ ಸಿಕ್ಕಿಬಿಟ್ಟಿದೆ.

ತಾಲಿಬಾನ್ ಉಗ್ರರು ಇದುವರೆಗೆ ನಡೆಸಿರೋ ಅನಾಹುತಗಳು ಒಂದೆರಡಲ್ಲ. ಜೀವ ತೆಗೆಯೋದೆಂದ್ರೆ ಆ ಪಾಪಿಗಳಿಗೆ ಸಲೀಸು. ಪುಟ್ಟ ಕಂದಮ್ಮಗಳೆಂಬ ಕರುಣೆಯೂ ಇಲ್ಲದೆ ಅವರು ನಡೆಸಿರೋ ಕ್ರೌರ್ಯವಿದೆಯಲ್ಲಾ? ಅದನ್ನು ಇಸ್ಲಾಂ ಇರಲಿ, ಜಗತ್ತಿನ ಯಾವ ಧರ್ಮಗಳೂ ಕ್ಷಮಿಸಲು ಸಾಧ್ಯವಿಲ್ಲ. ಕ್ಷಮಿಸಿದರೆ ಅದೊಂದು ಧರ್ಮವೇ ಅಲ್ಲ. ಅಂಥಾ ಧರ್ಮಾಂಧರ ಕೈಗೆ ಒಂದಿಡೀ ಸರ್ಕಾರ ಸಿಕ್ಕರೆ ಅಲ್ಲಿನ ಜನರ ಸ್ಥಿತಿ ನರಕವಾಗದೆ ಮತ್ತೇನಾಗಲು ಸಾಧ್ಯ? ತಾಲಿಬಾನಿಗಳು ಅಫ್ಘಾನ್ ಸರ್ಕಾರವನ್ನ ಕೈವಶ ಮಾಡಿಕೊಂಡ ನಂತರದಲ್ಲಿ ಜನರ ವಿಶ್ವಾಸ ಗಿಟ್ಟಿಸೋ ಮಾತುಗಳನ್ನಾಡಿದ್ರು. ಆದ್ರೆ ಅದೆಲ್ಲವೂ ಶುದ್ಧ ಸುಳ್ಳೆಂಬುದಕ್ಕೆ ಶರಿಯಾ ಕಾನೂನು ಸಾಕ್ಷಿಯಾಗಿ ಬಿಟ್ಟಿದೆ.

ಶರಿಯಾ ಅನ್ನೋದು ಧರ್ಮದ ಚೌಕಟ್ಟಿನಲ್ಲಿ ಬರೋ ಒಂದು ರೀತಿ ರಿವಾಜುಗಳ ಕಂತೆ. ಅದರ ತುಂಬಾ ಮಹಿಳೆಯರನ್ನು ಮನೆಯೊಳಗೇ ಬಂಧಿಸಿ ಹಿಂಸಿಸುವಂಥಾ ಧಾರಾಳವಾದ ಕಟ್ಟಳೆಗಳಿವೆ. ಅದರ ಪ್ರಕಾರವಾಗಿ ಹೇಳೋದಾದ್ರೆ, ಇನ್ನುಮುಂದೆ ಅಫ್ಘಾನಿಸ್ತಾನದ ಮಹಿಳೆಯರ ಪಾಲಿಗೆ ಸ್ವಾತಂತ್ರ್ಯ ಅನ್ನೋದು ಕನಸು. ಅಲ್ಲಿನ ಹೆಣ್ಮಗಳೊಬ್ಬಳು ಉಜ್ವಲ ಭವಿಷ್ಯದ ಕನಸು ಕಂಡಿದ್ದರೆ ಅದೆಲ್ಲವೂ ಉಗ್ರರ ಬಂದೂಕಿನ ಮುಂದೆ ನರಳಿ ನಲುಗಲಿದೆ. ಯಾಕಂದ್ರೆ, ಶರಿಯಾ ಪ್ರಕಾರ ಹೆಣ್ಮಕ್ಕಳು ಉನ್ನತ ವ್ಯಾಸಂಗ ಮಾಡುವಂತಿಲ್ಲ. ಕುರಾನ್ ಅರ್ಥ ಮಾಡಿಕೊಳ್ಳುವಷ್ಟು ಶಿಕ್ಷಣ ಸಿಕ್ಕಿದರೆ ಸಾಕೆಂಬುದು ಶರಿಯಾದ ಸಾರ.

ಅದರ ಕ್ರೌರ್ಯ ಅಷ್ಟಕ್ಕೇ ನಿಲ್ಲೋದಿಲ್ಲ. ಶರಿಯಾ ಅನ್ನೋದು ಹೆಣ್ಣು ಮಕ್ಕಳ ಸ್ವಾತಂತ್ರ್ಯವನ್ನು ಮನೆಯೊಳಗೇ ಬಂಧಿಸುವಂತಿದೆ. ಯಾವ ಕಾರಣಕ್ಕೂ ಮಹಿಳೆಯರು ಒಬ್ಬಂಟಿಯಾಗಿ ಮನೆಯಿಂದ ಹೊರ ಹೋಗುವಂತಿಲ್ಲ. ಆಕೆಯೊಂದಿಗೆ ಗಂಡೊಬ್ಬ ಇರಲೇ ಬೇಕು. ಹಾಗೊಮ್ಮೆ ಒಂಟಿಯಾಗಿ ಹೊರ ಬಂದರೆ ಆಕೆ ತಾಲಿಬಾನಿಗಳಿಂದ ರೌರವ ನರಕ ಅನುಭವಿಸ್ಬೇಕಾಗುತ್ತೆ. ಈ ಕಾನೂನು ಅದೆಷ್ಟು ಕ್ರೂರವಾಗಿದೆ ಅಂದ್ರೆ, ಮಹಿಳೆಯರಿಗೆ ಅದೆಂಥಾದ್ದೇ ಗಂಭೀರ ಅನಾರೋಗ್ಯ ಕಾಣಿಸಿಕೊಂಡ್ರೂ ಪುರುಷ ವೈದ್ಯರ ಬಳಿ ಟ್ರೀಟ್‌ಮೆಂಟ್ ಪಡೆಯೋ ಹಾಗಿಲ್ಲ. ಸಾವೇ ಬಂದರೂ ಅದನ್ನು ಉಲ್ಲಂಘಿಸೋಹಾಗಿಲ್ಲ. ಇದೇ ಶರಿಯಾ ಮಹಿಳೆಯರಿಗೆ ಓದು, ಉದ್ಯೋಗವನ್ನೆಲ್ಲ ಬ್ಯಾನ್ ಮಾಡಿದೆ. ಹಾಗಿದ್ದಮೇಲೆ ಆ ದೇಶದಲ್ಲಿ ಮಹಿಳಾ ವೈದ್ಯೆಯರು ಕಾರ್ಯ ನಿರ್ವಹಿಸಲು ಸಾಧ್ಯವೇ ಇಲ್ಲ. ಹಾಗಾದರೆ ಅನಾರೋಗ್ಯಪೀಡಿತ ಮಹಿಳೆಯರಿಗೆ ಸಾವಲ್ಲದೆ ಬೇರ‍್ಯಾವ ದಾರಿಯಿದೆ?

ಇಂಥಾ ಇನ್ನೂ ಅನೇಕ ಆಘಾತಕರ ಕಾನೂನುಗಳು ಶರಿಯಾದಲ್ಲಿವೆ. ಇನ್ನುಳಿದ ಕಾನೂನುಗಳಲ್ಲಿಯೂ ತಾಲಿಬಾನಿಗಳು ಇಂಥಾ ಅನಿಷ್ಟಗಳನ್ನೇ ತುಂಬಿ ಮೆರೆಯಲು ಮುಂದಾಗಿದ್ದಾರೆ. ಅಲ್ಲಿಗೆ ತಾಲಿಬಾನಿಗಳ ಆಡಳಿತ ಸರ್ವಾಧಿಕಾರಕ್ಕಿಂತಲೂ ಸಾವಿರ ಪಟ್ಟು ಡೇಂಜರ್ ಅನ್ನೋದ್ರಲ್ಲಿ ಯಾವ ಸಂಶಯವೂ ಉಳಿದಿಲ್ಲ. ಇತ್ತ ಉಗ್ರರು ಅಧಿಕಾರ ಹಿಡಿಯುತ್ತಲೇ ಅತ್ತ ಹೆಂಗಳೆಯರು ದೇಶ ತೊರೆಯಲು ಮುಂದಾಗಿದ್ದರ ಹಿಂದೆ ಇದೇ ಕಾರಣವಿದೆ. ತೀರಾ ವಿಮಾನದ ರೆಕ್ಕೆಗಳ ಮೇಲೆ ಕೂತು ಪ್ರಯಾಣಿಸೋ ಸಾಹಸಕ್ಕೆ ಕಾರಣವಾಗಿದ್ದು ಕೂಡಾ ಉಗ್ರರ ಅಟ್ಟಹಾಸ. ಹಾಗೆ ಹಾರಾಡೋ ವಿಮಾನದಿಂದ ಸಾವಿರಾರು ಅಡಿ ಎತ್ತರದಿಂದ ಬಿದ್ದು ಸತ್ತ ಜೀವಗಳಿವೆಯಲ್ಲ? ಉಗ್ರರ ಆಡಳಿತದಲ್ಲಿ ಬದುಕೋರಿಗಿಂತ ಅವರೇ ಪುಣ್ಯಾತ್ಮರು… ಈ ದುರಂತದ ಮುಂದೆ ಬಾಕಿ ಮಾತುಗಳೆಲ್ಲ ವ್ಯರ್ಥ.

The post ಇದು ಧರ್ಮ ಉಳಿಸೋ ಸನ್ನಿಯ ಅಂತಿಮ ಫಲಿತಾಂಶ! appeared first on ಶೋಧ ನ್ಯೂಸ್ - Shodha News.