ಬಾಲಿವುಡ್ಡಿನಲ್ಲಿ ಮತ್ತೊಂದು ಸಂಸಾರ ಹಳ್ಳ ಹಿಡಿದ ಸ್ಪಷ್ಟ ಸೂಚನೆಯೊಂದು ರವಾನೆಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಚಿತ್ರವಿಚಿತ್ರ ಅವತಾರವೆತ್ತುತ್ತಾ ಬಂದಿದ್ದ, ಮುಖ ಮುಚ್ಚಿಕೊಂಡೇ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿದ್ದ (raj kundra) ಕುಂದ್ರಾ ಏಕಾಏಕಿ ಸೋಶಿಯಲ್ ಮೀಡಿಯಾ ಮೂಲಕ ಬಾಂಬು ಸಿಡಿಸಿದ್ದಾನೆ. ತಾನು ಮತ್ತು ಶಿಲ್ಪಾ ಶೆಟ್ಟಿ (actress shilpa shetty) ಪರಸ್ಪರ ದೂರಾಗಿದ್ದೇವೆ ಅನ್ನೋದು ಅದರ ಸಾರಾಂಶ. ಅಷ್ಟಕ್ಕೂ ಈ ಸುದ್ದಿ ಯಾರಿಗೂ ಆಘಾತ ತಂದಿಲ್ಲ. ಯಾಕೆಂದರೆ, ಈ ಸೆಲೆಬ್ರಿಟಿಗಳ ವಿಚಾರದಲ್ಲಿ ಡಿವೋರ್ಸ್ ಎಂಬುದು ಮದುವೆಯಷ್ಟೇ ಸಾಮಾನ್ಯ ಸಂಗತಿ. ಶಿಲ್ಪಾ ಶೆಟ್ಟಿ ದಾಂಪತ್ಯದ ವಿಚಾರದಲ್ಲಿ ಹೇಳೋದಾದರೆ, ಯಾವಾಗ ರಾಜ್ ಕುಂದ್ರಾ ಕೊರೋನಾ ಹೊತ್ತಲ್ಲಿ ಜೈಲು ಸೇರಿಕೊಂಡನೋ, ಆ ಮೂಲಕ ಆತನ ಅಸಲೀ ದಂಧೆ ಜಗಜ್ಜಾಹೀರಾಗುತ್ತಲೇ ಸಂಸಾರದಲ್ಲಿ ಬಿರುಗಾಳಿ ಶುರುವಾಗಿತ್ತು. ಅದೀಗ ಇಬ್ಬರನ್ನೂ ಎರಡು ದಿಕ್ಕಿಗೆ ಎತ್ತೆಸೆದ ಲಕ್ಷಣಗಳು ಗೋಚರಿಸುತ್ತಿವೆ!

ಹಾಗೆ ನೋಡಿದರೆ, ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ದಾಂಪತ್ಯದ ಬಗ್ಗೆ ರೂಮರುಗಳು ಹಬ್ಬಲಾರಂಭಿಸಿದ್ದು ಇಂದು ನಿನ್ನೆಯೇನಲ್ಲ. ಕುಂದ್ರಾನ ನೀಲಿ ಚಿತ್ರದ ಲೀಲಾವಳಿಗಳು ಜಾಹೀರಾಗುತ್ತಲೇ ಶಿಲ್ಲಾ ಶೆಟ್ಟಿ ಕಂಗಾಗಾಲಾಗಿ ಹೋಗಿದ್ದಳಂತೆ. ಒಂದಷ್ಟು ಮಂದಿ ಈ ವಿಚಾರ ಶಿಲ್ಪಾಗೆ ತಿಳಿಯದೇ ನಡೆದಿರೋದಿಲ್ಲ ಅಂತಲೇ ಮಾತಾಡಿಕೊಂಡಿದ್ದರು. ಆದರೆ, ಅಸಲೀ ವಿಚಾರ ಅದಕ್ಕೆ ತದ್ವಿರುದ್ಧವಾಗಿದೆ. ಕುಂದ್ರಾ ಕೋಟಿ ಕುಳ. ಆ ಹಬೆಯೇ ಬಳುಕೋ ಬಳ್ಳಿಯಂಥಾ ಶಿಲ್ಪಾ ಶೆಟ್ಟಿಯನ್ನ ಕುಂದ್ರಾನತ್ತ ಸೆಳೆದಿತ್ತು. ಹಾಗಿಲ್ಲದೇ ಹೋಗಿದ್ದರೆ, ಅದಾಗಲೇ ಒಂದು ಮದುವೆಯಾಗಿದ್ದ ರಾಜ್ ಕುಂದ್ರಾನೊಂದಿಗೆ ಶಿಲ್ಪಾ ಶೆಟ್ಟಿಯ ಸಂಬಂಧ ಕುದುರಲು ಸಾಧ್ಯವಿರುತ್ತಿರಲಿಲ್ಲ. ಹಾಗೆ ಶಿಲ್ಪಾಳನ್ನು ಮದುವೆಯಾಗೋ ಹೊತ್ತಿಗೆಲ್ಲ ರಾಜ್ ಕುಂದ್ರಾ ಅಕ್ಷರಶಃ ಕುಬೇರನಾಗಿದ್ದ. ಆತನ ಉದ್ದಿಮೆ, ವ್ಯವಹಾರ ಕಣ್ಣಳತೆಗೆ ನಿಲುಕದಷ್ಟು, ಸಲೀಸಾಗಿ ಅಂದಾಜಿಸಲಾರದಷ್ಟು ವಿಸ್ತಾರವಾಗಿ ಬೆಳೆದುಕೊಂಡಿತ್ತು.

ಇಂಥಾ ವ್ಯವಹಾರಗಳಲ್ಲಿ ತೊಗಲು ದಂಧೆಯೂ ಸೇರಿಕೊಂಡಿದೆ ಎಂಬ ಸಣ್ಣ ಸುಳಿವೂ ಕೂಡಾ ಶಿಲ್ಪಾ ಶೆಟ್ಟಿಗಿರಲಿಲ್ಲ. ಕಂಡೋರ ಮನೆ ಹೆಣ್ಣು ಮಕ್ಕಳನ್ನು ಬೆತ್ತಲಾಗಿಸಿ, ಅದನ್ನು ಚಿತ್ರೀಕರಿಸಿ ಪೋರ್ನ್ ಸೈಟ್ ಗಳಿಗೆ ಮಾರೋದನ್ನೇ ಕುಂದ್ರಾ ದಂಧೆಯಾಗಿಸಿಕೊಂಡಿದ್ದ. ಹೊರ ಜಗತ್ತಿಗೆ ಯಶಸ್ವೀ ಉದ್ಯಮಿ ಅಂತ ತೋರಿಸಿಕೊಂಡಿದ್ದ ಕುಂದ್ರಾನ ಒಟ್ಟಾರೆ ಆದಾಯ ನೀಲಿ ಚಿತ್ರಗಳಿಂದಲೇ ಬರುತ್ತಿತ್ತೆಂದು ಹೇಳುವವರೂ ಇದ್ದಾರೆ. ಅದೇ ದಂಧೆಯ ಸಂಬಂಧವಾಗಿ ಜೈಲು ಪಾಲಾದನಲ್ಲಾ ಕುಂದ್ರಾ? ಆ ತನಿಖೆಯ ಸಂದರ್ಭದಲ್ಲಿ ಪೊಲೀಸರು ಆಘಾತಕರ ಮಾಹಿತಿಗಳನ್ನು ಕಲೆ ಹಾಕಿದ್ದರು. ಆ ವಿವರ ಕೇಳಿ ಖುದ್ದು ಶಿಲ್ಪಾ ಶೆಟ್ಟಿ ಅವಾಕ್ಕಾಗಿ ಬಿಟ್ಟಿದ್ದಳಂತೆ. ಹೇಗೋ ಹಣ ಬಲ ಬಳಸಿ ಜಾಮೀನು ಪಡೆದು ಹೊರ ಬಂದಿದ್ದ ಕುಂದ್ರಾ, ಹೊರ ಜಗತ್ತಿಗೆ ಮುಖ ತೋರಿಸದೆ ಓಡಾಡಲಾರಂಭಿಸಿದ್ದ. ಅದೇ ಹೊತ್ತಲ್ಲಿ ತನ್ನದೇ ಹೆಂಡತಿಗೂ ಮುಖ ತೋರಿಸದಂಥಾ ಪಾತಾಳಕ್ಕಿಳಿದು ಬಿಟ್ಟಿದ್ದ.  

ಆ ಹಂತದಿಂದಲೇ ಶಿಲ್ಪಾ ಮತ್ತು ಕುಂದ್ರಾ ಸಂಸಾರದಲ್ಲಿ ಬಿರುಕು ಮೂಡಿಕೊಂಡಿತ್ತು. ಅಂಥಾ ಆಘಾತಗಳನ್ನು ನೆನೆದು ಶಿಲ್ಪಾ ಕೆಲವಾರು ಶೋಗಳಲ್ಲಿ ಕಣ್ತುಂಬಿಕೊಂಡಿದ್ದೂ ಇದೆ. ಒಂದಷ್ಟು ಕಾಲ ಹೊಂದಿಕೊಂಡಸಸು ಹೋಗುವ ಸರ್ಕಸ್ಸೂ ಕೂಡಾ ಶಿಲ್ಪಾಳ ಕಡೆಯಿಂದ ನಡೆದಿದೆ. ಆದರೆ, ಅದಾಗಲೇ ನೀಲಿ ಲೋಕದೊಳಗೆ ಮುಳುಗಿದ್ದ ಕುಂದ್ರಾ ಈ ಜನುಮದಲ್ಲಿ ಬದಲಾಗೋದಿಲ್ಲ ಎಂಬ ವಿಚಾರ ಶಿಲ್ಪಾಗೆ ಮನದಟ್ಟಾದಂತಿದೆ. ಅದೆಲ್ಲದರ ಫಲವಾಗಿ ಶಿಲ್ಪಾ ಮತ್ತು ಕುಂದ್ರಾ ದಾಂಪತ್ಯ ಜೀವನ ತಿಂಗಳುಗಳ ಹಿಂದೆಯೇ ಸಮಾಪ್ತಿಗೊಂಡಿದೆ. ಅದನ್ನೀಗ ಖುದ್ದು ಕುಂದ್ರಾ ಸಾರ್ವಜನಿಕವಾಗಿ ಹೇಳಿಕೊಂಡಿದ್ದಾನಷ್ಟೇ?

ಹಾಗಾದರೆ, ಈ ರಾಜ್ ಕುಂದ್ರಾ ಯಾರು? ಆತ ಹುಟ್ಟು ಶ್ರೀಮಂತನಾ? ಕುಂದ್ರಾನ ಶ್ರೀಮಂತಿಕೆಯ ಮೂಲ ಯಾವುದು? ಹೀಗೆ ನಾನಾ ಪ್ರಶ್ನೆಗಳು ಹುಟ್ಟಿಕೊಳ್ಳೋದು ಸಹಜ. ಈ ಬಗ್ಗೆ ಕೆದಕುತ್ತಾ ಹೋದರೆ, ಮಧ್ಯಮ ವರ್ಗದ ಲಂಡನ್ನಿನ ಹುಡುಗನೊಬ್ಬ ದೇಶ ದೇಶಗಳ ಗಡಿ ದಾಟಿ, ಥರ ಥರದ ದಂಧೆ ನಡೆಸುತ್ತಾ ಕೋಟಿ ಕುಳವಾದ ರೋಚಕ ಕಥನವೊಂದು ತೆರೆದುಕೊಳ್ಳುತ್ತೆ. ಆ ಕಥೆಯ ಬೇರುಗಳಿರೋದು ದೂರದ ದೇಶ ಲಂಡನ್ನಿನಲ್ಲಿ. 1975ರಲ್ಲಿ ಲಂಡನ್ನಿನ ಬಡ ಮಧ್ಯಮ ವರ್ಗದಲ್ಲಿ ಜನಿಸಿದ್ದವನು ರಾಜ್ ಕುಂದ್ರಾ. ಈಗ ಅವನು ವಿಶ್ವ ಮಟ್ಟದಲ್ಲಿ ಬ್ಯುಸಿನೆಸ್‍ಮ್ಯಾನ್ ಆಗಿ ಗುರುತಿಸಿಕೊಂಡಿದ್ದಾನೆ. ಆತನ ವೈಭೋಗ ಕಂಡವರೆಲ್ಲ ಕುಂದ್ರಾ ಓರ್ವ ಹುಟ್ಟು ಶ್ರೀಮಂತ ಅಂದುಕೊಂಡಿದ್ದರೂ ಅಚ್ಚರಿಯೇನಿಲ್ಲ. ಆದರೆ, ಹುಟ್ಟಿದಂದಿನಿಂದ ಯೌವನಾವಸ್ಥೆ ತಲುಪೋವರೆಗೂ ಕುಂದ್ರಾ ಭಾರೀ ಬಡತನವನ್ನೇ ಕಂಡುಂಡು ಬೆಳೆದಿದ್ದ.

ಎಳವೆಯಿಂದಲೂ ಚಾಲಾಕಿಯಾಗಿದ್ದ ಕುಂದ್ರಾ ಮೂಲತಃ ಭಾರತದ ಪಂಜಾಬಿನ ಲೂಧಿಯಾನ ಮೂಲದವನೇ. ಆತನ ಹೆತ್ತವರು ಬಹು ವರ್ಷಗಳ ಹಿಂದೆ ಲಂಡನ್ನಿಗೆ ಹೋಗಿ ನೆಲೆಸಿದ್ದರಷ್ಟೆ. ಈತನ ನಿಜವಾದ ಹೆಸರು ರಿಪು ಸುದನ್ ಕುಂದ್ರಾ. ಒಂದು ಕಾಲದಲ್ಲಿ ಬಸ್ ಕಂಡೆಕ್ಟರ್ ಆಗಿದ್ದ ತಂದೆ ಬಾಲಕೃಷ್ಣ ಕುಂದ್ರಾ, ಆ ನಂತರ ಸಣ್ಣ ಮಟ್ಟದ್ದೊಂದು ಉದ್ಯಮ ಆರಂಭಿಸಿದ್ದರು. ಅದರಲ್ಲಿ ಸಂಸಾರ ನಿಭಾಯಿಸಲು ಸಾದ್ಯವಾಗದಿದ್ದಾಗ ಕುಂದ್ರಾನ ಅಮ್ಮ ರೀನಾ ಕುಂದ್ರಾ ಅಂಗಡಿಯೊಂದರಲ್ಲಿ ಸಹಾಯಕಿಯಾಗಿ ದುಡಿಯಲಾರಂಭಿಸಿದ್ದರು. ಇಂಥಾ ಕುಟುಂಬ ಕೂಸಾದ ರಾಜ್ ಕುಂದ್ರಾ, ಹದಿನೆಂಟರ ಹೊತ್ತಿಗೆಲ್ಲ ಪರಿಚಿತರ ಕಂಪೆನಿಯೊಂದರಲ್ಲಿ ಕೆಲಸಕ್ಕೆ ಸೇರಿಕೊಂಡಿದ್ದ. ಆ ನಂತರ ಹೀಗೇ ಇದ್ದರೆ ಬಡತನ ಬದುಕನ್ನು ನುಂಗಿ ಹಾಕುತ್ತದೆಂದು ಗೊತ್ತಾಗಿ ಹೋಗಿತ್ತೇನೋ; ಸ್ವಂತ ಉದ್ಯಮ ಕಟ್ಟುವ ಕನಸು ಕಂಡ ಕುಂದ್ರಾ, ದುಬೈಗೆ ಹಾರಿದವನೇ ಡೈಮಂಡ್ ಬ್ಯುಸಿನೆಸ್ ಆರಂಭಿಸಿದ್ದ. ಆದರೆ, ಆರಂಭಿಕವಾಗಿಯೇ ಆತನಿಗೆ ಸೋಲು ಸುತ್ತಿಕೊಂಡಿತ್ತು.

ಒಂದಷ್ಟು ಸಾಲ ಮಾಡಿಕೊಂಡು ದುಬೈನಿಂದ ನೇಪಾಳಕ್ಕೆ ಬಂದಿಳಿದ ಕುಂದ್ರಾ, ಅಲ್ಲಿ ಬೇಡಿಕೆಯಿದ್ದ ಮೈ ಬೆಚ್ಚಗಾಗಿಸೋ ಉಡುಪುಗಳನ್ನು ಮಾರಾಟ ಮಾಡೋ ಕೆಲಸ ಶುರುವಿಟ್ಟುಕೊಂಡಿದ್ದ. ನೇಪಾಳದಿಂದ ನೂರು ಉಡುಪುಗಳನ್ನು ಖರೀದಿಸಿ, ಲಂಡನ್ನಿಗೆ ತೆರಳಿದವನೇ ಅಲ್ಲಿನ ಫ್ಯಾಶನ್ ಕಂಪೆನಿಗೆ ಮಾರಿ ಒಂದಷ್ಟು ಲಾಭ ಕಂಡಿದ್ದ. ನಂತರ ಅದನ್ನೇ ಪ್ರಧಾನ ಕಸುಬಾಗಿಸಿಕೊಂಡು ಯಶ ಕಂಡು ಬಿಟ್ಟಿದ್ದ. ಆ ವ್ಯವಹಾರದಲ್ಲಿ ಅದ್ಯಾವ ಪರಿಯಾಗಿ ಖ್ಯಾತಿ ಗಳಿಸಿದನೆಂದರೆ, 2004ರ ಹೊತ್ತಿಗೆಲ್ಲ ಯುಕೆ ಯ ಪ್ರಸಿದ್ಧ ಪತ್ರಿಕೆಯೊಂದರಲ್ಲಿ ಕುಂದ್ರಾನ ಯಶೋಗಾಥೆ ಪ್ರಕಟವಾಗಿ ಬಿಟ್ಟಿತ್ತು!

ಹೀಗೆ ಉದ್ಯಮದಲ್ಲಿ ಯಹಶ ಕಾಣುತ್ತಲೇ 2003ರಲ್ಲಿ ಪಂಜಾಬ್ ಮೂಲಕದ ವ್ಯಾಪಾರಿಯ ಮಗಳು ಕವಿತಾಳನ್ನ ಮದುವೆಯಾಗಿದ್ದ. ಆದರೆ, ಎರಡೇ ವರ್ಷ ಕಳೆಯೋದರೊಳಗೆ, ಎರಡು ತಿಂಗಳ ಪುಟ್ಟ ಮಗಳನ್ನೂ ಲೆಕ್ಕಿಸದೆ ಮಡದಿಗೆ ಡಿವೋರ್ಸ್ ಕೊಟ್ಟಿದ್ದ. 2007ರ ಹೊತ್ತಿಗೆಲ್ಲ ಬಾಲಿವುಡ್ ತಾರೆ ಶಿಲ್ಪಾ ಶೆಟ್ಟಿ ಸುಗಂಧ ದ್ರವ್ಯ ಕಂಪೆನಿಯೊಂದಕ್ಕೆ ರಾಯೌಭಾರಿಯಾಗಿದ್ದಳು. ಅದರದ್ದೊಂದು ಕಾರ್ಯಕ್ರಮ ಲಂಡನ್ನಿನಲ್ಲಿ ಆಯೋಜನೆಗೊಂ ಡಿತ್ತು. ಅದರಲ್ಲಿ ಕುಂದ್ರಾ ಕೂಡಾ ಭಾಗಿಯಾಗಿದ್ದ. ಅಲ್ಲಿಂದಲೇ ಅವರಿಬ್ಬರ ನಡುವೆ ಪರಿಚಯವಾಗಿ, ಪ್ರೀತಿ ಮೊಳೆತುಕೊಂಡಿತ್ತು. 2009ರಲ್ಲಿ ಅವರಿಬ್ಬರೂ ಮದುವೆಯಾಗಿದ್ದರು.

ಕೇವಲ 29 ವರ್ಷಕ್ಕೆಲ್ಲ ಯಶಸ್ವೀ ಉದ್ಯಮಿಯಾಗಿದ್ದ ಕುಂದ್ರಾ, ಶಿಲ್ಪಾಳನ್ನು ಮದುವೆಯಾದ ನಂತರ ಭಾರತಕ್ಕೆ ಮರಳಿದ್ದ. ಇಲ್ಲಿಯೇ ನಾನಾ ಥರದ ದಂಧೆ ನಡೆಸುತ್ತಾ ತನ್ನ ಕೋಟಿ ಸಾಮ್ರಾಜ್ಯ ವಿಸ್ತರಿಸಿಕೊಂಡಿದ್ದ. ಅಸಾಧ್ಯ ಮಹತ್ವಾಕಾಂಕ್ಷಿಕಯಾಗಿದ್ದ ಕುಂದ್ರಾ, ಭಾರತದಲ್ಲಿಯೂ ಪ್ರತಿಷ್ಟಿತ ಉದ್ಯಮಿಯಾಗಿ ಗುರುತಿಸಿಕೊಂಡಿದ್ದ. ಈತ ಡೈಮಂಡ್ ವ್ಯವಹಾರದಲ್ಲಿ ನೆಲಕಚ್ಚಿದ್ದಾಗ ಕೈ ಹಿಡಿದದ್ದು ನೇಪಾಳದ ಬೆಚ್ಚನೆಯ ಉಡುಪುಗಳ ದಂಧೆ. ಆ ದಿರಿಸುಗಳನ ನು ಹಿಮಾಲಯದ ತಪ್ಪಲ್ಲಲ್ಲಿ ವಾಸಿಸುವ ಒಂದು ತಳಿಯ ಕುರಿಗಳ ಚರ್ಮ, ಉಣ್ಣೆಯಿಂದ ಮಾಡುತ್ತಿದ್ದರಂತೆ. ಹೀಗೆ ಕುಸಿದಾಗ ಕೈ ಹಿಡಿದದ್ದು ಕುರಿಗಳ ತೊಗಲು. ಹೇಗಿದ್ದರೂ ತೊಗಲು ದಂಧೆ ಕೈ ಹಿಡಿಯುತ್ತೆ ಅಂತ ನಂಬಿಕೊಂಡನೋ ಏನೋ; ಕಂಡೋರ ಮನೆ ಹೆಣ್ಣುಮಕ್ಕಳನ್ನು ಮಂಚಕ್ಕೆ ಕೆಡವಿ ನೀಲಿ ಚಿತ್ರ ತಯಾರಿಸೋ ದಂಧೆ ಶುರುವಿಟ್ಟುಕೊಂಡಿದ್ದ.  ಅದರಿಂದಲೇ ಈಗ ಕುಂದ್ರಾನ ಖಾಸಗೀ ಬದುಕು ಮತ್ತೆ ಛಿದ್ರಗೊಂಡಿದೆ. ಅತ್ತ ಉದ್ಯಮಿಯಾಗಿಯೂ ಕಿಮ್ಮತ್ತು ಕಳೆದುಕೊಂಡಿರುವ ಕುಂದ್ರಾಗೀಗ ಅಕ್ಷರಶಃ ಕೇಡುಗಾಲ ಶುರುವಾದಂತಿದೆ!

The post real story of raj kundra: ಬಸ್ ಕಂಡಕ್ಟರ್ ಮಗನೊಬ್ಬ ಕೋಟಿ ಕಿಮ್ಮತ್ತಿನ ಕೋಟೆ ಕಟ್ಟಿದ ಕಥನ! appeared first on ಶೋಧ ನ್ಯೂಸ್ - Shodha News.

ಬಾಹುಬಲಿ (bahubali movie) ಚಿತ್ರದ ಮೂಲಕ ಪ್ಯಾನಿಂಡಿಯಾ ಸ್ಟಾರ್ ಆಗಿ ರೂಪುಗೊಂಡವರು (prabhas) ಪ್ರಭಾಸ್. ಅದಕ್ಕೂ ಮುನ್ನವೇ ತೆಲುಗು ಚಿತ್ರರಂಗದಲ್ಲಿ ಗೆಲುವು ಕಂಡಿದ್ದ ಪ್ರಭಾಸ್ ಗೆ ದೊಡ್ಡ ಮಟ್ಟದ ಪ್ಯಾನ್ ಬೇಸಿದೆ. ಅದರಲ್ಲಿ ಹೆಣ್ಣುಮಕ್ಕಳು ಮತ್ತು ಮಹಿಳೆಯರದ್ದೇ ಮೇಲುಗೈ. ಈ ಹೊತ್ತಿಗೂ ಪ್ರಭಾಸ್ ಮದುವೆಯ ಮ್ಯಾಟರ್ ಬಗ್ಗೆ ಗುಲ್ಲೆದ್ದಾಗೆಲ್ಲಾ, ಅಂಥಾ ಮಹಿಳಾ ಅಭಿಮಾನಿಗಳು ಕಂಗಾಲಾಗಿ ಬಿಡುತ್ತಾರೆ. ಪ್ರಭಾಸ್ ಸದ್ಯಕ್ಕೆ ಮದುವೆಯಾಗದೆ ಬ್ಯಾಚುಲರ್ ಆಗಿಯೇ ಉಳಿಯಲೆಂಬಂತೆ ಆಶಿಸುವ ಹುಡುಗಿಯರ ಸಂಖ್ಯೆಯೂ ಬಹಳಷ್ಟಿದೆ. ಅಂಥವರಿಗೆಲ್ಲ ಈ ದಸರೆಯ ಸಂದರ್ಭದಲ್ಲಿ ಎದೆ ಅದುರೋ ಸುದ್ದಿಯೊಂದು ಅಧಿಕೃತವಾಗಿಯೇ ಜಾಹೀರಾಗಿದೆ. ಅದರನ್ವಯ ಹೇಳೋದಾದರೆ, ಇನ್ನು ಒಂದು ವರ್ಷದೊಳಗೆ ಪ್ರಭಾಸ್ ಮದುವೆಯಾಗೋದು ಗ್ಯಾರೆಂಟಿ!

ಪ್ರಭಾಸ್ ಅಭಿಮಾನಿಗಳ ಚಿತ್ತವೆಲ್ಲ ಇದೀಗ ಸಲಾರ್ ಚಿತ್ರದ ಮೇಲಿದೆ. ಯಾಕೆಂದರೆ, ಅದು ಅವರೆಲ್ಲರ ಪಾಲಿಗೆ ಬಹು ಮಹತ್ವಾಕಾಂಕ್ಷೆಯ ಚಿತ್ರ. ಇತ್ತೀಚೆಗೇಕೋ ಪ್ರಭಾಸ್ ನಸೀಬು ಸಂಪೂರ್ಣವಾಗಿ ಕೈ ಕೊಟ್ಟಂತಿದೆ. ಬಾಹುಬಲಿಯ ಗೆಲುವಿನ ಕಿಡಿ ಆರದಂತೆ ಕಾಪಿಟ್ಟುಕೊಳ್ಳುವಲ್ಲಿ ಆತ ಹೆಜ್ಜೆ ಹೆಜ್ಜೆಗೂ ಸೋಲುತ್ತಾ ಬಂದಿದ್ದಾರೆ. ಸಲಾರ್ ಏನಾದರೂ ಮಗುಚಿಕೊಂಡರೆ, ಎಲ್ಲ ಕಿಡಿಯೂ ಆರಿ ಬೂದಿ ಮಾತ್ರವೇ ಉಳಿದು ಬಿಡುವ ಘೋರ ಅಪಾಯವಂತೂ ಇದ್ದೇ ಇದೆ. ಅತ್ತ ಬೇರೆ ನಟರ ಅಭಿಮಾನಿಗಳು ತಣ್ಣಗೆ ತಿವಿಯುತ್ತಿರೋದರಿಂದಾಗಿ ಪ್ರಭಾಸ್ ಅಭಿಮಾನಿಗಳು ರೊಚ್ಚಿಗೆದ್ದಿದ್ದಾರೆ. ಹಾಗಿರೋದರಿಂದಲೇ ಪ್ರಭಾಸ್ ಮದುವೆ ಮ್ಯಾಟರ್ ನೇಪಥ್ಯಕ್ಕೆ ಸರಿದಿತ್ತು. ಇದೀಗ ಏಕಾಏಕಿ ಅದನ್ನು ಮತ್ತೆ ಮುನ್ನೆಲೆಗೆ ತಂದಿರುವವರು ಬಾಹಗುಬಲಿಯ ದೊಡ್ಡಮ್ಮ ಶ್ಯಾಮಲಾ ದೇವಿ.

ಶ್ಯಾಮಲಾ ದೇವಿ ವಿಜಯವಾಡದ ಇಂದ್ರಕೀಲಾಡಿ ಕ್ಷೇತ್ರದಲ್ಲಿ ನವರಾತ್ರಿ ಪೂಜಾ ಕಾರ್ಯದಲ್ಲಿ ಭಾಗಿಯಾಗಿದ್ದರು. ಈ ಸಂದರ್ಭದಲ್ಲಿ ಮಾಧ್ಯಮದ ಮಂದಿ ಮುತ್ತಿಕೊಂಡು ಮಾತಾಡಿಸಿದ್ದಾರೆ. ಇದೇ ಹೊತ್ತಿನಲ್ಲಿ ಪ್ರಭಾಸ್ ಮದುವೆ ವಿಚಾರವೂ ಹಾದು ಹೋಗಿದೆ. ಅದಕ್ಕೆ ಉತ್ತರಿಸಿದ ಶ್ಯಾಮಲಾ ದೇವಿ, ಇನ್ನು ಒಂದು ವರ್ಷದೊಳಗೆ ಪ್ರಭಾಸ್ ಮದುವೆಯಾಗೋದು ಗ್ಯಾರೆಂಟಿ ಅಂತ ನಿಖರವಾಗಿಯೇ ಹೇಳಿದ್ದಾರೆ. ಆಕೆಯ ಮಾತಲ್ಲಿದ್ದ ನಿಖರ ಧ್ವನಿ ಗಮನಿಸಿದ ಅನೇಕರೀಗ ನಾನಾ ಥರದಲ್ಲಿ ಗುಲ್ಲೆಬ್ಬಿಸುತ್ತಿದ್ದಾರೆ. ಈ ಬಗ್ಗೆ ಒಂದಷ್ಟು ಗಾಸಿಪ್ಪುಗಳೂ ಹಬ್ಬಿಕೊಂಡಿವೆ. ಹಾಗಾದರೆ, ಬಾಹುಬಲಿಯೊಂದಿಗೆ ಹಸೆಮಣೆ ಏರಲಿರುವ ಹುಡುಗಿ ಯಾರೆಂಬ ಪ್ರಶ್ನೆ ಎದ್ದು ನಿಂತಿದೆ. ಅದರ ಸುತ್ತ ದಂಡಿ ದಂಡಿ ಗಾಸಿಪ್ಪುಗಳೂ ಕೂಡಾ ಹರಡಿಕೊಳ್ಳಲಾರಂಭಿಸಿವೆ.

ಅಷ್ಟಕ್ಕೂ, ಪ್ರಭಾಸ್ ಅಂದರೆ ಕೇವಲ ಪ್ರೇಕ್ಷಕರಿಗೆ ಮಾತ್ರವಲ್ಲ; ಪ್ರಸಿದ್ಧಿ ಪಡೆದುಕೊಂಡ ನಟಿಯರಿಗೂ ಕ್ರೇಜ್ ಇದ್ದೇ ಇದೆ. ಒಂದಷ್ಟು ಚೆಲುವೆಯರು ಅದಾಗಲೇ ಪ್ರಭಾಸ್ ಗೆ ಕಾಳು ಹಾಕಲೆತ್ನಿಸಿ ಸೋತದ್ದೂ ಇದೆ. ಇದೆಲ್ಲದರ ನಡುವೆ ಆಗಾಗ ಒಂದಷ್ಟು ನಟಿಯರೊಂದಿಗೆ ಪ್ರಭಾಸ್ ಹೆಸರು ಥಳುಕು ಹಾಕಿಕೊಳ್ಳುತ್ತಾ ಬಂದಿತ್ತು. ಅದು ದೊಡ್ಡ ಮಟ್ಟದಲ್ಲಿ ಮೇಳೈಸಿಕೊಂಡಿದ್ದದ್ದು ಬಾಹುಬಲಿ ಚಿತ್ರದ ಸಂದರ್ಭದಲ್ಲಿ. ಜೊತೆ ಜೊತೆಗೆ ನಟಿಸಿದ್ದ ಅನುಷ್ಕಾ ಶೆಟ್ಟಿಯೊಂದಿಗೆ ಪ್ರಭಾಸ್ ಮದುವೆ ಪಕ್ಕಾ ಎಂಬಂಥಾ ವಾತಾವರಣ ಸೃಷ್ಟಿಯಾಗಿತ್ತು. ಅದಕ್ಕೆ ಸರಿಯಾಗಿ ಒಂದಷ್ಟು ಕಾರ್ಯಕ್ರಮಗಳಲ್ಲಿ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡಿತ್ತು. ಆದರೇಕೋ ಆ ಅಫೇರು ಬರಖತ್ತಾಗಲಿಲ್ಲ. ಆ ನಂತರ ಪ್ರಭಾಸ್ ಜೊತೆ ಕೃತಿ ಸನೋನ್ ಹೆಸರೂ ಕೇಳಿ ಬಂದಿತ್ತು. ಇಬ ಬರೂ ಡೇಟಿಂಗಿನಲ್ಲಿದ್ಚದಾರೆಂಬರ್ಥದಲ್ಲಿ ಕಲ್ಪಿತ ಸುದ್ದಿಗಳು ಹರಿದಾಡಿದ್ದವು. ಅದೂ ಕೂಡಾ ಹಳ್ಳ ಹಿಡಿದಿದೆ. ಇದೀಗ ಬಾಹುಬಲಿಗೆ ಕಂಟಕಣ ಕೂಡಿ ಬರಲು ಮುಹೂರ್ತ ಫಿಕ್ಸಾದಂತಿದೆ. ಆ ಹುಡುಗಿ ಯಾರೆಂಬುದು ಇಷ್ಟರಲ್ಲಿಯೇ ಜಾಹೀರಾಗಬಹುದೇನೋ…

The post prabhas marriage: ಪ್ರಭಾಸ್ ಜೊತೆ ನಿಲ್ಲೋ ಹುಡುಗಿ ಯಾರು? appeared first on ಶೋಧ ನ್ಯೂಸ್ - Shodha News.

ಕೆಜಿಎಫ್ (kgf) ಸರಣಿ ಗೆಲುವಿನ ನಂತರದಲ್ಲಿ ರಾಕಿಂಗ್ ಸ್ಟಾರ್ ಯಶ್ (yash) ಇಂಟರ್‍ನ್ಯಾಷನಲ್ ಸ್ಟಾರ್ ಆಗಿ ಬಿಟ್ಟಿದ್ದಾರೆ. ಸದ್ಯಕ್ಕೀಗ ಅವರ ಮುಂದಿನ ನಡೆಯೇನೆಂಬುದರ ಸುತ್ತಾ ಸಿನಿಮಾ ಪ್ರೇಮಿಗಳ ಚರ್ಚೆಗಳು ಚಾಲ್ತಿಯಲ್ಲಿವೆ. ಒಂದು ಕಡೆಯಿಂದ ಯಶ್ ಕೆಜಿಎಫ್ (kgf3) ಮೂರನೇ ಭಾಗಕ್ಕೆ ತಯಾರಿ ನಡೆಸುತ್ತಿದ್ದಾರೆಂಬ ಸುದ್ದಿ ಕೇಳಿ ಬರುತ್ತಲೇ, ಮತ್ತೊಂದು ಕಡೆಯಿಂದ ಇನ್ನು ಆ ಸರಣಿ ಸಾಕು ಎಂಬಂಥಾ ಮಾತುಗಳೂ ಕೇಳಿ ಬರುತ್ತಿವೆ. ಆದರೂ ಕೂಡಾ ರಾಕಿ ಭಾಯ್‍ಗೆ ಡಾರ್ಕ್ ಶೇಡಿನ ನಶೆ ಇಳಿದಂತೆ ಕಾಣಿಸುತ್ತಿಲ್ಲ. ಹಾಗಂತ, ಯಶ್‍ಗೆ ಬೇರೆ ಅವಕಾಶಗಳ ಕೊರತೆ ಇದೆ ಅಂತಲೂ ಅಲ್ಲ. ಹೊಸಾ ಸಿನಿಮಾದ ವಿಚಾರದಲ್ಲಿ ಅದೆಂಥಾದ್ದೇ ಜಗ್ಗಾಟ ನಡೆದರೂ ಯಶ್ ಮೇಲೆರುವ ಕ್ರೇಜ್ ಮಾತ್ರ ಒಂದಿನಿತೂ ಕಡಿಮೆಯಾಗಿಲ್ಲ!

ಒಂದು ಕಾಲದಲ್ಲಿ ಪರಭಾಷೆಗಳಲ್ಲಿ ಪ್ರಸಿದ್ಧಿ ಪಡೆದ ನಟಿಯರನ್ನು ಕನ್ನಡಕ್ಕೆ ಕರೆತರುವ ಸರ್ಕಸ್ಸುಗಳಾಗುತ್ತಿದ್ದವು. ಆದರೆ, ಅಂಥಾ ನಟಯರನ್ನು ಕರೆತರೋದು ಹೆಚ್ಚಿನ ಸಂದರ್ಭದಲ್ಲಿ ಕನಸಿನ ಮಾತಾಗುತ್ತಿತ್ತು. ಆದರೀಗ ಅದೇ ಪರಭಾಷಾ ಚಿತ್ರರಂಗದ ನಂಬರ್ ಒನ್ ನಟಿಯರೆಲ್ಲ ಯಶ್‍ಗೆ ನಾಯಕಿಯಾಗಿ ಕನ್ನಡಕ್ಕೆ ಪಾದಾರ್ಪಣೆ ಮಾಡಲು ಪೈಪೋಟಿಗೆ ಬಿದ್ದು ಕಾಯಲಾರಂಭಿಸಿದ್ದಾರೆ. ಇದು ಒಂದರ್ಥದಲ್ಲಿ ರಾಕಿ ಭಾಯ್ ಕಡೆಯಿಂದ ಕನ್ನಡ ಚಿತ್ರರಂಗಕ್ಕೆ ಸಿಕ್ಕ ಕೊಡುಗೆ ಎಂದರೂ ತಪ್ಪೇನಲ್ಲ. ಈ ಕ್ಷಣದಲ್ಲಿ ಹುಡುಕಿದರೂ ಯಶ್ ಜೊತೆ ತೆರೆ ಹಂಚಿಕೊಳ್ಳುವ ಕನಸು ಹೊಂದಿರುವ ಸ್ಟಾರ್ ನಟಿಯರು ದಂಡಿ ದಂಡಿಯಾಗಿ ಕಾಣ ಸಿಗುತ್ತಾರೆ. ಆ ಸಾಲಿನಲ್ಲಿ ಮುಂಚೂಣಿಯಲ್ಲಿರುವಾಕೆ ಬಾಲಿವುಡ್ ಮಟ್ಟದಲ್ಲಿ ಮಿಂಚುತ್ತಿರುವ ಮಂಗಳೂರಿನ ಹುಡುಗಿ ಪೂಜಾ ಹೆಗ್ಡೆ!

ಮಂಗಳೂರಿನ ಹುಡುಗಿ ಪೂಜಾ ತೆಲುಗು ಚಿತ್ರರಂಗದಲ್ಲಿ ಸ್ಟಾರ್‍ಗಿರಿ ಪಡೆದುಕೊಂಡಿರುವ ನಟಿ. ಎಲ್ಲರೂ ಅವಾಕ್ಕಾಗುವಂತೆ ತೆಲುಗು ಚಿತ್ರಪ್ರೇಮಿಗಳನ್ನು ಆವರಿಸಿಕೊಂಡಿರುವ ಪೂಜಾ, ಇದೀಗ ಬಾಲಿವುಡ್ಡಿನಲ್ಲಿಯೂ ಹವಾ ಶುರುವಿಟ್ಟುಕೊಂಡಿದ್ದಾಳೆ. ಇಂಥಾ ಪೂಜಾ ಸಂಣದರ್ಶನವೊಂದರಲ್ಲಿ ತನ್ನ ಮನದಾಸೆಯನ್ನು ಹಂಚಿಕೊಂಡಿದ್ದಾಳೆ. ರಾಕಿಂಗ್ ಸ್ಟಾರ್ ಯಶ್ ಈಗ ಲೆಜೆಂಡ್ ನಟ. ಅವರೊಂದಿಗೆ ನಾಯಕಿಯಾಗಿ ನಟಿಸಲು ಕಾತರದಿಂದಿದ್ದೇನೆ ಎಂಬುದು ಪೂಜಾ ಮಾತಿನ ಸಾರಾಂಶ. ಕನ್ನಡದ ನೆಲೆಯ ನಟನೊಬ್ಬನ ಬಗ್ಗೆ ಈ ಪರಿಯಾಗಿ ಕ್ರೇಜ್ ಹಬ್ಬಿಕೊಂಡಿರುವುದಿದೆಯಲ್ಲಾ? ಅದು ನಿಜಕ್ಕೂ ಕನ್ನಡಿಗರೆಲ್ಲರೂ ಹೆಮ್ಮೆ ಪಡುವಂಥಾ ಸಂಗತಿ ಅನ್ನೋದರಲ್ಲಿ ಯಾವ ಸಂದೇಹವೂ ಇಲ್ಲ!

The post pooja hegde: ರಾಕಿ ಬಾಯ್ ಬಗ್ಗೆ ಮಂಗಳೂರು ಹುಡುಗಿ ಹೇಳಿದ್ದೇನು? appeared first on ಶೋಧ ನ್ಯೂಸ್ - Shodha News.

ಕೆಲವೊಮ್ಮೆ ಒಂದರ ಹಿಂದೊಂದರಂತೆ ಸಮಸ್ಯೆಗಳ ಅಮರಿಕೊಂಡು ಮನುಷ್ಯನನ್ನು ಹೈರಾಣು ಮಾಡಿ ಹಾಕುತ್ತವೆ. ಅದಕ್ಕೆ ಪಕ್ಕಾದವರು ಸಾಮಾನ್ಯರಿರಲಿ; ಸೆಲೆಬ್ರಿಟಿಗಳೇ ಆಗಿದ್ದರೂ ಬದುಕು ಹಠಾತ್ತನೆ ಬೀಸಿದ ಏಟಿನಿಂದ ಅಕ್ಷರಶಃ ಜರ್ಝರಿತರಾಗಿ ಬಿಡುತ್ತಾರೆ. ಸದ್ಯಕ್ಕೆ ಅಂಥಾದ್ದೊಂದು ಸರಣಿ ಆಘಾತಗಳಿಗೀಡಾಗಿ, ಮೆಲ್ಲಗೆ ಚೇತರಿಸಿಕೊಳ್ಳುತ್ತಿರುವಾಕೆ ದಕ್ಷಿಣ ಭಾರತೀಯ ಚಿತ್ರರಂಗದ ಬಹುಬೇಡಿಕೆಯ ನಟ ಸಮಂತಾ. ಅತ್ತ ಸಮಂತಾಳ ಖಾಸಗೀ ಬದುಕಿನಲ್ಲಿ ಬಿರುಗಾಳಿ ಬೀಸಿತ್ತು. ಅದರ ಮುಂದೆ ಗಂಡನೆಂಬ ಗಾಢ ಸಬಂಧವೇ ತರಗೆಲೆಯಂತೆ ದೂರ ಸರಿದಿತ್ತು. ಹಾಗೆ ಏಕಾಂಗಿಯಾಗಿ ನಿಂತ ಘಳಿಗೆಯಲ್ಲಿಯೇ ಸಮಂತಾಳನ್ನು ಮಯೋಸೈಸಿಟ್ ಎಂಬ ವಿಚಿತ್ರ ಖಾಯಿಲೆಯೊಂದು ಆವರಿಸಿಕೊಂಡಿತ್ತು. ಆ ಎಲ್ಲ ಯಾತನೆಗಳಿಂದ ಬಸವಳಿದು, ಮೆತ್ತಗೆ ಮೇಲೆದ್ದು ನಿಂತಿರುವ ಸಮಂತಾ ಈಗ, ಶಾಕುಂತಲೆಯಾಗಿ ಅಭಿಮಾನಿಗಳನ್ನು ಮುಖಾಮುಖಿಯಾಗುವ ಸಂಭ್ರಮದಲ್ಲಿದ್ದಾಳೆ!

ಸಮಂತಾ ಶಾಕುಂತಲಂ ಎಂಬೊಂದು ಚಿತ್ರದಲ್ಲಿ ನಟಿಸುತ್ತಿರುವ ಬಗ್ಗೆ ವರ್ಷಗಳ ಹಿಂದೆಯೇ ಸುದ್ದಿಯಾಗಿತ್ತು. ಅದೊಂದು ಪೌರಾಣಿಕ ಚಿತ್ರ. ಅದರಲ್ಲಿ ರಾಜಕುಮಾರಿಯಾಗಿ ಸಮಂತಾ ಮಿಂಚಿದ್ದಳು. ಆ ಸಿನಿಮಾದಲ್ಲಿನ ಕೆಲ ಮುದ್ದಾಗಿರೋ ಫೋಸ್ಟರ್, ಫಸ್ಟ್ ಲುಕ್ಕಿನ ಮೂಲಕ ಸಮಂತಾ ಕಂಗೊಳಿಸಿದ್ದಳು. ಯಾವಾ ಈ ಸಿನಿಮಾ ಚಿತ್ರೀಕರಣ ಆರಂಭವಾಗಿತ್ತೋ, ಆ ಹೊತ್ತಿನಲ್ಲಿಯೇ ಈಕೆಯ ಸಾಂಸಾರಿಕ ಬದುಕಿನಲ್ಲಿ ಅಪಸ್ವರಗಳುನ ಏಳಲಾರಂಭಿಸಿದ್ದವು. ಅದೊಂದು ತಾರ್ಕಿಕ ಅಂತ್ಯ ತಲುಪೋ ಹೊತ್ತಿಗೆಲ್ಲ ಶಾಕುಂತಲಂ ಚಿತ್ರ ಹೈರಾಣಾಗಿತ್ತು. ಯಾಕೆಂದರೆ, ಅಂಥಾ ಅಸಂದಿಗ್ಧ ಸ್ಥಿತಿಯಲ್ಲಿ ಕ್ಯಾಮೆರಾ ಎದುರಿಸಲಾಗದೆ ಸಮಂತಾ ದೂರ ಉಳಿದು ಬಿಟ್ಟಿದ್ದಳು.

ನಾಗಚೈತನ್ಯನಿಂದ ಸಮಂತಾ ದೂರಾದ ಬಳಿಕ ಪರಿಸ್ಥಿತಿ ಒಂದಷ್ಟು ತಿಳಿಯಾದಂತಿತ್ತು. ಸಮಂತಾ ಕೂಡಾ ಎಲ್ಲ ಮನೋ ವ್ಯಾಕುಲಗಳಿಂದ ಕಳಚಿಕೊಂಡು, ಮತ್ತೆ ಶಾಕುಂತಲೆಯಾಗಿ ಹೊಸಾ ಬದುಕು ಆರಂಭಿಸುವ ಉತ್ಸಾಹದಿಂದಿದ್ದಳು. ಆ ಹೊತ್ತಿನಲ್ಲಿಯೇ ಆಕೆಗೆ ಮಯೋಸೈಟಿಸ್ ಎಂಬ ಕಾಯಿಲೆ ಆವರಿಸಿಕೊಂಡಿತ್ತು. ಕೊಂಚ ಯಾಮಾರಿದರೂ ಜೀವವನ್ನೇ ಕಳೆದುಕೊಳ್ಳುವ ಅಪಾಯವನ್ನೀಗ ಆಕೆ ದಾಟಿಕೊಂಡಿದ್ದಾಳೆ. ಆ ಕಾಯಿಲೆ ಕೊಚ ತಹಬಂಧಿಗೆ ಬಂಇದೆ. ಸಮಂತಾ ಇದೀಗ ಮತ್ತೆ ಉಳಿಕೆ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾಳೆ. ಇದು ಚಿತ್ರತಂಡವನ್ನು ಖುಷಿಯಾಗಿಸಿದೆ. ಇನ್ನೇನು ಸಮಂತಾಳನ್ನು ಶಾಕುಂತಲೆಯಾಗಿ ನೋಡೋ ಕ್ಷಣಗಳು ಹತ್ತಿರದಲ್ಲಿವೆ!

The post ಎಲ್ಲ ವ್ಯಾಕುಲವೂ ಮಂಕಾಗುವಂಥಾ ಗೆಲುವು ಸಿಗಬಹುದಾ? appeared first on ಶೋಧ ನ್ಯೂಸ್ - Shodha News.

ಕೆಲ ಮಂದಿಗೆ ಅದ್ಯಾತರ ತೆವಲುಗಳು ಮೆತ್ತಿಕೊಂಡಿರುತ್ತವೋ ಗೊತ್ತಿಲ್ಲ; ಒಂದಾದ ಮೇಲೊಂದರಂತೆ ಸಂಬಂಧಗಳಿಗಾಗಿ ಕೈ ಚಾಚುತ್ತಾರೆ. ತಮ್ಮ ವಿಕೃತಿಗಳ ಮೂಲಕವೇ ಹತ್ತಿರದ ಬಂಧಗಳನ್ನು ಎಡಗಾಲಿನಲ್ಲಿ ಒದ್ದು ದೂರ ಸರಿಸುತ್ತಾರೆ. ತೆಲುಗು ಚಿತ್ರರಂಗದ ತುಂಬಾ ಚೂಲು ಆಸಾಮಿಯೆಂದೇ ಜನಜನಿತವಾಗಿರುವಾತ ನರೇಶ್ ಮೇಲ್ಕಂಡ ಕಾಯಿಲೆಯ ಬ್ರಾಂಡ್ ಅಂಬಾಸಡರ್ ಇದ್ದಂತೆ. ಕೈ ತುಂಬಾ ಕಾಸು, ಮೈತುಂಬಾ ಖಯಾಲಿಗಳನ್ನು ಅಂಟಿಸಿಕೊಂಡಿರುವ ಈ ಆಸಾಮಿಗೆ ಕನ್ನಡದ ನಟಿ ಪವಿತ್ರಾ ಅದೇಕೆ ಆಕರ್ಷಿತರಾದರೋ ಭಗವಂತನೇ ಬಲ್ಲ. ಈ ಸಂಬಂಧದ ವಿಚಾರವಾಗಿ ಹಾದಿರಂಪ ಬೀದಿರಂಪವಾಗಿ, ಕಡೆಗೂ ಇದೀಗ ನರೇಶ್ ಮತ್ತು ಪವಿತ್ರಾ ಕಲ್ಯಾಣ ಸುಸೂತ್ರವಾಗಿ ನೆರವೇರಿದೆ!

ಇಂದು ನರೇಶ್ ತನ್ನ ಟ್ವಿಟ್ಟರ್ ಅಕೌಂಟಿನ ಮೂಲಕ ಮದುವೆಯ ಮಾಹಿತಿಯನ್ನು ಬಿಚ್ಚಿಟ್ಟಿದ್ದಾನೆ. ಮದುವೆ ವೀಡಿಯೋವನ್ನು ಹಂಚಿಕೊಂಡಿರುವ ನರೇಶ್ ಆಶೀರ್ವದಿಸುವಂತೆ ಕೇಳಿಕೊಂಡಿದ್ದಾನೆ. ಈ ಮೂಲಕ ಸಾಕಷ್ಟು ಸಮಯಗಳಿಂದ ರಂಪ ರಾಮಾಯಣಗಳಿಗೆ ಕಾರಣವಾಗಿದ್ದ, ಎರಡು ಕುಟುಂಬಗಳ ನಂಬಿಕೆಗೆ ಎರವಾಗಿದ್ದ ಈ ಪ್ರಕರಣ ನಿರ್ಣಾಯಕ ಘಟ್ಟ ತಲುಪಿಕೊಂಡಂತಾಗಿದೆ. ಕುಹಕಗಳು, ಮೂದಲಿಕೆಗಳು ಏನೇ ಇದ್ದರೂ, ಆರಂಭದಲ್ಲಿಯೇ ಈ ಜೋಡಿ ಇಂಥಾದ್ದೊಂದು ನಿರ್ಧಾರಕ್ಕೆ ಬಂದಿದ್ದರೆ ಈ ಪರಿಯಾಗಿ ಮಾನ ಮರ್ಯಾದೆ ಹರಾಜಾಗುತ್ತಿರಲಿಲ್ಲ ಎಂಬಂಥಾ ಅಭಿಪ್ರಾಯಗಳೂ ವ್ಯಾಪಕವಾಗಿ ಕೇಳಿ ಬರುತ್ತಿವೆ.

ನರೇಶ್ ಮತ್ತು ಪವಿತ್ರಾ ನಡುವಿನ ಅಫೇರಿನ ವಿಚಾರ ಕಳೆದ ವರ್ಷ ಜಾಹೀರಾಗಿತ್ತು. ಒಟ್ಟೊಟ್ಟಿಗೆ ಹಲವಾರು ಸಮಾರಂಭಗಳಲ್ಲಿ ಕಾಣಿಸಿಕೊಂಡಿದ್ದ ಈ ಜೋಡಿ ಮಾಧ್ಯಮಗಳ ಸುದ್ದಿಗಳಿಗೂ ಆಹಾರವಾಗಿತ್ತು. ಕಡೆಗೆ ಮೈಸೂರಿನ ಲಾಡ್ಜೊಂದರಲ್ಲಿ ಈ ಜೋಡಿ ಬೀಡು ಬಿಟ್ಟಿರುವಾಗಲೇ, ನರೇಶನ ಹೆಂಡತಿ ಆಗಮಿಸಿದಾಗ ಈ ಪ್ರಕರಣ ಹಾದಿ ರಂಪದ ಸ್ಥಿತಿ ತಲುಪಿಕೊಂಡಿತ್ತು. ಇದೆಲ್ಲದರಾಚೆಗೂ ಒಟ್ಟಾಗಿದ್ದ ಈ ಜೋಡಿ, ಈ ವರ್ಷದ ಆರಂಭದಲ್ಲಿ ಲಿಪ್‍ಲಾಕ್ ಫೋಟೋ ಹಂಚಿಕೊಳ್ಳುವ ಮೂಲಕ ಪರ್ಮನೆಂಟಾಗಿ ಒಂದಾಗುವ ಸೂಚನೆ ನೀಡಿತ್ತು. ಕಡೆಗೂ ನರೇಶ್ ಮತ್ತು ಪವಿತ್ರಾ ಸಂಬಂಧ ಮದುವೆಯ ಮೂಲಕ ನಿರ್ಣಾಯಕ ಘಟ್ಟ ತಲುಪಿಕೊಂಡಿದೆ!

The post ನರೇಶ್‍ಗೆ 4 ಮತ್ತು ಪವಿತ್ರಾಗೆ 3ನೇ ಅನುಭವ! appeared first on ಶೋಧ ನ್ಯೂಸ್ - Shodha News.

ಡಾಲಿ ಧನಂಜಯ್ ನಾಯಕನಾಗಿ ನಟಿಸಿರುವ `ಹೊಯ್ಸಳ’ ಚಿತ್ರ ನಾನಾ ವಿಧಗಳಲ್ಲಿ ಆರಂಭದಿಂದಲೂ ಸುದ್ದಿ ಮಾಡುತ್ತಿದೆ. ಅಷ್ಟಕ್ಕೂ ಹೊಯ್ಸಳ ಎಂಬ ಶೀರ್ಷಿಕೆಯಲ್ಲಿಯೇ ಒಂದು ತೆರನಾದ ಖದರ್ ಇದೆ. ಅದಕ್ಕೆ ತಕ್ಕುದಾದಂಥಾ ಪಾತ್ರದಲ್ಲಿ ಡಾಲಿ ಕಾಣಿಸಿಕೊಂಡಿರುವ ವಿಚಾರ ಈಗಾಗಲೇ ಟ್ರೈಲರ್ ಮೂಲಕ ಜಾಹೀರಾಗಿದೆ. ಯಾವ ನಟರ ಪಾಲಿಗಾದರೂ ಇಪ್ಪತೈದನೇ ಚಿತ್ರವೆಂಬುದು ಮಹತ್ವದ ಘಟ್ಟ. ಹೊಯ್ಸಳ ಮೂಲಕ ಡಾಲಿ ಧನಂಜಯ್ ಆ ಹಂತ ತಲುಪಿಕೊಂಡಿರುತ್ತಾರೆ. ಇಪ್ಪತೈದನೇ ಚಿತ್ರವೆಂದ ಮೇಲೆ ಒಂದಷ್ಟು ವಿಶೇಷತೆಗಳಿರಲೇಬೇಕೆಂದು ಪ್ರೇಕ್ಷಕರು ನಿರೀಕ್ಷಿಸುತ್ತಾರಲ್ಲಾ? ಅದನ್ನೆಲ್ಲ ಗಮನದಲ್ಲಿಟ್ಟುಕೊಂಡೇ ನಿರ್ದೇಶಕರು ಈ ಸಿನಿಮಾವನ್ನು ಪೊರೆದಿದ್ದಾರೆ. ಇದೀಗ ಹೊಯ್ಸಳ ಚಿತ್ರದ ಭಾವಪರವಶಗೊಳಿಸುವ ಹಾಡೊಂದು ಬಿಡುಗಡೆಗೊಂಡಿದೆ!

ಹೊಯ್ಸಳ ವಿಜಯ್ ಎನ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಚಿತ್ರ. ಆಕ್ಷನ್, ರೊಮ್ಯಾನ್ಸ್ ಸೇರಿದಂತೆ ಎಲ್ಲ ಗುಣಲಕ್ಷಣಗಳನ್ನು ಬೆರೆಸಿಯೇ ಅವರು ಈ ಸಿನಿಮಾವನ್ನು ರೂಪಿಸಿದ್ದಾರೆ. ಇದೀಗ ಹೊರ ಬಂದಿರುವ ಹಾಡನ್ನು ನೋಡಿದವರಂತೂ ಹೊಯ್ಸಳನ ಮೇಲೆ ಮತ್ತಷ್ಟು ಆಕರ್ಷಿತರಾಗಿದ್ದಾರೆ. `ಅರೇ ಇದು ಎಂಥ ಭಾವನೆ, ಬರೀ ಸುಡುವಂಥ ಕಾಮನೆ’ ಎಂಬ ಈ ಹಾಡನ್ನು ಯೋಗರಾಜ್ ಭಟ್ ಬರೆದಿದ್ದಾರೆ. ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜನೆಯಲ್ಲಿ ಅದನ್ನು ಹರಿಚರಣ್ ಹಾಡಿದ್ದಾರೆ. ಬಹುಶಃ ಈ ವರ್ಷದ ಮೆಲೋಡಿಯಸ್ ಹಾಡಾಗಿ, ಖಂಡಿತವಾಗಿಯೂ ಇದು ದಾಖಲಾಗುತ್ತದೆ.

ವಿಶೇಷವಾಗಿ, ಈ ಹಾಡು ಭಾವನಾತ್ಮಕವಾಗಿದೆ. ಇತ್ತೀಚಿನ ದಿನಗಳಲ್ಲಿ ಬೇರೆ ಬೇರೆ ವೆರೈಟಿ ಸಾಂಗುಗಳ ಭರಾಟೆಯಲ್ಲಿ ತಂಗಾಳಿ ತೀಡಿದಂಥಾ ಮೆಲೋಡಿಯಸ್ ಹಾಡುಗಳನ್ನು ಪ್ರೇಕ್ಷಕರು ಕಳೆದುಕೊಂಡಂತಿದ್ದರು. ಅಂಥಾದ್ದೊಂದು ಹಾಡಿನ ಧ್ಯಾನದಲ್ಲಿರುವವರೆಲ್ಲ ಅಕ್ಷರಶಃ ಖುಷಿಗೊಳ್ಳುವಂತೆ ಈ ಹಾಡು ಮೂಡಿ ಬಂದಿದೆ. ಅದರಲ್ಲಿಯೂ ಭೋಳೇ ಶೈಲಿಯ ಹಾಡುಗಳಿಗೆ ಹೆಚ್ಚು ಪ್ರಸಿದ್ಧಿ ಪಡೆದುಕೊಂಡಿರುವ ಭಟ್ಟರು ಮತ್ತೆ ಟ್ರ್ಯಾಕಿಗೆ ಮರಳಿದ್ದಾರೆ. ಭಾವನಾತ್ಮಕ ಸಾಲುಗಳ ಮೂಲಕ ಕೇಳುಗರೆಲ್ಲರ ಮನಸೋಕಿದ್ದಾರೆ. ಈ ಹಾಡಿನಲ್ಲಿ ಡಾಲಿ ದಂನಂಜಯ್ ಮತ್ತು ಅಮೃತಾ ಅಯ್ಯಂಗಾರ್ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನೇನು ತೆರೆಗಾಣುವ ಸನ್ನಾಹದಲ್ಲಿರುವ ಹೊಯ್ಸಳನಿಗೆ ಈ ಹಾಡು ಮತ್ತಷ್ಟು ಆವೇಗ ತಂದುಕೊಟ್ಟಿರೋದಂತೂ ಸತ್ಯ!

The post ಮೆಲೋಡಿಯತ್ತ ಮರಳಿ ಮರುಳಾಗಿಸಿದರು ಯೋಗರಾಜ ಭಟ್! appeared first on ಶೋಧ ನ್ಯೂಸ್ - Shodha News.

ಕನ್ನಡವೂ ಸೇರಿದಂತೆ ನಾನಾ ಭಾಷೆಗಳಲ್ಲಿ ಬಾಲ ನಟಿಯರಾಗಿ ನಟಿಸಿದ್ದವರನೇಕರು ದೊಡ್ಡ ಮಟ್ಟದಲ್ಲಿ ಹೆಸರು ಮಾಡಿದ್ದಾರೆ. ಮತ್ತೆ ಕೆಲವರು ಪತ್ತೆಯೇ ಇಲ್ಲದಂತೆ ಎಲ್ಲೆಲ್ಲೋ ಕಳೆದು ಹೋಗಿದ್ದಾರೆ. ಹಾಗೆ ಬಾಲ ನಟಿಯಾಗಿ ಎಂಟ್ರಿ ಕೊಟ್ಟು, ಚಾಲ್ತಿಯಲ್ಲಿರುವವರ ಪೈಕಿ ತಮಿಳಿನಲ್ಲಿ ಒಂದಷ್ಟು ಪ್ರಸಿದ್ಧಿ ಪಡೆದುಕೊಂಡಿರುವ ಅನಿಕಾ ಸುರೇಂದ್ರನ್ ಕೂಡಾ ಸೇರಿಕೊಳ್ಳುತ್ತಾಳೆ. ಬಹುಶಃ ಅನಿಕಾ ಸುರೇಂದ್ರನ್ ಅಂದರೆ ಬೇರೆ ಭಾಷೆಯ ಮಂದಿಗೆ ಗುರುತು ಹತ್ತುವುದು ತುಸು ಕಷ್ಟವೇನೋ… ಆದರೆ, ಅಜಿತ್ ನಟನೆಯ ವಿಶ್ವಾಸಂ ಚಿತ್ರದಲ್ಲಿ ಅವರ ಮಗಳಾಗಿ ನಟಿಸಿದ್ದ ಪುಟ್ಟ ಹುಡುಗಿ ಅಂದರೆ ಎಲ್ಲರಿಗೂ ಗುರುತು ಹತ್ತೀತು!

ಈ ಹುಡುಗಿಯ ಬಗ್ಗೆ ಈಗ ಪ್ರಸ್ತಾಪಿಸುತ್ತಿರೋದಕ್ಕೂ ಕಾರಣವಿದೆ. ಅನಿಕಾ ಸುರೇಂದ್ರನ್ ಈಗ ದೊಡ್ಡವಳಾಗಿದ್ದಾಳೆ. ಸಿನಿಮಾ ನಾಯಕಿಯಾಗುವ ಮಟ್ಟಕ್ಕೆ ಬೆಳೆದು ನಿಂತಿದ್ದಾಳೆ. ಓ ಮೈ ಡಾರ್ಲಿಂಗ್ ಎಂಬ ಪ್ರೇಮ ಕಥೆಯಾಧಾರಿತ ತೆಲುಗು ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾಳೆ. ಈ ಮೊದಲ ಚಿತ್ರದಲ್ಲಿಯೇ ಮೈ ಚಳಿ ಬಿಟ್ಟು ಕಿಸ್ಸಿಂಗ್ ಸೀನ್‍ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ದೊಡ್ಡ ಮಟ್ಟದಲ್ಲಿಯೇ ಸುದ್ದಿಯಾಗಿದ್ದಾಳೆ. ಈ ಕಿಸ್ಸಿಂಗ್ ಸೀನ್ ಬಗ್ಗೆ ಪಕ್ಕಾ ಬೋಲ್ಡ್ ಆಗಿ ಮಾತಾಡುವ ಮೂಲಕ ಎಲ್ಲರಲ್ಲಿಯೂ ಅಚ್ಚರಿ ಮೂಡಿಸಿದ್ದಾಳೆ!

ಭಾಸ್ಕರ್ ದಿ ರಾಸ್ಕಲ್ ಚಿತ್ರದಲ್ಲಿ ನಯನತಾರಾ ಮಗಳಾಗಿಯೂ ನಟಿಸಿದ್ದ ಅನಿಕಾ ಪ್ರತಿಭಾವಂತ ಕಲಾವಿದೆ. ಈವರೆಗೂ ಬಾಲ ನಟಿಯಾಗಿ ನಿರ್ವಹಿಸಿರುವ ಪಾತ್ರಗಳ ಮೂಲಕವೇ ಅದು ಸಾಬೀತಾಗಿದೆ. ಇಂಥಾ ಹುಡುಗಿ ಒಂದು ಸಿನಿಮಾ ನಾಯಕಿಯಾಗುತ್ತಾಳೆಂದರೆ ಯಾರಿಗಾದರೂ ಆ ಬಗ್ಗೆ ಕುತೂಹಲ ಮೂಡಿಕೊಳ್ಳುತ್ತದೆ. ಈ ಸಿನಿಮಾ ವಿಚಾರದಲ್ಲಿ ಹೇಳೋದಾದರೆ, ಕಥೆಯಲ್ಲಿಯೇ ರೊಮ್ಯಾಂಟಿಕ್ ಟಚ್ ಇದೆಯಂತೆ. ಅದರಲ್ಲಿರುವ ಕಿಸ್ಸಿಂಗ್ ಸೀನ್ ಬಗ್ಗೆ ಮೊದಲು ನಿರ್ದೇಶಕರು ಹೇಳಿದಾಗಲೂ ಆಕೆಗೆ ಏನೂ ಅನ್ನಿಸಿರಲಿಲ್ಲವಂತೆ. ಚಿತ್ರೀಕರಣದಲ್ಲಿಯೂ ಬಿಡುಬೀಸಾಗಿ ನಟಿಸಿದ್ದ ಆಕೆಗೆ ಅದೊಂದು ಪಾತ್ರವಷ್ಟೇ. ಆದ್ದರಿಂದ ಅಂಥಾ ಸೀನುಗಳ ಬಗ್ಗೆ ವಿಶೇಷವಾಗಿ ಏನೂ ಅನ್ನಿಸಲು ಸಾಧ್ಯವಿಲ್ಲ ಅಂದಿದ್ದಾಳೆ ಅನಿಕಾ!

The post ಓ ಮೈ ಡಾರ್ಲಿಂಗ್ ಅಂದವಳದ್ದು ಪಕ್ಕಾ ಬೋಲ್ಡ್ ಕ್ಯಾರೆಕ್ಟರ್! appeared first on ಶೋಧ ನ್ಯೂಸ್ - Shodha News.

ಕೊರೋನಾ ಮಾರಿ ವಕ್ಕರಿಸಿಕೊಂಡ ನಂತರದಲ್ಲಿ ಅದೇಕೋ ಸಾವೆಂಬುದು ಮತ್ತಷ್ಟು ಸಲೀಸಾದಂತಿದೆ. ಸಣ್ಣಪುಟ್ಟ ಖಾಯಿಲೆ ಕಸಾಲೆಗಳೂ ಭೀಕರ ಸ್ವರೂಪ ಪಡೆದು ಜೀವ ಬಲಿ ಪಡೆಯುತ್ತಿವೆ. ನಲವತ್ತರಾಚೆ ಹೊಂಚಿ ಕೂರುತ್ತಿದ್ದ ಸಾವೆಂಬುದೀಗ ಮೂವತ್ತರ ಆಸುಪಾಸಿನಲ್ಲೇ ಗಸ್ತು ಹೊಡೆಯಲು ಶುರುವಿಟ್ಟಿದೆ. ತೀರಾ ಸಣ್ಣ ವಯಸ್ಸಿನಲ್ಲಿಯೇ ಹೃದಯಾಘಾತದಿಂದ ಅಸುನೀಗಿದ ಪುನೀತ್ ಅಗಲಿಕೆ ಜೀವ ಹಿಂಡುತ್ತಿರುವಾಗಲೇ, ಅದನ್ನು ಹೋಲುವ ಮತ್ತೊಂದಷ್ಟು ಸಾವುಗಳು ಸಂಭವಿಸುತ್ತಿವೆ. ಇದೀಗ ಆ ಸೂತಕದ ಛಾಯೆ ಮಲೆಯಾಳಂ ಚಿತ್ರರಂಗಕ್ಕೆ ಕವುಚಿಕೊಂಡಿದೆ!

ಕಳೆದ ಒಂದಷ್ಟು ವರ್ಷಗಳಿಂದ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದುಕೊಂಡು, ಇದೀಗ ತಾನೇ ಸ್ವತಂತ್ರ ನಿರ್ದೇಶಕರಾಗಿದ್ದವರು ಜೋಸೆಫ್ ಮನು. ಪಾದರಸದಂತಿದ್ದ ಮೂವತ್ತೊಂದರ ಪ್ರಾಯದ ಜೋಸೆಫ್ ಅನಾರೋಗ್ಯದಿಂದ ನಿಧನರಾಗಿದ್ದಾರೆ. ಸಾಕಷ್ಟು ಭರವಸೆ ಮೂಡಿಸಿದ್ದ ಈ ಯುವ ನಟನ ಅಕಾಲಿಕ ನಿರ್ಗಮನದಿಂದ ಮಾಲಿವುಡ್‍ಗೆ ಮಂಕು ಕವಿದಂತಾಗಿದೆ. ಅಷ್ಟಕ್ಕೂ ಜೋಸೆಫ್‍ರದ್ದು ಸಾಯುವ ವಯಸ್ಸೇನಲ್ಲ. ಆದರೆ ನ್ಯುಮೋನಿಯಾ ಸಮಸ್ಯೆ ಎಂಬುದು ಆತನನ್ನು ಹೈರಾಣು ಮಾಡಿತ್ತು. ಮೊನ್ನೆದಿನ ಜೋಸೆಫ್ ಆಸ್ಪತ್ರೆ ಪಾಲಾಗಿ ಪರಿಸ್ಥಿತಿ ಬಿಗಡಾಯಿಸಿದ್ದರೂ ಕೂಡಾ ಇಂಥಾ ದುರ್ವಾರ್ತೆಯನ್ನು ಯಾರೊಬ್ಬರೂ ನಿರೀಕ್ಷಿಸಿರಲಿಲ್ಲ.

ಆದರೆ, ಎಲ್ಲ ಹರಕೆ ಹಾರೈಕೆಗಳನ್ನೂ ಮೀರಿ ಜೋಸೆಫ್ ಮನು ಎದ್ದು ನಡೆದಿದ್ದಾರೆ. ಈ ಮೂಲಕ ಕೇರಳ ಚಿತ್ರರಂಗ ಈಗ ತಾನೇ ಚಿಗುರುತ್ತಿದ್ದ ಪ್ರತಿಭಾವಂತ ನಿರ್ದೇಶಕನನ್ನು ಕಳೆದುಕೊಂಡಂತಾಗಿದೆ. ಈಗೊಂದಷ್ಟು ವರ್ಷಗಳಿಂದ ಘಟಾನುಘಟಿ ನಿರ್ದೇಶಕರ ಗರಡಿಯಲ್ಲಿ ಕಾರ್ಯ ನಿರ್ವಹಿಸುತ್ತಾ ಅನುಭವ ಪಡೆದುಕೊಂಡಿದ್ದವರು ಜೋಸೆಫ್. ಇಂಥಾ ಅನುಭವ ಪಡೆದುಕೊಂಡ ನಂತರ ಕಳೆದ ವರ್ಷವಷ್ಟೇ `ನ್ಯಾನ್ಸಿ ರಾಣಿ’ ಅಂತೊಂದು ಸಿನಿಮಾವನ್ನ ನಿರ್ದೇಶನ ಮಾಡಿದ್ದರು. ಆ ಚಿತ್ರದಲ್ಲಿ ಅರ್ಜುನ್ ಅಶೋಕನ್ ಮತ್ತು ಅಹನಾ ಕೃಷ್ಣ ನಾಯಕ ನಾಯಕಿಯರಾಗಿ ನಟಿಸಿದ್ದರು. ಇನ್ನೇನು ಆ ಚಿತ್ರ ತೆರೆಗಾಣುವ ಸನ್ನಾಹದಲ್ಲಿತ್ತು. ದುರಂತವೆಂದರೆ, ತನ್ನ ಮೊದಲ ಕನಸು ಪ್ರೇಕ್ಷಕರೆದುರು ಕಣ್ತೆರೆಯೋ ಮುನ್ನವೇ ಜೋಸೆಫ್ ಶಾಶ್ವತವಾಗಿ ಕಣ್ಮುಚ್ಚಿದ್ದಾರೆ.

The post ಮಲೆಯಾಳಂ ಚಿತ್ರರಂಗಕ್ಕೆ ಅನಿರೀಕ್ಷಿತ ಸೂತಕ! appeared first on ಶೋಧ ನ್ಯೂಸ್ - Shodha News.

ಸಿಕ್ಕ ಪಬ್ಲಿಸಿಟಿ, ಯಶಸ್ಸುಗಳನ್ನು ಮೆರೆದಾಟದ ಅಸ್ತ್ರವಾಗಿಸಿಕೊಂಡ ಅನೇಕರು ನಾನಾ ಚಿತ್ರರಂಗದಲ್ಲಿ ಯಥೇಚ್ಛವಾಗಿಯೇ ಕಾಣ ಸಿಗುತ್ತಾರೆ. ಅಂಥವರೆಲ್ಲ ಹೇಳ ಹೆಸರಿಲ್ಲದಂತೆ ನೇಪಥ್ಯಕ್ಕೆ ಸರಿದಿದ್ದಾರೆ. ಆದರೆ, ಹಿಡಿತ ತಪ್ಪಿದ ಬದುಕು, ತನ್ನನ್ನೇ ಅಪಾದಮಸ್ತಕ ನುಂಗಿದಂತಿದ್ದ ನಾನಾ ಚಟಗಳು ಮತ್ತು ಅವುಗಳ ಫಲವಾಗಿಯೇ ಸಿಕ್ಕ ಜೈಲು ವಾಸ… ಇಂಥಾ ನಾನಾ ಪೆಟ್ಟುಗಳನ್ನು ಬದಲಾವಣೆಯ ಮೆಟ್ಟಿಲಾಗಿಸಿಕೊಂಡು, ಓರ್ವ ನಟನಾಗಿ ಮರುಹುಟ್ಟು ಪಡೆದುಕೊಂಡಿರುವಾತ ಸಂಜಯ್ ದತ್. ಸದ್ಯಕ್ಕೆ ವಿಲನ್ ಅವತಾರವೆತ್ತಿರೋ ಸಂಜು ಬಾಬಾಗೆ ಕನ್ನಡವೂ ಸೇರಿದಂತೆ ನಾನಾ ಭಾಷೆಗಳಲ್ಲಿ ಬೇಡಿಕೆ ತೀವ್ರಗೊಂಡಿದೆ.

ಅದಾಗಲೇ ಸಂಜುಬಾಬಾ ಯಾವ ಭಾಷೆಗಳಲ್ಲಿ ನಟಿಸಿದ್ದರೋ ಗೊತ್ತಿಲ್ಲ; ಆದರೆ ಕನ್ನಡದ ಕೆಜಿಎಫ್‍ನಲ್ಲಿ ಅಧೀರನ ಪಾತ್ರ ನಿರ್ವಹಿಸಿದರು ನೋಡಿ? ಆತನ ಖದರ್ ಮತ್ತಷ್ಟು ಫಳಗುಟ್ಟಲಾರಂಭಿಸಿದೆ. ವಿಶೇಷವೆಂದರೆ ಸಂಜಯ್ ದತ್‍ಗೆ ದಕ್ಷಿಣ ಭಾರತೀಯ ಚಿತ್ರರಂಗದಿಂದಲೇ ಹೆಚ್ಚೆಚ್ಚು ಆಫರ್‍ಗಳು ಬರುತ್ತಿವೆ. ಅವೆಲ್ಲವೂ ಕೂಡಾ ವಿಲನ್‍ಗಿರಿಯ ಪಾತ್ರಗಳೇ. ಈ ಸೆಕೆಂಡ್ ಹಾಫ್‍ನಲ್ಲಿ ನಾಯಕನಾಗಿ ನಟಿಸಿ, ತಕ್ಕ ಪಾತ್ರ ಸಿಗದೆ ನಗೆಪಾಟಲಿಗೀಡಾಗೋದಕ್ಕಿಂತ, ವಿಲನ್ ಪಾತ್ರಗಳನ್ನು ಮಾಡಿ ಮನಸಲ್ಲುಳಿಯೋದೇ ವಾಸಿ ಎಂಬ ತೀರ್ಮಾನಕ್ಕೆ ಸಂಜಯ್ ಬಂದಂತಿದೆ.

ಸದ್ಯದ ಮಟ್ಟಿಗೆ ವಿಲನ್ ಪಾತ್ರಗಳಲ್ಲಿಯೂ ವಿಶಿಷ್ಟವಾಗಿರುವ, ಚಾಲೆಂಜಿಂಗ್ ಅನಿಸುವ ಪಾತ್ರಗಳೇ ಸಂಜಯ್‍ರನ್ನು ಅರಸಿ ಬರಲಾರಂಭಿಸಿವೆ. ಈಗಾಗಲೇ ಮೂರು ಅವತರಣಿಕೆಯಲ್ಲಿ ಬಂದು ಯಶ ಕಂಡಿರುವ ಹೇರಾಫೇರಿ ಚಿತ್ರದ ನಾಲ್ಕನೇ ಆವೃತ್ತಿಯಲ್ಲಿ ಸಂಜಯ್ ದತ್ ವಿಲನ್ ಆಗಲು ಸಹಿ ಮಾಡಿದ ಸುದ್ದಿಯೊಂದು ಹೊರ ಬಿದ್ದಿದೆ. ಆ ಪಾತ್ರ ನಿಜಕ್ಕೂ ವಿಶೇಷವಾಗಿದೆಯಂತೆ. ಇನ್ನುಳಿದಂತೆ ಕೆಜಿಎಫ್ ನಂತರದಲ್ಲಿ ಕೇಡಿ ಚಿತ್ರದ ಮೂಲಕ ಸಂಜಯ್ ದತ್ ಮತ್ತೆ ವಿಲನ್ ಆಗಿ ಕನ್ನಡಕ್ಕೆ ಮರಳಲಿದ್ದಾರೆ. ನಿರ್ದೇಶಕ ಪ್ರೇಮ್ ಸಂಜುಬಾಬಾಗಾಗಿಯೇ ಚೆಂದದ್ದೊಂದು ಪಾತ್ರ ಸೃಷ್ಟಿಸಿದ್ದಾರಂತೆ. ಅಂತೂ ಸಂಜಯ್ ದತ್ ಇದೀಗ ವಿಲನ್‍ಗಿರಿಯ ಮೂಲಕ ಅಡಿಗಡಿಗೆ ಪ್ರೇಕ್ಷಕರನ್ನು ಮುಖಾಮುಖಿಯಾಗುತ್ತಿದ್ದಾರೆ!

The post ಬಾಲಿವುಡ್ಡಿಂದ ಸೌತ್‍ವರೆಗೂ ವಿಲನ್‍ಗಿರಿ! appeared first on ಶೋಧ ನ್ಯೂಸ್ - Shodha News.

ವರ್ಷಗಳ ಹಿಂದೆ ಭಾರತೀಯ ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಅಂತೊಂದು ಅಭಿಯಾನ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಅದು ಹಾಲಿವುಡ್ಡಿನಿಂದ, ಬಾಲಿವುಡ್ಡನ್ನು ಬಳಸಿ ಬಂದು ಸ್ಯಾಂಡಲ್‍ವುಡ್ಡನ್ನೂ ಸವರಿ ಹೋಗಿತ್ತು. ನಟಿಯರಿಗೆ ಸಿನಿಮಾಗಳಲ್ಲಿ ಅವಕಾಶ ಕೊಟ್ಟು ಮೆತ್ತಗೆ ಮಂಚ ಹತ್ತಿಸಿಕೊಳ್ಳುವ ಖಯಾಲಿ ಎಲ್ಲ ಚಿತ್ರರಂಗದಲ್ಲಿಯೂ ಇದ್ದೇ ಇದೆ. ಹಾಗೆ ಮಂಚಕ್ಕೆ ಕರೆಯೋ ಕಾಮುಕರ ಮುಖವಾಡ ಕಾಸ್ಟಿಂಗ್ ಕೌಚ್ ಮೂಲಕ ಕಳಚಿಕೊಂಡಿತ್ತು. ಇದೀಗ ಆ ಅಭಿಯಾನಕ್ಕೆ ಮತ್ತೆ ಚಾಲನೆ ಸಿಕ್ಕಂತಿದೆ; ಮರಾಠಿ ಚೆಲುವೆ ತೇಜಸ್ವಿನಿ ತೆರೆದಿಟ್ಟಿರುವ ಒಂದಷ್ಟು ವಿಚಾರಗಳ ಮೂಲಕ!

ತೇಜಸ್ವಿನಿ ಸದ್ಯ ಮರಾಠಿಯಲ್ಲಿ ಒಂದಷ್ಟು ಬೇಡಿಕೆ ಹೊಂದಿರುವ, ನಾಯಕಿಯಾಗಿ ಮೆರೆದಿದ್ದ ನಟಿ. ಈಕೆ 2009ರ ಆಸುಪಾಸಿನಲ್ಲಿ ನಾಯಕಿಯಾಗಿ ಮರಾಠಿ ಚಿತ್ರರಂಗದಲ್ಲಿ ಪ್ರಚಲಿತಕ್ಕೆ ಬರಲಾರಂಭಿಸಿದ್ದಳು. ಆ ಹೊತ್ತಿನಲ್ಲಿ ನಡೆದಿದ್ದ ಕಹಿ ಘಟನೆಯೊಂದನ್ನು ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದಾಳೆ. ಆ ಹೊತ್ತಿನಲ್ಲಿ ತೇಜಸ್ವಿನಿ ಪುಣೆಯ ಅಪಾರ್ಟ್‍ಮೆಂಟ್ ಒಂದರಲ್ಲಿ ಬಾಡಿಗೆಗಿದ್ದಳಂತೆ. ಅದರ ಮಾಲೀಕನಾಗಿದ್ದವನು ಓರ್ವ ಕಾರ್ಪೋರೇಟರ್. ಆತ ಸಿನಿಮಾ ನಿರ್ಮಾಣವನ್ನೂ ಮಾಡುತ್ತಿದ್ದ.

ಆ ಕಾಲಕ್ಕೆ ಒಂದೆರಡು ಸಿನಿಮಾಗಳಲ್ಲಿ ನಟಿಸಿದ್ದ ತೇಜಸ್ವಿನಿಯ ಮೇಲೆ ಆತನ ಕಾಕ ದೃಷ್ಟಿ ಬಿದ್ದಿತ್ತು. ಹಾಗೆ ಒಂದು ದಿನ ತೇಜಸ್ವಿನಿ ಬಾಡಿಗೆ ಕೊಡಲು ಹೋದಾಗ, ಆ ಆಸಾಮಿ ಕೆಟ್ಟದಾಗಿ ನಡೆದುಕೊಂಡಿದ್ದನಂತೆ. ಅದಾಗಲೇ ಹೆಂಡತಿ ಮಕ್ಕಳಿದ್ದ ಆ ಕಲಾಪೋರೇಟರ್, ತನಗೆ ಸಹಕರಿಸಿದರೆ ಬಾಡಿಗೆ ಕೊಡದೆ ರಾಣಿಯಂತಿರಬಹುದು ಅಂದಿದ್ದಲ್ಲದೇ, ಸಿನಿಮಾಗಳಲ್ಲಿ ಅವಕಾಶ ಕೊಡಿಸುವ ಆಮಿಷವನ್ನೂ ಒಡ್ಡಿದ್ದನಂತೆ. ಅದರಿಂದ ಸಿಟ್ಟಿಗೆದ್ದು ಉಗಿದು ವಾಪಾಸಾಗಿದ್ದಾಗಿ ತೇಜಸ್ವಿನಿ ಹೇಳಿಕೊಂಡಿದ್ದಾಳೆ. ಇದರೊಂದಿಗೆ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಮತ್ತೆ ಮುನ್ನೆಲೆಗೆ ಬಂದಂತಾಗಿದೆ.

The post ಮತ್ತೆ ಕಾಸ್ಟಿಂಗ್ ಕೌಚ್ ಸದ್ದು! appeared first on ಶೋಧ ನ್ಯೂಸ್ - Shodha News.